Sexo
A Bíblia trata a sexualidade como um presente de Deus para o contexto do casamento. As Escrituras celebram a intimidade conjugal e orientam sobre pureza e santidade sexual.
A sexualidade no plano de Deus
Desde a criação, Deus projetou a intimidade sexual como expressão de amor entre marido e mulher, abençoando a união conjugal.
Dan le ladügünbalin Bungiu wügüri, lenege guánarügü ladügei, adüga lumuti wügüri adüga würi, aba labiniruniña lau dimurei le:
—Garahüñügua humá saragu, buíngüda huméi ubóu hau hirahüñü ani gumadi huméi, gumadi humañame úduraü hama dunuru hama sun animaalugu ha aduruuharügübaña múarugu.
Ligía lígirubei lubéi wügüri lúguchi tuma lúguchu, lun laganóun tuma lúmari, ábame hayabin lun ítara haba lan kei ábanrügü gürigia.
Aba lóunabun Hesusu, lariñaga houn:
—Maliihangidün san tidan Lererun Bungiu luagu lúmagiñe lan furumiñeti dan, dan le ladügünbaliña Bungiu gürigia, adüga lani wügüri, adüga würi? Ariñagati giñe: "Ligía lígirubei lubéi wügüri lúguchi tuma lúguchu lun laganóuniwa tuma lúmari, ábame herederun kei ábanrügü gürigia". Mámaaña lubeiti biama, ábanrügaaña. Ligía moun lubéi lafanreinraguni wügüri le ladunraguagüdübei Bungiu.
Gundaabá lubeiti tuma búmari,
gundaabá tuma to úmaboun bamarieida danbei nibureingidibu;
magadiñetu ani wende tugía kei aban usari.
Hóuburatabu lau tínsiñehabu.
Gundaaguagüdatabu lau tuenden.
A santidade na intimidade
O leito conjugal é honroso. A Bíblia celebra a alegria da intimidade dentro do casamento e orienta o casal ao amor e respeito mútuo.
Inebelá maríei hun súngubei, lunti giñe hagunfulirun úmarigu hámagua lau úarani; lugundun laguseragüdübaña giñe Bungiu ha agamaridubaña mamarieidunga hama ha agabarahabaña.
Lunti lagunfulirun wügüri tuma lúmari keisi úmari, lunti giñe tagunfulirun würi luma túmari keisi úmari. Mama würi laburemeboun túgubu guánarügü, túmari laburemebei. Mama giñe wügüri laburemebei lúgubu guánarügü, lúmari laburemebei.
gama lumoun anhein siñá lubéi hágüdaagun houngua, maríei hamá, ladüga buítimati hamarieidun sügǘ lau hágudun lau ayumahani.
Ma funagia ábanmeme Bungiu adügübalin úgubu luma sífiri? Kati lagurabubei Bungiu, ma isaanigu ha deregeguatiña houngua lun? Góunigigua humá lubeiti hungua luéi hani sífiri, gúnfuli huméi dimurei le híchugubei tun húmari!
Ibidiñeti san hun luagu líbiri lan lúgubu Kristu huguya? Nanügeimeti líbiri lúgubu Kristu lun nadügüni líbirime túgubu aban horu? Madügün nubéi! Odi ibidiñeti hun luagu dan lan lóundarun aban wügüri tumoun aban horu, biángubei hagía ñǘbuintiña lun ítara haba lan kei ábanmeme úgubu? Tariñahare Lererun Bungiu: «Hayabinba biángubei lun ítara hamá kei ábanrügü gürigia». Gama lumoun le óundaruti lumoun Kristu, aba ábanmeme lan sífiri luma.
Pureza sexual
Deus nos chama à santificação e à fuga da imoralidade. O corpo do cristão é templo do Espírito Santo e deve ser tratado com honra.
Anuraha humá lubeiti luéi ahoruhani. Furumiñeguarügü amu figóu le hadüga gürigia, bóugudi luéi hágubu ladüga damichi; ánhaña ha ederegeragutiña houngua lun ahoruhani, hadügüña figóu luagu hágubu guánarügü. Ibidiñeti funagia hun luagu luban lan Sífiri Sandu wágubu, le líchugubei Bungiu woun lun laganóun wadan? Mama wagía laburiñabei wágubu; Bungiu laburemebei. Agañeiha lumutiwa Bungiu seru lun lánigu wamá. Ligía lunti lubéi wíchugun uéiriguni lun Bungiu lau wágubu.
