Sexo
A Bíblia trata a sexualidade como um presente de Deus para o contexto do casamento. As Escrituras celebram a intimidade conjugal e orientam sobre pureza e santidade sexual.
A sexualidade no plano de Deus
Desde a criação, Deus projetou a intimidade sexual como expressão de amor entre marido e mulher, abençoando a união conjugal.
Yesus 'a sangoro, "Tantu ḏua, ngini reni baca toma Boku 'Ofi-'Ofi mangale wakutu Ma Jou’ongu Madutu 'o sidadi manusia, ma mulaingi 'age 'o na-nau’u re we-were’a?! Togumu i’a, Ma Jou’ongu Madutu 'o kanau ra ananga nga muḏiḏi, ‘Sababu gena-ge, na-nau’u 'o sisoi’i tala 'ai ḇaḇa re 'ai ngina, re 'o marimoi tai were’a, kara ananga nga muḏiḏi 'aḏi dadi rimoi.’ Dadi ananga 'aḏi dadi nga muḏiḏi riwara, mada’a raḏi dadi rimoi. Sababu gena-ge, 'oru ga’a Ma Jou’ongu Madutu ra sirimoi, manusia wa sito-tola’a yoḏu’u."
Sababu gena-ge, ngana no masa-sanangi tani were’a masiretene; no disa 'ani 'akala re sinyingara ma sanangi pa’i tani were’a ma dutu ḇato: munanga lai mo rousu, ma tero manjanga were’a ma mosolese. Sieanga i’a, 'Ami lese ma duhu ma rousu 'i si’a’a ngana no pona, sieanga i’a, 'ami dadalara 'i si’a’a ngana no waro gogare riwara.
A santidade na intimidade
O leito conjugal é honroso. A Bíblia celebra a alegria da intimidade dentro do casamento e orienta o casal ao amor e respeito mútuo.
Ngini mo-moini balasu ni silamo’o molo’ara ma 'atoranga: Awa were’a bolo nau’u 'a’a tinikai. Sababu ngowa-ngowa’a ga’a 'aḏi 'a’a su-sudala re tinikai, ḏuanga i’a Ma Jou’ongu Madutu ya’u sihukumu.
Nau’u balasu otu malomu tai were’a, re were’a balasu otu malomu tami nau’u. Ngowa’a ga’a raḏi molo’ara enanga ma duhu balasu so’o gena-ge. Sababu were’a 'ami lese di’a pa’i munanga masiretene ḇato ua, mada’a 'ami lese di’a 'ami nau’u ḏi’i. So’o gena-ge ḏi’i, nau’u 'ai lese di’a pa’i unanga masiretene ḇato ua, mada’a 'ai lese di’a 'ai were’a ḏi’i.
Mada’a na’o ngini nga’unu ua ni manahana ninga nyafusu; lebe bae ni molo’ara. Sababu jobilaha ni molo’ara reo ni molo’ara ua, kara nga’unu ua ni manahana ninga nyafusu.
Ioronongoḏu ngo-ngaku rimoi, ngini ni waro ua mangale ninga lese gena-ge 'i marimoi ra Kristus 'ai lese ḏi’i. Dadi, i’a sa’olo ni sipake di’a ni otu toma we-were’a su-sudala?! Na’o so’o gena-ge, ngini ninga lese ga’a marimoi ra Kristus, ni sirimoi toma we-were’a su-sudala 'ami lese! 'A’a so’o gena-ge awa! Ngini ni waro bolo ua, na’o matengo i’a 'o otu toma we-were’a su-sudala, unanga 'o marimoi rami lese?! Sababu toma Boku 'Ofi-'Ofi 'i silefo so’o ne: "Ananga nga muḏiḏi gena-ge 'aḏi dadi rimoi." Mada’a matengo i’a ga’a 'o marimoi ra Ma Jou Yesus, unanga 'o marimoi ra Ma Jou 'ai Roh ga’a Ma Ngagara 'Ofi-'Ofi.
Pureza sexual
Deus nos chama à santificação e à fuga da imoralidade. O corpo do cristão é templo do Espírito Santo e deve ser tratado com honra.
