17 ન્યાયીઓ પોકાર કરશે અને યહોવાહ તેઓનું સાંભળશે

અને તેઓના સર્વ સંકટમાંથી તેઓને છોડાવશે.

18 જેમનાં હૃદય ભાંગી ગયાં છે, તેમની પાસે યહોવાહ છે

અને નમ્ર આત્માવાળાને તે બચાવે છે.

8 યહોવાહ દૃષ્ટિહીનોની આંખો ખોલે છે;

યહોવાહ ભારે બોજથી દબાયેલાઓનો બોજો હલકો કરે છે;

યહોવાહ ન્યાયી લોકોને પ્રેમ કરે છે.

9 હે પ્રભુ, મારી સર્વ ઇચ્છા તમે જાણો છો

અને મારો વિલાપ તમને અજાણ્યો નથી.

4 જેઓ શોક કરે છે તેઓ આશીર્વાદિત છે;

કેમ કે તેઓ દિલાસો પામશે.

5 "તું પાછો જઈને મારા લોકોના આગેવાન હિઝકિયાને કહે કે, ‘તારા પિતૃ દાઉદના ઈશ્વર યહોવાહ એવું કહે છે: "મેં તારી પ્રાર્થના સાંભળી છે અને તારાં આંસુ જોયાં છે. હું તને ત્રીજા દિવસે સાજો કરીશ અને તું યહોવાહના ઘરમાં જશે.

5 તેમનો કોપ તો કેવળ ક્ષણિક છે; પણ તેમની કૃપા જીવનભર છે.

રુદન રાત પર્યંત રહે છે, પણ સવારમાં હર્ષાનંદ થાય છે.

3 રાજ્યાસનમાંથી મોટી વાણી એમ કહેતી મેં સાંભળી કે, ‘જુઓ, ઈશ્વરનું રહેઠાણ માણસોની સાથે છે, અને ઈશ્વર તેઓની સાથે વસશે, અને તેઓ તેમના લોકો થશે, અને ઈશ્વર પોતે તેઓની સાથે રહીને તેઓના ઈશ્વર થશે. 4 તે તેઓની આંખોમાંનું દરેક આંસુ લૂછી નાખશે; હવે મરણ, શોક, રુદન કે વેદના ફરીથી થશે નહિ. જૂની વાતો જતી રહી છે.’"

16 તેઓને ફરી ભૂખ નહિ લાગશે, અને ફરી તરસ પણ નહિ લાગશે, અને સૂર્યનો તાપ અથવા કંઈ પણ પ્રકારની ગરમી તેઓના પર પડશે નહિ; 17 કેમ કે જે હલવાન રાજ્યાસનની મધ્યે છે, તે તેઓના પાળક થશે અને જીવનનાં પાણીના ઝરાઓ પાસે તેઓને દોરી જશે; અને ઈશ્વર તેઓની આંખોનું દરેક આંસુ લૂછી નાખશે.’"

10 શોકાતુરના જેવા તોપણ સદા આનંદ કરનારા; ગરીબો જેવા તોપણ ઘણાંઓને ધનવાન કરનારા; કંગાલ જેવા તોપણ સઘળાના માલિક છીએ.

7 તમારી સર્વ ચિંતા તેમના પર નાખો, કેમ કે તે તમારી સંભાળ રાખે છે.

8 જે તારી આગળ જાય છે, તે તો યહોવાહ છે; તે તારી સાથે રહેશે, તે તને છોડી દેશે નહિ કે તને તજી દેશે નહિ, માટે તું ગભરાઈશ નહિ કે નાહિંમત થઈશ નહિ."

15 આનંદ કરનારાઓની સાથે આનંદ કરો; રડનારાઓની સાથે રડો.

12 તોપણ હમણાં, યહોવાહ કહે છે,

સાચા હૃદયથી તમે મારી પાસે પાછા આવો.

ઉપવાસ કરો, રુદન અને વિલાપ કરો."

12 દ્રાક્ષવેલા સુકાઈ ગયા છે અને અંજીરી પણ સુકાઈ ગઈ છે.

દાડમડીના ખજૂરીનાં તેમ જ સફરજનનાં વૃક્ષોસહિત,

ખેતરનાં બધાં વૃક્ષો સુકાઈ ગયાં છે.

કેમ કે માનવજાતિના વંશજોમાંથી આનંદ જતો રહ્યો છે.

20 પછી અયૂબે ઊભા થઈને, પોતાનો જામો ફાડી નાખ્યો, પોતાનું માથું મૂંડાવીને જમીન પર પડીને ઈશ્વરની સ્તુતિ કરી. 21 તેણે કહ્યું કે, મારી માતાના ગર્ભસ્થાનમાંથી હું નિર્વસ્ત્ર આવ્યો હતો અને એવો જ પાછો જઈશ. જે મારી પાસે હતું તે યહોવાહે આપ્યું અને યહોવાહે તે લઈ લીધું છે; યહોવાહના નામની પ્રશંસા હો."

1 સુલેમાનનાં નીતિવચનો.

જ્ઞાની દીકરો પોતાના પિતાને હર્ષ ઉપજાવે છે

પણ મૂર્ખ દીકરો પોતાની માને ભારરૂપ છે.

18 કેમ કે અધિક ડહાપણથી અધિક શોક થાય છે. અને વિદ્યા વધારનાર શોક વધારે છે.

10 માટે તારા હૃદયમાંથી ગુસ્સો દૂર કર.

અને તારું શરીર દુષ્ટત્વથી દૂર રાખ,

કેમ કે યુવાવસ્થા અને ભરજુવાની એ વ્યર્થતા છે.

30 ઈશ્વરનો પવિત્ર આત્મા, જેણે તમને ઉદ્ધારના દિવસને સારુ મુદ્રાંકિત કર્યા છે, તેને ખેદિત ન કરો.