Superação
Superar desafios, dificuldades e tentações faz parte da caminhada cristã. A Bíblia nos garante que, em Cristo, somos mais que vencedores em todas as circunstâncias.
Vitória em Cristo
Jesus já venceu o mundo. Nele temos coragem, paz e a certeza de que nenhuma adversidade poderá nos derrotar definitivamente.
Kɛni nà la naa wo wo ma, nii a kɛ ziilɛigi ɠɛ wo ya ada-ɠilibalai zu. Wa ʋaazu kpɔlɔ mɔinmɔin sɔlɔɔsu eteai zu, kɛlɛ à zɛbɛzeɠe, tɔɔzei gè zobo sɔlɔɔga eteai ma.»
Kɛni nà la naa wo wo ma, nii a kɛ ziilɛigi ɠɛ wo ya ada-ɠilibalai zu. Wa ʋaazu kpɔlɔ mɔinmɔin sɔlɔɔsu eteai zu, kɛlɛ à zɛbɛzeɠe, tɔɔzei gè zobo sɔlɔɔga eteai ma.»
Kɛlɛ naa pɛ su, ada-vɔnifaamai lateʋegɛ ga naama nui maaʋele, nii é ade nɛai ʋɛ.
Kɛlɛ mamagi ɠa GALA bɛ, é zobogi veezu ade ya, ga de-Maliɠii Yesu Kilista maaʋele!
Kɛlɛ mamagi ɠa GALA bɛ, é zobogi veezu ade ya, ga de-Maliɠii Yesu Kilista maaʋele!
mazɔlɔɔ GALA doin pɛ ka zoo é pilɛ sɔlɔɔ eteai ma. Wɛlɛ nii ɠa é ga zobogi, da pilɛ sɔlɔɔ da eteai ma: da-ɠidaaleʋei.
Mazɔlɔɔ ni da GALA nɛɛna ʋɛ, naa ɠa é ga, kɛni de ná-deveiti so. Ná-deveiti ti la ɓaani, mazɔlɔɔ GALA doin pɛ ka zoo é pilɛ sɔlɔɔ eteai ma. Wɛlɛ nii ɠa é ga zobogi, da pilɛ sɔlɔɔ da eteai ma: da-ɠidaaleʋei. Ɓɛ ɠa a zoo é pilɛ sɔlɔɔ eteai ma? Kɛni zɔi ɠila kpe kidaaleʋeai ga Yesu ɠa ga GALA Doun Zunui.
Ɓɛ ɠa a zoo é pilɛ sɔlɔɔ eteai ma? Kɛni zɔi ɠila kpe kidaaleʋeai ga Yesu ɠa ga GALA Doun Zunui.
Ade-ɠɛɛleaiti ti pilɛ sɔlɔɔni ma Baala Ziʋoi ɲamai zaɓui zu,
ta gaama zeele wooi zaɓui zu, ti ɠɛni bosu,
ti la ɠɛni ti-yɛnvui nɛɛni ʋɛ, ti ʋa lua saai ʋa.
Superando o mal com o bem
O cristão vence o mal não com violência, mas com o bem. O amor, a fé e a perseverança são as armas da superação.
Mina va bu faa ɲɔi ʋa zobo sɔlɔɔ è ma, kɛni tɔun è ɠɛ ga zobo sɔlɔɔ nu faa ɲɔi ma ga faa ʋagɔi.
Mina va bu faa ɲɔi ʋa zobo sɔlɔɔ è ma, kɛni tɔun è ɠɛ ga zobo sɔlɔɔ nu faa ɲɔi ma ga faa ʋagɔi.
Wozakalagi ɠa volozu kpidii zu, tama kpidii la soni.
Pilɛ sɔlɔɔ fai Kilista zaɓui zu
Kɛlɛ mamagi ɠa GALA bɛ, mazɔlɔɔ toɠa losu gi luɠɔ Kilista ná-pilɛ sɔlɔɔgai zu yeenɔpɛ. Toɠa botii ɠɛɛzu ga giye, gi ɗa Kilista ɠwɛɛ fai vaza adaʋɛ pɛ, eɠɛ gulɔ maku nɛɛnɛgi é vazasu adaʋɛ pɛ.
