3 እ አሳን ካቴዳነ እጸቴዳ፤ እ ሀርግያፐነ መቱዋፐ ሻከት ኤረና ካዮትያ አሳ ግዴዳ። እ አሳይ አ በአናፐ ጊደ፥ ባረ ሶምኡዋ ዎራ ዛርያ አሳዳን ካቴዳ፤ ኑንካ አ ቦንችበይኮ።

4 እ ቱሙ ኑ ሀርግያ ባረዉ አኬዳ፤✝ ቃይ ኑ ካዩዋካ ቶኬዳ። ሽን አ ጋኬዳ መቱ፥ ደሸይነ ዋዪ ጾሳፐ አዉ ዬዳዋ ጊደ ኑን ቆፔዶ።

28 አ ማዩዋ ቃር አኪደ፥ ዞኦ ማዩዋ አ ማይዜድኖ። 29 ቃይ አጉን ካላቻ ጊግሲደ፥ አ ሁጲያን ዎድኖ፤ አ ኡሸቻ ኩሽያን ማቃ ጻምኣ ኦይደ፥ አ ስንን ጉልባቲደ፥ "አይሁዳቱዋ ካተዉ፥ ሳሮ ደአይ!" ያጊደ፥ አ ቦላ ቅሊጬድኖ።

21 ጾሳይ ህንተና ጼሴዳዌ ሄዋ ድራሳ፤ አያዉ ጎፐ፥ ክርስቶስ ህንተንቶ ዋየቴ፤ ህንተ አ ቃታማ ካላና ማላ፥ ህንተንቶ ሌምሱዋ ግዴዳ።

10,11 ታን ክርስቶሳነ አ ደንዱዋ ዎልቃ ኤራናዉ ኮያይ፤ ያታደ ታን ታ ሁጰዉ ሀይቁዋፐ ደንዳና ያግያዋን፥ አ ዋይያ አናና ዋየታናዉነ አ ሀይቁዋን አ ማላታናዉ አሞታይ።

3,4 ሄዋ ጻላላ ግደና፤ ኑን ኑ ዋይያንካ ናሸቴቶ፤ አያዉ ጎፐ፥ ዋይያፐ ዳንዳያይ፥ ቃይ ዳንዳያፐ ፓጭያን ምንያዌ፥ ፓጭያን ምኖታፐ ህዶታይ ይያዋ ኑን ኤሬቶ።

18 አያዉ ጎፐ፥ ኑን ሀእ ዋየትያ ዋይያ ኑዉ ስንፐ ቆንጫና ቦንቹዋና ጋናዉ፥ ኡባካ ዳንዳየተና ጋደ ታን ቆፓይ።

17 አያዉ ጎፐ፥ ሀእዉ ዋየትያ ሀ ጉ ዋዪ፥ ኡባፐ ሎይ ዳርያ መና ቦንቹዋ ኑዉ ቤትሳና።

5 አያዉ ጎፐ፥ ኑን ክርስቶሳ ባጋና ዳሮ ዋይያ ዋየትያዋዳን፥ ሄዋዳንካ፥ ቃይ ኑና አ ባጋና ዳሮ መንዋን መን።

29 አያዉ ጎፐ፥ ክርስቶሳዉ ኦያ ካጫይ ህንተና ጋኬዳዌ ህንተንቱ አን አማናና ጻላላሳ ግደናን አ ድራዉ ዋይያካ አካናሳ።

1 ሄዋ ድራዉ፥ ክርስቶስ ባረ አሹዋን ኑዉ ዋየቴዳ ድራዉ፥ ህንተካ ሄ ቆፋን ዳንጨትተ። አያዉ ጎፐ፥ ባረ አሹዋን ዋየቴዳ ኡራይ ናጋራ ኦያዋ አጌዳ።

3 ጾሳ ኑ ጎዳ የሱስ ክርስቶሳ አዉዋ፥ ማሮተ አዉዋነ መንዋ ኡባ ጾሳ ጋላታይ ጋኮ፤ 4 ጾሳይ ኑና ኑ ሁጰዉ መንዳ መንዋዳን፥ ዳሮ ዋይያ ዋየትያዋንታ ኑንካ መንናዳን፥ ኑ ዋይያ ኡባን እ ኑና መን።

2 እቱ እቱዋ ቶኩዋ ቶክተ፤ ሄዋ ኦያዋን ክርስቶሳ ህገዉ አዛዘቲታ።

19 ጽሎ አሳ መቱ ዳራ፤

ሽን መና ጎዳይ አ ሄ ኡባፐ አሼ።

10 አ ኬካተ ኡባ ጾሳይ፥ ባረ መና ቦንቾ ክርስቶስ የሱሳ ባጋና ህንተና ጼሴዳዌ፥ አማሬዳ ዎድያ ህንተ ዋየቴዳዋፐ ጉይያን፥ እ ባረ ሁጰዉ ህንተና ሽር ኦራናነ ምንሳና። ቃይ እ ህንተና ማዳናነ ባስ ኤሳና።

