Superação
Superar desafios, dificuldades e tentações faz parte da caminhada cristã. A Bíblia nos garante que, em Cristo, somos mais que vencedores em todas as circunstâncias.
Vitória em Cristo
Jesus já venceu o mundo. Nele temos coragem, paz e a certeza de que nenhuma adversidade poderá nos derrotar definitivamente.
Na ka erme di teiga i, mudu ene na mina si dakagl moglsre, deno muduno wida di inaiglkwa pre diga. Ene makandigle moraiglmara i, yoba yubun kane kane tenaiglkwa ba ene gun yeio! Na makandigle yoba yobuglo ere te kodiwe di, Jisas yegl dugwa.
Na ka erme di teiga i, mudu ene na mina si dakagl moglsre, deno muduno wida di inaiglkwa pre diga. Ene makandigle moraiglmara i, yoba yubun kane kane tenaiglkwa ba ene gun yeio! Na makandigle yoba yobuglo ere te kodiwe di, Jisas yegl dugwa.
Taragl kane kane yegl plau dinabuka ba Jisas yene dem muduo podo norsre, yobuglo bogl norukwa pre taragl i nono ta si atne edekrabuka. Ka kaima ta manabuka. Nono ege ege yobuglo eramga.
Yegl paugwa ba nono God di wakai yei tenamga paugwa. I siragl pre nono Yaglno Kade Jisas Krais kogon erumara i mina God ye nono aimadi kamin kor moraiglmedi norsre, geglkwa mabuno nono ta si atne edekrabedi ere noro kodugwa.
Yegl paugwa ba nono God di wakai yei tenamga paugwa. I siragl pre nono Yaglno Kade Jisas Krais kogon erumara i mina God ye nono aimadi kamin kor moraiglmedi norsre, geglkwa mabuno nono ta si atne edekrabedi ere noro kodugwa.
I siragl pre God gagiglma ta moraiglkwa i, ye makadigle yoba mabunono kide win si tenaiglkwa. Ye pre mediglmara i mina kuda yobuglo ersre, mabuno kide erikwa win si tenaiglkwa.
Te, deno muduno God tenamga mabuno i, yegl mere paugwa, God ta erio dumere i, erumun, nono deno muduno God tomga mere yegl panabuka.
Te, God siragl mere erio di norukwa i, nono duglo boramga i, yubude ta paikrabuka. I siragl pre God gagiglma ta moraiglkwa i, ye makadigle yoba mabunono kide win si tenaiglkwa. Ye pre mediglmara i mina kuda yobuglo ersre, mabuno kide erikwa win si tenaiglkwa. Jisas God Wam moglmedi pre mediglsre, makandigle yoba mabunono yobuglo ere teigwa pre diga.
Jisas God Wam moglmedi pre mediglsre, makandigle yoba mabunono yobuglo ere teigwa pre diga.
Te, nono agroma abaroma meglkwa i, ye sipsip nagigle bormaimo suru edumara i mina yobuglo idre, ye kamo yoba di nogugl ede te meglkwa. Te, ye yene kor moraiglkwa i, pre i mitna edekre, sipsip nagigle pre goraiglkwa ama pra we digwa pre ye Yagl Kide yobuglo ere teimiwe dugwa.
Superando o mal com o bem
O cristão vence o mal não com violência, mas com o bem. O amor, a fé e a perseverança são as armas da superação.
Te, mabuno kide ene yobuglo ere norabedi kanige erekrio. Ene mabuno wakai ersre, mabuno kide egre atne edio.
Te, mabuno kide ene yobuglo ere norabedi kanige erekrio. Ene mabuno wakai ersre, mabuno kide egre atne edio.
Abuglage i, si mim erumara edugwa. Te, mim ere mogl, abuglage si goginagledi erukwa i, kuno erekrukwa.
