17 راستباز فریاد کرتے ہیں اَور یَاہوِہ اُن کی سُنتے ہیں؛

اَور اُنہیں اُن کی تمام پریشانیوں سے چُھڑاتے ہیں۔

18 یَاہوِہ شکستہ دِل اِنسانوں کے قریب ہیں

اَور وہ خستہ جانوں کو بچاتے ہیں۔

8 یَاہوِہ اَندھوں کو بینائی بخشتے ہیں،

اَور یَاہوِہ جھُکے ہوؤں کو اُٹھا کھڑا کرتے ہیں،

یَاہوِہ صادقوں کو عزیز رکھتے ہیں۔

9 اَے خُداوؔند، میری تمام تمنّاؤں کا دفتر آپ کے سامنے کھُلا پڑا ہے؛

اَور میری آہیں آپ سے پوشیدہ نہیں ہیں۔

4 مُبارک ہیں وہ جو غمگین ہیں،

کیونکہ وہ تسلّی پائیں گے۔

5 "واپس جا کر میری قوم کے رہنما حِزقیاہؔ سے فرما، ’یَاہوِہ تمہارے آباؤاَجداد داویؔد کے خُدا یُوں فرماتے ہیں، مَیں نے تمہاری دعا سُن لی ہے اَور مَیں نے تمہارے آنسُو دیکھے ہیں۔ مَیں تُمہیں شفا بخشوں گا اَور آج سے تین دِن کے بعد تُم یَاہوِہ کے بیت المُقدّس میں جاؤگے۔

5 کیونکہ اُن کا قہر چند وقفوں تک رہتاہے،

لیکن اُن کی نظرِکرم عمر بھر تک رہتی ہے؛

کہرام شاید رات بھر جاری رہے،

لیکن صُبح کو خُوشی لَوٹ آتی ہے۔

3 پھر مَیں نے تختِ الٰہی پر سے کسی کو بُلند آواز سے یہ کہتے سُنا، "دیکھو! اَب خُدا کی قِیام گاہ آدمیوں کے درمیان ہے اَور وہ اُن کے ساتھ سکونت کرےگا۔ اَور وہ اُس کے لوگ ہوں گے اَور خُدا خُود اُن کے ساتھ رہے گا اَور اُن کا خُدا ہوگا۔ 4 ’اَور وہ اُن کی آنکھوں کے سارے آنسُو پونچھ دے گا۔ پھر وہاں نہ موت باقی رہے گی‘*‏ نہ ماتم نہ آہ و نالہ، نہ کویٔی درد باقی رہے گا کیونکہ جو پہلی چیزیں تھیں مِٹ جایٔیں گی۔"

16 ’وہ آئندہ نہ تو کبھی بھُوکے ہوں گے؛

اَور نہ کبھی پیاسے۔

نہ تو سُورج کی گرمی اُنہیں جُھلسایٔے گی،‘*‏

اَور نہ اُنہیں دھوپ ستائے گی۔

17 کیونکہ وہ برّہ جو تختِ الٰہی کے درمیان ہے،

اُن کی گلّہ بانی کرےگا؛

’اَور اُنہیں آبِ حیات کے چشموں کے پاس لے جائے گا۔‘*‏

’اَور خُدا اُن کی آنکھوں سے سَب آنسُو پونچھ ڈالے گا۔‘ "*‏

10 غمگینوں کی مانِند ہیں، مگر ہمیشہ خُوش رہتے ہیں؛ کنگال دِکھائی دیتے ہیں مگر بہتیروں کو دولتمند بنا دیتے ہیں؛ ناداروں کی مانِند ہیں مگر سَب کچھ رکھتے ہیں۔

7 اَپنی ساری فکریں اُس خُدا پر ڈال دو کیونکہ وہ تمہاری فکر کرتا ہے۔

8 یَاہوِہ خُود تمہارے آگے آگے جا رہے ہیں اَور وہ تمہارے ساتھ رہیں گے؛ وہ تُمہیں نہیں چھوڑیں گے اَور نہ تُم سے دست بردار ہوں گے۔ لہٰذا ڈرو مت اَور نہ ہمّت ہارو۔"

15 خُوشی کرنے والوں کے ساتھ خُوشی مناؤ۔ آنسُو بہانے والوں کے ساتھ آنسُو بہاؤ۔

12 یَاہوِہ یُوں فرماتے ہیں، اَب بھی،

اَپنے پُورے دِل سے،

روزہ رکھ کر روتے اَور ماتم کرتے ہُوئے میری طرف لَوٹ آؤ۔

12 انگور کی بیل سُوکھ گئی

اَور اَنجیر کا درخت مُرجھاگیا؛

انار، کھجور اَور سیب کے درخت

الغرض کھیت کے تمام درخت سُوکھ گیٔے ہیں۔

یقیناً بنی آدمؔ کی خُوشی بھی

مُرجھا گئی ہے۔

20 تَب ایُّوب اُٹھ کھڑے ہُوئے اَور رنجیدہ ہوکر اَپنا لباس چاک کیا اَور سَر مُنڈوایا اَور زمین پر گِر کر خُدا کو سَجدہ کیا* 21 اَور کہا:

"میں اَپنی ماں کے پیٹ سے ننگا نِکلا،

اَور ننگا ہی واپس چلا جاؤں گا۔

یَاہوِہ نے دیا اَور یَاہوِہ نے لے لیا؛

یَاہوِہ کے نام کی سِتائش ہو۔"*

1 شُلومونؔ کی امثال:

دانا بیٹا اَپنے باپ کے لیٔے خُوشی لاتا ہے،

لیکن احمق بیٹا اَپنی ماں کے غم کا باعث ہوتاہے۔

18 کیونکہ جہاں حِکمت بہت ہے وہاں غم بھی بہت ہے؛

اَور علم میں اِضافہ کرنا بھی دُکھ میں اِضافہ کرنا ہی ہے۔

10 پس غم کو اَپنے دِل سے دُور کرو

اَور اَپنے جِسم کی تکلیفوں کو نکال دو،

کیونکہ جَوانی اَور جوشِ جَوانی دونوں باطِل ہیں۔

30 خُدا کے پاک رُوح کو رنجیدہ مت کرو، کیونکہ خُدا نے تُم پر مُہر لگائی ہے کہ تُم اِنصاف کے دِن مخلصی پا سکو۔