Superação
Superar desafios, dificuldades e tentações faz parte da caminhada cristã. A Bíblia nos garante que, em Cristo, somos mais que vencedores em todas as circunstâncias.
Vitória em Cristo
Jesus já venceu o mundo. Nele temos coragem, paz e a certeza de que nenhuma adversidade poderá nos derrotar definitivamente.
Ira na sakasa aipira sa qa tei pojanigou tu ko pa miu kole kame taqu muna isongia agou sa na bule. Pa kasia gusu kode muna gosoria na vitigi. Ba mu varene! Ara qa tei vakilasia tu sa na kasia gusu!>> sau si Jisu.
Ira na sakasa aipira sa qa tei pojanigou tu ko pa miu kole kame taqu muna isongia agou sa na bule. Pa kasia gusu kode muna gosoria na vitigi. Ba mu varene! Ara qa tei vakilasia tu sa na kasia gusu!>> sau si Jisu.
Ba tonai taqe tomeria sira na tapata aipira sa gita taqeke tavakilasa goto sa vavarenegita tu na Karisito isa sa roroqugita.
Ba gita ta paranga jongana lao tana Tamasa isa sa vanigita na boboka ko taqe vakilasia noda kana pana roiti sa roitinia na oda Bangara i Jisu Karisito.
Ba gita ta paranga jongana lao tana Tamasa isa sa vanigita na boboka ko taqe vakilasia noda kana pana roiti sa roitinia na oda Bangara i Jisu Karisito.
ura doruna qai podo tana Tamasa qai tei vakilasia tu sa na kasia gusu. Ko na oda rarange sa na neqi sa vakilasia sa na kasia gusu.
Api sa na vairoqu tana Tamasa: ko gita ta kopuniria na garunu tana. Ko ira na garunu tana sa nake tapatadi, ura doruna qai podo tana Tamasa qai tei vakilasia tu sa na kasia gusu. Ko na oda rarange sa na neqi sa vakilasia sa na kasia gusu. I sei sa na tinoni sa vakilasia na kasia gusu? Kepore mutugu goto isa tugu na tinoni gu sa vasosotoa na Tuna na Tamasa si Jisu.
I sei sa na tinoni sa vakilasia na kasia gusu? Kepore mutugu goto isa tugu na tinoni gu sa vasosotoa na Tuna na Tamasa si Jisu.
Ira na tasida qai tei vakilasia tu sisa pana orunguna na lami,
beto pana dia vavavakato votuna na paranga tana Tamasa,
beto ko qaike rabeke vakamunia pa mate sa na dia toa.
Superando o mal com o bem
O cristão vence o mal não com violência, mas com o bem. O amor, a fé e a perseverança são as armas da superação.
Muke vamalumia nikerena qai roiti lamenia ira pana tamu ko mi vakilasigo, goto ao tu mu vakilasania na mua roiti jongana sa na roiti ikerena.
Muke vamalumia nikerena qai roiti lamenia ira pana tamu ko mi vakilasigo, goto ao tu mu vakilasania na mua roiti jongana sa na roiti ikerena.
Na kabere sa tolanga pa rodomo, ba na rodomo sake boka amua sa na kabere.
Ba gita ta paranga jongana lao tana Tamasa! Ura pana oda somana kole kame tavitia na Karisito sa agei doru totoso na Tamasa sa toni veinigei ira na pinausu pa liguna sa vakilasaria isa sira nona kana. Na Tamasa sa varoitigei sa agei ko sa vareregia doru eqa vei kai sakasava umanga jongana sa na gigalaina na Karisito.
Ego isa na tinoni qu taleosonia agou, sa ara ba qa taleosonia tugu. Ko isa qa tei taleosonia tu (vei bi koleona sosoto sa na sela lavatana sa pada bi taleosonia sisa) sa pana laemiu agou qa taleosonia ara pa moena na Karisito sisa. Qa roiti vei pira sara ko take vania na lolomo ko mi tutinigita nona roroqu si Setani. Ura gita taqe gigila vataleriaoda sira na ona roiti nyonyoravadi isa.
Isa sa turu varene sa ara mana vamalumia sisa ko mina somana toqo tavitisiu pana qua totoqona bangara, kai muqisi vei tugu ara ba qa varene ko qa somana toqo pana totoqona bangara tana Tamaqu.
Isa sa turu varene sa ara mana vamalumia sisa ko mina somana toqo tavitisiu pana qua totoqona bangara, kai muqisi vei tugu ara ba qa varene ko qa somana toqo pana totoqona bangara tana Tamaqu.
