Superação: o que a Bíblia diz sobre vencer crises

33 ህንተንቱ ታ ግዶን ደኢደ፥ ሳሮ ደአና ማላ፥ ታን ሀዋ ህንተንቶ ኦዳድ። አላምያን ህንተንቱ ዋየታና። ሽን ምንተ፤ ታን አላምያ ጾናድ" ያጌዳ።(ዮሃንሳ ምሽራቹዋ 16:33)

37 ሽን ኑን ኑና ሲቄዳ አን ሀ የዉዋ ኡባን ኑና ጾንያዋንቱፐ አቶ።(ሮመ 8:37)

57 ሽን ኑ ጎዳ የሱስ ክርስቶሳ ባጋና ኑና ጾንስያ ጾሳ ጋላታይ ጋኮ።(1 ቆሮንቶሳ 15:57)

3 አያዉ ጎፐ፥ ኑን ጾሳ ሲቅያዌ አ አዛዙዋ ናግያዋ፤ አ አዛዙካ ዴጾ ግደና። 4 አያዉ ጎፐ፥ ጾሳ ናኣ ግድያ ኦንነ ሀ አላምያ ጾናናዉ ዳንዳዬ፤ ኑንካ ሀ አላምያ ጾናናዌ ኑ አማኑዋና። 5 ሀ አላምያ ጾናናዉ ዳንዳይያዌ ኦኔ? የሱስ ጾሳ ናኣ ግድያዋ አማንያዋ ጻላላይ ጾናና።(1 ዮሃንሳ ኪታ 5:3-5)

11 ኑ እሻቱ ዶርሳ ሱንነ፥

ባረንቱ ቱሙ ማርካተን

ዳዊያ ኦለቲደ ጾኔድኖ።

ቃይ ኡንቱንቱ ባረንቱ ሸምፑዋ አ እምያዎ፥

ቃረትበይክኖ።(ዮሃንሳ ሳፃ 12:11)

21 ኢታባ ሎኦባን ጾናፐ አትን፥ ኢታባይ ኔና ጾኖፖ።(ሮመ 12:21)

5 ፖኡ ማን ፖኤ፤ ማይ ፖኡዋ ጾንቤና።(ዮሃንሳ ምሽራቹዋ 1:5)

10 እት ኡራይ ናቄዳዋ ህንተ አቶ ግያ ዎደ፥ ታንካ ቃይ አቶ ጋይ፤ ታን አቶ ጌዳዋ ግዶፐ፥ አቶ ጌዳዋ አያነ ክርስቶሳ ስንን ህንተ ድራዉ፥ አቶ ጋድ። 11 ሴጻናይ ኑኮ ዪደ፥ ኑና ጭመና ማላ፥ ታን አቶ ጋድ፤ አያዉ ጎፐ፥ ኑን አ ቆፋ ኤሬቶ።(2 ቆሮንቶሳ 2:10,11)

14 ሽን ክርስቶሳ ባጋና ኡባ ዎደ ኑና ጾኖ ካለያ ጾሳ፥ ቃይ ክርስቶሳ ትምርትያ ኑ ባጋና ሽቱዋዳን፥ ኡባሳ ጋያዋ ጋላታይ ጋኮ።(2 ቆሮንቶሳ 2:14)

5 ጾንያዌ ሄዋዳንካ ቦ ማዩዋ ማያና። ታን አ ሱን ደኡዋ ማጻፋፐ* ቁጭከ፤ ታን ታ አቡ ስንንነ አ ኪታንቻቱዋ ስንን እ ታዋ ግድያዋ ማርካታና።✝(ዮሃንሳ ሳፃ 3:5)

21 ቃይ ታን ጾናደ ታ አዉዋና አ ካዉተ ኦይድያን ኡቴዳዋዳን፥ ጾንያ ኡራዉ ታናና ታ ካዉተ ኦይድያን ኡትያ ማታ እማና።(ዮሃንሳ ሳፃ 3:21)

1 መና ጎዳይ ታዉ ፖኦነ ታና አሽያዋ፤

ያትና፥ ታን ኦዉ ያያንታ?

