28 ओइने हुँकार लुग्गा खोलके हुँकिन्हे लाल लुग्गा घलादेलाँ। 29 ओइने काँटक मुकुट गुँथके हुँकार मुन्टामे घलादेलाँ। और हुँकार दाहिन हाँथेम गौलरके लट्ठी देलाँ। और हुँकार आघे ठेहुनी टेकके असिक कती हुँकिन्हे खिझ्वैलाँ, "हे यहूदिनके राजा, नमस्कार!"

21 परमेश्वर तुहुरिन्हे बलैना एकथो कारण यी हो कि तुहुरिन्हे हुँकार लग दुःख भोगे परी। ख्रीष्ट, जे तुहुरिन्के लग दुःख भोग्लाँ, ऊ तुहुरिन्के लग एकथो उदाहरण हुइताँ। तबेकमारे तुहुरे फेन हुँकार कर्लक कामके अनुशरण करे परत।

10 मै ख्रीष्टहे जाने और अनुभव करे चहथुँ। और मै फेनदोस्रे जित्ती करुइया शक्तिहे जाने चहथुँ जे ख्रीष्टहे जित्ती करल। और मै ओस्तेहेँके दुःख उठाई चहथुँ और मुए चहथुँ जसिके ख्रीष्ट करलाँ।

3 अतरा किल नै हो, पर जब हम्रे समस्यामे रथी, तब फेन हम्रे रमैथी, यी जानके कि जब हम्रिहिन्हे समस्या आइत, तब हमार सहे सेक्ना क्षमता बहरजाइत। 4 काकरेकी हम्रे सहे सेकदर्थी, तबेकमारे परमेश्वर हम्रिहिन्हे स्वीकार करथाँ, ओक्रेहे कारण हमार थेन आशा बा।

18 मै पक्का बतुँ, कि जोन महिमा पाछे परमेश्वर हम्रिहिन्हे दिहीँ, उ महिमा उ दुःखसे बहुत भारी बा, जोन दुःख अब्बे हम्रे सहती।

17 काकरेकी अब्बेक समयमे हमार दुःख थोरचे किल बताँ, और नम्मा समयसम नै रही। काकरेकी यकर नतिजा सदाकालके महिमा हुई, जोन महिमा हमार सोँचे सेक्नासे फेन धेउर रही।

5 काकरेकी जसिके ख्रीष्ट डरलग्तिक दुःख भोग्लाँ, ओस्तेहेँके हम्रे फेन उ दुःखमे शामिल हुइथी। ओस्तेहेँके ख्रीष्टके ओहोँरसे सान्त्वनामे फेन प्रशस्त मात्रामे हम्रे शामिल हुइथी।

29 काकरेकी परमेश्वर तुहुरिन्हे ख्रीष्टमे विश्वास करना किल नै हो, पर तुहुरिन्हे दुःख सहना फेन सौभाग्य देले बताँ। काकरेकी तुहुरे परमेश्वरकेमे विश्वास करथो।

1 तबेकमारे ख्रीष्ट अपन शरीरमे रहलमे दुःख भोग्लाँ, और तुहुरे फेन हुँकार हस विचार धारके दुःख भोग्ना तयार हुई परत। काकरेकी यदि तुहुरे ख्रीष्टके लग दुःख भोग्ना इच्छा करथो कलेसे तुहुरे पाप करे छोरना निर्णय कर्ले बतो।

3 हमार प्रभु येशू ख्रीष्टके बाबा अर्थात परमेश्वरहे प्रशंसा होए, जे दयाके बाबा हुइँत, और हम्रिहिन्हे सदादिन सान्त्वना देहुइया परमेश्वर हुइँत। 4 परमेश्वर हमार सक्कु मेरके दुःखमे सान्त्वना देथाँ, ताकि हम्रे दोसुर जहनहे सान्त्वना देहे सेकी। परमेश्वर हम्रिहिन्हे सान्त्वना देहल हस हम्रे दोसुर जहनहे सान्त्वना देहे सेक्थी।

