33 "Asenyisou gigi mondo uyud kwe moa kuoma. E pinyni ubiro neno chandruok, to beduru gi chir nikech aseloyo piny."

33 "Asenyisou gigi mondo uyud kwe moa kuoma. E pinyni ubiro neno chandruok, to beduru gi chir nikech aseloyo piny."

37 Ooyo, ewi gigi duto wan joloch moloyo nikech Nyasaye mane oherowa.

57 To erokamano ni Nyasaye. Omiyowa loch kuom Ruodhwa Yesu Kristo!

57 To erokamano ni Nyasaye. Omiyowa loch kuom Ruodhwa Yesu Kristo!

4 nikech ngʼat ma Nyasaye onywolo loyo piny. Loch ma waloyogo piny en yie.

3 Hero Nyasaye en luoro chikene, to chikene ok tek rito 4 nikech ngʼat ma Nyasaye onywolo loyo piny. Loch ma waloyogo piny en yie. 5 En ngʼa moloyo piny? Mana ngʼat moyie ni Yesu en Wuod Nyasaye.

5 En ngʼa moloyo piny? Mana ngʼat moyie ni Yesu en Wuod Nyasaye.

11 Ne giloye

gi remb Nyarombo,

kendo gi Wach Nyasaye mane gihulo,

bende ne ok gidew ngimagi ahinya

mane nyalo miyo giluor tho.

21 Kik uyie richo lou, to louru richo gi tim maber.

21 Kik uyie richo lou, to louru richo gi tim maber.

5 Lerno rieny ei mudho, to mudho pok oime.

14 Erokamano ni Nyasaye, ma kinde duto telonwa kaka joma oselocho kuom Kristo, kendo ma konyore kodwa kuom keyo tik mamit mar ngʼeyo Kristo.

10 Ngʼato angʼata muweyone richone an bende aweyone. Nikech ka aweyone ngʼato richone; ka dipo an bende onego awene ngʼato e wach moro amora, to atimo kamano kuom Kristo, nikech un, 11 mondo kik Satan lowa gi riekone, nikech wangʼeyo chenro mage.

21 Ngʼat molocho anami thuolo mar bedo koda e kom duongʼna mana kaka an bende kane aselocho ne abedo gi wuora e kom duongʼne.

21 Ngʼat molocho anami thuolo mar bedo koda e kom duongʼna mana kaka an bende kane aselocho ne abedo gi wuora e kom duongʼne.

5 Ngʼat molocho bende norwakre gi lewni marochere kaka gin, bende ok naruch nyinge e kitap ngima, to abiro hulo nyinge e nyim Wuora gi Malaike mage.

1 Jehova Nyasaye e lerna kendo e warruokna;

en ngʼa ma daluor?

Jehova Nyasaye e kama ngimana opondoe.

En ngʼa ma dibwoga?

3 To In e okumbana mogengʼa, yaye Jehova Nyasaye;

In ema imiyo alocho, kendo isetingʼo wiya malo.

6 Atungʼ mara ok ageno kuome,

liganglana bende ok mi alochi;

7 to in ema imiyowa loch ewi wasikwa,

imiyo joma kedo kodwa neno wichkuot.

8 Sungawa ni kuom Nyasaye odiechiengʼ duto,

kendo wabiro pako nyingi nyaka chiengʼ. Sela*

25 Yaye Jehova Nyasaye,

reswa yaye Jehova Nyasaye, mi walochi.

26 Ogwedh ngʼat mabiro gi nying Jehova Nyasaye.

Wagwedhi gie od Jehova Nyasaye.

21 To ne, Jehova Nyasaye, ma Nyasachu osemiyou piny. Dhiuru mondo ukawe mana kaka Jehova Nyasaye, ma Nyasach kwereu nowacho niya. Kik ubed maluor, chunyu bende kik nyosre."

4 Nimar Jehova Nyasaye ma Nyasachu ema nodhi kodu mondo okednu kuom wasiku mondo omiu loch."

3 Inirit gi kwe ngʼatno ma parone oriere tir,

nikech ogeno kuomi.

13 Anyalo timo gik moko duto kuom Kristo mamiya teko.

4 Nyithinda mageno, un to un nyithind Nyasaye kendo useloyo jonabi mag miriambogo, nikech Jal manie iu duongʼ moloyo Jal manie piny.

4 Nyithinda mageno, un to un nyithind Nyasaye kendo useloyo jonabi mag miriambogo, nikech Jal manie iu duongʼ moloyo Jal manie piny.