Isa sa turu varene pana ona rarange, sa mina tavasaenia na poko keala vevei isa beto maneke anyu palenia ara na isongona pana buka sa kolea nisongodi ira qai tekua na toa sisa. Mana ule votunia ara pana moena na Tamaqu beto tadira na mateana sa na isongona na tinoni isa.
Força e coragem divina
Deus é nosso escudo e fortaleza. Quando o medo tenta nos paralisar, a presença do Senhor nos fortalece e nos encoraja a prosseguir.
Pana neqi tana isa sa vanisiu na neqi sa ara qa boka taleria gu sa doru kai sa.
Ka visa qua koburu, na ona na Tamasa sagou ko qu tei vakilasaria tu agou sira na tinoni kokorotai sesekedi. Ura na Gagala sa kole tamugou sa neqi jolania sa na gagala sa kole tadira na tinoni pa kasia gusu.
Ka visa qua koburu, na ona na Tamasa sagou ko qu tei vakilasaria tu agou sira na tinoni kokorotai sesekedi. Ura na Gagala sa kole tamugou sa neqi jolania sa na gagala sa kole tadira na tinoni pa kasia gusu.
Resistindo a tentação
A armadura de Deus nos protege contra as investidas do mal. Resistir ao diabo, vigiar e orar são essenciais para a superação espiritual.
Ego pana vinaokotona sa, agou mu pasusu vaneqi lao tana Bangara beto pana ona neqi lavatana jola. Mu vasaeria sira doru sakasava vaipera tana Tamasa, ko mu boka turu vangajuria sira na boko vinaturu ikikeredi tana bangaradi ira na tomate ikikeredi. Ura nake tinoni sa koleria na masa na orungu sa taqe rajaria gita, goto ira tu na okoto babangara na okokoto neqi, na gagala ikeredi qai bangara pa kasia gusu pana totoso rodomo pira, beto ira na gagala ikeredi pa vavagalo eqa. Ko sa vei isa sa mu vasaeria sira doru sakasava vaipera tana Tamasa, ko mu boka turua na mua tuturuna pana rane ikeredi beto tonai mina jola sa na vaipera poni sa muna korapa tugu turu varenemiu sagou.
Ko vei sa mu turu ko mu doko vamaurunigou vei na beleti sa na toa sosotona, beto mu vasae veinia na poko sa susuqutia na raraqomiu sa na uana tuvisina. Mu soba veinia na buti vaipera pana nenemiu sa na vanaqitina ko muna vareregia na nongoro jongana veveina na bule tana Tamasa. Doru totoso mu pogoso veinia na naqe sa na miu rarange lao tana Tamasa, ko na rarange isa sa muna boka taleniria sira na tupi vuvurungudi tana isa na kutana nikerena. Mu teku soba veinia na tarapae vaipera pana batumiu sa na vinasosotona qu tei tekua tu agou sa na inaalo tana Tamasa, beto mu arua ko mu varoitia sa na paranga tana Tamasa isa na benete tana Gagala Tabuna.
Ko mu ulu loa palenia agou sa na toa leluna qu tutiria pana totoso qai jola lao pori. Na toa leluna isa sa ngangulugou beto sa toni vapirugou pana nyonyoroguania na roiti ikikerena tana kasia gusu. Mai tavalioso beto sira na bulomiu beto na roqumiu ko mai tavakorega. Na toa koregana sa nyoroguania na Tamasa sa sa podaka votu pana toa tuvisina beto na toa madi sosotona. Ko agou sa mu toania sa na toa koregana isa.
Vei bu tagigiri sao sa mu kopunia ko mike toni valaogo pana sela sa na mua kokora. Beto muke vakamunia na suvuna na tapo sa na mua kokora, ko muke vamalumu vania kai iqo peki totoso ko mi toni vapirugou sa na bangaradi ira na tomate ikeredi.
Ko sa vei sa mu tuti viketia na Tamasa sagou. Mu raja kokolosia sa na bangaradi na tomate ko mi ukunigou. Mu rijo tata lao tana Tamasa, ko isa mi rijo tata lame tamugou. Agou na tinoni selamiu, sa mu valiosoria na limamiu pana roiti ikikeredi. Agou sa bararua na roqumiu, sa mu valiabururia na bulomiu pana roroqu ikeredi.
Mu vaikete mulenigou pa moena na Bangara beto isa mi ovulugou.