Mazɔlɔɔ zɔi wo suvaayɛsu, nà ɓalaa gè naa zuvaayɛga. Siɛgi zu gè suvaayɛgi wosu da, (ni fai ta ɠa ná, nii nà suvaayɛ), nà suvaayɛ wo maaʋele ma Kilista ɠaazu, naa ɠa a kɛ, de mina Setana yɛ ná, é ʋa zobo sɔlɔɔ ade ma, mazɔlɔɔ ná-faiti ti la ga de ɠwɛɛtala zu vaa.
« ‹Zɔi a pilɛ sɔlɔɔ, nà naa zei ɠoba nà-masa kpɔkpɔgi ɠa, eɠɛʋelei gè pilɛ sɔlɔɔni da, gè zeini Kɛ̀ɛ ɠoba ná-masa kpɔkpɔgi ɠa.
« ‹Zɔi a pilɛ sɔlɔɔ, nà naa zei ɠoba nà-masa kpɔkpɔgi ɠa, eɠɛʋelei gè pilɛ sɔlɔɔni da, gè zeini Kɛ̀ɛ ɠoba ná-masa kpɔkpɔgi ɠa.
« ‹Zɔi a pilɛ sɔlɔɔ, naa ɠa seɠe ɠolegiti too ɠɔba ɠana, gè la daaseigi ɠaaʋaa pɛ, gè ʋa kula zɛnvu zɛʋɛi zu. Nà daaseigi wo Kɛ̀ɛ ɠaazu ta ná-geezuɠeelaiti.
Força e coragem divina
Deus é nosso escudo e fortaleza. Quando o medo tenta nos paralisar, a presença do Senhor nos fortalece e nos encoraja a prosseguir.
GALA pɔ bɛ ɠa é ga nu lɔɔɠuzuʋɛ
Davide ná-guyei.
Ɠɔoɠɔ GALAGI ɠa é ga nà-wozakalagi, ta nà-kizogi.
Ɓɛ ɠa nà lua ba?
Ɠɔoɠɔ GALAGI ɠa é ga zɛ̀nvui makɛ nui.
Ɓɛ ɠa nà inɛinɛ ba?
Nuiti mɔinʋɛ ti ɠɛɛzu ma nà-faa zu:
«Ná-kpɔba nɔpɛ ge la mɔ zɔlɔɔga GALA zea!»
Lo!
Gá ɠɛna è ʋolu, gá gi zili nuiti toka,
è-zaalai zu, gá ɠɔɠɔlo naati ma, niiti ti wuzeɠezu gi laalɔɠɔma.
Mazɔlɔɔ gè la ɠalivaani nà-mɛɛin ma,
nà-boɠa zɔkpɔi laade, é ʋa ɠɛ kìzosu.
Kɛlɛ ɗa ɠa è gi ɠizosu gi zili nuiti ma,
niiti ti gi maayoseɠezu, è unfegi lɔ naati gaazu.
Ɠɔoɠɔ GALAGI, kizo fai ve!
Ɠɔoɠɔ GALAGI, undaanɛɛi ve!
Ɠɔoɠɔ GALAGI tuya loo naama nui ʋɛ, nii é ʋaazu daaseigi zu!
Gá tuya loozu wo ʋɛ, é ɠula Ɠɔoɠɔ GALAGI zei ʋɛlɛi wu!
Pɛtɛ, Ɠɔoɠɔ GALAGI wa-ƓALAGI zooi laa wo ɠakala. À lɛ, wo seɠe ga wɔnɔ, eɠɛʋelei Ɠɔoɠɔ GALAGI, wo-mɛmɛwolani ta-ƓALAGI boni la wo ma. À mina lua. À mina ɓali.»
Mazɔlɔɔ Ɠɔoɠɔ GALAGI wa-ƓALAGI ɠa losu wo luɠɔ, é kɔɔi ɠɔ wo ʋɛ wo zili nuiti daalɔɠɔma, naa ɠa a kɛ é wo ɠizo.»
Zɔi é losu kpaan ná-faiti su,
ɗa makɛ ziilɛi pagɔi zu,
mazɔlɔɔ é ɓɔɠɔ ɠaliva è ma.