መና ጎዳይ ታ ደኡ ናገትያ ሚጻ፤

ያትና፥ ታን ኦዉ ዳጋማንታ?(ማዝሙርያ 27:1)

3 ሽን አቤት መና ጎዳዉ፥ ኔን ታ ዩሹዋን ጎንዳለ።

ታና ቦንችስያዌነ ታ ሱን ቁ ኦያዌ ኔናቴ።(ማዝሙርያ 3:3)

6 ታን ታ ቶራን አማነትከ፤

ታ ማሻይካ ታና አሸና።

7 ሽን ኔን ኑና ኑ ሞርከቱዋፐ አሻዳ፤

ቃይ ኑና እጽያዋንታ ኔን ካዉሻዳ።

8 ኑን ኡባ ዎደ ጾሳን ጬቀቴቶ፤

ነ ሱንዉ መናዉ ጋላታ እማና።(ማዝሙርያ 44:6-8)

25 አቤት መና ጎዳዉ፥ ሀእ ኑና አሻርኪ!

አቤት መና ጎዳዉ፥ ሀእ ኑዉ እንጀያርኪ!✝

26 መና ጎዳ ሱንን ይያ አሳይ አንጀቴዳዋ ግዶ!✝

ኑን መና ጎዳ ጌሻ ጎልያፐ ህንተና አንጄቶ።(ማዝሙርያ 118:25,26)

21 በእተ፥ መና ጎዳይ ህንተ ጾሳይ ሀ ቢታ ህንተንቶ እሜዳ። መና ጎዳይ ህንተ አዎቱዋ ጾሳይ ህንተንቶ ኦዴዳዋዳን ከሲደ፥ ሀ ቢታ ላትተ፤ ያዮፕተ፤ ህዶታ አጎፕተ’ ያጋድ።(ዛረዋ 1:21)

4 አያዉ ጎፐ፥ መና ጎዳይ ህንተ ጾሳይ ህንተናና ብያ ድራዉ፥ ህንተ ሞርክያ ኦሊደ፥ ህንተንቶ ጾኑዋ እማና’ ያጎ።(ዛረዋ 20:4)

3 ባረ ቆፋ ኔናን ዎዳ አሳ

ኔን ፖሎ ሳሮተን ናጋሳ፤

አያዉ ጎፐ፥ እ ኔናን አማነቴ።(ኢስያሳ 26:3)

13 ክርስቶስ ታዉ እሜዳ ዎልቃን፥ ኡባባ ኦናዉ ታን ዳንዳያይ።(ፕልጵስዮሳ 4:13)

4 ታ ናቶ፥ ህንተ ጾሳዋንታ፤ ህንተ ግዶን ደእያ ጌሻ አያናይ ሀ አላምያን ደእያ አያናፐ ዳሮ ዎልቃምያ ድራዉ፥ ዎርዶ ናባቱዋ ህንተ ጾኔድታ።(1 ዮሃንሳ ኪታ 4:4)

10 ዉርሰን፥ ጎዳንነ አ ዎልቃማ ዎልቃን ኡባ ዎደ ምንተ። 11 ጻላህያ ኢታ ጭሙዋ ተአናዉ ህንተ ዳንዳያና ማላ፥ ጾሳይ ህንተንቶ እምያ ኦላ ማዩዋ ኡባ ማይተ። 12 አያዉ ጎፐ፥ ኑን ቦላ ሳሉዋ ደእያ ኢታ አያና ዎልቃቱዋና፥ ሞድያዋንቱና፥ ጎዳተይ ደእያዋንቱናነ ሀ ማ ቢታ ሞድያዋንቱና ኦለትያዋፐ አትን፥ አሳና ኦለቶኮ።

13 ሄዋ ድራዉ፥ ኢታ ጋላሳን* ተአናዉነ ቃይ ዉርሰይ ጋካናዉ ዋቶዋፐ ጉይያን፥ ምን ኤቃናዉ ህንተ ዳንዳያና ማላ፥ ጾሳ ኦላ ሚሻ ኡባ ኦይቂተ። 14,15 ሄዋ ድራዉ፥ ጼሳን ሳቂያ ዳንጭያዋዳን ቱማተ ዳንጪደ፥ ትራን ዎያ ኦላ ሚሻዳን ጽሎተ ማዪደ፥ ህንተ ገድያን ጫማ ዎያዋዳን ሳሮተ ምሽራቹዋ ቃላ ኦዳናዉ ጊጊደ፥ ምን ኤቂተ።✝ 16 ሄ ኡባፐ አደ፥ ጻላሂ የድያ ዎንዳፍያ ታማ ኡባ ቶይሳናዉ፥ አማኑዋ ኡባ ዎደ ጎንዳልያዳን ኦይቂተ። 17 አቶተ ሁጲያን ዎያ ብራታ ቆብያዳን ዎተ፤ ቃይ ጌሻ አያና ማሻ ግዴዳ ጾሳ ቃላ ኦይቂተ።✝(ኤፈሶና 6:10-17)

