17 नितीमान आरोळी करतो आणि परमेश्वर ते ऐकतो,

आणि तो तुम्हास तुमच्या सर्व संकटातून वाचवेल.

18 जे हृदयाने तुटलेले आहेत, त्यांच्याजवळ परमेश्वर आहे.

आणि तो खिन्न झालेल्या आत्म्यास तारतो.

8 परमेश्वर आंधळ्यांचे डोळे उघडतो;

परमेश्वर वाकलेल्यांना उभे करतो.

परमेश्वर नितीमान लोकांवर प्रेम करतो.

9 हे प्रभू, तू माझ्या हृदयाची खोल उत्कंठ इच्छा समजतोस,

आणि माझे कण्हणे तुझ्यापासून लपले नाही.

4 ‘जे शोक करतात’, ते धन्य आहेत,

कारण ‘त्यांचे सांत्वन करण्यात येईल.’

5 "पुन्हा मागे फिर आणि माझ्या प्रजेचा नेता हिज्कीया याच्याशी बोल." त्यास म्हणावे, "तुझा पूर्वज दावीद याचा परमेश्वर देव म्हणतो: तुझी प्रार्थना मी ऐकली आहे आणि तुझे अश्रू पाहिले आहेत. तेव्हा मी तुला बरे करतो, तिसऱ्या दिवशी तू परमेश्वराचे मंदिर चढून जाशील.

5 कारण त्याचा राग काही क्षणाचा आहे, परंतु त्याचा अनुग्रह आयुष्यभर आहे.

रडने कदाचीत रात्रभर असेल, परंतु सकाळी हर्ष होईलच.

3 आणि मी राजासनातून एक मोठी वाणी ऐकली; ती म्हणालीः "पाहा, देवाचा मंडप मनुष्यांत आहे, तो त्यांच्याबरोबर वस्ती करील; ते त्याचे लोक होतील आणि देव स्वतः त्यांच्याबरोबर राहील 4 तो त्यांच्या डोळ्यांतले सर्व अश्रू पुसेल; आणि ह्यापुढे मरण राहणार नाही; दुःख, आक्रोश, किंवा क्लेशही होणार नाहीत; कारण पहिल्या गोष्टी होऊन गेल्या आहेत."

16 ते आणखी भुकेले आणि आणखी तान्हेले होणार नाहीत,

त्यास सूर्य किंवा कोणतीही उष्णता बाधणार नाही.

17 कारण राजासनाच्या मध्यभागी असलेला कोकरा स्वतः त्यांचा मेंढपाळ होईल,

आणि तो त्यांना जीवनाच्या पाण्याच्या झऱ्यांजवळ नेईल;

आणि देव स्वतः त्यांच्या डोळ्यातील सर्व अश्रू पुसून टाकील.

10 आम्ही दुःखीत, तरी सदोदित आनंद करणारे, आम्ही दरिद्री, तरी पुष्कळांना धनवान करणारे, आमच्याजवळ काही नसलेले आणि तरी सर्व असलेले असे आढळतो.

7 तुम्ही आपली सर्व चिंता त्याच्यावर टाका, कारण तो तुमची काळजी करतो.

8 परमेश्वर तुमच्या सोबतीला तुमच्यापुढेच चालणार आहे. तो तुम्हास सोडून जाणार नाही, तुम्हास अंतर देणार नाही. तेव्हा भिऊ नको आणि निर्भय राहा."

15 आनंद करणार्‍यांबरोबर आनंद करा आणि रडणार्‍यांबरोबर रडा.

12 "तरी आताही" परमेश्वर म्हणतो,

"तुम्ही आपल्या सर्व मनापासून माझ्याकडे परत या.

रडा, शोक करा आणि उपवास करा."

12 द्राक्षवेली शुष्क झाल्या आहेत, आणि अंजिराचे झाड सुकून गेले आहे,

डाळिंबाचे झाड, खजुराचे झाड आणि सफरचंदाचे झाड

अशी शेतातील सर्व झाडेसुद्धा शुष्क झाली आहेत.

मानवजातीच्या वंशातून आनंद नष्ट झाला आहे.

20 तेव्हा ईयोबाने ऊठून, त्याचा झगा फाडला, त्याने डोक्याचे मुंडन केले, भूमीकडे तोंड करून पालथा पडला आणि देवाची उपासना केली. 21 तो म्हणाला, "मी माझ्या मातेच्या ऊदरातून नग्न आलो, आणि पुन्हा तेथे नग्न जाईल. परमेश्वराने दिले, व परमेश्वराने नेले, परमेश्वराचे नाव धन्य असो."

1 ही शलमोनाची नितीसूत्रे आहेत.

शहाणा मुलगा आपल्या वडिलांना सुखी करतो,

पण मूर्ख मुलगा आपल्या आईला दु:खी करतो.

18 कारण विपुल ज्ञानात अधिक खेद आहे आणि जो कोणी ज्ञानात वाढतो तो दुःख वाढवतो.

10 यास्तव आपल्या मनातून राग दूर कर,

आणि आपल्या शरीरातील वेदनेकडे लक्ष देऊ नको.

कारण तारुण्य व सामर्थ्य ही व्यर्थ आहेत.

30 आणि देवाच्या पवित्र आत्म्याला दुःखी करू नका कारण तुम्हास खंडणी भरून मुक्तीच्या दिवसासाठी त्याच्याकडून तुम्हास शिक्का मारलेले असे आहात.