Sexo
A Bíblia trata a sexualidade como um presente de Deus para o contexto do casamento. As Escrituras celebram a intimidade conjugal e orientam sobre pureza e santidade sexual.
A sexualidade no plano de Deus
Desde a criação, Deus projetou a intimidade sexual como expressão de amor entre marido e mulher, abençoando a união conjugal.
तत्यार भगवान माणेह ने आह़फा ना सीका मे घड़्यो, भगवान तीमने आह़फा नात सीका मे घड़्यो; आसम करीन तीहयो अदमी अने बयर ने घड़्यो। अने भगवान तीमने बरकत आप्यो अने तीमने केदो, "फुलो-फालो, अने धरती पोर भराय जावो, अने तीने आपणा हक मे कर लेवो; अने दर्या ना माछला पोर, अने ह़रग ना चड़ा पोर, अने धरती पोर घीहाय्न चालन्या आखा जीव-जन्तु पोर हक राखो।"
एतरे माणेह आह़फा आह्य-बाह ने छोड़ीन आह़फा नी लाडी ह़ाते रेहे, अने तीहया एकीत डील बणीन रेहे।
ईसु केदो, "तमु चोखली सास्तर मे नी भण्या ह़ु, भगवान सुरु गेथोत तीमने एक बयर अने एक अदमी करीन बणायो। अने भगवान केदलो, के आहया कारण सी, अदमी आह़फा ना आय्ह़-बाहा गेथो अलग हय जहे, अने तीनी लाडी ह़ाते रेहे, अने तीहया बे एक डील हय जहे। एतरे हमणे गेथा तीहया बे नी, पण एक डील से: एतरे जीमने भगवान जोड़लो से, तीमने माणहु अलग नी करवा जोवे।"
A santidade na intimidade
O leito conjugal é honroso. A Bíblia celebra a alegria da intimidade dentro do casamento e orienta o casal ao amor e respeito mútuo.
आपणा वचमे वेवा आखी भात्ये ईज्जत सी हयवा जोवे, अने लाडी अने लाडा ने एक-बीजा पोर एदराय नी करवा जोवे, काहाके भगवान छीनाळ्या नो, अने बीजी बयर राखण्या नो नीयाव करहे।
लाडा ने आह़फा नी लाडी नी हेर पुरी करवा जोवे। अने लाडी ने आह़फा ना लाडा नी हेर पुरी करवा जोवे। लाडा ने आह़फा ना डील पोर हक नी हय, पण लाडा ने लाडी ना डील पोर हक से; आहयी रीते लाडा ने बी आह़फा ना डील पोर हक नी हय, पण लाडी ने लाडा ना डील पोर हक से।
पण सवसार कर्या वगर नी रेवाये, ता तीमने वेवा कर लेवा वारु से; काहाके छीनाळु ना हयाळ्ळा बणवा सी वेवा कर लेवा वारु से।
तमारु डील ईसु मसी नो आंग से आहयी वात तमने मालम नी हय ह़ु? ता आहया ईसु ना आंग ने रंडी नो आंग बणाव्वा जोवे ह़ु? कदी नी। जे रंडी ह़ाते छीनाळु करे, तीहया तीनी ह़ाते एक डील बण जाय, आहयी वात तमने नी मालम हय ह़ु? काहाके लीखलु से "तीहया बेम एक डील रेहे।" पण जे बी मालीक ह़ाते आत्मा मे जोड़ाय जाय, तीहयो तीनी ह़ाते एक आत्मा बण जाय।
Pureza sexual
Deus nos chama à santificação e à fuga da imoralidade. O corpo do cristão é templo do Espírito Santo e deve ser tratado com honra.
