6 त यहोवा ह कहिस, "मोर बात ला सुनव:

"जब तुम्हर बीच म कोनो अगमजानी होथे,

त में, यहोवा अपनआप ला ओकर करा दरसन म परगट करथंव,

मेंह ओकर ले सपना म गोठियाथंव।

28 "अऊ ओकर बाद,

मेंह अपन आतमा ला जम्मो मनखेमन ऊपर उंडेलहूं।

तुम्हर बेटा अऊ बेटीमन अगमबानी करहीं,

अऊ तुम्हर सियानमन सपना देखहीं,

तुम्हर जवानमन दरसन देखहीं।

14 तब पतरस ह गियारह प्रेरितमन के संग ठाढ़ होईस अऊ ऊंचहा अवाज म भीड़ ला ये कहिस, "हे संगी यहूदी अऊ यरूसलेम के जम्मो रहइयामन, मोर गोठ ला कान लगाके सुनव अऊ समझव। 15 हमन नसा म नइं अन, जइसने कि तुमन समझत हवव, काबरकि अभी तो बिहान के नौ बजे हवय। 16 पर येह ओ बात ए, जऊन ला योएल अगमजानी के दुवारा कहे गे रिहिस:

17 " ‘परमेसर ह कहिथे,

आखिरी के दिन म अइसने होही कि मेंह अपन आतमा ला जम्मो मनखेमन ऊपर उंडेलहूं।

तुम्हर बेटा अऊ बेटीमन अगमबानी करहीं।

तुम्हर जवानमन दरसन देखहीं,

अऊ तुम्हर सियानमन सपना देखहीं।

17 ये चारों जवान ला परमेसर ह जम्मो किसम के साहित्य अऊ विद्या के गियान अऊ समझ दीस। अऊ दानिएल ह जम्मो किसम के दरसन अऊ सपना ला समझ लेवत रिहिस।

26 राजा ह दानिएल ले पुछिस (जऊन ला बेलतसस्सर घलो कहे जावय), "का तेंह मोला बता सकत हस कि मेंह सपना म का देखे हंव अऊ ओकर अर्थ का ए?"

27 दानिएल ह जबाब दीस, "राजा ह जऊन रहस्य के बारे म पुछत हे, ओकर बारे म कोनो घलो बुद्धिमान मनखे, जोतिसी, जादूगर या अगम के बात बतानेवाला राजा ला कुछू नइं बता सकंय, 28 पर स्वरग म एक परमेसर हवय, जऊन ह रहस्यमन ला परगट करथे। ओहीच ह राजा नबूकदनेसर ला देखाय हवय कि अवइया दिन म का होवइया हे। जब तेंह अपन बिस्तर म लेटे रहे, तब तेंह जऊन सपना अऊ दरसन देखे, ओमन ये अंय:

8 ओमन जबाब दीन, "हमन दूनों झन सपना देखे हन, अऊ ओकर अर्थ बतानेवाला कोनो नइं ए।"

यूसुफ ह ओमन ला कहिस, "का सपना के अर्थ बतानेवाला परमेसर नो हय? मोला अपन-अपन सपना बतावव।"

15 फिरौन ह यूसुफ ला कहिस, "मेंह एक सपना देखे हंव, अऊ कोनो ओकर अर्थ नइं बता सकत हें। पर मेंह तोर बारे म सुने हवंव कि तें सपना ला सुनके ओकर अर्थ बता देथस।"

16 यूसुफ ह फिरौन ला जबाब दीस, "में ये नइं कर सकंव, पर परमेसर ह फिरौन ला ओकर ईछा के जबाब दीही।"

20 पर ओकर ये बिचार करे के पाछू, परभू के एक स्वरगदूत ह ओला सपना म दिखिस अऊ ओ स्वरगदूत ह ओला कहिस, "हे यूसुफ, दाऊद के संतान, तेंह मरियम ला अपन घरवाली के रूप म घर लाय बर झन डर, काबरकि जऊन ह ओकर गरभ म हवय, ओह पबितर आतमा के तरफ ले अय। 21 ओह एक बेटा ला जनम दीही अऊ तें ओकर नांव यीसू* रखबे, काबरकि ओह अपन मनखेमन ला ओमन के पाप ले छुटकारा दीही।"

19 जब पीलातुस ह नियाय आसन म बईठे रिहिस, त ओकर घरवाली ह ओकर करा ये संदेस पठोईस, "ओ धरमी मनखे संग कुछू झन कर, काबरकि मेंह आज सपना म ओकर कारन बहुंत दुख उठाय हवंव।"

1 जब यहोवा ह सियोन के भाग्य ला फेर पलटिस,*

त हमन सपना देखइयामन सहीं हो गे रहेंन।

3 अपन जम्मो काम ला यहोवा ला सऊंप दव,

अऊ ओह तुम्हर योजना ला स्थापित करही।

21 मनखे ह अपन मन म बहुंत योजना बनाथे,

पर येह सिरिप यहोवा के ही उदेस्य अय, जऊन ह पूरा होथे।

1 यदि कोनो अगमजानी, या कोनो मनखे, जऊन ह सपना के दुवारा अगम के बात कहिथे, यदि अइसने मनखे तुम्हर बीच म आथे अऊ कोनो चिनहां या अद्भूत बात के घोसना करथे, 2 अऊ यदि ओ चिनहां या अद्भूत काम सही म हो जाथे, अऊ ओ अगमजानी ह कहिथे, "आवव, हमन आने देवतामन के पाछू चलन" (ओ देवता, जेमन ला तुमन नइं जानव) "अऊ ओमन के अराधना करन," 3 त तुमन ओ अगमजानी या सपना देखइया के बात ला झन सुनहू; काबरकि यहोवा तुम्हर परमेसर ह ये पता लगाय बर परखत हे कि तुमन ओला अपन पूरा मन अऊ परान ले मया करथव कि नइं। 4 येह यहोवा तुम्हर परमेसर ए, जेकर पाछू तुमन ला चलना जरूरी ए, अऊ जरूरी ए कि तुमन ओकर आदर करव। ओकर हुकूम के पालन करव अऊ ओकर बात ला मानव; ओकर सेवा करव अऊ ओला कसके थामे रहव।

25 "मेंह अगमजानीमन के गोठ ला सुने हंव, जऊन मन मोर नांव म ये कहिके लबारी अगमबानी करथें, ‘मेंह एक सपना देखे हंव! मेंह एक सपना देखे हंव!’ 26 ये लबरा अगमजानीमन अपन ही मन के भरम ला अगमबानी करके कहिथें; येमन के मन म येह कब तक चलत रहिही?

32 सच म, मेंह ओमन के बिरूध हंव, जऊन मन झूठा सपना के अगमबानी करथें," यहोवा ह ये घोसना करत हे। "मेंह ओमन ला न तो पठोय हंव अऊ न ही ठहिराय हंव, तभो ले ओमन मोर मनखेमन के आघू म अगमबानी करथें अऊ बेकार के अपन लबारी बात ले मोर मनखेमन ला भरमाथें। ओमन ले मोर मनखेमन ला कोनो फायदा नइं होवय," यहोवा ह घोसना करत हे।

3 बहुंत अकन काम म धियान देय के कारन सपना आथे,

अऊ बहुंत अकन बात कहे के कारन मुरूख ह पहिचाने जाथे।

7 जादा सपना देखई अऊ बहुंत बात कहई ह बेकार अय। एकरसेति परमेसर के भय मान।