Sofrimento

28 Bɛ eezɛsɔ nyɛ ekaad nyɛ nabɔt ɛ, bhii tak bɛ eezɛbét nyɛ ndjookuwa na tɔɔbelaa. 29 Tin, bɛ eezɛnɔɔ kel mɛgɔk, pyeed nyɛ kɔtɔ mɛkoozi nɛ yɛ. Wɔ gwaa, bɛ sɔm nyɛ yɛ ɛ é lo, bɛ eezɛsɛk nyɛ mɔɔ le ghwaazok é mbɔ eghɛŋ bɛ. Bhii tak, bɛ eezɛkwyit mɛboŋ sok bhwoob’ɛ, bɛ moo tin eduk nyɛ. Bɔɔ nɛ nɛ náá: «Bis eeswos wɔ, mɛkoozi mɛ eYuda!»

21 Yɛ ɛ́ étɛp mezuk ɛ, Zɛɛb nasɛ́ɛ bin, etɛɛ náá, Klisto nyɛy ɛmet nazuk ɛ́ étɛp’en. Nyɛ naalik bin geka étɛp bi needu yɛ:

10 Sa djas mɛ di ekwyɛl ɛ, yɛ ɛ́ náá, mɛ gu Klisto, dɔɔ nɛ mɛbwala mɛ ɛgom ɛ lɛ bhis ɛsyee, yɛ ɛ́ náá, mɛ zuk dáa nyɛy, da mɛ ɛ́ gwyɛ dáa nyɛy.

3 Ɛbaanyɔ náá, mena baamyaalaka é sok mena dika tɔ mezuk ɛ, etɛɛ náá, mena nɛ guka náá, mezuk nɛ sa náá, mena dika nɛ ɛmaad ɛ lyem. 4 Ɛmaad ɛ lyem nɛ sa náá, mena dika nɛ ghwyil ɛpyet tɔ mɛbhowal nɛ zii, da ghwyil ɛpyet tɔ mɛbhowal ɛsa náá, mena dika nɛ ɛbwaalel.

Duma di ezyɛ ɛ

18 Mɛ bee ɛ́ ɛkɛɛ, duma Zɛɛb aalyaal mena djɛmɛn ɛ, eedhaa mezuk mɛ mena di ezukeka mos’aak nɛ mɛtaŋ.

17 Deenek, bɔɔ mezuk mɛ bis di emaad é ba mɔɔ ɛwala ɛlak’aak aabodi ɛ́ si. Bis ɛ́ waabela boo duma kɔ ɛsu ɛ mezuk mɛ tak. Duma tak aadi ɛ́ kɔm-kɔm sii nɛ kɔm. É ghɛŋ bis di etaala duma bot aabela ɛ, mezuk menek tok dhiiti vaŋ sonok.

5 Dáa mena di ezukeka ɛbuɛpe tyee wat nɛ dáa Klisto nazuk ɛ, deenek, Klisto ɛ́ waadjɛka mena mɛghaaz mɛ.

29 Etɛɛ náá, Zɛɛb naadjɛ bin mbɛɛ bhwoob ɛsa mɛsa ɛ Klisto, ààkabɛ náá, ee zosikɛ é ɛdum ɛ koŋ nɛ ɛdum ɛ koŋ nɛ nɛ, yɛ ɛ́ pe ɛ́ étɛp ɛdi tɔ mezuk kɔ ɛsu ɛ lɛ.

Tsik na bes sama nɛ Zɛɛb

1 Dáa ye di náá, Klisto naazuk tɔ epuud ɛ, ye nyɔ ɛ́ bi ɛmaad elyem, etɛɛ náá, biyɔ pe, bi ɛ́ waaboma nɛ mezuk. Etɛɛ náá, mot di náá, nyɛ naazebee mezuk tɔ epuud ɔ, nyɛ eezekat ɛsa esyem.

Pɔl ɛpebulal bhɔɔ nɛ Zɛɛb

3 Djhooduwalka Zɛɛb, Sɛɛg ɛ Ghɛŋ’enaka Yezu Klisto. Nyɛ ɛ́ Sɛɛg’enaka mot di nɛ ghoŋ nɛ bot ɔ. Nyɛ ɛ́ Zɛɛb mot di edjɛ bot mɛghaaz sok membi mɛ etɛp djas ɔ. 4 Nyɛ nɛ djɛ mena mɛghaaz tɔ membi mɛ mezuk djas, etɛɛ náá, mena needjɛka pe bɛdhiiti bot ɛ di tɔ mezuk ɔ mɛghaaz. Yɛ bɛ náá, mena ɛ́ nɛ mɛghaaz mɛ ɛsa deenek ɔɔ, yɛ ɛ́, etɛɛ náá, Zɛɛb ɛ nanyɛl ɛdjɛ bis mɛghaaz mɛ tak sok.