10 Mogik, beduru motegno kuom Ruoth, kendo kuom tekone maduongʼ. 11 Manreuru gi gige lweny duto mag Nyasaye, mondo eka uchungʼ motegno kutangʼ ne wuond mar Jachien. 12 Nikech wasigu mwakedogo ok gin dhano, to wakedo gi jotelo, kod ruodhi mag piny motimo mudhoni, kaachiel gi lang chuny maricho modak e kor polo. 13 Omiyo manreuru mogik gi gige lweny mag Nyasaye, mondo ka kinde mag richo ochopo to uyud teko mar chungʼ kar tiendu kendo kusetimo madwarore duto to mondo uchungʼ. 14 Emomiyo nyonuru piny motegno, kutweyo nungou gi kamba mar adiera, kendo kurwako tim makare ka gige lweny mag akor, 15 rwakreuru gi ikruok mar lando Injili makelo kwe kaka wuoche e tiendu. 16 Ewi mago duto tingʼuru yie maru ka okumba mugengʼogo aserni makakni ka mach moa kuom ngʼat marach. 17 Kawuru ogudu motegno mar warruok kod ligangla mar Roho ma en wach Nyasaye.

22 Ne opuonju mondo uwe kit ngimau machon kendo ulony dhano machon makelo kethruok nikech gombo maricho mag wuond. 23 Mano notimore mondo chunyu maiye mar parou oloki obed manyien, 24 kendo mondo urwakru gi dhano manyien, mochwe mondo ochal gi Nyasaye kuom ngima makare mar adier kendo maler.

26 "Kaponi iu owangʼ, to kik utim richo."* Kik uwe chiengʼ podhi ka pod un gi ich wangʼ 27 kendo kik imi jachien thuolo mar loyi.

7 Omiyo bolreuru e bwo Loch Nyasaye. Kweduru Satan, eka noringu. 8 Suduru but Nyasaye, eka nosud butu. Luokuru lweteu, un jorichogi, kendo pwodhuru chunyu, un joma nigi paro ariyogi.

10 Bolreuru e nyim Ruoth Nyasaye eka obiro otingʼou malo.

12 Ngʼat matimo kinda kiteme en ngʼat mogwedhi, nikech kochungʼ motegno mi oloyo temno, to obiro yudo osimbo mar ngima, ma Nyasaye osesingore ni nomi joma ohere.

13 To ka itemo ngʼato to kik owach niya, "Nyasaye tema." Nikech Nyasaye ok nyal tem gi gik maricho, to en owuon bende ok otem ji 14 makmana ngʼato ka ngʼato itemo mana ka gombone owuon maricho oywaye kendo tere e richo. 15 Bangʼe ka gombo maricho osemako ich to onywolo richo; to richo kosedoko motegno to onywolo tho.

13 Onge tem museneno mopogore gi ma ji duto neno. Nyasaye rito singruokne, ok obi yie mondo otemu mohingo tekreu. To e sa ma itemoueno, obiro miyou yo munyalo tonygo mondo ubed gi teko mar timo sinani.

12 Ked lweny maber mar yie, kendo mak matek wach ngima mochwere mane oluongine chiengʼ mane itimo neno maber e nyim joneno mathoth.

9 Joma gombo mondo obed gi mwandu nwangʼo tem kendo gimoko e obadho kuom gik mofuwo mangʼeny kod gombo mathoth kendo gombo ma kamano kelo kethruok kendo miyo ji lal.

1 Emomiyo ka koro oganda maduongʼ mar joneno opie molworowa ka bor polo kama, to wan bende wawituru gimoro amora ma watingʼo manyalo duodowa e wuoth, kaachiel gi richo mora amora manyalo duodowa e ngimawa, koro waringuru matek ma ok waol e ngʼwech moseketwae.

3 Paruru kuome, en ma notimo kinda ka joricho kedo kode, mondo kik ujogi mi chunyu aa.

18 Kaka en owuon nosande kendo nokadho e bwo tembe, en gi teko mar konyo joma itemo.

8 Beduru motangʼ ka ungʼeyo ni jasiku, ma en Satan, bayo kuonde duto mana ka sibuor maruto, komanyo ngʼama dongam. 9 Chungʼuru motegno kuom yie ma un-go kendo tameuru, nikech ungʼeyo ni joweteu moyie e piny ngima bende neno chandruok machal gi ma uneno.

