Sexo
A Bíblia trata a sexualidade como um presente de Deus para o contexto do casamento. As Escrituras celebram a intimidade conjugal e orientam sobre pureza e santidade sexual.
A sexualidade no plano de Deus
Desde a criação, Deus projetou a intimidade sexual como expressão de amor entre marido e mulher, abençoando a união conjugal.
Ndi Chapanga akamuwumba mundu, kwa luhumu lwaki, avawumbili ngati cheavi mwene, amuwumbili mgosi na mdala.
Chapanga akavamotisa na kuvajovela, "Mvelekayi vana muyonjosekayi, mukaumemesa mulima uvya winu, muzitalalila somba ya munyanja yivaha, hidege vya kunani, na kila chiumbi chechivii na wumi chechigenda pandima."
Ndava yeniyo mgosi yati akumleka dadi waki na nyina waki na yati iwungana na mdala waki, na vene yati vivya higa yimonga.
Yesu akavayangula, "Wu, mwangasoma mu Mayandiku Gamsopi kuvya Chapanga mweawumbili mundu kutumbula kadeni, amuwumbili mundu mgosi na mdala? Kangi akajova, ‘Ndava yeniyo, mgosi yati akumleka dadi waki na nyina waki na kuwungana na mdala waki, ndi voha vavili yati vivya higa yimonga.’ Ndava yeniyo, ndi lepi kavili vavili, nambu higa yimonga. Cheachiwunganishi Chapanga mundu akoto kuchipangulana."
A santidade na intimidade
O leito conjugal é honroso. A Bíblia celebra a alegria da intimidade dentro do casamento e orienta o casal ao amor e respeito mútuo.
Mambu ga kugega mdala giganikiwa kutopeswa na vandu voha, mgosi na mdala vayepa uhakasa, ndava muni Chapanga yati akuvahamula vagoni na vakemi.
Mgosi amuhengelayi mdala waki chayiganikiwa, na mdala amuhengelayi mgosi waki chayiganikiwa. Mdala kawaka uhotola ndava ya higa yaki mwene, nambu avili nawu mgosi waki, mewawa mgosi kawaka uhotola ndava ya higa yaki mwene, nambu mdala waki avili nawu.
Nambu ngati mundu ihotola lepi kujidivalila. Chabwina mundu uyo agega kuliku kuvya na mnogo.
Wu, mmanyi lepi kuvya higa yinu ndi viwungo vya higa ya Kilisitu? Wu, nitola viungu vya Kilisitu niviwunganisayi na viwungu vya mkemi? Pehe! Muni, ngati chaumanyili, mwaiwungana na mkemi vivya higa yimonga, ngati chagijova Mayandiku Gamsopi, "Na vavili yati vivya higa yimonga." Nambu mwajiwungi na Bambu vivya Mpungu umonga na mwene.
Pureza sexual
Deus nos chama à santificação e à fuga da imoralidade. O corpo do cristão é templo do Espírito Santo e deve ser tratado com honra.
Muleka kukita ugoni. Kumbudila Chapanga kungi kwoha kukitiwa kuvala ya higa nambu mkemi akumbudila chapanga ayikitila higa yaki mwene. Wu, mmanyi lepi kuvya higa yinu ndi Nyumba ya Mpungu Msopi mweavimugati yinu, ndi mwemwampokili kuhuma kwa Chapanga? Nyenye, vindu vinu lepi mwavene nambu vindu vya Chapanga. Mwaguliwi kwa mashonga gamahele. Ndi muyihengelai higa yinu kwa kumlumba Chapanga.
Chapanga igana nyenye muvya vamsopi na mkoto kukita ugoni. Kila mgosi iganikiwa amanya kutama bwina na mdala waki kwa usopi na utopesa, na lepi kwa mnogo uhakau ngati vandu vangi vangammanya Chapanga.
Ndava nyenye ndi vandu va Chapanga, hinu ukemi na uhakau wowoha wula na unotanu katu vikoto kuluwuliwa pagati yinu.
Nambu nene nikuvajovela, kila mundu mweakumlolokesa mdala cha kumnogela amali kugona nayu mumtima waki.