2 Kwyeelka pak’en, da bi ɛ́ bebɛpel mɛkɔm mɛ etɛp bin. Deenek ɛ, bi aakɛ dáa etsi e Klisto di elɛɛ ɛ.

10 Tin, mezuk men ɛ́, yii ba mɔɔ ɛwala batsa. Deenek, Zɛɛb mot di nɛ enɛm nɛ embɛɛ ɔ, nyɛy mot naadjóo bin étɛp bi neebe di tɔ duma yɛ na kɔm-kɔm sama wat nɛ Yezu Klisto ɔ, nyɛ waanɛɛg bin bɛsosoob, nɛ ghwyil ɛpyet. Tin, mot aanàkwaakabaakwyesal bin tɔ mɛbhowal.

14 Tin, yɛ bɛ náá dhiiti dwoo bi ɛpezuk, étɛp enɛm esa ee bi nadi esa ɔɔ, yɛ ɛ́ tin ɛ mɛvu étɛp’en. É di’enek, sa bi ààdi nɛ bwoo nɛ bot, sa bi ààdi zɛm-zɛm✝.

38 Mot ɛ di ààbɛp mɛlaaba mɛ, da nyɛ ɛ́ du mɛ ɔɔ, mot tak ààkɔa nɛ nam.

39 Mot aakwyɛl ɛkwyɛɛg tsik’ɛ dhaa mɛ ɔɔ, nyɛ waasu tsik’ɛ. Mot aakakwyɛl ɛsu tsik’ɛ étɛp ɛdu ɛ mɛ ɔɔ, nyɛ waabela tsik.»

23 Mot ekum tak nadi ezuk ɛbuɛpe tɔ dɛl ɛ edim e bot ɛ nazegwyɛ ɔ. Nyɛ ɛ́ boozɛben mis, nyɛ kabee nɛ ɛtseta ɛ́, Abalaam zɛnɔɔ Lazaad é bhaaz’ɛ. 24 Bhii tak, nyɛ eezɛbo tsim: "Saagam Abalaam! Geka mɛ ghoŋ. Lwoma Lazaad, nyɛ duu djin tɔ mɛdii, da nyɛ ɛ́ zɛtɔlal mɛ ɛtɔ ɛ tak kɔ djem. Etɛɛ náá, mɛ ɛpezuk ɛbuɛpe nɛ mɛgoo mɛ du’ak."

35 Ɛzɛ di nɛ ghwyil ɛbɛk mena nɛ kwyɛl ɛ Klisto? Yɛ ɛ́ nɛ ghwyil ɛdi mezuk é, kɛŋ é, mɛtiiga, za, eduuba é, embee etɛp é, nɛghu ɛsyee?

3 Deenek, mɛ ɛ́ nɛ ghwyil ɛnɔɔ ekum bam djas, djɛ nɛ bɛdjel ɛ bot, nɛghu ɛnɔɔ nyel’am, ka yɛ buwa étɛp ye needikaa. Tin, mɛ di ààbɛ nɛ kwyɛl nɛ bot ɔɔ, etɛp binek djas ɛ́ toto.

22 Tin, ye bɛ ɛ́, Zɛɛb eebaal mɛ kɛkum dwoo mos, yɛ ɛ́ étɛp tak ɛ mɛ baadi mos, étɛp mɛ neetaŋal yam é mis mɛ bot djas, nɛ bɔɔ dhyeeb nɛ eboo bot. Ye tok nɛ dhiiti sonok mɛ baadi elɛɛ, bhis yii Moiiz nɛ bɛngoolel ɛ Mɛkpa ɛ Zɛɛb nalɛɛ náá, yɛ waasael ɛ. 23 Yɛ ɛ́ náá, Mɛsia ɛ́ waazuk, nyɛ aadi ɛ́ mot mɛkɛn é ɛgom bhis ɛsyee. Deenek, nyɛ waagoola bhaadal gwyɛ di edjɛ tsik nɛ bot ɛ mbyak’ena, dɔɔ nɛ bot ɛ membyak mɛ sis ɛ.»

14 Saka mɛghaaz mɛ ɛdi ɛ́ tɔ egwyem nɛ bot djas, nɛ ɛdi ɛ́ tɔ tsik na dɛɛ ɛ. Etɛɛ náá, yɛ di ààbɛ deenek ɔɔ, ye tok nɛ mot ngɔt aabee Ghɛŋ.