17 నీతిమంతులు మొరపెట్టగా యెహోవా ఆలకిస్తారు;

వారి ఇబ్బందులన్నిటి నుండి ఆయన వారిని విడిపిస్తారు.

18 విరిగిన హృదయం గలవారికి యెహోవా సమీపంగా ఉంటారు.

ఆత్మలో నలిగినవారిని ఆయన రక్షిస్తారు.

8 యెహోవా గుడ్డివారికి చూపునిస్తారు,

యెహోవా క్రుంగి ఉన్నవారిని లేవనెత్తుతారు,

యెహోవా నీతిమంతులను ప్రేమిస్తారు.

9 ప్రభువా, నా కోరికలన్నీ మీ ముందు ఉన్నాయి;

నా నిట్టూర్పు మీ నుండి ఉంది.

4 దుఃఖించే వారు ధన్యులు,

వారు ఓదార్చబడతారు.

5 "నీవు వెనుకకు తిరిగివెళ్లి నా ప్రజల అధిపతియైన హిజ్కియాకు ఇలా చెప్పు, ‘నీ పూర్వికుడైన దావీదు దేవుడైన యెహోవా చెప్పే మాట ఇదే: నేను నీ ప్రార్థన విని నీ కన్నీరు చూశాను; నేను నిన్ను స్వస్థపరుస్తాను. మూడవ రోజున నీవు యెహోవా ఆలయానికి వెళ్తావు.

5 ఆయన కోపం క్షణికం,

కాని ఆయన దయ జీవితాంతం వరకు ఉంటుంది;

రాత్రంతా దుఃఖం ఉన్నప్పటికీ,

ఉదయాన్నే ఆనంద కలుగుతుంది.

3 అప్పుడు దేవుని సింహాసనం నుండి ఒక గొప్ప స్వరం, "ఇదిగో, దేవుని నివాసం ఇప్పుడు మనుష్యుల మధ్యలో ఉంది, ఆయన వారితో నివసిస్తారు. అప్పుడు వారు ఆయన ప్రజలై ఉంటారు. దేవుడు తానే వారితో ఉంటూ వారికి దేవుడై ఉంటారు. 4 ‘ఆయన వారి ప్రతి కన్నీటి చుక్కను తుడిచివేస్తారు. మొదటి సంగతులు గతించి పోయాయి కాబట్టి అక్కడ చావు* ఉండదు, దుఃఖం గాని ఏడ్పు గాని బాధ గాని ఎన్నడూ ఉండదు’ " అని చెప్తుంటే నేను విన్నాను.

16 ‘మరి ఎన్నడు వారికి ఆకలి ఉండదు

దాహం ఉండదు;

సూర్యుని తీవ్రమైన వేడి కూడా వారికి తగలదు’*

ఏ వేడి వారిని కాల్చదు.

17 ఎందుకంటే, సింహాసనం మధ్యలో ఉన్న వధించబడిన గొర్రెపిల్ల

వారికి కాపరిగా ఉండి

‘జీవజలాల ఊటల దగ్గరకు వారిని నడిపిస్తాడు.’*

‘దేవుడు వారి కళ్లలో నుండి కారే ప్రతి కన్నీటి చుక్కను తుడిచివేస్తారు.’*"

10 దుఃఖపడినా ఎల్లప్పుడు సంతోషిస్తూనే ఉన్నాం; మేము పేదలం కాని అనేకమందిని ధనవంతులుగా చేస్తున్నాము; ఏమి లేదు కాని సమస్తాన్ని కలిగి ఉన్నాము.

7 ఆయన మీ గురించి చింతిస్తున్నారు కాబట్టి మీ చింతలన్ని ఆయనపై మోపండి.

8 యెహోవాయే స్వయంగా మీ ముందు వెళ్తారు మీతో ఉంటారు; ఆయన నిన్ను ఎన్నడూ వదిలేయరు, నిన్ను చేయి విడువరు. భయపడవద్దు; నిరుత్సాహపడవద్దు."

15 ఆనందించే వారితో కలిసి ఆనందించండి, దుఃఖించేవారితో కలిసి దుఃఖించండి.

12 యెహోవా ఇలా ప్రకటిస్తున్నారు,

"ఇప్పుడైనా ఉపవాసముండి ఏడుస్తూ దుఃఖిస్తూ

మీ హృదయమంతటితో నా దగ్గరకు రండి."

12 ద్రాక్ష ఎండిపోయింది

అంజూర చెట్టు వాడిపోయింది;

దానిమ్మ, తాటి చెట్టు, ఆపిల్* పండు చెట్లు,

పొలం లోని చెట్లన్నీ ఎండిపోయాయి.

ఖచ్చితంగా మనుష్యులకు ఆనందం

లేకుండా పోయింది.

20 అప్పుడు యోబు పైకి లేచి తన పైవస్త్రాన్ని చింపుకొని గుండు చేసుకుని అప్పుడు నేలమీద సాష్టాంగపడి ఆరాధిస్తూ, 21 ఇలా అన్నాడు:

"నేను తల్లి గర్భంలోనుండి దిగంబరిగానే వచ్చాను,

దిగంబరిగానే వెళ్తాను.

యెహోవాయే ఇచ్చారు యెహోవాయే తీసుకున్నారు;

యెహోవా నామం స్తుతింపబడును గాక."

1 సొలొమోను యొక్క సామెతలు:

జ్ఞానం కలిగిన పిల్లలు తండ్రికి ఆనందం కలిగిస్తారు,

కాని మూర్ఖపు పిల్లలు తమ తల్లికి దుఃఖాన్ని కలిగిస్తారు.

18 జ్ఞానం ఎక్కువవుతూ ఉంటే విచారం కూడా ఎక్కువవుతుంది;

ఎంత ఎక్కువ తెలివి ఉంటే అంత ఎక్కువ దుఃఖం కలుగుతుంది.

10 కాబట్టి, మీ హృదయంలోనుండి ఆందోళన తీసివేయండి,

మీ శరీర బాధలను వెళ్లగొట్టండి,

ఎందుకంటే యవ్వనం, దాని బలం అర్థరహితమే.

30 విమోచన దినం కోసం మీరు ఎవరితో ముద్రించబడ్డారో ఆ దేవుని పరిశుద్ధాత్మను మీరు దుఃఖపరచకండి.