Superação: o que a Bíblia diz sobre vencer crises

33 Niwalongela gano gose, ili kwa kubandagala mmwangu mkale moyo uholile. Mwiisi mnago madununzo, lakini fungeni umoyo! Niye niihuma isi!"(Yohana 16:33)

37 Bule, mzimbuli zose zino tuhuma ng’hani kubitila heyo yotunogela tweye!(Walumi 8:37)

57 Lakini tumgwee nhogolwa Mulungu yotugwaa kuhuma kubitila Mndewa wetu Yesu Kilisito!(1 Wakolinto 15:57)

3 Kwavija kumnogela Mulungu ako kugagoga malagizo gake. Na malagizo gake gabuha, 4 kwavija kila yeli mwana wa Mulungu kodaha kuihuma isi. Vino avo vituihuma isi kwa kumtamanila kwetu Mulungu. 5 Vino nani yodaha kuihuma isi? Ni munhu ija yaiyeka yomtogola Yesu Kilisito kamba Mwana wa Mulungu.(1 Yohana 5:3-5)

11 Ndugu zetu wadihuma kwa damu ya Mwanang’hondolo na kwa kuwalongela wayagwe mbuli ya Mulungu, kwavija hawaunogele ugima wao na waitanda hata kufa.(Ugubulo 12:11)

21 Sekeutogole gehile gakuhume, lakini gahume gehile kwa ganogile.(Walumi 12:21)

5 Mulenge awo wokwaka mdiziza, najo ziza hadiudaha kuuzima bule.(Yohana 1:5)

10 Mwahagela kumgongo nzambi za munhu, na niye vivija nogela kumgongo. Kwavija nahagela kumgongo, kamba kweli ya cha baho kinhu cha kugela kumgongo, aho nogela kumgongo mgameso ga Kilisito mbuli ya mweye, 11 muladi Mwenembago sekeyawe mbala kumwetu, kwavija tojuwa viyogesa.(2 Wakolinto 2:10,11)

14 Lakini, Mulungu yagweleligwe nhogolwa, yotulongoza mna ikibumbila cha kudeng’helela kuhuma kubitila Kilisito na kubitila tweye topwililisa kila hanhu usenga wa Kilisito kamba mnung’ho.(2 Wakolinto 2:14)

5 Munhu yonda yahume kovazigwa vivo kwa viwalo vizelu, na sidisegeza bule twaga jake mna ikitabu cha ugima. Mgameso ga Tatangu na wasenga zake nolonga kwa mulomo wangu kamba heyo munhu wangu.(Ugubulo 3:5)

21 Munhu yonda yahume nomtenda yakale hamoja na nene mna ikigoda cha undewa, kamba vija niye vinihumile ng’hala hamoja na Tatangu mna ikigoda chake cha undewa.(Ugubulo 3:21)

13 Nogadaha gose kubitila Kilisito yonigangamiza.(Wafilipi 4:13)

4 Wanangu, lakini mweye mwa wana wa Mulungu na muwahuma watula ndagu wa uvizi, kwavija ija yokala mgati mmwenu kana nguvu kubanza ija yeli mwiisi.(1 Yohana 4:4)

10 Kisigale, nowapula mugangamale kwa kuilumba na Mndewa na kwa kutazigwa na udahi wake. 11 Soleni silaha zose zilondeka kwa kuitowela ziyowagwaa Mulungu mudahe kuuhuma ubala wihile wa Mwenembago. 12 Kwavija tweye hatuitowa na wanhu ila toitowa na nguvu za loho zihile zili kuulanga, toitowa na watawala na wakulu weli na nguvu, wotawala isi imemile. 13 Kwa mbuli ayo soleni silaha zose zilondeka kwa kuitowela ziyowagwaa Mulungu muladi yahavika siku ija ya gehile mudahe kuzihuma nguvu za ija yamwihileni, mwahaitowa mbaka kuuhelelo mokuwa mung’hali na nguvu.

14 Avo muitande goya na ukweli uwe kamba mkwiji mvigudi venu, na kutenda goyolonda Mulungu kamba kiwalo cha zuma cha kukimila mmhambaga zenu, 15 musulukile kuwapetela wanhu Mbuli Inogile kamba vilatu mmagulu genu. 16 Kipindi chose acho, mumtamanile Mulungu kamba ngao, muladi mudahe kuizima misale ikwaka ipigisigwe na ija Imdumuka. 17 Ubokeleni ukombozi kamba kofiya da kuvala mdipala, na Mbuli ya Mulungu iwe kamba panga dimugweleligwe na Loho Yang’alile.(Waefeso 6:10-17)

