Sexo
A Bíblia trata a sexualidade como um presente de Deus para o contexto do casamento. As Escrituras celebram a intimidade conjugal e orientam sobre pureza e santidade sexual.
A sexualidade no plano de Deus
Desde a criação, Deus projetou a intimidade sexual como expressão de amor entre marido e mulher, abençoando a união conjugal.
Bahi Nnungu nkummumba munu kwa nfano wake. Kwa nfano wake mwene Nnungu ámmumbile nnume na mmahe. Nnungu nkuvabaliki wavahaulila kuchidoni, "Velekana na muyenjejeke, muumbale pachilambo na kuchitawala. Uchocho, muvatawale ahomba va m’bahali, na vyuni viulûka kumahunde na kila chiumbe chivêle na umi chiônga pachilambo."
Njo mana nnume ànneka atatake na anyokwe, nkulundana na n’jawe, na anevo vavili vààva mmili umo.
Yesu nkuvayang’ula kuchidoni, "Dachi, nanga pamusomile Mmalemba Lanaswe kutandikila patandi kuva, ‘Nnungu Nkúumba, ámmumbile munu nnume na mmahe?’ Bahi Nnungu nkutangola kuchidoni, ‘Ing’anya ya anelyo, nnume àmbenneka atatake na anyokwe, koka alundane na n’jawe, na anevo vavili vàmbekuva mmili umo?’ Kupapatana na anelyo, vanang’o akee vavili kavila, henga nni mmili umo. Bahi vavalundanyîje Nnungu, munu anavahapulânye."
A santidade na intimidade
O leito conjugal é honroso. A Bíblia celebra a alegria da intimidade dentro do casamento e orienta o casal ao amor e respeito mútuo.
Ulombi ùlembelewa weshimiwe na vanu vammalele, nnume na mmahe vàlembelewa vakulupike muulombi wavo, kwa kuva, Nnungu àmbevahukumu asabu amalaya na avala valâla ugoni.
Nnume amwing’e n’jawe ulombi, na mmahe nanang’e amwing’e ntwave ulombi. Mmili wa mmahe ukávele wake weka, henga chalumo na ntwave, na mmili wa nnume naunang’o ukávele wake weka, henga chalumo na n’jawe.
Henga vakànahulule kulichunga vene, bahi valombe, kwa kuva nni wasa munu kulomba kuliko kuukuta tama muntima mwake.
Dachi, mwenu mukákameke kuva miili yenu nni dimbandi dya mmili wa Yesu Kilisto? Dachi, mùtenda nahulula kutwala dimbandi dya mmili wanga Kilisto nkudilundanya na kahaba? Mwiko ikáhululika! Dachi, mwenu mukákameke kuva ayula alundâna na kahaba ààva mmili umo na nang’e? Kwa kuva, Malemba Lanaswe làhaula kuva, "Na anevo vavili vàmbekuva mmili umo." Henga ayula alundanîjwe na Nang’olo ààva isungu imo na nang’e.
Pureza sexual
Deus nos chama à santificação e à fuga da imoralidade. O corpo do cristão é templo do Espírito Santo e deve ser tratado com honra.
Vitukute vitendo vya chimalaya! Masambi lanji lammalele lalatenda munu lakáukosela mmili wake, henga ayula atênda umalaya, àukosela mmili wake mwene. Dachi, mukákameke kuva miili yenu nni ing’ande ya Umumu Wanaswe aikâla nkati mwenu umumpwechedile kuhaloka kwa Nnungu? Bahi mwenu mukee mali yenu mmene. Kwa kuva, mùkombolewije kwa galama ing’ulungwa namene. Bahi vino, itumile miili yenu kwa kuntumbyanga Nnungu.
Chitukutuku chalembela Nnungu nni kuva, mwenu mùùve mmanaswe. Bahi linyemyange na umalaya. Kila munu mmwenu àlembelewa amale namuna ya kuuhulula mmili wake kwa hali ya uwanaswe na ya eshima, na akee kwa kulilekelela kutawaliwa na tama dya mmili, malinga vanu vakánkameke Nnungu chivatenda.
Kwa kuva, mwenu nni mmana mma Nnungu, bahi umalaya na kila namuna ya uhakwa na kung’unuka vinapwawe kwenu mwenu.
Hambi nangu nìnnyaulilanga kuva, ambennôla mmahe kwa kunng’unukila, aneyo ànilala nawe ugoni mwisungu mwake.
Bahi tùùve na mihambo yambone ilembelêwa kutendwa muhi, na wala akee kwa kutenda ding’ole dya matendo lahakalenge, na wala akee kwa kukalewa, wala kutenda usalati, wala kulala ugoni, wala kupwatana, wala kuva na wiu.
Vanang’o vàlihaula vene kuva vanu vavêle na lúnda, kumbe mavelu chihi. Badala ya kumwabudu Nnungu avêle na umi ukee na ntululilo, vanang’o nkudiabudu disanamu divedîjwe, dilandâna na munu âhwa, na vyuni na vanyama na vakoko valikululûha.
Bahi ing’anya ya anelyo, Nnungu ánivaleka vadipapate tama dibaya dya mitima yavo na kutendelana mambo la dihoni mmiili yavo, vene kwa vene. Vanang’o nkuleka kuukulupila uhiu umwâmba Nnungu, nkulakulupila mambo la kulambila, nkuviabudu na kuvitumikila vitukutuku viumbwîje kuliko Mwene aviumbîle, alembelêwa kutumbyangwa maduva lammalele! Amina.
Bahi ing’anya ya anelo, Nnungu ánivaleka vadipapate tama dyavo dya dihoni. Ata vakongwe vao navanang’o nkuleka kulalana na valume vao, nkulalana vakongwe kwa vakongwe. Na valume navanang’o uchocho, nkuleka kulalana na vakongwe vao, nkulalana valume kwa valume. Valume nkutendelana matendo la dihoni. Bahi ing’anya ya anelo, vàling’a vene asabu ivalembelewa ing’anya ya vitendo vyao vihakalenge.