Na Taitus doko moglka igne, dena muduna yubun dogwa ba na ege ege God di wakai yei te pai moglka. I siragl pre soldia bitno yagl ta kuda yobuglo ersre, soldiamo auro i ede ikne u yugomugl umere mere yegl, God ege ege no omnara ede okna ogo, no Krais bogl u swara omga pre ye mokomugl sika sidre, yoba Krais kamo prisre, Krais pre pogl sinaiglmedi di wan munga. Ye kamo di wan munga i, yoba ede nuglo demene wakai erukwa i gaiglko, inge ede bage bage omere mere yegl, ye kamo ede bage bage ogwa.
Duglo beglkwa pre yagl ta tadaglme erukwa i ka tage teigwa i, wakai erikwa ba erme ene yagl i tadaglmemo kide kodibi, na ama kide kodinaglka. Na kaima ene yagl i bogl aglke kor akie wakai moraiglkwa pre Krais gumuglo mina ye tadaglmemo kide kodo teiga. Yegl pre ene ama ye tadaglmemo ake moglkre, kide kodo teo. Ta manan, Satan nono no si pere pere edidre, ere kide ere noro dinabedi prika. I siragl pre nono ye bakaglmo siragl mere paugwa i, pre pogl sumga.
Yoba ta kuda yobuglo erabuka i, na yoba i pra we di tebo, siana king mina akie ame dinabuglka. Na kuda mina yobuglo ersre, Nina siamo mina na Nina bogl akie ame dubuglere yegl, na yoba i bogl akie ame dinabuglka pre diwe di, Yagl Kade yegl dugwa.
Yoba ta kuda yobuglo erabuka i, na yoba i pra we di tebo, siana king mina akie ame dinabuglka. Na kuda mina yobuglo ersre, Nina siamo mina na Nina bogl akie ame dubuglere yegl, na yoba i bogl akie ame dinabuglka pre diwe di, Yagl Kade yegl dugwa.
Te, yoba ta kuda yobuglo erabuka i, kugugl gagl kruo yegl mere tebo, edenabuka. Ye kagie ama, yoba kor aimadi meglkwa bukmo mina God bogl atne edugwa yogwa i, na ka kaima ta ere edekraglka ba na Nina gumuglo mina ya te, ye angeloma gumuglno mina yoba i kagie di pogl tenaluwe di, yegl dugwa.
Força e coragem divina
Deus é nosso escudo e fortaleza. Quando o medo tenta nos paralisar, a presença do Senhor nos fortalece e nos encoraja a prosseguir.
Na ege ege pra iedi prisre, gun yei pai moraglka i, siragl pre Krais yene yobuglo bogl narukwa pre na ege ege yegl eraglka i, kuno erukwa.
Na gagrama wagle, ene God yobama moglsre, yoba ka kibi digwa i, yobuglo ere te kodigwa. I siragl pre God Murubuglomo ene meglmara suna moglkwa i, ye yobuglo ere, yagl kide makandigle wan moglkwa i, egre togwa.
Na gagrama wagle, ene God yobama moglsre, yoba ka kibi digwa i, yobuglo ere te kodigwa. I siragl pre God Murubuglomo ene meglmara suna moglkwa i, ye yobuglo ere, yagl kide makandigle wan moglkwa i, egre togwa.
Resistindo a tentação
A armadura de Deus nos protege contra as investidas do mal. Resistir ao diabo, vigiar e orar são essenciais para a superação espiritual.