22 Uvuleni unhu wenu wa umwaka, uja ukalile wonangigwa kwa kusulukila vinhu va uvizi. 23 Mizoyo yenu na nzewele zenu vitendigwe va sambi. 24 Uvaleni unhu wa sambi, uumbigwe kwa kuigala na Mulungu, uja uigubula wenyego muugima wa ukweli wa kutenda golondigwa na Mulungu na kung’ala.(Waefeso 4:22-24)

26 Mwahagevuzika, sekemutogole kugevuzika kwenu kuwatende mutende nzambi, na sekemukale na ng’hasiliki kutwa ngima. 27 Sekemumgwelele mwenembago nyafasi.(Waefeso 4:26,27)

12 Kamweda munhu ija yofunga umoyo kipindi yahagezigwa, kwavija yahagangamala kobokela fungu da ugima uyalongile Mulungu kowagwaa wanhu womnogela. 13 Munhu yahagezigwa sekeyalonge, "Mulungu konigeza," kwavija Mulungu hagezigwa na nzambi, na heyo hamgezaga munhu yoyose. 14 Munhu kogezigwa kwa mbuli ya kukwegigwa na kunamata mumtego wa kusulukila kwake kwihile. 15 Kusulukila kwihile kwahepa kolela nzambi, nazo nzambi zahakangala zolela ifa.(Yakobo 1:12-15)

7 Avo, ilaveni kwa Mulungu, mulemeni Mwenembago nayo kowakimbila. 8 Mkweseleni behi Mulungu nayo kowakwesela behi. Sunheni makono genu mweye wene nzambi. Sunheni mizoyo yenu, mweye wanafiki!(Yakobo 4:7,8)

10 Igweni kuulongozi wa Mndewa na mumtamanile nayo kowenula uchanha.(Yakobo 4:10)

13 Kugezigwa kwenu siyo kilozo kwa wanhu. Lakini Mulungu kotenda kiyalongile, na honda yatogole mugezigwe kubanza nguvu zenu. Hamoja mogezigwa, lakini kowagwaa nguvu ya kugangamala na kowagwaa nzila ya kulawila.(1 Wakolinto 10:13)

15 Vino, hamujuwile kuwa ng’huli zenu ni maungo ga lukuli lwa Kilisito? Hebu mogesa nodaha kusola maungo ga lukuli lwa Kilisito na kugatenda gawe maungo ga ulukuli lwa munhu yosulukila ugoni? Aka! 16 Hebu hamujuwile bule munhu yonda yailumbe na munhu yosulukila ugoni kokuwa lukuli lumoja na munhu ayo? Kwavija yandikigwa mna Gamaandiko Gang’alile, "Weli wabili wokuwa lukuli lumoja." 17 Lakini munhu ija yoilumba na Mndewa kahamoja nayo kiloho.

18 Avo muinege ng’hani na ugoni. Kwavija nzambi ziyagwe zitendigwa na munhu haziubananga lukuli, lakini munhu yotenda ugoni kolutendela nzambi lukuli lwake mwenyego. 19 Vino, hamujuwile bule ng’huli zenu ayo ng’anda ya Loho Yang’alile, yeli mgati mmwenu imugweleligwe na Mulungu? Avo lelo, mweye siyo kinhu chenu wenyego, lakini cha Mulungu, 20 kwavija muguligwa kwa bei ng’hulu. Avo zisang’hanileni ng’huli zenu kwa ukulu wa Mulungu.(1 Wakolinto 6:15-20)

16 Avo, nolonga vino, mbuli zenu zimsang’hana zilongozigwe na Loho wa Mulungu, na aho honda mukweleleze usulukilo wihile uli mgati mmwenu. 17 Kwavija viulonda usulukilo wihile uli mgati mmwenu hakuitogolela na vija viyolonda Loho wa Mulungu, na vija viyolonda Loho wa Mulungu hakuitogolela na vija viulonda usulukilo wihile uli mgati mmwenu. Vinhu vino vibili haviilumba bule, avo hamudaha kutenda kinhu chochose kimulonda wenyego.(Wagalatia 5:16,17)

9 Lakini waja wolonda kuwa wagoli wokwingila mna ukugezigwa na wonamata mumtego wa kusulukila vinhu kwa ubozi, navo vowakwega mbaka kuna ukunangika na kufa.(1 Timoseo 6:9)

12 Wamba ng’hani kugahuma magayo goupata mbuli ya kutamanila kwako, muladi upate ugima wa mazuwa gose. Kwavija ugima uno awo uyakukemele Mulungu viutogole kumtamanila Kilisito mgameso ga wanhu wengi wakalile aho.(1 Timoseo 6:12)