Ni maki-kiḏanga toma su-sudala! Sababu ḏosa mo-moini ga’a ngene wo 'a’a, pa’i sudala ḇato si’a’a ngene nanga lese 'i baraḏosa tananga lese masiretene. Ngini ni waro bolo ua mangale ninga lese 'i dadi Ma Ngagara 'Ofi-'Ofi ma Wala?! Enanga gena-ge ga’a Ma Jou’ongu Madutu masiretene 'O pula’a ra ngini 'i tegoro taninga lese. Dadi, ninga lese ta ngini ua mada’a ta Unanga, sababu Ma Jou’ongu Madutu ra tuusu re ra fangu di’a ngini. Sababu gena-ge, ngini ni pake ninga lese di’a silamo’o Ma Jou’ongu Madutu.
Ma Jou’ongu Madutu 'ai 'akala ma mau nena-ne: Ngini ninga 'ahu balasu 'ofi-'ofi. Sababu gena-ge, ni sudala awa. Nau’u balasu 'ahu loasa re banari taninga were’a, la ngini ni sisanangi Ma Jou’ongu Madutu 'ai 'akala re manusia manga 'akala re sinyingara ḏi’i. Awa ngini ni mete’e ninga nyafusu ma jira ma tero sa’olo ngowa’a 'aḏi nana’o Ma Jou’ongu Madutu ua.
Ngini Ma Jou’ongu Madutu 'ai 'umata. Sababu gena-ge: Tinikai bolo sudala awa, da-danata awa sababu 'ahu ma duhu so’o gena-ge 'i patasa ua di’a ngini, Unanga 'ai 'umata. Mo-moini gena-ge awa 'age taninga sigolona singadolo toma ngowa-ngowa’a lelegu 'i osama 'akala ua, ninga 'ahu ma duhu so’o gena-ge.
Mada’a Ngoi to siajele ra ngini nena-ne: 'A guna ḇato 'o oḏi’i we-were’a tai 'akala re sinyingara rema nyafusu, unanga gena-ge 'o tinikai toma we-were’a tai 'akala re sinyingara ma dara.
Ninga de’oso re ḏegoro balasu 'i patasa di’a 'orasa wangere: Awa 'a’a laya ngadolo pai-pai’i singadolo ni 'etolo. Awa ni 'a’a su-sudala fara muḏuo i’a, awa ni ruta bolo awa ni telengoro.
<<Awa matengo i’a 'o otu malomu tai ioro re nongoḏu ma we-were’a. Sababu Ngoi nena-ne Ma JOU. Awa ni sipula’a mara’a taninga ḇaḇa sababu otu malomu tai were’a. Munanga gena-ge ninga ngina, awa ngini otu malomu. Awa ni sipula’a mara’a taninga ḇaḇa 'ai we-were’a ma lelegu sababu nimi otu malomu. We-were’a ma lelegu gena-ge ninga ḇaḇa 'ai hak. Awa ni otu ma lomu taninga biḏanga madutu, bolo taninga biḏanga ḇaḇa moi matai ngina ga’a siḏe-ḏegoro i’a tani ḇaḇa ma wala bolo wala lelegu. Awa otu ma lomu taninga danongo we-were’a. Duhu so’o gena-ge 'i sipula’a mara’a taninga ngitu re ngale. Awa ni otu ma lomu taninga biḏanga ngini ḇaḇa moi mada’a matai ngina ga’a ramasa mamete’e ra ngini ninga ḇaḇa 'ai wala, sababu munanga ḏi’i ninga biḏanga. Awa ni otu ma lomu taninga ḇaḇa 'ai biḏanga sababu munanga ḇaḇa 'ai ioro re nongoḏu. Awa otu ma lomu taninga ngina mi nongoḏu sababu munanga ngina 'ami nongoḏu. Awa ni sipula’a mara’a taninga ḇaḇa 'ai ioro bolo nongoḏu ma were’a sababu nimi dongotu. Munanga ninga tante madutu ḏi’i. Awa ni otu malomu taninga dunungu, munanga ninga ngowa’a nau’u ma were’a, awa nimi otu malomu. Awa ni otu malomu taninga iḏanga 'ai were’a. sababu gena-ge ni sipula’a mara’a taninga iḏanga. Na’o ngini ni otu ma lomu toma we-were’a matengo, awa ni otu malomu ḏi’i tami ngowa’a were’a, bolo tami ngowa’a nau’u 'ai danongo ma were’a bolo tami ngowa’a were’a 'ami danongo ma were’a. Ananga gena-ge ioro re nongoḏu sabi moi re ga’a ma tero gena-ge emo-emono madutu ra Ngoi 'ari momina. Awa ni molo’ara ḏi’i ninga were’a 'ami biḏanga na’o ninga were’a masiretene mo 'ahu-'ahu moju, sababu ananga ngamu ḏiḏi 'aḏi ma’u lawana taunu.