Agroma abaroma wagle, ka dudumara yegl paugwa, nono Yaglno Kade suna munara yobuglo idre, yobuglomo pai kawa tomara ama yobuglo io. God kuda kugugl gagl norukwa i mudu edio. Edibi, Satan konbo kane kane mina u ene kinano sidre, bakagl tenabuka ba ene yage sikre, adigl giglede moraiglkwa. Nono kuda bunga i, yoba bogl kuda boglkunga. Nono Satan ya murubuglo kide ye duglo beglkwa i bogl, ye meglmara kuda bunga. Murubuglo kide i, tau kagno podo paugo, tau yobuglno podo paugo, erukwa. Te, murubuglo kide i ye yoba mim erumara meglkwa i ye yoba i bitno moglsre, kide kaima meglkwa. Nono yoba kide i bogl kuda bunga pre diga. Nono yoba i bogl kuda bunga pre na ene yegl di teiga, soldia kuda kugugl gagl mudu ede kodidre, ede kuda wagle eimere yegl, ene ama God taragl wakai kane kane ere norukwa i poglo di prisre, ede kuda wagle enaiglkwa. Ene yegl eribi, yubun ya taragl kide kane kane ene meglmara unabuka ba ene ta yage sikre, adigl giglede meglbi, ege kide i dudunabuka igne pra, ene ama giglede adigl mogl pai moraiglkwa.
Ana ene yegl ere, adigl giglede moraiglkwa. I siragl pre nono kamga, soldia tabre wan u ikne ikne pi, kuda eramnedi kumagl deimere mere kuno yegl, ene God kamo kaima yogwa i, ege ege poglo di prisre, wan moraiglkwa. Te, ye ain ta pitno wagle padiglmere yegl, ene ama God nono yoba du meglmedi kanugwa i poglo di pribi, ene kugl bogl tenan, wakai moraiglkwa. Te, soldia ere mogl, su giglede edidre, kuda eramnedi ake kun erimere kuno yegl, ene ama Jisas kamo wakai yoba prisre, God bogl deno muduno swara yenaiglkwa pre dugwa i, ege ege yoba di tenamnedi ake kun ere moraiglkwa. Ene yegl ersre, God kamo kaima pre mediglkwa i pre medigl pai moraiglkwa paugwa. Yoba yer gaiglkwa, de bauglo ere paugo, simere mere yegl, Satan kuno yegl ere, ene ere sinagledi erabuka. Ba soldia awagle bogl, atne meglmere mere yegl, ene God kamo pre medigl pai meglbi, awagle mere yegl bogl tenan, yer i awagle mina sidre, goginabuka. Te, soldia ain bitno gagl edimere mere yegl, God ene ere i kodugwa i, ene poglo di pre molo. Pre moglsre, God Murubuglo bainet ta norukwa i ake gi di molo. God Murubuglo bainet ta norukwa pre diga i, God kamo i pre diga.
No Jisas kamo yegl beke tomgo, ene prikwa, ene okna mogl pai erikwa i, deno muduno okna goglo paugwa i, duglo bogl wan meglkwa. Ene deno muduno goglo i, tadaglme eraiglmedi pogglau bogl, u kide kaima pidre, ene bakagl togwa. Yegl mere erukwa ba ene deno muduno goglo okna paugwa i, ene gugl kide kodimiwedi, ene yegl beke tomga. Te, ene ka ta beke tomga i, yegl mere paugwa, God nomane kor ene ege ege beke te moglko, ene ege ege kiano mina nomane kor kor imiwe di, ene okna yegl beke tomga. Te, God deno muduno kor ene padigl togwa pre di tomga i, God yene mabuno du ere, wakai kaima moglmere yegl, ye ene deno muduno kor padigl tomiwe dumga.
Te, ene ege tau deno kubraiglkwa ba ene deno kubraiglmara i, tadaglme erekre, tabre kide kodinaiglkwa. Ene deno kubraiglkwa i pai mogl enan, ade beinan, kide panabuka. Ene Satan agai tekrio.
Yegl pre ene God moglmara mogl atne edidre, yagl kide bakagl noro dinabedi adigl gigledi molo! Ene yegl eribi, yagl kide ene meglmara kide kodo, teke ede enabuka.
Ene God moglmara mogl magigl edio! Ene God moglmara mogl magigl edibi, ye ama ene meglmara mogl magigl edenabuka. Yoba ogono nigl edimere yegl, ene tadaglme erikwa i, i pi kide kodio! Te, ene yoba ta nomano suo yenabuka i, nomano kide, i pi kide kodibi, deno muduno pe sinabuka.