Ego mina tamana sa na tinoni sa vangajuria sira na podeke, ura pa liguna mina vakilasaria isa sira na podeke, poni sa kode mina tekua isa sa na pinia toa tana varene, na pinia isa sa na Tamasa tu sa taringungutiniria ira qai roroqua isa. Na tinoni sa gosororia na totoke sa mike paranga vei pira, <<Na Tamasa sa korapa totokesiu sara,>> mikeu. Ura na Tamasa sake gosoria na totoke ko isa mekana ba sake totokea na tinoni. Goto na tinoni sa gosoria na totoke tonai na ona nyorogua selana mekana qai toni vapirua beto qai vagonai sisa. Ko na nyorogua selana isa sa tonai sa voraga votu poni sa pidokonia sa na sela, beto ko tonai sa matua sa na sela poni sa vuania isa sa na mate.
Doru podeke qu gosororia sa na veveidi qai tei gosororia tu ira na tinoni. Ba na Tamasa sake boka tetea nona paranga, ko minake vamalumu laogou ko bu tapodeke jolania na miu boboka sagou. Goto tonai mina lame sa na podeke sa isa mina vanigou na neqi ko muna boka vangaju palea, ko mina vadogoronigou na soana vovotuna.
Mu vaipera vivivania na vaipera jongana pana rarange. Mu aru tamania na toa jola, isa sa sorunigo ao na Tamasa ko muna tekua sau tonai qu ule votunia na mua rarange pa moedi soku tinoni qai nongorigo.
Goto ira qai nyonyorogua isisongodia sa qai vukele pana totoke beto pana sipata, beto qai vukeleniria soku roroqu gogoborodi beto na vavainganguludi qai vadururia ira na tinoni ko qai gosoroni tapata beto na tapipiara.
Perseverança até o fim
A corrida da fé exige perseverança. Devemos lançar fora todo peso e olhar para Jesus, o autor e consumador da nossa fé.
Ego ko ira na mota tinoni vevei inara qai varene pana dia rarange sa qai idi livutugita aipira. Ko sa vei sa gita ta loa paleria sira doru sakasa qai suqutugita beto na sela sa aru tamanagita, ko ta abutu vangajua gita sa na vaivose sa korapa kole pa moeda gita.
Mu doro laoa sisa sa vangajuria na tapata qai vania ira na tinoni seladi, ko muke munyala beto muke oqani taloa pana miu rarange.
Ko kopira sa boka tokaniria gu isa sira na tinoni qai gosororia na totoke, ura isa mekana ba sa tei gosororia tugu sira na totoke beto ko sa tavavitigi vei tugu gita.
Muke ilalo lao lame pana miu roroqu, mu suvere gegele! Ura na miu kana isa na bangaradi na tomate sa sa korapa lekogia doru eqa. Sa korapa lekogo vei na laione sa ngangara ko sa korapa nyaqo tinoni ko mi gani pipiararia sau. Mu kole vamauru pana miu rarange beto mu raja kokolosia sisa. Ura qu gigilaimiu agou sira na tinoni tana Tamasa pa kasia gusu sa qai korapa tugu gosororia sira na vitigi pana ginuana qai vasosotoa na Karisito vevei tugu qu korapa gosororia agou. Ba pa liguna muna suvere vitigi pana iapeki totoso papakana, sa na Tamasa mekana isa sa pugelia na vairoqu sa mina tuvaka vatuvisigou, mina sori vamaurugou, mina vaneqigou beto mina vaturu vamaurugou sagou. Isa sa na Tamasa sa kukugou ko muna somana isongia agou sa nona neqi kole jolana, ura qu gigilai agou sa na Karisito.
Muke ilalo lao lame pana miu roroqu, mu suvere gegele! Ura na miu kana isa na bangaradi na tomate sa sa korapa lekogia doru eqa. Sa korapa lekogo vei na laione sa ngangara ko sa korapa nyaqo tinoni ko mi gani pipiararia sau.
Bi mija sosoto tu sa kai tinoni babi kai sakasava mina boka pikata palenigita gita pana vairoqu tana Karisito. Tonai tu taqe gosoria na tapata ko taqe takulanga, tonai taqe takomiti ura taqe rangea na Karisito, taqe gosoria na songe, sa keporenigita na poko, taqe gosororia na sakasava vaivamatedi, babi tabe tavamate tu, ba na Tamasa sake beto roroqugita sa gita.
Ko gita taqe gigilai sa tadira qai roroqua na Tamasa sa isa sa roitiniria doru sakasava pana soana sa votua na jongana, ko sa roiti vei inara sisa pana tadira sa kukuria ura isa sa na ona nyorogua isa pana tadira.
Na Bangara mina vasaresiu pa dorudi na tapata ikeredi beto mina vakamu vasaresiu pa ona binangara pa noka. Na Bangara isa sa mi tavatarasae kamua na kamua. Agua.
Ba na tarangena sa na Bangara, isa mina vaturu neqigou beto mina vasaregou pana tana kutana nikerena.
