Sexo
A Bíblia trata a sexualidade como um presente de Deus para o contexto do casamento. As Escrituras celebram a intimidade conjugal e orientam sobre pureza e santidade sexual.
A sexualidade no plano de Deus
Desde a criação, Deus projetou a intimidade sexual como expressão de amor entre marido e mulher, abençoando a união conjugal.
Paahi Nlhuku ahomwuupa ntu wo ulhikaana ni mwanene Nlhuku. Eiyo, wo ulhikaana ni mwanene Nlhuku, ahomuupa ntu. Ahoupa nlhopwana ni nthiyana. Nlhuku nkaavahacha ibarakha ni weerelha, "Mwayaraaneke munchererieke, mwacharihe ilhapo ni utawara kila ittu. Kinouvahani ikuru yo utawara ihopa ni ashinuni ni ashinama onkhaye arii velhaponi."
Phi nlhatu etu no nlhopwana waahiya athumwanawe ni anumwanawe, ni ulhutaana ni ahanu awe ni ukhalha iruttu imoka.
Yesu nkaakhulha, "Chani, khannashoma Malhove Matakatifu alhepiye wiira Nlhuku voopilhe awe ilhapo ahomuupa nlhopwana ni nthiyana? Nlhuku nkeera, ‘Wo yoyo nlhatu uyo etu nlhopwana nowaahiya athumwanawe ni anumwanawe, ni ulhutaana ni ahanu awe ni ukhalha iruttu imoka?’ Wo chiichammo etu, yayo kahena attu elhi tho, nansho iruttu imoka. Paahi, chilhutanihiye ni Nlhuku, ntu himwalhaanihe."
A santidade na intimidade
O leito conjugal é honroso. A Bíblia celebra a alegria da intimidade dentro do casamento e orienta o casal ao amor e respeito mútuo.
Nthelhi nithimichiyeke ni attu onkhaye, manyottato ni manyoopani ahinanarihe nthelhi naya, ukhalhawaya Nlhuku noowa waahukumulha attu anopanga ishembwere ni attu o ulhavalhava.
Nlhopwana apangeke chinophwanelhiya upanga wa mahanu awe ni nthiyana uyo apangeke chinothananiya awe upanga wa owannyawe. Nthiyana kharina ikuru vachulhu iruttu awe, nansho owannyawe ahaana ni nlhopwana uyo chiichammo, kharina ikuru vachulhu iruttu awe nansho mahanu awe phirina.
Nansho inakhalhaka chiicho, nlhopwana aahorieke wiichinanelha, paahi etu athelheke ukhalhawaya irii mbaya chinene uthelha kuliko ukelhiya itama.
Chani, khannochuwelha wiira iruttu chinyu phi itturi cho iruttu ya Kuristo? Chani, kikusheke itturi cha Kuristo ni upanga ukhalha itturi cha nthiyana o ulhavalhava? Ata vakani mena! Ukhalhawaya, thoko chinochuwelha inyu, ntu nolhutaana ni nthiyana o ulhavalhava nokhalha iruttu imoka ni uyo thoko chilhepiye aya, "Ni ayo elhi ayo anookhalha iruttu imoka." Nansho ntu lhutaanne ni Athithi nokhalha nnepa mmoka ni ayo.
Pureza sexual
Deus nos chama à santificação e à fuga da imoralidade. O corpo do cristão é templo do Espírito Santo e deve ser tratado com honra.
Nshembeke kabisa iphiro cho muulhuvani. Uwonya ukina wonkhaye khunopangiya mwiiruttuni nansho ulhavalhava unopangiya mwiiruttuni wa ntu mwanene. Ama chani, khanchuwenlhe wiira iruttu chinyu phi Inupa ya Iphumu ya Nlhuku rii nhina mwinyu, mwaapochenre inyu ukhuma wa Nlhuku? Mwaattiva etu, iruttu chinyu khachihiwe nhakhu inyu mwaashinene. Mwaatti mwoopolhiye wo nhakhu mwinchi. Paahi etu, iruttu chinyu chinthimicheke Nlhuku.
Nlhuku nothanana wiira mwaatti mwiikumiheke nkhalheke atakatifu nhilhuve kabisaa. Kila mmoka munlhokoni mwinyu achuwelheke iphiro yo ukhalha ni ahanu awe wo makhalhelho atakatifu o wiithimicha, wo uhikhalha ni nikakata no uhilhoka thoko attu ahinchuwenlhe Nlhuku.