Ene yegl ersre, Yaglno Kade moglmara mogl atne edibi, yene ere mogl, ene ake mitna edenabuka.
Yoba ta yubun mina adigl gigledi morabuka i, ye gun yenabuka paugwa. I siragl pre ye wakai erukwa pre God ye wakai erumedi kandre, topo wakai tenabuka. Topo i, king bitno gagl mere yegl yogwa, kagie kor kaima meglkwa bitno gagl we digwa. Yoba ta deno muduno God teigwa i, God ye topo yegl tenagledi promis ere kodugwa.
Ana yoba ta tadaglme ye dem muduo mina pogglau boran, ye God di boglsre, God na tadaglme eratnedi erumiwe di, yegl ta dikrabuka paugwa. I siragl pre God moglkwa i, mabuno kide ta ye dem muduo mina pogglau boglkruko, te ye yoba swara ta mabuno kide erabedi erekrukwa. Ba mabuno kide yoba swara swarade deno muduno mina pogglau boglkwa igne, ye yene mabuno kide gun yei teigwa pre ye nomane kide idre, yage sigwa. Ana yoba mabuno kide gun yei teigwa igne, ye pre moglsre, okuo tadaglme erikwa. Te, tadaglme ere ede eigwa igne, geglkwa mabuno ama ede nogugl ugwa.
Ene pro! Tadaglme ta ene den mudn mina pogglau boran, ene ere mogl, tadaglme i na swara moglmara pogglau boglmedi prikro. Nono yoba munga i, kuno yegl keme munga. Nono yegl munga ba God ye ege ege ka dumara adigl moglsre, ake ple di noro moglkwa pre ye kanige eran, tadaglme ene si atne edekrabuka. Tadaglme ene den mudn mina pogglau borabuka ba God ege ege ene tadaglme ta ere dinatnedi konbauna si tenabuka.
Nono God kamo pre medunga i, ene yoba beke tedre, God kogonmo eratnga i, yoba kuda yobuglo ere beglmere mere yegl, ene kogon podo yegl eratnga paugwa. God okna ene aimadi kamin kor moratnedi agle dugo, ene ede suna udre, yoba mere gumuglno mina di nogugl ede, God na aimadi kamin kor moraglka i, nare kodume dinga pre erme ene God na aimadi kamin kor moraglka i, narukra we di poglo di pre, erme ya okuo akie God bogl wakai kaima morabugledi ero.
Yoba ta mige moni mere kide idre, bona sinamnedi prikwa i, mabuno kide kane kane ye meglmara pogglau boglko, ye mabuno kide kan, bubuno gogl, nomane kide idre, yagl kide kitn koglmara sigwa. Yegl erikwa pre ye wakai moglkre, u kide kaima pi kodigwa.
Perseverança até o fim
A corrida da fé exige perseverança. Devemos lançar fora todo peso e olhar para Jesus, o autor e consumador da nossa fé.
Yoba okna ibo pre mediglkwa i, mere kide mogl, nono mogl winabo didre, pre medramga mabuno i, i nogugl ede noriko, kamga. Yegl pre nono adigl gigledi mogl, God nono resis ta eraiglmedi padigl norukwa i, ere kodinamga paugwa. Taragl ta nono resis mina muku di dinaiglmedi erabuka taragl i, nono kide kodidre, tadaglme mabuno kigln mere yegl kogl paugwa i, nono si dinamnedi eramga paugwa.
Ana Jisas okna erumere i, ene poglo di prio. Tadaglme yoba ere mogl, Jisas kudamo ikne kaima moramnedi erikwa ba Jisas adigl gigledi mogl, pre wige erukwa. Ana Jisas erukwa i, ene poglo di pre meglbi, ene deno muduno mina oglka ta erekran, adigl gigledi moraiglkwa.
