Sofrimento
O sofrimento é uma realidade da vida neste mundo, mas a Bíblia revela que Deus está presente em toda dor, produzindo caráter, esperança e redenção através das tribulações.
O sofrimento de Cristo
Jesus sofreu por nós, carregando nossas dores e enfermidades. Ele é o modelo supremo de como enfrentar o sofrimento com fé e obediência.
Aw pigluwasan nilan sakanan aw pigpasut nilan sa malawig na sa-ul na tapel ya batek kasiling na pagsutun na hariꞌ. Pagkatigkas yan, mig-imoꞌ silan sa korona na suksukun aw pigsangkub nilan adti ulu ni Jisus. Aw pigpa-awid nilan sakanan sa bangkaꞌ adti kalintu na tulluꞌ nan. Aw lyumuhud silan adti asdangan nan, aw pig-odoy-odoy nilan na sallong kunu syumaludu silan kanan, aw miglong silan, "Kay Hariꞌ na manga Judiyu, magkadugay pa galu ya pag-eyaꞌ mu asini tas na lupaꞌ!"
Kay pigtawag kamu nan pada mag-imoꞌ sa madyaw pangkay kun magti-is kamu. Si Kristu, migti-is sakanan asuntu kanaten, aw yan ya umbaꞌ tadun dalugun.
Yan ya kaliman ku na to-o ku ka-ede-an si Kristu aw ya katulus na pagkataw nan lekat adti pagkamatay. Aw kaliman ku agiyan ya pagti-is na kya-agiyan ni Kristu, aw masiling kanan dun ni pagkamatay nan.
O propósito do sofrimento
Deus usa as tribulações para produzir perseverança, caráter e esperança. O sofrimento presente não se compara com a glória que será revelada.
Aw bekeꞌ oloꞌ yeiy, migleya kitadun uman pangkay madég ya pagti-is aw manga kalugan. Kay kya-ede-an tadun na magi sa pagti-is tadun pigpakabagseg kitadun na Tyumanem pada mabatug tadun ya pagtandaꞌ kanaten. Aw kun mabatug tadun ya pagpadeleg pangkay awun pagtandaꞌ, magleya kanaten ya Tyumanem. Aw kun magleya kanaten ya Tyumanem, awun imanen tadun.
Na, mig-anenganeng aku na ya pagti-is tadun adun tagbiꞌ yeiy, kay to-o pa dakulaꞌ kagaya ya kadyawan na un bukasan kanaten na Tyumanem.
Aw pangkay awun manga kalugan na kya-agiyan tadun, manang oloꞌ yeiy magpaka-agi, aw diliꞌ to-o mabegat kun pa-unawa sa kadyawan na pigtagilan na Tyumanem. Kay ya sampetan na kalugan yeiy pa-eya-en kitadun kagaya adti tas na langit na walaꞌ ya tyamanan.
Kay pangkay madég ya manga pagti-is na kya-agiyan tadun asuntu sa pagpakasambuk tadun kan Kristu, manang dakulaꞌ pa dun ya pagpakabagseg ni Kristu sa kanaten ginawa.
kay pig-atag da kamayu na un kamu mangintu-u kan Kristu aw pigtumbay uman kamayu ya magti-is asuntu kanan.
Asuntu na migti-is si Kristu dun ni kanan lawas, yanagaw tagilana uman ya kamayu pagka-utawun sa pangkay unu na pagti-is na dumateng kamayu. Kay ya utaw na migti-is asuntu na pigdalug nan ya Tyumanem, tyumeneng da sakanan sa pagpakasalaꞌ.
Consolação e companhia
Deus consola os aflitos para que possamos consolar outros. Nunca estamos sozinhos no sofrimento — Ele é o Pai das misericórdias.
Naten deyen ya Tyumanem na yan ya Ama na kanaten Matas na Pangulu na si Jisu-Kristu. Kay ya Ama, yan ya lyekatan sa kadakulaꞌ na kallat, aw migpakabagseg sa ginawa tadun. Gayed nan saba pigpakabagseg ya kanaten ginawa dun ni kadég na kalugan na kya-agiyan tadun, pada mabatug tadun uman pakabagsegen ya ginawa na manga eped na migti-is sa pangkay unu na kalugan.