22 ህንተ ካሰ ደእያ ደኡዋ አግተ፤ ቃይ ባረ ጭምያ አሙዋን ይያ ህንተ ኤጫ አሳተ ይስተ። 23 ህንተ ዎዛናይነ ቆፋይ ኡባና ኦራጻናዉ በሴ። 24 ቱሙ ጽሎተንነ ጌሻተን ጾሳ ሌምሱዋን መቴዳ ኦራ አሳተ ማይተ።(ኤፈሶና 4:22-24)

26 ሀንቀትተ፤ ሽን ህንተ ሀንቁዋን ናጋራ ኦፕተ። ህንተ ሀንቁዋን ደእሽን፥ አዋይ ዉሎፖ።✝ 27 ጻላሄዉ ጾእያ እሞፕተ።(ኤፈሶና 4:26,27)

12 ዋይያን ገንጭያ ኡራይ አንጀቴዳዋ፤ አያዉ ጎፐ፥ ሄ ዋይያ ጾኔዳዋፐ ጉይያን፥ ጾሳይ ባረና ሲቅያዋንቶ እማና ጌዳ ደኡዋ ካላቻ* እ አካና። 13 ኦንነ ፓጨቴዳ ዎደ፥ "ታና ጾሳይ ፓጬ" ጎፖ። አያዉ ጎፐ፥ ጾሳይ ኢታን ፓጨታናዉ ዳንዳየና፤ ቃይ እ ባረ ሁጰዉ ኦናነ ፓጨና። 14 ሽን አሳይ ሁጲያን ሁጲያን ባረ ሁጰ ኢታ አሙዋን ጎሸትያ ዎደነ ጭመትያ ዎደ ፓጨቴ። 15 ሄዋፐ ጉይያን፥ አሙ ሻሃሪደ፥ ናጋራ የሌ፤ ቃይ ናጋራይ ድጪደ፥ ሀይቁዋ የሌ።(ያቆባ ኪታ 1:12-15)

7 ስም፥ ህንተ ጾሳዉ ሞደትተ። ያቲደ ጻላህያና ኤቀትተ፤ እ ህንተፐ ባቃታና። 8 ጾሳኮ ሺቅተ፤ እካ ህንተኮ ሺቃና። ህንተኖ ናጋራንቻቶ፥ ህንተ ኩሽያ ሜጨትተ። ላኡ ቆፋይ ደእያዋንቶ፥ ህንተ ዎዛና ጌሽተ።(ያቆባ ኪታ 4:7,8)

10 ጎዳ ስንን ህንተ ሁጲያ ቶችተ፤ ቃይ እ ህንተና ቁ ቁ ኦና።(ያቆባ ኪታ 4:10)

13 ህንተንታ ጋክያ ፓጪ፥ አሳ ኡባ ጋክያ ፓጭያ ማላፐ አትን፥ አይነ ዱማተና። ህንተንቱ ዎልቃይ ዳንዳይያዋፐ አያ ፓጭያን ህንተ ፓጨታናዉ ኮየና ጾሳይ አማነቴዳዋ። ሽን ህንተንታ ፓጪ ጋክያ ዎደ፥ ሄ ፓጭያ እ ህንተንታ ዳንዳይሳና። ቃይ ሄ ፓጭያፐ ህንተንቱ ከስያ ኦግያካ እ እማና።(1 ቆሮንቶሳ 10:13)

15 ህንተንቱ አሳተይ ክርስቶሳ አሳተና እቱዋ ግድያዋ ህንተ ኤርክቴ? ያትና፥ ታን ክርስቶሳ አሳተና እቱዋ ግዴዳዋ አፋደ፥ ጫራት አሳተና እቱዋ ኦናዉ በሲ? በሰና! 16 ዎይ ጫራትና እትፐተ መያ ኡራይ እዝና እት አሳተ ግድያዋ ኤርክቴ? አያዉ ጎፐ፥ ጾሳ ማጻፋይ፥ "ኡንቱንቱ ላአቱ እት አሾ ግዳና" ያጌ።✝ 17 ሽን ጎዳና እትፐተ መያ ኡራይ አያናን አናና እቱዋ ግዴ።