Nà zoo fai pɛ da, ga Kilista maaʋele, nii é sɛ̀bɛlɔɔzu.
Kɛlɛ wɔun, dòungoiti, wa ga GALA nɔnɔiti, wo zobo sɔlɔɔga zɛɛ ɠala goo wo nuiti ma, mazɔlɔɔ nii é wo-yiimaʋɛ, naa wɔɔlɔʋɛ, é leʋe naa ʋa, nii é etea nuiti ziimaʋɛ.
Kɛlɛ wɔun, dòungoiti, wa ga GALA nɔnɔiti, wo zobo sɔlɔɔga zɛɛ ɠala goo wo nuiti ma, mazɔlɔɔ nii é wo-yiimaʋɛ, naa wɔɔlɔʋɛ, é leʋe naa ʋa, nii é etea nuiti ziimaʋɛ.
Resistindo a tentação
A armadura de Deus nos protege contra as investidas do mal. Resistir ao diabo, vigiar e orar são essenciais para a superação espiritual.
GALA nui ná-kɔɔɠɔ zɔɔlaiti
Gaaɓelagi ɠa ga: À wa-zobogi ɠaiziɛ wa-ɠilibalai zu wa Maliɠii, tɔun ná-zobo golai zu. À ɓɔɠɔ maaɠili ga GALA ná-kɔɔɠɔ zɔɔlaiti pɛ, naa ɠa a kɛ wo lo kpaan, Inɛgi ná-yaava vaiti pɛ daalɔɠɔma. Mazɔlɔɔ nuɓusɛiti tɛi, de ʋa ɠɛ ti zakpesu, kɛlɛ zɛnvu ɲɔiti ka de ti zakpesu, niiti ti geezuʋɛ: niiti ti devei wosu, ta niiti zobogi ti ya, naa ʋɛɛ niiti ba, ti zeini niima etea ɲɔi unda. Naa ɠa é ba, à GALA ná-kɔɔɠɔ zɔɔlaiti pɛ seɠe, naa ɠa a kɛ wo zoo wo kɔɔi ɠɔ folo ɲɔi zu, wo yɛ loni kpaan, wo ɓega ʋoluma ga ti pɛ maazuɓudɛ. À lo kpaan: wo gaamai ɠɛ ga wa-zaamaɠiligi, wo telebodai ɠɛ ga wo-ɠakai makɛ ɠɔɔɠɔ zɔɔlai. À wo-ɠɔɠɔa zaʋalagi ɠɛ ga zɛbɛi nii wa ziilɛigi ma Woo Niinɛ Ʋagɔi laazeeli la. Yeeɠɛɠalai pɛ su, à kidaaleʋei zeɠe ga kɔɔɠɔ zɛpɛgi, nii wa zoo wo Inɛgi ná-abu ba mɛɛinti paa su la. À kizogi ma ɠɔɔɠɔ wɔɔlɔgi lɔ unba, wo Zɛnvu Ɲadegai ná-boɠa zɔkpɔi zeɠe, nii é ga GALA daawooi.
Wo maanɛɛʋɛ deɠɛmu wo nu wɔlɔmalai ta ma ziɛ ʋelei ɠula ɠɔba, nii é ɠoloɠolosu gaazuɠulapɔi ma yaavai zu. Kɛni wo niinɛ mɛtu wo-yɛnvui ta wa-ɠisiɛi zu, wo ɓɔɠɔ maaɠili ga nu niinɛlai, kpɛtɛai é zoloo GALA kɛʋelei ma, naa ɠa a kɛ wo eteai ziɛ telebodai ta ɲadedai zu, niiti ti zɔlɔɔsu gaamai zu.
Wa yiiɠaawanana, à mina koto ɠɛ. Ziiɠaawanai mina yɛ wo ɠɔbu, foloi a ʋa da. À mina pele tanɔpɛ fe Inɛgi ya.
Deɠɛmu à ɠolo GALA bɛ. À lo kpaan Inɛgi laalɔɠɔma, toɠa ʋela, é maaɠooza wo ʋa. À maaɓuɠa GALA ba, toɠa maaɓuɠa wo ʋa. À wo-yeeiti gaagba, kotoba nuiti, wo wo-yiimaʋɛti ɲade, ɠi fele nuiti!