Descanso e renovação
Jesus convida os cansados e sobrecarregados a descansar nele. Sua graça é suficiente para nos renovar em meio às tribulações.
Mei, lame taqu sagou doru qu pavu beto qu pogoso mamata, ko ara ma vamineregou.
Mu balaunia sa na toa buloa poata, goto mu qerania gu sisa vei qu isongia. Ura pira tei sau tu sa na Tamasa, <<Manake isongo loago ara sao; manake loa palenigo ara sao,>> sau.
Ura kepore sa kai sakasava sa tapatia na Tamasa,>> sau sa na mateana.
Poni sa pira sauniria, <<Ai sa vei ko qu puta tu? Mu dorava ko mu tatakole vavara, ko muke vukele pa totoke,>> sau sisa.
Totonai sa kamu sisa pa ia ketakoi, sa pira sauniria sira na ona sepele, <<Mu suvere vavara, ko muke vukele pa totoke,>> sauniria.
Doro! Qa tei vanigou tu ara sa na neqi, ko muna boka teteria gu agou sira na dole, na mede, beto muna vakilasa paleria tugu agou sira doru neqi tana kana i Setani, ko kepore sa kai sava mina apulugou.
Mu suvere gegele beto mu vavara ko muke vukele pa totoke. Na gagala sa malumu ba na tini sa munyala,>> sau.
Na tinoni sa roitinia na sela sa na ona na bangaradi na tomate, ura na bangaradi na tomate sa sela podalai pa popodalaina tu. Ko na ginuana sa bola votu na Tuna na Tamasa sa vei ko mi piara paleria sira na roiti tana bangaradi na tomate sau.
Ka visa qua koburu, ara qa korapa kuti lao tamugou ura na Tamasa sa tei vulasaria tu na miu sela pana laena na roiti sa roitinia na Karisito. Ka visa tamaqu, ara qa kuti lao tugu tamugou ura qu tei gigilai tu agou sa isa sa kole pa popodalaina. Ara qa kuti lao mutugu sa tamugou, agou na tinoni kokoregamiu, ura qu tei vakilasia tu agou sa na kutana nikerena.
Ka visa qua koburu, ara qa kuti lao tamugou ura qu tei gigilai tu agou sa na Tamada pa noka. Ka visa tamaqu, ara qa kuti lao tamugou ura qu tei gigilaimiu tu agou sa isa sa kole pa popodalaina. Ara qa kuti lao tamugou, agou na tinoni kokoregamiu, ura qu matua pana miu rarange beto na paranga tana Tamasa sa togasa tamugou, beto ko qu tei vakilasia tu agou sa na kutana nikerena.
Muke roroqua na kasia gusu babi ira na sakasava pa kasia gusu. Na tinoni sa roroqua na kasia gusu sa sake isongia na vairoqu tana Tamasa na Tamada.
Qu tei gigila vataleamiu tu agou sa na tinimiu sa na kobu tinina na Karisito. Ko ai vei mana boka kobu tekua ara sa kai kobu tinina na Karisito ko mana jokele laonia mule pana tana kai tugele? Sa tapata jola! Ba qu oqoro tu gigilaimiu agou sa na tinoni sa jokele laonia mekana pana tana kai tugele sa sa mekarai kai tini tavitia tugu na tugele isa sisa? Ura pira sa tei paranga vakabere vei tu sa na Kukuti Tabuna: <<Ira karu sa mai mekarai kai tinidi gu,>> sau. Ba na tinoni sa jokele laonia mekana tana Bangara sa sa kai gagala tavitia tugu na Bangara sisa. Mu ukunia sa na toa lulasana! Doru sela qai roitinia ira na tinoni sa pa peguruna gu na tini, goto na tinoni sa toania na toa lulasana sa sa roiti ngangulia na tinina mekana. Beko qu tei gigilaimiu tu agou sa na tinimiu sa na zelepade madina tana Gagala Tabuna, isa sa vanigou na Tamasa ko sa kole pana tamugou. Ko quke isongo mulenigou mekamiu sagou, goto sa tei vaivotunigou tu na Tamasa pana tabara. Ko sa vei sa mu vatarasaenia na Tamasa sa na tinimiu.
Ara ma pojanigou sapi. Mu tutia na vaitoni tana Gagala ko muke roitiniria sira na nyorogua ikikeredi tana tini. Ura na nyorogua ikikeredi sa nyoroguania na tini sa sake nyoroguania sa na Gagala, beto isa sa nyoroguania na Gagala sa sake nyoroguania na tini. Ura qaike vaitavaragua sira karu, ko sa vei sa agou quke boka roitiniria sira na sakasava qu nyorogua roitiniria.