18 ዎሹማፐ ሃክተ። እት ኡራይ ኦያ ሀራ ናጋራ ኡባይ አ አሳተፐ ካረና ደኤ፤ ሽን ዎሹምያዌ ባረ ቦላን ናጋራ ኦ። 19 ዎይ ህንተ ቦላይ ጾሳይ ህንተንቶ እሜዳ ህንተንቱን ደእያ ጌሻ አያናይ አቅያ ጌሻ ጎልያ ግድያዋ ኤርክቴ? ቃይ ህንተ ህንተ ሁጲያሳ ግድክታ። 20 አያዉ ጎፐ፥ ጾሳይ ህንተንታ ጋትያን ሻሜዳ። ሄዋ ድራዉ፥ ህንተ አሳተን አ ቦንችተ።(1 ቆሮንቶሳ 6:15-20)

16 ሽን ስስተ፤ ጾሳ አያናይ ህንተንታ ካለያዋ ግዶፐ፥ ህንተ አሹዋ አሙዋ ሙለካ ፖልክታ። 17 አያዉ ጎፐ፥ ኑ አሹ አሞትያዋ ጌሻ አያናይ እጼ፤ ቃይ ጌሻ አያናይ አሞትያዋ ኑ አሹ እጼ፤ ሀዋንቱ እቱ እቱዋና እጸቲኖ። ሄዋ ድራዉ፥ ህንተ ዶስያዋ ኦናዉ ዳንዳይክታ።(ጋላትያ 5:16,17)

9 ሽን ዱረታናዉ ኮይያዋንቱ ፓጭያንነ ጲርያን ገሊኖ፤ ቃይ ዳሮ አሳ ባሻዉነ ዮ ጎች አፍያ ዳሮ ኤያነ ቆህያ አሙዋን ኩንዲኖ።(1 ጽሞቶሳ 6:9)

12 አማኑዋ ባጽያ ሎይ ባጸታ። ዳሮ አሳ ስንን ሎኦ ማርካ ማርካታደ፥ ኔና ጾሳይ ጼሴዳ መና ደኡዋ ኦይቃ።(1 ጽሞቶሳ 6:12)

19 ስም ሾሻነ ሶጉዋ የናዳን ህንተንቱ ሞርክያ ጻላህያ ዎልቃ ጾናና ማላ ማታ እማድ። ህንተንታ ቆሀናዌ አይኔካ ደኤና።(ሉቃሳ ምሽራቹዋ 10:19)

40 ሄ ሳኣ ጋኪደ፥ "ፓጭያን ህንተንቱ ገለናን አታና ማላ፥ ዎስተ" ያጌዳ።(ሉቃሳ ምሽራቹዋ 22:40)

46 "አያዉ ገምእሺቴ? ፓጭያን ገለናዳን ደንድ ዎስተ" ያጌዳ።(ሉቃሳ ምሽራቹዋ 22:46)

38 ፓጭያን ህንተ ገለና ማላ፥ ናገትተነ ጾሳ ዎስተ፤ አያናይ ጊግ ኡቴዳ፤ ሽን አሹ ዳቡራንቻ" ያጌዳ።(ማርቆሳ ምሽራቹዋ 14:38)

12 ታ ናቶ፥ ጾሳይ ክርስቶሳ ሱን ድራዉ፥

ህንተ ናጋራ አቶ ያጌዳ ድራዉ፥

ታን ህንተንቶ ጻፋይ።

13 አዋቶ፥ ኮይሩዋፐ ደእያዋ ህንተ ኤሬዳ ድራዉ፥

ህንተንቶ ጻፋይ።

ያላጋቶ፥

ጻላህያ ካፑዋ ህንተ ጾኔዳ ድራዉ፥

ህንተንቶ ጻፋይ።

ጉ ናቶ፥ ጾሳ አዉዋ ህንተ ኤሬዳ ድራዉ፥

ህንተንቶ ጻፋይ።

14 አዋቶ፥ ኮይሩዋፐ ደእያዋ ህንተ ኤሬዳ ድራዉ፥

ህንተንቶ ጻፋይ።

ያላጋቶ፥

ህንተ ምኖ ግድያ ድራዉነ

ጾሳ ቃላይ ህንተናን ደእያ ድራዉ፥

ቃይ ጻላህያ ካፑዋ ህንተ ጾኔዳ ድራዉ፥

ህንተንቶ ጻፋይ።

15 ሀ አላምያ ዎይ አላምያን ደእያ አያነ ሲቆፕተ። ህንተ ሀ አላምያ ሲቆፐ፥ ጾሳ ሲቁ ህንተናን ባዋ።(1 ዮሃንሳ ኪታ 2:12-15)