Ana Jisas makandigle wan moglkwa igne, ye yubun mere yugo, Satan ama ye kina sinagledi erukwa. Yegl pre nono yoba yubun imga igne mo Satan nono kinano sugwa igne, Jisas nono ake ple di norabuka i, kuno erumedi pramga.
Ene nomano mina pre pogl sidre, kan kun ere molo. I siragl pre Satan, ene kudano ikne moglkwa i, laion taragl ta si nenagledi be di wan moglmere yegl, ye ene sinagledi ere moglkwa. Ba ene pre mediglmara adigl gigledi moglsre, ye si kegl dinaiglkwa paugwa. Te, ene ama praiglkwa i, No yubun yumnere mere yegl, agroma abaroma uglo koglo koglo meglkwa i, ama yubun kuno yegl igo, no imniwe di prio.
Ana God moglkwa i, nono ege ege ere wakai ere norukwa yagle moglkwa. Te, God yene Krais Jisas kagie mina ene agle di suna edidre, ye abuglagemo mina aimadi kamin wakai moraiglmedi agle dugwa. Yegl pre ene ege sugunagle giugl pre moraiglkwa paugwa ba okuo God ene ere wakai ere tedre, deno muduno si gigle di te, ene adigl gigledi moraiglmedi ere tenabuka.
Ene nomano mina pre pogl sidre, kan kun ere molo. I siragl pre Satan, ene kudano ikne moglkwa i, laion taragl ta si nenagledi be di wan moglmere yegl, ye ene sinagledi ere moglkwa.
Krais dem muduo podo kide norukwa pre taragl swara ta ye dem muduo podo norukwa i si kegl dinabuka kuno erekrukwa. Yubun unabuka mo giugl pramga mo yoba ta no ere kide ere noraiglkwa i, i mina ta si kegl dikraiglkwa. Te, kidan yenabuka mo kuguglno gaglno ta manabuka mo taragl kane kane no sinamnedi eraiglkwa mo ka kaima no sinaiglkwa i mina, Jisas nono dem muduo podo norukwa i ta si kegl dikraiglkwa.
Ana God yene prumere nono agle dugo, nono erme ye yobama moglsre, deno muduno God tomga yoba munga. Ye yobama munga i, taragl kane kane kide ya wakai akie nono munara plau dugwa ba taragl kane kane plau dumara i, God ege ege nono ere wakai keme ere norukwa.
Te, yoba mabuno kide kane kane ere naramnedi eraiglkwa i, Yagl Kade ama na ere i pai moglsre, na suglna wakai mogl enan, okuo ye heven ibo king morabara i, na i suna edenabuka. Ye kagie kade aimadi kamin inabuka paugwa. Kaima.
Yoba tau mere God kamo pre mediglkre, no ere kide ere noramnedi erikwa ba nono Yaglno Kade moglkwa i, ege ege ka dumara adigl moglkwa pre ye ene yobuglo bogl tedre, yagl kide ene ere kide ere te dinabedi kugl bogl te pai morabuka.
Descanso e renovação
Jesus convida os cansados e sobrecarregados a descansar nele. Sua graça é suficiente para nos renovar em meio às tribulações.
Ene yoba ta kogon podo ere moglsre, yubun kake meglkwa i, na moglmara wio. Ene na moglmara wibi, na ene ir si praiglmedi ere tenaglka.
Ene mogl pai eraiglmara mige moni bubuno goglkrio. Ene taragl ta kan neigwa i, i pra kan nomnedi prio. I siragl pre God yene dra mina didre, Na ka kaima ene kide kodokre, na mokona ene ka kaima ta tekraluwe dugwa.
I siragl pre God ye siragl ta eragledi prukwa i, erabuka keme yomiwe di, angelo i yegl dugwa.
Ana Jisas ye ugl pai meglkwa i kandre, ye yegl di togwa, Ene siragl pre ugl pai meglme? Ene adiglsre, yagl kide ene kinano si dinabedi kamage ere molo dugwa.