Gayed kamu pagtatabangay pangkay unu ya manga puluglima na nyakapisan kamayu. Kun imo-un mayu yeiy, dun da mayu katuman ya suguꞌ ni Kristu.
Aw pagkatigkas na pagti-is mayu sa manga kalugan na nyaka-agi oloꞌ, pakadyawun kamu na Tyumanem. Lingeben nan ya kamayu pagpangintu-u, aw pakabagsegen kamu nan aw betang adti tullukanan na to-o masalig. Kay ya Tyumanem, yan ya lyekatan sa kadég na grasya, aw yan uman ya migtawag kamayu pada makasambuk kamu adti kan Kristu dun ni kadakulaꞌ na kadyawan na pagka Tyumanem nan na walaꞌ ya tyamanan.
Manang kun pigpamulayaman kamu asuntu na dyumalug kamu sa pagkaliman na Tyumanem, madyaw saba ya kamayu. Yanagaw diliꞌ kamu magkallek kanilan, aw diliꞌ kamu magkaypeng sa pangkay unu ya un nilan imo-un kamayu.
Fé em meio à dor
Os grandes homens e mulheres de fé sofreram e perseveraram. O sofrimento nos aproxima de Deus e nos leva a entender seu coração.
Aw ya utaw na diliꞌ magpisan sa kanan krus aw dumalug kanak, ya utaw yan diliꞌ umbaꞌ ma-imoꞌ kanak umagakan.
Aw pangkay singalan ya gyuminawa sa kanan pag-eyaꞌ asini tas na lupaꞌ, kalagakan baling sa ginawa na walaꞌ ya katigkasan. Manang kun singalan ya magtibulluk dumalug kanak pangkay pa adti pagkamatay, matagtun nan ya ginawa na walaꞌ ya katigkasan.
Aw dun ni banwa na Kaludukan to-o sakanan migti-is, aw sa paglangad nan kyinitaꞌ nan ya kanan tyugbulan na si Abraham adti mawat aw dun ni tampid nan si Lazaro. Yanagaw migtatawag ya mayaman, ‘We…kay Maꞌ Abraham! Mallat kaw kanak. Sugu-a beg si Lazaro na tullak nan ya kanan tulluꞌ adti tubig pada patagdu-an nan ya dilaꞌ ku. Kay to-o aku migti-is idi asuntu sa kapasuꞌ na atulun!’
Walaꞌ ya maka-elet kanaten lekat adti pagginawa ni Kristu, pangkay pa apeten tadun ya pagti-is aw manga kalugan aw manga pagpamulayam aw getem, aw walaꞌ ya un tadun pagkadégkadég, aw ya manga kallekanan na un ma-imoꞌ, aw pangkay kun patayen pa kitadun.
Aw pangkay kun mabus ku atag ya kadég na kanak ka-unan adti manga walaꞌ ya pagkamangan, aw pangkay pa tumbay ku ya kanak lawas pada sangaben, manang kun walaꞌ ku ginawayi ya eped na utaw, walaꞌ ya un ku makamang dun.
Manang pigtabangan aku na Tyumanem taman adun na allaw yeiy, yanagaw ini aku ni asdangan mayu. Aw piglong ku kamayu ya matinaw, pangkay dengganen kamu aw pangkay tagituꞌ na utaw. Aw walaꞌ ku dugangi ya pigsulat na manga propita aw ni Moysis sa un ma-imoꞌ: na ya Misiyas un saba magti-is aw matay, aw yan ya muna mataw lekat adti nyangkamatay pada ka-ilawan nan ya anenganeng na manga utaw pangkay Judiyu aw pangkay manga Héntil."
Tibagsegi na awun kalinaw mayu adti kadég na manga utaw, aw tibagsegi mayu uman na magkalinis kamu pada katutukan ya Tyumanem kamayu, kay kun walaꞌ yeiy, walaꞌ ya kumitaꞌ sa Tyumanem.