14 ሽን ሀራይ አቶ፥ ጽሎተ ድራዉ ህንተ ዋየቶፐካ፥ አንጀቴዳዋንታ። አሳዉ ያዮፕተነ ህርጎፕተ።✝

20 ሄዋፐ ጉይያን፥ ኢዮብ ደንዲደ፥ ካዮ ባረ ማዩዋ ፔደ፤ ባረ ሁጲያካ ሜደቴዳ። ቢታን ጉፋኒደ ጾሳዉ ጎይኒደ፥ 21 ሀዋዳን ያጌዳ፤

"ታን ታ አት ኡሉዋፐ ካሎ የለታድ፤

ሀይቂያ ዎደካ ታን አካደ ብያባይ ባዋ።

መና ጎዳይ እሜዳ፤

መና ጎዳይ ዛሪደ አኬዳ።

መና ጎዳ ሱንይ ጋላተቶ" ያጌዳ።

17 "ጾሳይ ሴርያ ኡራይ አንጀቴዳዋ፤ ሄዋ ድራዉ፥ ኡባ ዳንዳይያ ጾሳ ሴራ ካፓ።✝

38 ባረ ማስቃልያ ቶኪደ፥ ታ ጌዱዋ ካለናዌ ታዋ ግዳናዉ በሰና።

39 ባረ ሸምፑዋ አሽያዌ ባይዛናዋ፤ ሽን ታ ድራዉ ባረ ሸምፑዋ ባይዝያዌ አሻናዋ።

23 ስኦልያን ዳሮ ሴለቲደ ደእሽን፥ ቁ ጊደ ሃኩዋን አልኣዛራ፥ አብራሃሞ ባጋን ደእያዋ በኤዳ።

24 "እካ ባረ ኮሻ ቁ ኦደ፥ ‘አብራሃሞ፥ ታ አቦ፥ ታዉ ቃረታ። ሀ ታማ ሴላን መቶታ ደእያ ድራዉ፥ አልኣዛር ባረ ብራያ ጼራ ሃን ቦቺደ፥ ታ እንጻርሳ እርጽሳናዳን ሀያና ታኮ ኪታርኪ’ ያጌዳ።

3 እ ኔና ዝቂ ኦዳነ ኮሻይሴዳ፤ ሄዋፐ ስሚደ ኔና ግድና፥ ዎይ ነ ማይዛ አዎቱዋ ግድናካ፥ ኤረና ማና ኔና ምዜዳ። ሄዋ እ ኦዳዌ አሳይ መና ጎዳይ ሃሳይያ ቃላ ኡባናፐ አትና፥ ኡክ ጻላላን ደኤናዋ ኔና ታማርሳናሳ።✝

35 ስም ኑና ክርስቶሳ ሲቁዋፐ ሻካናዌ ኦኔ? ዋዪ ዎይ መቱ ዎይ የደርሱ ዎይ ኮሻይ ዎይ ካሉ ዎይ ያሻይ ዎይ ኦላይ ኑና ሻካኔ?

3 ታዉ ደእያዋ ኡባ ህዬሳቱዋ ምዛናዉ እምንቶካ ሀራይ አቶ፥ ታ ቦላ ታማን ጉዳናዉ አ እምንቶካ ሲቁ ዮፐ፥ ታና አይነ ማደና።

22,23 ሄዋ ድራዉ፥ ታን ጾሳ ማዱዋ አካደ፥ ዳሮነ ጉዉ ሀቼ ጋካናዉካ ኤቃደ ማርካታይ። ናባቱነ ሙሴ፥ ‘ክርስቶስ መቶታናዉ በሴ፤ ቃይ ሀይቁዋፐ ኮይሮ ደንዲደ፥ አይሁዳቶነ አይሁዳ ግደናዋንቶ አቶተ ፖኡዋ ኦዳናዉ በሴ’ ጌዳዋዳን፥ ታንካ ኡንቱንቱ ሃሳዬዳዋፐ ሀራ እትባነ ሃሳዬዳባይ ባዋ" ያጌዳ።✝

14 አሳ ኡባና ሳሮ ደአናዉ ምንተ፤ ቃይ ጌሻ ደኡዋ ደእተ። አያዉ ጎፐ፥ ጌሻተይ ባይናን ኦንነ ጎዳ በአናዉ ዳንዳየና።