8 ጻላህያ ካፑ ኮይሩዋፐ ናጋራ ኦዳ ድራዉ፥ ናጋራ ኡባ ዎደ ኦያ ኡራይ ጻላህያ ካፑዋሳ፤ ሄዋ ድራዉ፥ ጾሳ ናአይ ጻላህያ ካፑዋ ኦሱዋ ይሳናዉ ቆንጬዳ።(1 ዮሃንሳ ኪታ 3:8)

1 ስም ኑዉ ሀዋ ኬና ዳሮ አሳይ፥ ሻርያዳን ኑ ማታን ዩይ አደ ማርካትያዌ ደእሽን፥ ኑና ቢያ ኡባባነ ባቂ ኦይቂያ ናጋራ ድጊደ ኑ ስንን ደእያ ኑን ዎጻና ዎ ገንጪደ ዎጾይተ።(እብራዌ 12:1)

3 ህንተንቱ ህንተንቱ ዎዛና ባይዚደ ዳቡረና ማላ፥ ናጋራንቻቱ ባረና ዳሮ እጽናካ ገንጬዳ የሱሳ ቆፕተ።(እብራዌ 12:3)

18 አያዉ ጎፐ፥ እ ባረ ሁጰዉ ፓጨቴዳ ድራዉነ ዋየቴዳ ድራዉ፥ ፓጨትያዋንታ ማዳናዉ ዳንዳዬ።(እብራዌ 2:18)

8 ጻላህያ ካፑ፥ ህንተ ሞርኪ፥ ምትያ ኡራ ኮዪደ፥ ጉድያ ጋሙዋዳን ህንተ ዩሹዋን ዩይያ ድራዉ ናገትተነ ቤጎትተ። 9 ሳኣን ደእያ ህንተ እሻቱ ሄዋዳን ዋየትያዋ ኤሪደ፥ አማኑዋን ምኒደ፥ አናና ኤቀትተ። 10 አ ኬካተ ኡባ ጾሳይ፥ ባረ መና ቦንቾ ክርስቶስ የሱሳ ባጋና ህንተና ጼሴዳዌ፥ አማሬዳ ዎድያ ህንተ ዋየቴዳዋፐ ጉይያን፥ እ ባረ ሁጰዉ ህንተና ሽር ኦራናነ ምንሳና። ቃይ እ ህንተና ማዳናነ ባስ ኤሳና።(1 ጰጽሮሳ ኪታ 5:8-10)

28 ጾሳይ ባረና ሲቅያዋንቶ፥ ባረ ቆፋዳን ጼሴዳዋንቶ፥ ኡባ የዉዋ ሎኦተዉ ኦያዋ ኑን ኤሬቶ።(ሮመ 8:28)

35 ስም ኑና ክርስቶሳ ሲቁዋፐ ሻካናዌ ኦኔ? ዋዪ ዎይ መቱ ዎይ የደርሱ ዎይ ኮሻይ ዎይ ካሉ ዎይ ያሻይ ዎይ ኦላይ ኑና ሻካኔ?(ሮመ 8:35)

3 ሽን ጎዳይ አማንያዋ፤ እ ህንተና መንናነ ቃይ ኢታፐካ ናጋና።(2 ተሰሎንቀ 3:3)

18 ጎዳይ ታና ኢታባ ኡባፐ አሺደ፥ ባረ ሳሉዋ ካዉተ ሳሮተን አፋና፤ አዉ መ መናዉ ቦንቹ ግዶ። አመንእ።(2 ጽሞቶሳ 4:18)

28 "ዳቡራንቻቶ፥ ዴጹዋ ቶኮዋንቶ ኡባቶ፥ ታኮ ሃ ዪተ፤ ታን ህንተንታ ሸምፕሳና።(ማቶሳ ምሽራቹዋ 11:28)

5 ሚሻ ሲቁዋፐ ህንተንታ ናግተ፤ ህንተንቶ ደእያዌ ህንተንቶ ግዶ። አያዉ ጎፐ፥ ጾሳይ ባረ ሁጰዉ፥

"ታን ኔና ኡባካ የግከ

ዎይ አግከ"

ያጌዳ።✝(እብራዌ 13:5)

37 ጾሳ ጾንያ የዉ ባዋ"✝ ያጌዳ።(ሉቃሳ ምሽራቹዋ 1:37)

9 ኔኖ ጽዮነ ካታማቴነ የሩሳላመ ካታማቴ፥ እልላ!✝ በአ፥ ጾኔዳ ነ ጽሎ ካቲ ኔኮ ዬ። ነ ካቲ አሽከ ግዲደ፥ ሀርያ ቦላ፥ ሀርያ ማራ ቦላ ኡቲደ፥ ኔኮ ዬ።(ዛካራሳ 9:9)