Uma só carne
O conceito de 'uma só carne' é o fundamento bíblico do casamento. Desde a criação, Deus uniu homem e mulher em uma aliança indissolúvel de amor, compromisso e intimidade.
A instituição divina do casamento
Deus criou o homem e a mulher e os uniu em aliança. O casamento é obra de Deus, e o que Ele juntou não separe o ser humano.
Ɠɔoɠɔ GALAGI ɲiimɛni wolai lɔɔni zunui ɠaazu, é ɲi. É kaka ɠaegi gila seɠeni, é ma zuai laaɠulu pogi zu. Ɠɔoɠɔ GALAGI anzanui ɓɛtɛni ga naama ɠaka ɠaegi, nii é seɠeni, é kula zunui ɠakai zu, é ʋaani la zunui ʋɔ.
Zunui ɠɛni ma:
«Niizu nii ɠa é ga kaei, nii é ga mà ɠaei,
kpusɛi nii é ga kpùsɛi.
Daaseigi ɠa ʋɛɛ ga anzanui,
mazɔlɔɔ kulaʋɛ zunui zu.»
Naa ɠa é ba, zunui ɠa zeɠe kɛɛɠɛ ta dee ʋa, é ɠili anzai ʋa, ti ɠɛ ga kpusɛ ɠila.
Ɠɔoɠɔ GALAGI ɠɛni ma: «É la ʋani ga zunui ɠila ko yɛ de. Nà kpɔba nu ʋagɔ ɓɛtɛzu bɛ.»
GALA ge nuɓusɛi ɓɛtɛni ga tɔ ɓɔɠɔi maaniinigi, é kpɛtɛni ga GALA maaniinigi. É zunui ta anzanui ɓɛtɛni.
É ti wooɠaaʋoteni, é ɠɛ ti ma: «Wo la dɛ kalani mu GALA sɛʋɛiti su ga tɔɔzeizu mɔunpa Ani Ɓɛtɛ ƓALAGI nuɓusɛi ɓɛtɛni, zunui ta anzanui,. é zɛba é ɠɛ ma: ‹Naa ɠa é ba, zunui ɠa zeɠe kɛɛɠɛ ta dee ʋa, é ɠili anzai ʋa, ti felegɔ ta ɠɛ ga kpusɛ ɠila›?. Naazu ti la mɔ ga nu felegɔ, ta niina ga kpusɛ ɠila kpe. Naa ɠa é ba, nu nɔpɛ ge mina naa ɠaaɠwɛ, nii GALA ge kpɔgai su.»
Kɛlɛ eteai ɓɛtɛ ziɛgi zu, ‹GALA ge nuɓusɛi ɓɛtɛni, zunui ta anzanui.›. ‹Naa ɠa é ba, zunui ɠa zeɠe kɛɛɠɛ ta dee ʋa, é ɠili anzai ʋa, ti felegɔ ta ɠɛ ga kpusɛ ɠila.›. Naazu ti la mɔ ga nu felegɔ, ta niina ga kpusɛ ɠila kpe. Naa ɠa é ba, nu nɔpɛ ge mina naa ɠaaɠwɛ, nii GALA ge kpɔgai su.»
O mistério da união
Paulo ensina que a união conjugal é um grande mistério que aponta para Cristo e a Igreja. A intimidade reflete a comunhão espiritual plena.
Zekana anzazinigiti maanɛai ti ti-anzaiti nɛɛ la ʋɛ, eɠɛ ti-ɓusɛi. Zɔi é anzai nɛɛzu ʋɛ, naa ɓɔɠɔ nɛa ʋɛ. Mazɔlɔɔ nu nɔpɛ ge la dɛ ɓɔɠɔ ɓusɛi wɔinzeɠeni, kɛni tɔun é ɗa kɔnɔkula, é ɗa sɛsɛbo, eɠɛʋelei Kilista kɛɛzu la Egilisii ʋɛ, tɔɔzei da ga kpusɛi ʋaalobazuʋɛti. «Naa ɠa é ba, zunui ɠa zeɠe kɛɛɠɛ ta dee ʋa, é ɠili anzai ʋa, ti felegɔ ta ɠɛ ga kpusɛ ɠila.». Nii ɠa ga faa wola nii é ɠɛa lɔɔɠuni. Nà nii wosu, é lo Egilisii ta Kilista ʋa. Nii é wo ma, naa ɠa ga zinigi ɠilagilagi anzai nɛɛ ʋɛ eɠɛ tɔ ɓɔɠɔi, anzai ɠilagilagi unfe sinigi ma.
Wo la kwɛɛ ɓaa, ga wo-ɓusɛiti ta ga Kilista ɓusɛi ʋaalobazuʋɛti? Gè Kilista ɓusɛi ʋaalobazuʋɛ ta zeɠena, gè kɛ ga koloɠolo anzanui ɓusɛi ʋaalobazuʋɛ ta? Naa li poun! Wo la kwɛɛ ɓaa, ga zɔi é ɠilizu koloɠolo anzanui ʋa, ta naa ta ga kpusɛ ɠila? Mazɔlɔɔ sɛʋɛʋɛ GALA Sɛʋɛi zu ga:
«Ti felegɔ ta ɠɛ ga kpusɛ ɠila.».
Kɛlɛ nui é ɠilizu Maliɠii ʋa, ta naa ta ga zɛnvu ɠila.
Ɠɔoɠɔ GALAGI la wo felegɔ wo ɠɛɛni ga kpusɛ ɠila ta zɛnvu ɠila wa tɔ? Lee ɠa é ga naama ɓɔsu vai ʋoluʋɛ? É la ga wo-mavofodai zɔlɔɔ nɔ ɓaa, nii GALA ge feezu? À dama ga ɓɔɠɔ, wa ʋa ɠɛlɛ anzanui ʋa, nii wo seiɗai wa-zunu loungo ziɛgi zu!
Fidelidade e alegria
A aliança conjugal exige fidelidade, respeito e dedicação mútua. A Bíblia celebra a alegria da intimidade dentro do casamento.
Ɠoozunɛ yeenɔpɛ su, wo eteai ziɛ ʋɔ, wa anzanui naa,
nii è yiimazeɠeni la, è-ma nu niinɛlai zu.
È-anzai ná-fai ɠaanɛɛʋɛ, ná-fai ʋagɛ eɠɛ dopai.
Kpusɛi ɗa-ɠoozunɛɛi laazeeli yeenɔpɛ.
Ɠoozunɛ siɛnɔpɛ su ná-nɛɛbɛi zu.
Dòun zunu, leeni vaa zu è ɠaazuɠulazu nu ɠili anza ʋa?
Leeni vaa zu ɗa ziilɛi gaiziɛ naama anzanui ya, nii é la ga ɗɔnɔ?
Kɛlɛ nii bɔɔlɔai ti pɛ ba, à ɓɔɠɔ maaɠili ga nɛɛbɛi, nii é wo ɠilizu ɓɔɠɔ ʋa kpaan. Kilista ná-ziilɛigi lo wo luɠɔ, naama yiilɛigi ɠa GALA ge wo loligai ma ʋɔɔma, wo ɠɛ ga kpusɛ ɠilagi ʋaalobazuʋɛti. À ɠɛ ga faanɛɛ wuuɠwɛɛ nuiti.
Naa ɠa é ba, à ɓe zɛɛi ʋa! Wo ɠilagilagi ɗa gaamai wo seiɲɔɠɔi ma, mazɔlɔɔ ada ga kpusɛ ɠilagi ʋaalobaiti.
