6 फेर यहोवा नै कह्या, "मेरी बात सुणो जै थारै म्ह कोए नबी हो, तो उसपै मै यहोवा दर्शन कै जरिये अपणे-आप ताहीं जाहिर करुँगा, या सपने म्ह उसतै बात करुँगा।

28 "उन बात्तां कै बाद मै सारे प्राणियाँ पै* अपणा आत्मा उण्डेलूँगा; थारे बेट्टे-बेटियाँ भविष्यवाणी करैंगी, अर थारे पुरनिये सपना देखैगें, अर थारे जवान दर्शन देखैगें।

14 जिब पतरस उन ग्यारहां प्रेरितां कै गेल्या खड्या होया, अर ठाड्डू आवाज म्ह बोल्या, "हे यहूदिवासियों अर हे यरुशलेमवासियों, न्यू जाण ल्यो, अर कान लाकै मेरी बात सुणो।" 15 जिसा थम समझरे सो, ये आदमी नशे म्ह कोनी, क्यूँके इब्बे दिन के नौ बजे सै। 16 जो थम म्हारै साथ होते होए देखण लागरे सों, यो योएल नबी कै जरिये कही गई भविष्यवाणी का पूरा होणा सै।

17 "‘परमेसवर कहवै सै, के अन्त के दिनां म्ह इसा होवैगा के मै अपणा आत्मा सारे माणसां ताहीं दियुँगा,’ अर थारे बेट्टे अर थारी बेट्टी भविष्यवाणी करैगी, अर थारे जवान दर्शन देखैगें, अर थारे बुजुर्ग सपना देक्खैगें।"

17 अर परमेसवर नै उन च्यांरु जवान्‍नां ताहीं सारे शास्त्रां, अर सारी ढाळ की विद्या म्ह बुद्धिमानी अर माहिरता दी; अर दानिय्येल सारे ढाळ के दर्शन अर सपन्यां के मतलब का ज्ञान्‍नी होग्या।

26 राजा नै दानिय्येल तै, जिसका नाम बेलतशस्सर भी था, पूच्छया, "के तेरै म्ह इतणी शक्ति सै के जो सपना मन्‍नै देख्या सै, उसनै मतलब समेत मेरे ताहीं बतावै?" 27 दानिय्येल नै राजा ताहीं जवाब दिया, "जो भेद राजा पूच्छै सै, वो ना तो पंडित, ना तांत्रिक, ना ज्योतिषी, ना दुसरे भावी बताण आळे राजा नै बता सकै सैं, 28 पर भेदां का प्रगट करण आळा परमेसवर सुर्ग म्ह सै; अर उसी नै नबूकदनेस्सर राजा ताहीं जताया सै के अन्त कै दिनां म्ह के-के होण आळा सै। तेरा सपना अर जो कुछ तन्‍नै पलंग पै पड़े होए देख्या, वो या सै:

8 उननै उसतै कह्या, "हम दोनुआं नै सपना देख्या सै, अर उनका फळ बताण आळा कोए भी कोनी।" यूसुफ नै उनतै कह्या, "के सपनां का फळ बताणा परमेसवर का काम कोनी? मन्‍नै अपणा-अपणा सपना बताओ।"

15 फिरौन नै यूसुफ तै कह्या, "मन्‍नै एक सपना देख्या सै, अर उसकै फळ का बताण आळा कोए भी कोनी; अर मन्‍नै तेरै बारै म्ह सुण्या सै, के तू सपना सुणदे ए उसका फळ बता सकै सै।" 16 यूसुफ नै फिरौन तै कह्या, हे महान राजा, "मै तो किमे न्ही जाणदा: पर परमेसवर ए फिरौन नै शुभ वचन देवैगा।"

20 जिब वो इन बात्तां नै सोच्‍चै ए था तो परमेसवर का सुर्गदूत उसनै सपने म्ह आकै कहण लाग्या, "हे यूसुफ! दाऊद के वंशज, तू अपणी घरआळी मरियम नै अपणे उरै ल्याण तै ना डरै, क्यूँके जो उसकी कोख म्ह सै, वो पवित्र आत्मा की ओड़ तै सै। 21 वो बेट्टा जाम्यैगी अर तू उसका नाम यीशु धरिये, क्यूँके वो अपणे माणसां का उनकै पापां तै उद्धार करैगा।"

19 जिब वो न्याय की गद्दी पै बेठ्या होया था तो उसकी घरआळी नै उस ताहीं कुह्वा भेज्या, "तू उस धर्मी कै मामले म्ह हाथ ना गेरिये, क्यूँके मन्‍नै आज सपने म्ह उसकै कारण घणा दुख ठाया सै।"

1 जिब यहोवा गुलाम्मी म्ह तै सिय्योन* नै छुड़ा ल्याया,

फेर हम सपना देखण आळयां की तरियां होगे।

3 अपणे काम्मां नै यहोवा पै छोड़ दे,

इसे तै तेरी योजना सिध्द होवैगी।

21 माणस कै मन म्ह भोत सी कल्पना होवै सै,

अर जो युक्ति यहोवा करै सै, वाए स्थिर रहवै सै।

1 "जै तेरै बिचाळै कोए नबी या सपना देखण आळा प्रगट होकै तन्‍नै कोए निशान या चमत्कार दिखावै, 2 अर जिस निशान या चमत्कार नै सबूत ठहराकै वो तेरै तै कहवै, ‘आओ आपां पराए देवत्यां के अनुयायी हो कै, जिनतै थम इब ताहीं अनजाण रहे, उनकी उपासना करां,’ 3 फेर थम उस नबी या सपना देखणआळे कै वचन पै कदे भी ध्यान ना दियो; क्यूँके थारा परमेसवर यहोवा थारी परीक्षा लेवैगा, जिसतै न्यू जाण ले, के ये मेरै तै अपणे सारे मन अर सारे प्राण कै गेल्या प्यार करै सैं के न्ही? 4 थम अपणे परमेसवर यहोवा कै पाच्छै चालियो, अर उसका भय मानियो, अर उसके हुकमां पै चालियो, अर उसका वचन मानियो, अर उसकी सेवा करियो, अर उस्से तै लिपटे रहियो।

25 मन्‍नै इन नबियाँ की बात भी सुणी सैं जो मेरे नाम तै या कहकै झूठ्ठी भविष्यवाणी करै सैं, ‘मन्‍नै सपना देख्या सै, सपना!’ 26 जो नबी झूठ-मूठ भविष्यवाणी करदे अर अपणे मन ए के छळ के नबी सैं, या बात कब ताहीं उनके मन म्ह समाई रहवैगी?

32 यहोवा की या भी वाणी सै के जो बिना मेरे भेज्जे या बिना मेरे हुकम पाए सपना देखण का झूठ्ठा दावा करकै भविष्यवाणी करै सैं, अर उसका बखान करकै मेरी प्रजा ताहीं झूठ्ठे घमण्ड म्ह आकै भरमावै सैं, उनके भी मै खिलाफ सूं; अर उनतै मेरी प्रजा के माणसां का कुछ फायदा न्ही होवैगा।"

3 क्यूँके जिस तरियां घणे काम के कारण सपना देख्या जावै सै, उसे तरियां ए घणी बात्तां का बोलण आळा बेकूफ ठहरै सै।

7 क्यूँके सपने घणे होण तै बेकार बात्तां की बढ़ोतरी होवै सै: पर तू परमेसवर का भय मानिये।