19 Tegelezeni! Niwagwaa udahi, avo modaha kukanyaga mgendela hasi na inge na kuzihuma nguvu zose za Mwenembago. Kuduhu kinhu chonda kiwalumize.(Luka 10:19)

40 Viyavikile kuko, kawalongela, "Mpuleni Mulungu, sekemwingile mna ukugezigwa."(Luka 22:40)

46 Kawalongela, "Habali mowasa? Lamukeni mumpule Mulungu, sekemwingile mna ukugezigwa."(Luka 22:46)

38 Kawalongela, "Kaleni meso, mumpule Mulungu sekemwingile mna ukugezigwa. Moyo wa munhu wolonda kutenda ganogile, lakini lukuli lwaduhu nguvu."(Maluko 14:38)

12 Nowandikila mweye wana, kwavija nzambi zenu zigeligwa kumgongo kwa kija kiyatendile Yesu Kilisito. 13 Nowandikila mweye kina tata, kwavija mumjuwa heyo yakalile toka haichanduso. Nowandikila mweye wabwanga kwavija mumuhuma ija Imdumuka. Nowandikila mweye wana, kwavija mumjuwa Tata.

14 Nowandikila mweye kina tata kwavija mumjuwa heyo yakalile toka haichanduso. Nowandikila mweye wabwanga kwavija mna nguvu, na mbuli ya Mulungu yokala mgati mmwenu na mumuhuma ija Imdumuka.

15 Sekemuinogele isi hebu kinhu chochose kili mwiisi. Munhu yoyose yoinogela isi hadaha kumnogela Tata.(1 Yohana 2:12-15)

8 Munhu yoyose yotenda nzambi munhu ayo wa Mwenembago, kwavija Mwenembago katenda nzambi toka mwanduso. Lakini Mwana wa Mulungu keza mwiisi kukinanga kija kiyatendile Mwenembago.(1 Yohana 3:8)

1 Kwavija tweye tuzungulukigwa na lunhu lwa wanhu wotulola, avo tusegeze kila kinhu kitukimila mnzila, na nzambi ija ituzingiliza ng’hani na tukimbile kwa kuwamba mna ukuihuma kwitwikiligwe.(Waebulania 12:1)

3 Geseni mbuli zimpatile Yesu, viyafungile umoyo kwa kwihiligwa na wanhu wene nzambi. Avo sekemubwele kukisogo na kuleka.(Waebulania 12:3)

18 Kwavija heyo mwenyego viyagezigwe na kudununzigwa kafunga umoyo, kodaha kuwataza iwaja wogezigwa.(Waebulania 2:18)

8 Mugese goya na mukale meso. Ija yawehile, mwenembago kokwanga kamba simba yong’ula komzahila munhu wa kumuja. 9 Mulemeni, na mugangamale mditamanilo, kwavija mojuwa waenu wamtogole Yesu mwiisi yose wogaya kamba mweye vimugaya. 10 Mwahamambukiza kugaya kwa kipindi kidodo, Mulungu yeli na ng’hekewa yawakemile mweye muwe na fungu kwa kuilumba na Yesu Kilisito muukulu wake wa mazuwa gose, kowatenda mutelele na kowagangamiza na kowagwaa nguvu na kowatenda muwe kamba chandusilo.(1 Petulo 5:8-10)

28 Tojuwa kuwa mna ivinhu vose Mulungu kosang’hana vinogile kwa waja womnogela Mulungu, waja yawakemile watende goyolonda.(Walumi 8:28)

35 Vino nani yodaha kutugola na unogelwa wa Kilisito? Vino mbuli ya magayo hebu udala wa kupata vilondeka hebu madununzo hebu lufilili lwa nzala hebu ukiwa hebu zumozumo hebu ifa?(Walumi 8:35)

3 Lakini Mndewa kotamaniligwa, kowagangamiza mizoyo yenu na kowahonya kulawa mmakono ga ija Imdumuka.(2 Wasesalonike 3:3)

18 Mndewa komhonya na gehile gose, na konigala muundewa wake wa kuulanga. Ukulu uwe kwa Mulungu siku zose. Ona.(2 Timoseo 4:18)

28 "Izoni kumwangu mweye mose mugaya na kulemelwa na mizigo mikulu, na niye nowatenda mubwihile.(Matayo 11:28)

5 Sekemuzinogele ng’hani sente, lakini mwigute na vija vimulinavo. Kwavija Mulungu kalonga, "Sikusemwa ng’o na sikuleka ng’o."(Waebulania 13:5)

37 Kwavija kuduhu kinhu kimulemela Mulungu."(Luka 1:37)