छीनाळु ना करो। काहाके बीजा जेतरा बी पाप से तीहया आखा डील गेथा बारा हये, पण छीनाळ्यो ते आह़फा डील ना वीरोद मे पाप करे। तमारु डील चोखली आत्मा नो मंदीर से, आहयी वात तमने मालम नी हय ह़ु? आहयी चोखली आत्मा तमु आखा ने भगवान पांह गेथी जड़ली से। काहाके भगवान तमारी जुगु दाम आपीन तमने वेचातो ली लेदलो से, एतरे आह़फा ना डील नी लारे भगवान नी बड़ाय उजन्ती करो।
काहाके भगवान नी आहयी मरजी से के तमु पुरा चोखला बणो अने छीनाळा सी बचीन रेवो। अने तमारी माय्न आखा आह़फा नी लाडी ने चोखलापणा मे अने ईज्जत भेळ लाव्वा जाणे। अने आहयु काम लालच सी नी, अने नी ते तीहया आड़जात्यान तेम जे भगवान ने नी जाणे,
जीसम के चोखला माणहु जुगु वारु से, तेमेत तमारी मे छीनाळु अने काना भाती ना वीटळ्ळा कामु अने लालच नी वात लग नी हयवु जोवे।
पण मे तमने केम, जे कोय कानी बयर भणी तीनी ह़ाते छीनाळु करवा नो वीच्यार करीन देखे, ता तीहयो आह़फा ना मन मे तीनी ह़ाते छीनाळु कर लेदलो से।
जीसम दीहु ह़ोबा देय, तेमेत आपणु ने ह़ुदी चाल चालवा जोवे, नी बेमान्या अने दारकुट्या, नी छीनाळ्या अने नी लुच्चा, अने नी झगड़्या अने नी खीजर्या।
"तु छीनाळु नी करजे।
"तमारी मे कोय बी माणेह भाय-बेटी बयर ह़ाते सवसार नी करे। में यहोवा से। खुद नी आय्ह नु डील, तमारा बाह नु डील से, तीने नी उगाड़जो तीहयी तमारी आय्ह से, आनी लेदे तमु तीनु डील नी उगाड़जो। खुद नी मावसी आय्ह नु बी तमु डील नी उगाड़जो; तीहयु तमारा बाह नु डील से। आह़फा नी बेनेह भले सग्गी हय, नीता ह़ेवतर्याण हय, तीहयी घोर पयदा हयली हय, के बाहर नी पयदा हयली हय, तीनु डील नी उगाड़जो। तमु आह़फा ना सोरा नी सोरी नु नीता सोरी नी सोरी नु डील नी उगाड़जो, तीमनु डील ते तमारु डील से। तमारी ह़ेवतर्याण बेनेह जे तमारा बाह नी लारे पयदा हयी हय, तीहयी तमारी बेनेह से, आनी लेदे तीनु डील नी उगाड़जो। आह़फा नी फोय नु डील नी उगाड़जो; तीहयी तमारा बाह नी बेनेह से। तमारी जीजी नु डील नी उगाड़जो; तीहयी तमारी आय्ह नी बेनेह से। आह़फा ना काका नु नामबद्दी नी करजो, तीनी लाडी ह़ाते सवसार नी करजो; तीहयी तमारी काकी से। आह़फा नी ववेह नु डील नी उगाड़जो; तीहयी तमारा बेटा नी लाडी से, करीन तीनु डील नी उगाड़जो। आह़फा नी भाबी नु डील नी उगाड़जे; तीहयी ते तमारा भाय नुत डील से। कानी बयर अने तीनी सोरी बेम नु डील नी उगाड़जो, अने तीना सोरा नी सोरी नु नीता सोरी नी सोरी ने आह़फा नी बयर करीन तीनु डील नी उगाड़जे, तीहयाणे ते ह़गायती आवे; आसम करवा घणो मोटो पाप से। अने आह़फा नी लाडी नी बेनेह ने बी आह़फा नी लाडी करीन बोहंडड़ नी बणावजे अने पेल्नी बयर ने जीवते तीनु डील ने नी उगाड़जे। जत्यार तक कानी बयर ना मयना आय रेय अने वीटळ्ळी रेय तत्यार तक तीनी ह़ाते डील उगाड़वा नी जजो। आह़फा ना भायुम नी बयर ह़ाते सवसार नी करजो अने नी वीटळ जजो। आह़फा नी अवल्यात मे गेथा कोयने बी मोलेक देवता ना लेदे बादा करीन नी चड़ावजो, अने भगवान ना नाम ने वीटळ्ळु नी ठेरावजो; में यहोवा से। बयर ह़ाते सवसार करे तेम अदमी ह़ाते सवसार नी करजो; तीहयु ते घणु गलत काम से। काना बी जानवर ह़ाते सवसार नी करजो अने नी वीटळजो, अने कोय बी बयर ने जानवर ह़ाते गलत काम नी करवा जोवे आहयी ते गलत वात से।
तीहया खुद ने ग्यान वाळा ह़मजे, पण तीहया गांडा से। अने खत्तम नी हयण्या भगवान नी बड़ाय ने खत्तम हयण्यु माणेह, अने चड़ा, अने जानवरु, अने घीहावा वाळा जन्तु नी मुर्ती नी वेह मे तीहया बदल देदा।
आनी लेदे भगवान तीमने तीमना मन नी हेर ना अनसारे वीटळ मे सोड़ देदो के तीहया आह़फा-आह़फात आपणा डील नी ईज्जत नी करे। काहाके तीहया भगवान नी सच्चाय ने झुट मे बदलीन झुट बणाय देदा, अने तीहया आहयी कळी ने बणावण्या नी उपाह़ अने सेवा नी कर्या जे सदा नो से, पण कळी नी उपाह़ अने सेवा कर्या! आमीन।
आनी लेदे भगवान तीमने ह़ीगी करे एवा ना हक मे सोड़ देदो; आञे लग के तीमना बयरा बी वारला वेहवार ने सोड़ीन गलत तीनी सी जे सोभाव ना वीरोद से, बदल नाख्या। अने अदमी बयरा ह़ाते सवसार करवा रेवा दीन अदमी, अदमी ह़ाते सवसार करवा बाज ज्या। घण-जबर सवसार करवा नी हेर करवा बाज ज्या। अने तीमना चंगला अने वणलाज्या काम नो डंड तीमने जड़ ज्यो।