À ɓɔɠɔmaayei Maliɠii ʋɛ, toɠa wo wuzeɠe.
Suɠɔɠɔgi ta tɛgai
Undaanɛ nu ɠa ga naama nui, zɔi é losu kpaan suɠɔɠɔgi zu, mazɔlɔɔ suɠɔɠɔgi ʋoluma, toɠa pilɛ sɔlɔɔ masa bɔɔlɔgi zɔlɔɔ ga ɠɔoɠɔ zɛnvui, nii GALA ge minazeɠea la naati bɛ, niiti ti nɛa ʋɛ. Siɛgi zu tɛgai zeelizu la nui ta ma, é mina ɠɛ ma: «GALA ka é tɛ̀ɛzu ga.» Mazɔlɔɔ GALA ge la zooga lɛɛzu ga, é ʋa faa ɲɔi ɠɛ, tɔ ɓalaa la nu nɔpɛ tɛa ga. Kɛlɛ nui ɠa lɛɛzu ga, siɛgi zu tɔ ɓɔɠɔi ná-gaazuɠulapɔi mɛɛnsu da, é yaava. Tama gaazuɠulapɔi a kogi zeɠena, toɠa ɗa sɔlɔɔ ga kotoi. Kotoi laa ɠa zeelina mɛtu, é sɔlɔɔ ga saai.
Tɛga nɔpɛ ge la dɛ zeelini wo ma, nii ma zii la dɛ zeelini nu ɠili ma. GALA é ga wooɠɛɠila GALAGI, é la vaa bu pɛ, ga tɛga zeeli wo ma, é ɓudɛ wo-zɛbɛi maazu. Kɛlɛ yeei tɛgai ʋaazu la, toɠa zɛbɛi ve wo ʋɛ, wo ɠula ɠeleɠele sɔlɔɔ su, nii a kɛ wo ziɛ bu.
Kidaaleʋe ɠɔɔ ʋagɔi ɠɔ, è ɠɔoɠɔ zɛnvui zo kpe, mazɔlɔɔ GALA ge è lolini ga è zɛnvui naa ɠwɛɛ siɛgi zu è ma zeele woo ʋagɔi woni da zeele mɔinmɔin gaazu.
Niiti ti pɔ ga ti ɓɛtɛ, ta ɗa loo tɛgai zu, ti ɠɔ ga ɠimalala yiimaɠɛɛ ɲɔi ma ʋalii ma mɔinmɔin, nii a ɗa nuiti koloɠolo, é ti lɔ undaaʋiligi zu.
Perseverança até o fim
A corrida da fé exige perseverança. Devemos lançar fora todo peso e olhar para Jesus, o autor e consumador da nossa fé.
De yiilɔɔ ʋoluɠulai zu
Adɔun, de maaɠooliʋɛ ga zeele ʋɛbɛ wolai. Naa ɠa é ba, ade kasɔiti pɛ pili ya, ta kotoi nii é de maavelevelesu vaa. Ade kpizɛi wo ga ziilɔɔi, suɠɔɠɔ bosuʋɛ naa de luɠɔ.
À ɠigaiziɛ lɛɛ tɔun su, ʋelei é yiilɔɔni la naama laazuɠɔli vaiti bu, kotoba nuiti ti ti zeini ma. Naa ɠa é ba, à mina ɓɔlɔ, wo iɲɔ ge mina leʋe.
Mazɔlɔɔ, tɛi tɔ ɓɔɠɔi é ɓɔlɔni, siɛgi zu tɛgai zeelini la ma, toɠa zoo é ɓɔ naati ba, niiti tɛgai zeelizu ti ma.
À ɠɛ ga sɔɓelama nuiti. À dama. Wo zili nui é ga Inɛgi, toɠa leʋesu eɠɛ zalai nii é zikɔzu, é ɗa nu ɠaiziɛ, é ʋa mi. À lo kpaan kidaaleʋei zu, wo sakpe, mazɔlɔɔ wo-ɠɛɛleaiti ti eteai zu ná pɛ, ta naa ɠɛɠala ɓɔlɔi zɔlɔɔsu. Wo kpɔlɔi zɔlɔɔga ʋoluma yeeɠɛɠala go laawu, GALA é ga zaalai pɛ Maliɠii, é wo loligai ga wo wɔnɔ zɔlɔɔ ná-ɠɔoɠɔ lɛbiyai zu, wa-ɠilibalai zu wa Yesu Kilista, tɔ ɓɔɠɔi ɠa wo ɠɛʋele ɓɛtɛ, é wo zapelɔ, é wo zɛbɛlɔ, é wo ɠɔɠɔlo kpaan ɲiikpitalai zu.
