Tentação
A tentação faz parte da jornada cristã, mas Deus é fiel e não permite que sejamos tentados além do que podemos suportar. Em Cristo, temos poder para resistir e vencer.
A realidade da tentação
Jesus foi tentado em tudo como nós e compreende nossas lutas. A Bíblia nos ensina que a tentação não é pecado — o pecado está em ceder a ela.
Na aia taup ndamoot paŋan aniacap, na ma lamŋirenan, aia ndorita tɨpemb ŋgorikta makukarmo, mo irikna gargar kocor. Aintik aia tɨp ŋgoreacna makukca momoca wetwet ŋgoin. Na ma aina moca kadmairina. Ainda moca memetmbaca totowaiara aimo larurenan, an toco manmo muruŋcamiŋ ndarurina, na mamo towairina. Na ma ndo ŋgoinna tɨp ŋgoreacna makuk ianna mba mori.
Ma an ndeaca taŋga rai 40na mɨn. Na an mɨnna, Paparuna Ramootta mamo matowaiat.
Na ma amna reac ianna am ŋgocor ndeacri, na an mɨn maiatke, ma nik wataica ŋgocraica eacri.
Na reac ianna meac, co, ramoot ianna nikinik iroa moca manmo wɨŋga ma tɨp ŋgoreacna makukca mo te, ma gainda kai mbop teac, "Raraŋ Aetaniaca ma ndo aukmo moca aku an reaca morina." Wanaiŋ ŋgoin, Raraŋ Aetaniacmo tɨp ŋgoreacna makukca manmo mba wɨŋrenan, na ma meacramootmo mba wɨŋga tɨp ŋgoreacna makukca morenan.
Na ne lamŋirena, reac ianna nena rɨtɨpaikta totowaiara towai te, anna nenmo moca ne gagraca wɨtɨkca mitkar mbuknande.
O escape providenciado
Deus sempre providencia uma saída. Não precisamos cair, pois Ele nos dá forças para resistir e promete nos livrar da provação.
Na an totowaiara nenmo larurenanna, anna kabena totowaiar ŋgaibca, wanaiŋ. Na an totowaiara anna meikramtaɨrmo muruŋcamiŋ ndarurena totowair. Na Raraŋ Aetaniac, ma ndona kammo raŋgairena, na ma nenmo mba watcarica totowai ianna nenmo mba laruca nena gargarmo kunda tamuŋmbaia mba eacitndai. Wanaiŋ. Na totowaia nenmo laru te, Raraŋ Aetaniac ma nenmo otacna taupca ma monandet. Na an taupca gaind. Ne anna raŋgai te, ma nenmo moca ne wɨtɨki gagaranande, na an totowaia nenmo mba mac moi irikitndai.
Na Kacootta moatna reikmo, aia lamŋiraŋ te, aia lamŋinande, totowaiarmo Raraŋ Aetaniaca raŋgairena meikramtaɨrmo laru te, Kacootta minmo an totowaiara tɨkca mac nda aŋgɨna taupca ma lamŋirenan. Na Kacootta meikramtaɨr ŋgorikta tɨpemb kirarira ma lamŋirenan, na ma mina tɨpemb ŋgorikta opoikmo nda rutina taupca ma lamŋirenan, taŋi Raraŋ Aetaniacna ritri waparacna ra aniac laru te.
Na u aimo totowaira kai watcarica,
aimo laru teac,
na aimo reik ŋgorik ndambuŋa kai aŋgɨ taŋ teac.’
Vigilância e resistência
A Palavra de Deus, a oração e a vigilância são nossas armas contra a tentação. Vigiar e orar é o conselho do próprio Jesus.
Ne ndoritake, watca mbendeica eacraŋ. Moca totowaiara nenmo laru te, ne anna irik nari. Na anna gidik, nena iroar inkara reikca mona toŋtoŋgarap, na tikca ma toŋtoŋgar kocor."
Na witna loura lacarta ŋgaɨrta kɨdrɨk ŋgirikrinanna, anna mɨnɨŋa gaind, ramootta ma kam mbaracrenan, na mana iroa gan tiacarpaikna reikta tamtam ŋgoin ndamŋirena, na ma kituknduk wɨt aniac aŋgɨ wembacna kadmairena. Na an reikca Raraŋ Aetaniacna kammo kɨtac irikca ma gagaimb kocor.
Ri, Iesusa gaind mac mbopatna, "Reaca ramootna iro inik ndeacrenanna an ndiŋa laru te, anna ndo ramootmo moi patiŋga monandet. Na aku mbopapekna kamma, anna reikca ramootna nikinik iro ŋgetacndiŋ ndarurenan, na an reikca gaind, iroar ŋgorik aŋgɨrena tɨpna kirar, na meacramootna kaŋtertaapna tɨp kirara morenan, na makɨmrena tɨpna kirar, na ramootta rɨŋga menacrena tɨpna kirar. Na laŋtaŋgoara laŋtaŋgona tɨpemb ŋgadudukca morena meikramtaɨrta tɨpemb kirarira morenan, na kabena meikramtaɨrta reikca mamatŋina tɨp kirar, na reac ŋgoreac ŋgoreaca morena tɨp kirar, na parureke, na ndondo ŋgoin ndopca tamtamma morena tɨp kirar, na iro ŋgoreac aŋgɨca kabena meikramtaɨrmo peperena kam ŋgoreac ndoprena tɨp kirar, na garurureke, ŋaŋaŋaona tɨp kirara morena. Ainta tɨpemb kirarir, anna muruŋcamiŋa ŋgorik, na anna ramootna iro inik ndeacrenanna, an ŋgetacndiŋ ndarurenanna, anna Raraŋ Aetaniacna lamnɨac ŋgoutta, ramootmo mo, rat ŋgocor."
Na ne Iesusa rɨpacrena laiplacar, ne lamŋirenanna nena ianna tɨp ŋgoreacna makukca mo te, ne mandaia Raraŋ Aetaniacna Ŋeroŋa raŋgairenanna, ne an ramootmo laŋanna moca manmo otaca mana tɨp kirarmo aŋgɨri wandoŋai. Na ne toca ndoritake wat. Moca Ramoot Mbɨkca nenmo, tɨp ŋgoreacna makukca towai te, ne anna moca irik nari.
Na ramootta wɨtɨkca gagrarenan, na memetmbaca ma mitkar mbukrenan, ma toŋtoŋ ndeacnandet. Na ma totowairmo kocnai mo irik te, Raraŋ Aetaniaca manmo iarwarna eteacna wat neaŋca ma memetmbaca laŋ ndeacraŋnandet, na anna mana gagam. Na Raraŋ Aetaniaca ma mboprina, ramootta manmo matŋirenanna, ma minmo an gagamma neaŋnandet.