10 Ka useneno chandruok kuom kinde moromo, Nyasach ngʼwono duto, mane oluongou e duongʼne mochwere kuom Kristo Yesu, nomi ubed maler chuth, kogurou udoko motegno e mise ma ok yiengni.

8 Beduru motangʼ ka ungʼeyo ni jasiku, ma en Satan, bayo kuonde duto mana ka sibuor maruto, komanyo ngʼama dongam.

35 En angʼo manyalo pogowa gihera mar Kristo? Dobed masira, koso chandruok, koso sand, koso kech, koso duk, koso gima rach, koso ligangla?

28 Bende wangʼeyo ni Nyasaye tiyo maber ne jogo mohere, jogo moseluongi kaluwore gi dwarone.

18 Omiyo angʼeyo ni Ruoth pod biro resa kuom gimoro amora marach madwaro hinya nyaka chop atundi e pinyruodh polo. En ema mondo oyud duongʼ mosiko nyaka chiengʼ. Amin.

3 Ruoth en ja-adiera, omiyo obiro miyou teko kendo obiro ritou e lwet Ngʼama Rach.

28 "Biuru ira, un duto mujony kendo motingʼore mapek, mondo amiu yweyo.

5 Kik ubed joma ohero pesa, to gik ma un-go mondo oromu, nikech Nyasaye wacho niya,

"Ok anaweu

kata jwangʼ ok anajwangʼu"*

37 Nimar onge gima nyalo tamo Nyasaye."

46 Nopenjogi niya, "Angʼo momiyo unindo? Auru malo kendo ulam mondo kik udonj e tem."

40 Kane ochopo kanyo, nowachonegi niya, "Lamuru mondo kik udonj e tem."

19 Asemiyou loch mondo unyon thuonde gi thomoni kendo uloo teko duto mag jasigu bende onge gima nohinyu.

38 Beduru motangʼ kendo lamuru mondo kik udonj e tem. Chuny oikore makmana ringruok ema nyap."

9 Bed gi ilo maduongʼ, yaye nyar Sayun!

Kog matek, yaye Nyar Jerusalem!

Ne, Ruodhi biro iri

gi tim makare, kolocho, kobolore,

kendo koidho kanyna, kanyna matin,

adier en mana nyathi punda.

8 Ngʼat mosiko katimo richo en ngʼat Satan, nikech Satan osiko katimo richo nyaka aa chakruok. Gimomiyo Wuod Nyasaye nobiro ne en ni mondo otiek tich Satan.

12 Andikonu un nyithinda mageno

nikech osewenu richou, kuom nying Yesu.

13 Andikonu un wuone

nikech ungʼeyo Jalno mane nitie nyaka aa chakruok.

Andikonu, un jomatindo,

nikech useloyo ngʼama rach.

14 Andikonu un nyithindo mageno

nikech ungʼeyo Wuoro.

Andikonu un wuone,

nikech ungʼeyo Jalno mane nitie nyaka aa chakruok.

Andikonu un jomatindo,

nikech utegno,

kendo wach Nyasaye odak e chunyu,

kendo useloyo ngʼama rach.

15 Kik uher piny kata gimoro amora manie pinyni. Ka ngʼato ohero piny, to hera mar Wuoro onge e iye.

15 Donge ungʼeyo ni ringreu gin fuonde Kristo owuon? Bende dakaw fuonde Kristo mondo ariw gi dhako ma jachode? Mano ok nyal timore ngangʼ! 16 Koso ukia ni ngʼat moriwore gi dhako ma jachode bedo kode e achiel kuom ringruok? Ndiko wacho niya, "Ji ariyogo nodok ringruok achiel."* 17 To ngʼat moriwore gi Ruoth doko chuny achiel kode.

18 Ringuru utony ni terruok. Richo duto ma ngʼato timo otimo oko mar ringre, to ngʼat machodo timo richo ni ringre owuon. 19 Donge ungʼeyo ni ringreu en hekalu mar Roho Maler modak eiu kendo ma Nyasaye osechiwonu? Ok un mau uwegi; 20 to nongʼiewu gi nengo matek. Omiyo miuru Nyasaye duongʼ gi ringreu.

16 Omiyo akwayou ni mondo uwuothi kuom Roho, eka ok ubi timo gik ma ringreu dwaro. 17 Nikech ringruok osiko ka dwaro timo mana gik ma Roho ok dwar, to Roho bende dwaro chopo gik ma ringruok ok dwar. Gik moko ariyogi osiko ok winjre kendo mano ema miyo ok utim gik mabeyo mugombo timo.