2 जब तुहुरे समस्यामे परबो, तब तुहुरे एकदोसर जहनहे सहयोग करहो। अस्तेहेँके तुहुरे ख्रीष्टके नियम कानुनहे पालन करहो।

10 परमेश्वर, जे पूरा रुपमे अनुग्रह करथाँ, येशू ख्रीष्टके संगक हमार सम्बन्धक कारण अपन सदाकालके महिमामे हम्रिहिन्हे साझेदार हुइक लग बलैले बताँ। तुहुरे कुछ समयसम दुःख भोगके सेक्बो ते परमेश्वर तुहुरिन्हे मजा बनैहीँ, ताकि तुहुरिन्केमे कुछु गल्ती ना रहे। और ऊ तुहुरिन्के मनहे बल्गर बनैहीँ, और पक्का हुइक लग हुँकारमे विश्वास करनाहाँ बनैहीँ।

14 पर यदि तुहुरिन्हे मजा काम कर्लक कारण दुःख भोगे परता कलेसे परमेश्वर तुहुरिन्हे आशिष दिहीँ। तुहुरे यशैया अगमवक्तक लिखल हस करो: "तुहुरिन्हे धम्की देहुइया मनैनसे ना डराऊ, और मनै का करहीँ कना बातमे चिन्ता ना करो।"

38 जे मोरिक चेला हुइलक कारण दुःख उठाइक लग और मुअक लग फेन तयार नै रही, उ मोरिक चेला बन्ना लायकके नै हो।

39 जे फेन अपन ज्यान यी धर्तीमे बँचाई। उ सदाकालके जीवन नै भेटाई। और तुहुरे जेने मोरिक चेला हुइलक कारण अपन ज्यान देथो, तुहुरिन्हे सदाकालके जीवन मिली।"

23 नरकमे सहे नै सेक्ना दुःख भोगेबेर ऊ उप्पर हेरल, और दूर अब्राहामहे और ओकर थेन लाजरसहे देखल। 24 तब् ऊ चिल्लाके कहल, ‘ए अब्राहाम बाबा, मोरिकमे दया करके लाजरसहे पठादे ताकि ऊ अपन अङग्रिक टिप्पा पानीमे भिजाके मोरिक जीभहे शित्तर पारदेहे। काकरेकी मै यी आगिक दुःखसे तर्पतुँ।’

35 हम्रिहिन्हे ख्रीष्टके प्रेमसे केऊ फेन अलग करे नै सेकी। ख्रीष्टके प्रेमसे हम्रिहिन्हे ना संकट या दुःख, ना सतावट, ना अनिकाल, ना लुग्गाफाटक कमि, ना जोखिम ना तरवाल अलग करे सेकी।

3 यदि मै सक्कु सम्पति गरीबनहे बाँटदेनु, और यदि मोरिक शरीर ओइन्हे जराइक लग दैदेनु। पर मै दोसुर जहनहे प्रेम नै करथुँ कलेसे मोरिक कौनो काम नै हो।

22 पर आझिक दिनसम परमेश्वरसे मै सहायता भेटाइल बतुँ। तबे छुटी भारी सक्कुहुनहे गवाही देती मै यहाँ ठरह्याइल बतुँ। परमेश्वरके अगमवक्तनके और मोशक बोलल वचन जरुर पूरा हुई कना बात बाहेक मै औरे कुछु नै कहल हुइतुँ। 23 ओइने कले रहिँत कि ख्रीष्टहे दुःख भोग्ही परहिन। और मुअलमेसे सक्कुहुनसे आघे जित्ती होके यहूदी जाति और गैर-यहूदिनके लग मुक्तिक घोषणा वहे करहीँ, और ओइने जिइँत।"

14 सक्कु मनैनसे शान्तिमे बैठ्ना और पवित्र हुइना कोशिस करो; पवित्रताविना कौनो मनैया परमप्रभुहे देखे नै सेकत।