Ukhalhawaya vano mwaatti phi attu a Nlhuku, khavanlhoka wiiwania munlhokoni mwinyu mwaha wo ishembwere ama mwaha wo unanara mena nlhulha wo uttuna chinene nhakhu.
Nansho mii kinouhimeriani, ntu nommweha nthiyana wonthanana, honlhuvana munrimani mwawe.
Nikhalheke rata thoko chinokhalha ihu uthana, nihimenyekhe ni uhapalhiya chittu cho uhilhoka, mena ulhuvalhuva mena waana indewo mena ihache.
"Nhilhuve.
"Ntu riyoothe o Israeli hintongose mmuchi awe wiira anrupane. Mii phi Apwiiya Nlhuku.
"Nhaawonye athumwaninyu wo waarupana anumwaninyu oyanreni. Nhoolhihache muru yayo phi anumwaninyu.
"Nhaawonye athumwaninyu wo urupa ni mmoka o mavasha aya. Yayo manyaanumwaninyu chiicho.
"Nhaarupane arokorinyu, akhalhe arokorinyu o irukulhu imoka ama arokorinyu ayariye ni anumwaninyu akina.
"Mena nhinrupane mwanchulhu inyu, mwaana a mwaamwaninyu mwanlhopwana ama mwanthiyana, ukhalhawaya nnowiichoolhiha muru mwaanene.
"Chiicho, nhinrupane mena mwalhi yariye ni nivasha nikina na athumwaninyu, yoyo mwanrokorinyu.
"Nhaarupane amaati inyu, ukhalhawaya yayo arokoraya athumwaninyu.
"Nhaarupane anumwaninyu olhupalhe ama aakani, ukhalhawaya yayo amuchi a anumwaninyu.
"Nhaarupane mahano aya athumwaninyu olhupalhe ama aakani, yayo anumwaninyu chiicho.
"Nhaarupane mahano o mwaamwaninyu, yayo ahokohi inyu, mahano a mwaamwaninyu. Nhaarupane mena.
"Nhaarupane mahano a nhimainyu ama onninyu, vavawo nnowoolhiha muru ahima inyu ama onninyu.
"Mwarupaka ni nthiyana paahi, mena nhinrupane mwamwanawe ama ashichulhu awe, yayo alhoko amoka. Mwaathakanihaka, nnoowonya.
"Nhaathelhe mavasha mahano inyu ni onnaya ama ahima aya, mena waarupana, mahano inyu anari akumi.
"Nhinrupane mena nthiyana vanoona awe mahuku awe o mweeri.
"Nhaarupane mena mahano a amwaatamana inyu, mwapangaka chiicho, nnowiinanariha mwaanene. Khannorumelhelhiya wo iphiro cho waalhapelha Apwiiya Nlhuku.
"Nhinkumihe mwaamwaninyu riyoothe ukhalha isadaka wa nlhuku Moleki ukhalhawaya upanga chiicho nnooruwaniha nchina naka mii Nlhuku inyu. Mii phi Apwiiya Nlhuku.
"Nhiruparupane mena nlhopwana nkhunaninyu thoko wiira nthiyana. Wowo phi uwonya chinene.
"Mena nhinrupane mwannama nkamweenanariha, nlhopwana ama nthiyana riyoothe mena hipange chiicho, upanga chiicho phi uttteka.
Aneechona ukhalha o irusho, nansho ahophupuwalhacha, ahohiya unthimicha Nlhuku ri nkumi, ni uthimicha isinyago chinoonia thoko ntu nkumi ama ashinuni ama ashinama o mieto micheshe ama anaakooko.
Paahi etu Nlhuku haahiya atware mirima chaya cho uwonya ni upanga chittu cho unanara cho mwiiruttuni mwaya. Ahorukunushacha ikeekhene ya Nlhuku wo woothacha, ni uthimicha ni ukaviha chittu chuupiye ni Nlhuku, wo uhinthimicha Nrata nophwanelhiya utotopelhiya mahuku o uhimalha! Aye!
Ukhalhawaya ahopanga yayo, Nlhuku haahiya atwaretwareke nikakata naya no uhilhoka. Ata manyoopani ahohiya urupa ni manyaalhopwana thoko chuupiye aya ni upangacha chittu chihinophwanelhiya. Ni manyaalhopwana chiicho, ahohiya iphiro chuupiye upangiya nlhopwana ni nthiyana, akelhiyaka ikhwilhu ni uthelhanacha ashineneru. Manyaalhopwana ampangelhana chittu cho wuulhiha muru ashineneru. Paahi etu ahophwanelhiya upochera ntwarusho no iphiro chinowonya aya.