Le labusenrúbei Bungiu, lun sándubadün lan; lun ua lan ni aban agamariduti mamarieidunga, lun lasubudiruni kada aban ida luba lan lagumadiruni lúgubu guánarügü lidan sánduni luma inebesei, mama lau luriban ayumahani kei hadügüni gürigia ha ibidiñehabúbaña lun Bungiu.
Kei lánigu humá Bungiu, moun lumuti ni lun hadimurehan luagu salufuri, ni amu luwuyeri iwiyei, ni igaaduaü.
Au nariñahare hun luagu furumiñeguarügü lan le awamadirutu aban würi, agabarahaali tuma tidan lanigi.
Éibuga wamá keisi lubudubu. Mabagarida wamá lidan bacharuaü, luma burí lanarime fedu, ni lidan salufuri luma iwiyei, ni lidan gáganiguaü luma gimugaü.
Magamaridabá würi to maríeitu luma amu wügüri.
—Moun lumuti lagamaridunu aban wügüri würi to hádangiñetu liduheñu. Au Aburemeibei.
—Mǘnabudaguagüdabei búguchi lau bagamaridunu búguchu; ladüga tuguya búguchuboun ani moun lumuti badügüni.
—Mǘnabudaguagüdabei búguchi lau bagamaridunu lúmari.
—Magamaridaboun bitu. Gayaraati bitu lan luéigiñe búguchi o tuéigiñe lan búguchu; húbiñe lan yebe tágurahoua o bóugudi lan tuéi huban, moun lumuti bagamaridunu.
—Mǘnabudaguagüdabá bungua lau bagamaridunu bibari to liráü biráü o tiráü lan biráü, moun lumuti bagamaridunu.
—Magamaridaboun tiráü lúmari búguchi, liráü búguchi tura, ani bitu, moun lumuti bagamaridunu.
—Magamaridaboun litu búguchi, ladüga ábanmeme mutu luma búguchi.
—Magamaridaboun tíbugaña o tamulelua búguchu lugundun ábanmeme gürigia tuguya tuma búguchu.
—Mǘnabudaguagüdabei biyaurite lau bagamaridunu lúmari, lugundun bóufuri tuguya.
—Magamaridaboun bídiñu, lugundun lúmari biráü tuguya, moun lumuti bagamaridunu.
—Mǘnabudaguagüdabei bíbugaña o bamulen lau bagamaridunu lúmari.
—Magamaridaboun aban würi tau sun tiráü, magamaridunbounme giñe tibari luéigiñe tiráü o tuéigiñe lan tiráü. Wíyeti igaburi lira, lugundun ábanmeme gürigia hagía.
—Manügabóun tíbugaña o tamulelua búmari búmarime, magamaridunbounme sun wínwangiru lan búmari luéi hagaganiragun hámagua.
—Magamaridabá würi dan le lauñoun lan tidaani.
—Marounrabá tuma lúmari amu gürigia, magamaridunbounme luéi bawiyedun lau katei ligía.
—Mederegerabá ni aban hádangiñe birahüñü keisi idewesei lun Moloku. Manabaguabéi liri Bubungiute ítara. Au Aburemeibei.
—Magamaridabá aban wügüri kamá hamuga aban würi, wíyeti katei lira.
—Magamaridabá aban animaalu luéi bawiyedun lau lira. Moun lumuti giñe tíchaagun würi tungua lun lagamaridunu aban animaalu. Wíyeti katei lira.
Lau sun ariñaga hamá luagu chu lan hau, ibidiouguati hau; lubaragiñe háhuduragun lun Bungiu le wéirigubei, le móunwedadibei, háhuduraguarüga houn hayawa gürigia ha góunwedaditiña, luma giñe houn hayawa dunuru, animaalugu aduruuharügütiña múarugu hama animaalugu ha gádürügua tugudi.
Ligía ígira laaña lubéi Bungiu lau luriban igaburi le gádanbaliña, darí lun burí hadügün katei burí nibusigarídünati hámagua. Sansi hamaali linarün Bungiu luagu iyeeni; lau háhuduragun lun burí katei le ladügübei, lubaragiñe hamuga lun lan le adügübalin katei ligía háhuduragua, le gadünabei inebesei lun súnwandan. Ítarala.
Ligía ígira laaña lubéi Bungiu lun hadaagun katei nibusigarídünati; íbini würiña adaaguatiña katei burí hama würiña háledigu lubaragiñe hamuga hagamaridun wügüri keisi lubudubu. Ítarameme giñe ígira hamaali wügüriña hayusurun würiña lun hayusuragun houngua. Adaaguatiña wügüriña katei burí nibusigarídünati hámagua, ábati hasufuriruni lafayeiruaha hafigoun hawougua.