Ana ye pi dumo ta enamnedi eimara plau digo, Jisas ye duglo beglkwa yagl yegl di togwa, Yagl kide ene kinano si dinabedi kamage ere molo dugwa.
Ana erme we, ene na kogona eraiglmedi yobuglo teiga pre ene toki kide ya toki giabade egraiglkwa ba ene ere kide ere tekraiglkwa. Te, Yagl kide kudano ikne moglkwa ikra, pra yobuglomo egre atne edenaiglkwa.
Yagl kide ene kinano si dinabedi kor mogl, kamage ere, ugl paikrio. Ene nomano mina wakai eramnedi prikwa ba ene ogono nagino mina yobuglno paikrumiwe dugwa.
Ba yoba tadaglme erikwa i, yagl kide moglmere kaima meglkwa. I siragl pre okna ibo ede u erme pra, yagl kide tadaglme keme erukwa. Ba God Wam ugwa i, yagl kide kogonmo ere kide ere tenagledi ugwa.
Gagrama wagle, Krais kagie mina God ene tadaglmeno gugl ede togwa pre pepa i bogl teiga. Te, Neno Kade moglkwa i, ene kaima pre kan erikwa pre ka i bogl teiga.
Te, ene nenoma mere yegl ta meglkwa i, Yoba ta oknayene ibo moglkwa i, ene pre kan erikwa pre na ka i bogl teiga.
Te, ene kumugl gak meglkwa i, ene yobuglno paugo, God kamo ene meglmara kogon eruko, yagl kide yobuglo ere teigwa pre ka i ene ama bogl teiga.
Makandigle yoba mabunono i ya bona ganano i, wakai kankrio! Yoba taragl yegl ta wakai kanabuka i, ye dem muduo God ta tekrukwa paugwa.
Ana ene prio. God ye nono Krais bogl ere i swara ede kodugwa pre nono ogono nagino i, Krais ogo nagie mere yegl paugwa. Yegl pre nono Krais ogo nagie i pi, konbauna abu bogl i swara edinamno? Ka kaima nono yegl eramga i kuno erekrukwa. Yoba ta konbauna abu bogl, mabuno kide ta eribrika i, ye ogo nagie abu i bogl i swara edugwa. Ene yegl ta prikrimo? God kamo beglkwa yegl paugwa, Yagl abu u swara ebrika igne, ye ogono nagino, swara kaima mere yegl pamiwe dugwa. Ba nono munga i, yagl abu u swara eimere mere yegl, nono kiano mina Yaglno Kade bogl u swara kaima pi munga pre mabuno kide yegl ta erekramga paugwa.
Ana ene yagl abu ta bogl kunogl neigwa mabuno i, kide kodo, teke ede eglke pio! I siragl pre yoba tadaglme tau kane kane erikwa ba ogono nagino ere kide erekrikwa. Ba yoba ye yagl abu pere bogl kunogl neigwa i, ye yene ogono nagino ere kide erikwa. God ene Mudu Murubuglo togo, ene meglmara atne moglkwa pre ene ogono nagino i, Mudu Murubuglo yugumo mere yegl yogwa. Te, God yene ere mogl, ene topo si ikne edidre, bitno moglkwa pre ene erme meglkwa i, enene pre ta moglkrikwa. God ene bitno moglko, ene God taraglmo mere yegl meglkwa pre ene ogono nagino mina mabuno siragl mere ta eribi, God kagie kade inabuka i keme erio!
Na diga i, ene Mudu Murubuglo duglo bogl meglbi, deno muduno goglo pogglau boran, ene ta yage sikraiglkwa. Deno muduno goglo Mudu Murubuglo ake atne edenagledi eruko, Mudu Murubuglo deno muduno goglo ama ake atne edenagledi eruko, eribrika. Ye kuda ikne ikne miurka i pre ene mabuno wakai boramnedi eribi, waragne paugwa.