À ɠɛ ga sɔɓelama nuiti. À dama. Wo zili nui é ga Inɛgi, toɠa leʋesu eɠɛ zalai nii é zikɔzu, é ɗa nu ɠaiziɛ, é ʋa mi.
Ɓɛ ɠa a zoo é de ɓeteʋe Kilista ná-nɛɛbɛi ʋa? Kpɔlɔi ɓaa, ɓaa kidaaʋiligi, ɓaa wɔinzeɠemai, ɓaa pului, ɓaa baladai, ɓaa faaɓaagi, ɓaa boɠa zɔkpɔi?
De kwɛni de ɠɛ, GALA ka botii ɠɛɛzu fai pɛ su, é ɠɛ ga faa ʋagɔ naati bɛ, niiti ti nɛa ʋɛ, ti loligai eɠɛʋelei ná-devei la.
Maliɠii ɠa kùla kɛɛwoti ɲɔiti pɛ su. Toɠa kìzo, é dɔ̀ ná-masadai zu geeɠɔlɔgi zu. Lɛbiyai ɠɛ tɔun bɛ, eyɛsu ɠɔ! Amina!
Kɛlɛ Maliɠii ɠa ga wooɠɛɠila nu. Toɠa wo zɛbɛlɔ, é wo makɛ ma ɲɔi ma.
Descanso e renovação
Jesus convida os cansados e sobrecarregados a descansar nele. Sua graça é suficiente para nos renovar em meio às tribulações.
À ʋa pɔ̀, wɔi pɛ wo ɓɔlɔai, kasɔi laani wo unma, nà dooɠo fe wo ʋɛ.
À mina walii nɛɛ ʋɛ, é ʋa zei wo unda. Nii é wo ya, naa wo ɛnɛkɛ, mazɔlɔɔ GALA ɓɔɠɔi bogɛ, é ɠɛ ma: «Gè la yeeɓega è ʋa, gè la ɠɛlɛa è ʋa.».
Mazɔlɔɔ faa nɔpɛ ge la ɓaani GALA zea.»
É ɠɛni ti ma: «Lee ʋe wo ɲiizu? À wuzeɠe, wo GALA fali, naa ɠa a kɛ wo mina loo tɛgai zu.»
Ti zeeliai ma miná, é ɠɛni ti ma: «À GALA fali, naa ɠa a kɛ wo mina loo tɛgai zu.»
Wɛlɛ, gè zobogi veeʋɛ wo ya ga wo ziɛ kaaliiti ta akuɠɔtɔkaaliiti ma, naa ʋɛɛ sili nui ná-zɛbɛiti pɛ ba. Ani nɔpɛ ge la faa ɲɔu ɠɛa ga woye.
À ɠaazuɓa, wo GALA fali, wo mina ʋa loozu tɛgai zu. Nui yɛnvui laavegɛ ga kisiɛ ʋagɔiti, kɛlɛ zɛbɛ la kpusɛi ʋa.»
Ziilɛi masagi ʋaa vai
Ee, Siyɔn nuɓusɛi, ɠɔkɔ ga koozunɛɛi!
Ee, Zeluzalɛme nuɓusɛi, wooɠula ga koozunɛɛi!
Wɛlɛ ɗa-masagi ʋa, é ʋaazu è ʋɔ,
telebogɛ, pilɛ sɔlɔɔdai veeʋɛ bɛ,
toɠa ga ɓɔɠɔmaayei nu, é zeini soovalegi ɠɔma,
soovale saai ma yiʋoi ɠɔma.
Zɔi é yɛsu kotoi ɠɛɛzu, naa ɠa ga Inɛgi nɔnɔ, mazɔlɔɔ Inɛgi kotoi ɠɛɛni tɔɔzeizu mɔunpa. GALA Doun Zunui ɠulani kɛlɛma ɠiteɠite su ga é Inɛgi ná-kɛɛwotiiti koloɠolo.