Awa ni otu malomu toma we-were’a ga’a 'ami 'orasa mo maoḏi’i, sababu munanga 'orasa gena-ge mo najis ra Ma JOU 'ai momina. Awa ni otu malomu reo ngowa’a lelegu manga were’a. Duhu so’o gena-ge si’a’a ngini ni dadi najis. Awa ni sidoa’a ninga ngowa’a matengo i’a sa’olo ninga jou-jou toma jou’ongu ma somoara ga’a si’aro’o Molokh. Sababu ninga ga’a gena-ge 'i sipa-pake ua Ma Jou’ongu Madutu ga’a ngini ni silamo’o re siḏubuso: Sababu Ngoi nena-ne Ma JOU. Awa ni otu malomu rema na-nau’u ma tero sa’olo rema we-were’a sababu ga’a gena-ge ma emo-emono ra Ngoi 'ari momina. Re awa ni be-bere haiwani 'oru ḇato sababu ninga ga’a gena-ge 'i si’a’a ngini ni dadi najis. So’o gena-ge ḏi’i, awa we-were’a haiwani mi be-bere; ga’a gena-ge ma emo-emono madutu ra Ngoi 'ari momina.
Kalaha ananga gena-ge 'aḏi magoro ino 'aḏi pahe, momongolo ua 'aḏi haga! Ananga 'aḏi oḏu’u silamo’o re siḏubuso Ma Jou’ongu Madutu ga’a 'ahu kasingado-ngadolo i’a. Siḏibo ḏi’i ananga gena-ge 'aḏi silamo’o re siḏubuso jou’ongu ma somoara ga’a 'i matuhu sa’olo manusia ga’a 'i sengene nyengara, re 'aḏi silamo’o re siḏubuso jou’ongu ma somoara ga’a 'i matuhu sa’olo namo toma diwanga, haiwani ma rou rata, re haiwani tare-tare toma tana’a ma re’u.
Sababu gena-ge, Ma Jou’ongu Madutu 'o sieanga i’a ananga, la manga 'akala re sinyingara ma nyafusu 'i kuasa ananga, di’a si’a’a 'ori i’a ma jira singadolo 'aḏi madaga’a 'ori i’a ma faja matengo re matengo. Ananga gena-ge 'aḏi dawongo ua do-doto’o banari mangale Ma Jou’ongu Madutu, mada’a 'aḏi ngaku do-doto’o banari ua; dadi ananga 'aḏi silamo’o re siḏubuso re 'aḏi de-de’oso Ma Jou’ongu Madutu 'ai do-dadi. Mada’a Unanga gena-ge, 'O do-dadi ma cimi, ananga ya silamo’o re siḏubuso ua re ya de-de’oso ua! Unanga gena-ge ga’a 'o patasa di’a sanga puji re silamo’o kasingado-ngadolo i’a. 'Amin.
Sababu manusia manga ga’a so’o gena, Ma Jou’ongu Madutu 'o sieanga i’a ananga di’a mete’e manga nyafusu ma jira. Dadi we-were’a manga 'akala ma nyafusu riwara toma na-nau’u sa’olo biasa di’a manusia, mada’a manga 'akala ma nyafusu toma we-were’a lelegu. So’o gena ḏi’i, na-nau’u manga 'akala ma nyafusu riwara toma we-were’a sa’olo biasa di’a manusia. Mada’a ananga gena-ge manga 'akala ma nyafusu pa’i toma na-nau’u lelegu ḇato. Na-nau’u 'aḏi madaga’a 'ori i’a reo na-nau’u lelegu ga’a 'i pula’a mara’a ananga, singadolo 'aḏi sanga enanga ma balasa mete’e manga ga’a ma jira.