17 याहवेह नीतिमानाचा धावा ऐकून,

त्यांना सर्व संकटामधून सोडवितात.

18 याहवेह भग्नहृदयी लोकांच्या अगदी जवळ असतात

आणि जे पश्चात्तापी आत्म्याचे आहेत त्यांचे ते तारण करतात.

8 ते आंधळ्यास दृष्टी प्रदान करतात,

याहवेह ओझ्याखाली वाकलेल्यास उचलून उभे करतात,

परमेश्वराला नीतिमान प्रिय आहेत.

9 प्रभू माझी तीव्र इच्छा काय आहे, हे तुम्ही जाणता;

माझा प्रत्येक उसासा तुम्ही ऐकता.

4 धन्य आहेत ते, जे शोकग्रस्त आहेत,

कारण त्यांना सांत्वन मिळेल.

5 "परत जा आणि माझ्या लोकांचा अधिपती हिज्कीयाहला सांग, ‘तुझे पूर्वज दावीदाचे परमेश्वर, याहवेह असे म्हणतात: मी तुझी प्रार्थना ऐकली आणि तुझे अश्रू पाहिले आहेत; आजपासून तिसर्‍या दिवशी तू याहवेहच्या मंदिरात जाशील. मी तुझ्या आयुष्यात पंधरा वर्षांची भर घालेन.

5 त्यांचा क्रोध क्षणभर टिकतो,

पण त्यांची कृपा जन्मभर राहते.

विलाप करणे केवळ रात्रभर राहील,

परंतु प्रातःकाल उगवताच आनंद होईल.

3 राजासनावरून मला एक मोठी वाणी ऐकू आली. ती म्हणाली, "पाहा! परमेश्वराचे वसतिस्थान आता मनुष्यांबरोबर आहे; ते स्वतः त्यांच्याबरोबर राहतील; ते त्यांचे लोक होतील; आणि ते त्यांचे परमेश्वर होतील. 4 ‘ते त्यांच्या डोळ्यांतील प्रत्येक अश्रू पुसून टाकतील आणि आता मृत्यू,’* दुःख, रडणे व वेदना अस्तित्वात राहणार नाहीत. या सर्व जुन्या गोष्टी कायमच्या नाहीशा झाल्या आहेत."

16 त्यांना पुन्हा कधी भूक,

किंवा तहान लागणार नाही;

त्यांना सूर्याचा ताप,*

किंवा दाहक उष्णता बाधणार नाही.

17 कारण राजासनापुढे मध्यभागी असलेला कोकरा

त्यांचा मेंढपाळ होईल,

‘ते त्यांना जीवनाच्या पाण्याच्या झर्‍याजवळ नेईल,’

‘आणि परमेश्वर त्यांच्या डोळ्यांतील सर्व अश्रू पुसून टाकतील.’*"

10 व्यथित परंतु सतत आनंदित; गरीब परंतु इतरांना धनवान बनविणारे; मालकीचे काहीही नाही आणि तरी सर्वकाही असल्यासारखे असे आहोत.

7 तुमच्या सर्व चिंता त्याच्यावर टाका, कारण ते तुमची काळजी घेतात.

8 याहवेह स्वतः तुझ्यापुढे चालतील आणि तुझ्याबरोबर राहतील; ते तुला कधीही सोडणार नाही किंवा त्यागणार नाहीत. भिऊ नकोस; निरुत्साही होऊ नकोस."

15 आनंद करणार्‍यांबरोबर आनंद करा; रडणार्‍यांबरोबर रडा.

12 तरी आताही याहवेह म्हणतात,

तुम्ही आपल्या संपूर्ण अंतःकरणाने,

उपास, आक्रंदन व शोक करीत मजकडे परत या.

12 द्राक्षवेल वाळून गेली आहे

अंजिराचे झाड कोमेजले आहे;

डाळिंब, खजुराचे आणि सफरचंदाचे झाड;

शेतातील सर्व झाडे सुकून गेली आहेत.

खचितच लोकांचा आनंद

विरून गेला आहे.

20 हे ऐकताच इय्योब उठला आणि त्याने आपला झगा फाडला आणि डोक्यावरून वस्तरा फिरविला. नंतर जमिनीवर पडून त्याने उपासना केली 21 आणि म्हणाला:

"आईच्या उदरातून मी नग्न आलो,

आणि नग्नच मी परत जाईन,

याहवेहने दिले आणि याहवेहने परत घेतले;

त्या याहवेहचे नाव धन्यवादित असो."

1 शलोमोनाची नीतिसूत्रे:

शहाणा मुलगा त्याच्या पित्याला सुखी करतो,

परंतु मूर्ख मुलगा त्याच्या आईला दुःख देतो.

18 कारण अधिक सुज्ञतेबरोबर अधिक दुःख येते;

जेवढी अधिक विद्या तेवढे अधिक दुःख.

10 म्हणून तू आपल्या मनातून चिंता नाहीशी कर

आणि आपल्या देहातील वाईट गोष्टी काढून टाक,

कारण तारुण्य आणि जोश निरर्थक आहेत.

30 परमेश्वराच्या पवित्र आत्म्याला दुःखी करू नका, कारण त्याच्याद्वारे तुम्ही खंडणीच्या दिवसासाठी शिक्का मारलेले आहात.