Temor do Senhor

10 Մեղավորը կտեսնի և կբարկանա,

Կկրճտացնի իր ատամներն ու կհալվի,

Եվ մեղավորների ցանկությունը կկորչի։

10 Իմաստության սկիզբը երկյուղն է Տիրոջից,

սրբերի խորհուրդը՝ հանճար,

օրենքի իմացությունը մտքի հարստություն է։

33 Տիրոջից երկյուղը խրատ է և իմաստություն, և փառքի սկիզբը պատշաճում է նրան։

28 ու ասել մարդուն. «Աստվածպաշտությունն իմաստություն է,

ու չարիքներից հեռու մնալը՝ հանճար»։

9 Սրանք կործանվեցին և ընկան,

Մենք բարձրացանք և ուղղվեցինք։

10 Տե՛ր, պահպանի՛ր թագավորին

Եվ լսի՛ր մեզ այն օրը, երբ աղոթենք քեզ։

4 Տիրոջից երկյուղն իմաստության սկիզբն է. նաև հարստության, փառքի և կյանքի։

27 Տիրոջից երկյուղն ավելացնում է կյանքի օրերը. ամբարիշտների տարիները պիտի կրճատվեն։

27 Տիրոջ հրամանը կյանքի աղբյուր է, որը խուսափել է տալիս մահվան որոգայթից։

6 Ով փնտրում է Տիրոջը, գիտություն և արդարություն կգտնի, ուղիղ սրտով նրան փնտրողները խաղաղություն կգտնեն։

14 Երանելի է այն մարդը, որ արհամարհում է ամեն ինչ երկյուղածության պատճառով, իսկ խստասիրտը կընկնի չարիքների մեջ։

8 Նրանց վրա որոգայթ կհասնի, որի մասին չեն էլ մտածում.

Եվ որը լարեցին, կբռնի նրանց իսկ ոտքերը,

Եվ նույն որոգայթի մեջ կընկնեն։

9 Իսկ ես կցնծամ Տիրոջով,

Կուրախանամ նրա տված փրկությամբ.

4 մի՛ լսեք այդ մարգարեի խոսքերը կամ երազահանի երազները, որովհետև Տերը՝ Աստված, դրանով փորձում է ձեզ՝ իմանալու, թե սիրո՞ւմ եք Տիրոջը՝ մեր Աստծուն, ձեր ամբողջ սրտով ու ձեր ամբողջ հոգով։

6 Պահի՛ր Տիրոջ՝ քո Աստծու պատվիրանները, գնա՛ նրա ճանապարհներով և երկյո՛ւղ կրիր նրանից։

11 Երկյուղով ծառայե՛ք Տիրոջը

Եվ դողալով ցնծացե՛ք նրա առաջ,

11 Ինձ վրա հարձակվեցին չարի վկաները.

Հարցնում էին իմ չիմացածից։

12 Բարու փոխարեն ինձ չար հատուցեցին,

Որոշեցին ինձ անժառանգ թողնել մարդկանց մեջ։

13 Նրանց հալածանքի ժամանակ քուրձ էի հագնում,

Պահքով խոնարհեցնում էի անձս,

Եվ աղոթքներս իմ ծոցը դարձան։

14 Սիրալիր էի եղբոր և ընկերոջ պես,

Խոնարհ՝ սգավորի և տրտումի պես։

7 Արդ, Տիրոջ երկյուղը թող ձեզ վրա լինի. պահե՛ք Օրենքը և գործադրե՛ք, քանզի Տերը՝ մեր Աստվածը, անիրավություն և կողմնակալություն չի անում և չի կաշառվում»։

14 Համրին մի՛ վիրավորիր, կույրի ճանապարհին խոչ ու խութ մի՛ դիր։ Երկնչի՛ր Տիրոջից՝ քո Աստծուց. ես եմ Տերը՝ քո Աստվածը։

17 Եվ ոչ ոք իր մերձավորին չպետք է խաբի։ Երկնչի՛ր Տիրոջից՝ քո Աստծուց. Ես եմ Տերը՝ ձեր Աստվածը։

Փոխատվություն աղքատներին

35 Եթե եղբայրդ աղքատանա և ի վիճակի չլինի աշխատելու, նրան պիտի պատսպարես, ինչպես եկվորին ու պանդուխտին։ Նա քեզ մոտ պիտի ապրի։ 36 Նրանից վաշխ ու տոկոս չպիտի վերցնես։ Վախեցի՛ր քո Աստծուց, ես եմ Տերը։ Քո եղբայրը թող քեզ մոտ ապրի։

4 Բայց ասում եմ ձեզ՝ իմ սիրելիներին, մի՛ զարհուրեք նրանցից, որ մարմինն են սպանում և դրանից հետո ավելի բան անել չեն կարող, 5 այլ ցույց կտամ ձեզ, թե ումի՛ց պետք է վախենաք։ Վախեցե՛ք Նրանից, ով ձեր մահից հետո ձեզ գեհեն նետելու իշխանություն ունի։ Այո՛, ասում եմ ձեզ, վախեցե՛ք նրանից։