Titama bwina ngati vandu vevitama lukumbi lwa muhi. Tileka mselebuko weuvi na matendu gahakau, na kugala na ukemi na uhakau na ngondo na wihu.
"Kotoka kukita ukemi."
"Mundu yeyoha wa Isilaeli iganikiwa lepi kugonekana na mlongo waki wa papipi. Nene ndi Bambu Chapanga. Katu kotoka kumdenyela utopesa dadi waku kwa kukonganeka na nyina waku mweakuveliki. Kotoka kumvevesa, mwene ndi nyina waku. Katu ukotoka kumdenyela utopesa dadi waku kwa kukonganeka na mmonga wa vadala vaki. Muni venavo ndi vanyina zaku. Katu kotoka kugonekana na mlumbu waku wa kuvelekana amala mlumbu weukonganiki kwa mau amala kwa dadi akavya avelikwi munyumba yeniyo amala pandu pangi. Katu kotoka kugonekana na mjukulu waku, mwana wa msongolo waku amala msikana waku, ukakita chenicho ukujidenyela utopesa wamwene. katu kotoka kugonekana na msikana mweavelikwi na nyina waku wa pamuhana mweagegiwi na dadi waku, msikana mweneuyo ndi mlumbu waku. Katu kotoka kugonekana na hongi waku, muni hongi waku ndi mlumbu wa dadi waku wa kuvelekwa. Katu kotoka kugonekana na mlumbu wa nyina waku, ndava mwenuyo ndi mlongo wa papipi wa nyina waku. Katu kotoka kumpela soni dadi waku mvaha amala mdebe kwa kugonekana mdala waki, muni mwenuyo ndi nyina waku. Katu kotoka kugonekana na mdala wa mwana waku, muni mwenuyo ndi mkohanu waku. Katu kotoka kugonekana na mdala wa mhaja waku, muni mwenuyo ndi mlamu waku. Ukagonekana na mdala, katu kotoka kugonekana na msikana waki amala vajukukulu waki. Ndava ukavahangisanayi ukita chindu chihakahu. Katu kotoka kumgega mlumbu wa mdala wako lukumbi mdala waku akona mumi, chenicho yati chileta ngondo."
"Katu kotoka kugonekana na mdala lukumbi avi mumwehi. Katu kotoka kugonekana na mdala wa muyaku, ukakita chenicho yati ukujikita wangayidakiliwa mukufugama. Katu kotoka kumuwusa mwana waku kuvya luteta kwa chapanga Moleki muni kwa kukita chenicho mukulisopa soni lihina la nene Bambu Chapanga waku. Katu kotoka kugonekana na mgosi muyaku ngati mdala. Chapanga iyomeswa neju na lijambu lenilo. Katu kotoka kugonekana na chinyama muni ukoto kujikita uvya wangayidakiliwa, mewa mdala akotoka kujipeleka kwa chinyama ndava agonekana nachu, muni chenicho ndi kuhoka."
Vimeka kuvya vachenjili nambu vayimu. Vileka kumulumba Chapanga mweifwa lepi, na pahali paki vakuhilumba himong’omong’o yeyiwanangana na mundu mweifwa, ngati videge amala hinyama amala vingokoko yeyikwava.
Ndava yeniyo, Chapanga avalekili valandayi mnogo uhakau wa mitima yavi na kukitilana mambu ga soni muhiga zavi. Vakuung’anamusa uchakaka wa Chapanga kuvya udesi, vakuvigundamila na kuvihengela vindu vyeviwumbiwi pahala pa Chapanga, vakumlumba lepi muwumba mwene mweiganikiwa kulumbiwa magono goha gangali mwishu! Ena.
Ndava vikita genago, Chapanga avalekili valandayi mnogo wavi uhakau wa soni. Hati vadala valekili kugona na vagosi ngati cheyiganikiwa pahala paki vinogelana vene kwa vene. Na vagosi mewawa, valekili kugona na vadala ngati cheyiganikiwa, badala yaki vinogelana vene kwa vene. Vagosi kwa vagosi vikitilana mambu ga soni, ndava yeniyo vakujiletela vene kuhamuliwa kwa uhakau wavi wevahengili.