Nà sɛʋɛi ɠɛɛzu wo ma, dòungoiti, tɔɔzei wa-ɠotoiti suvaayɛga Yesu laaseigi maaʋele ma. Nà sɛʋɛi ɠɛɛzu wo ma, ɠɛɛɠɛiti, tɔɔzei wo naa ɠwɛɛ, zɔi é ná kaite tɔɔzeizu. Nà sɛʋɛi ɠɛɛzu wo ma, nu niinɛiti, tɔɔzei wo pilɛ sɔlɔɔga Inɛgi ma.
Nà sɛʋɛi ɠɛɛzu wo ma, dòungoiti, tɔɔzei wo Ɠɛɛɠɛ ɠwɛɛ. Nà sɛʋɛi ɠɛɛzu wo ma, ɠɛɛɠɛiti, tɔɔzei wo naa ɠwɛɛ, zɔi é ná kaite tɔɔzeizu. Nà sɛʋɛi ɠɛɛzu wo ma, nu niinɛiti, tɔɔzei wo zuɓaaʋɛ, GALA daawooi ɠa zeini wo-yiimaʋɛ, wo pilɛ sɔlɔɔga Inɛgi ma.
Nu ziɛ ʋelei eteai ɲɔi zu ta Kilista zili nuiti gaazu
À mina eteai nɛɛ ʋɛ, ɓaa eteai zu vai tanɔpɛ. Ni nui ta a eteai nɛɛna ʋɛ, Ɠɛɛɠɛ ná-nɛɛbɛi la ziimaʋɛ.
Wo la kwɛɛ ɓaa, ga wo-ɓusɛiti ta ga Kilista ɓusɛi ʋaalobazuʋɛti? Gè Kilista ɓusɛi ʋaalobazuʋɛ ta zeɠena, gè kɛ ga koloɠolo anzanui ɓusɛi ʋaalobazuʋɛ ta? Naa li poun! Wo la kwɛɛ ɓaa, ga zɔi é ɠilizu koloɠolo anzanui ʋa, ta naa ta ga kpusɛ ɠila? Mazɔlɔɔ sɛʋɛʋɛ GALA Sɛʋɛi zu ga:
«Ti felegɔ ta ɠɛ ga kpusɛ ɠila.».
Kɛlɛ nui é ɠilizu Maliɠii ʋa, ta naa ta ga zɛnvu ɠila. À ɓizɛ koloɠologi ʋa! Zɔɔma ɠotoiti nui ti ɠɛɛzu, naati ta kpusɛi ʋoluʋelei, kɛlɛ zɔi é ɓɔɠɔ veezu koloɠologi ya, toɠa kotoi ɠɛɛzu ɓɔɠɔ ɓusɛi laalɔɠɔma. Wo la kwɛɛ ɓaa, ga wo-ɓusɛi ɠa ga Zɛnvu Ɲadegai zei ʋɛlɛi, nii é wo-yiimaʋɛ, wo sɔlɔɔgai GALA zea? Wo la ga ɓɔɠɔ nɔnɔ. Mazɔlɔɔ wo unmɔɔgɛ ga sɔngɔ ɓaa. Deɠɛmu à GALA dɛbi ga wo-ɓusɛi.
Zɛnvui ta kotoba ɓusɛi
Wɛlɛ deɠɛmu, nii gè bosu wo ma: À va bu, GALA Zɛnvui lo wo luɠɔ wa-eteai zu, wo la ziaa ga kpusɛi yiimaiti naazu. Mazɔlɔɔ nii é ga kpusɛi yiimai, naa la nɛɛni Zɛnvu Ɲadegai ʋɛ. Nii é ga Zɛnvu Ɲadegai yiimai, naa la nɛɛni kpusɛi ʋɛ. Ta ɓɔɠɔ laalɔɠɔma, naa ɠa a kɛ, nii wo wɔinni wo kɛ, wo la zooga wo ʋa naa ɠɛ.
Este artigo te tocou? Faça uma oração!
+581 estão orando agora.
Junte-se à corrente de oração.