Uma só carne
O conceito de 'uma só carne' é o fundamento bíblico do casamento. Desde a criação, Deus uniu homem e mulher em uma aliança indissolúvel de amor, compromisso e intimidade.
A instituição divina do casamento
Deus criou o homem e a mulher e os uniu em aliança. O casamento é obra de Deus, e o que Ele juntou não separe o ser humano.
Ŋ ineem, Nikiɗi Kooh pani’iɗta ɓoya, a neehha neeh nooɗiɗ. A nihissa ƴoh yino ngaŋ lah-fisaaraŋ ɗe, a rannga ɗiska na neh. Nikiɗi Kooh ɓayya ƴoha a nihsoh ŋ ɓoya weem, a mahha ɓitiɓ naa, a kommba ɓoya ɗe.
Wa ɓoya hot ɗe, a ƴeella, a woosa ne :
« Waasii,
yii a ƴohiŋ ƴoh ciŋ ngo
na nehiŋ nehiŋ ngo !
Ɓoyii teeksan ɓo' ɓitiɓ,
laam a kooɗohu ŋ ɓo' ƴaar. »
Wa taamboh ɗaa po, ƴaar hey saɓsukohe na yaay na baab, a ŋoɗ ŋ ɓitiice, ɓa nik faan yino.
Wa weem coot, Nikiɗi Kooh woosa ne : « Ɗaay kiik ce baahɗi ngaŋ ɓo'. Ŋ hey ɗe haɓɗiɗe ɓaatɗohoh yi min kerhiɗoh na ɗe. »
Kooh ferra ɓo' ŋ ñaamaariŋ ɗe. Ngaŋ ñaamaariŋ Kooh, a ferra ɓa, ƴaar na ɓitiɓ.
Yeesu loffa ɓa ne : « Wa mand haa ne ɗu jangɗi ŋ Fiis ci ne Kooh yi ferohi, wi a na fere ŋ camba, a fer ɓa ƴaar na ɓitiɓ ; a woosa ne : " Weɗ tah ƴaar hey saɓsukohe na yaay na baab, a ŋoɗ ŋ ɓitiice, jaar ɓa kanak, ɓa nik faan yino. " Mbaa, ɓa nikisɗi kanak, ɓa faan yino kotii. Kon, ini Kooh ambsoh, ɓo' kinaata saɓsoh. »
waaye ŋ cambohaana, wa Kooh na fere Adina, a fer ɓa ƴaar na ɓitiɓ, weɗ tah ƴaar hey saɓsukohe na yaay na baab, a ŋoɗ ŋ ɓitiice, ɓa nik faan yino. Teemb ndeem, ɓa nikisɗi kanak ɓa faan yino kotii. Kon, ini Kooh ambsoh, ɓo' kinaata saɓsoh. »
O mistério da união
Paulo ensina que a união conjugal é um grande mistério que aponta para Cristo e a Igreja. A intimidade reflete a comunhão espiritual plena.
Ƴaar ci joy waaɗoh ɓitiɓ ciŋ ɓa ɗaa, findi ɓa waaɗoh faan ciŋ ɓa haf ɓa. Yaa nu waaɗ ɓitiice ɗah, a waaɗ haf ce.
Laam ali ɓo' moosɗi sangoh faaniŋ ɗe haf ce ; a na pesɗee wa pesiɗ, a taambkohee wa, findi Kiristaani na tume na Janguuni, weɗ faaniŋ ɗe, te ɓoo jen cir nga.
Fiis ci woo ne : « Weɗ tah ƴaar hey saɓsukohe na paamu, na ndaamu, a ŋoɗ ŋ ɓitiice, jaar ɓa kanak ɓa nik faan yino. » Woo keem, wa in nooɗiɗ nik nga ; ñam woo ne ineem na woye ŋ ini kaɗ ŋ Kiristaani na Janguuni. Ini wir te wa woorra, weɗ ne yaa nu nga ɗu waaɗaat ɓitiice findi a waaɗoh haf ce, te ɓitiɓ eɗ ƴaar ce cir.
Ɗu inahɗi ne faan ciŋ ɗu, ceɗ cir ciŋ faaniŋ Kiristaani e ? Ŋ hey ɓaye cir ngaŋ faaniŋ Kiristaani ŋ tumee ca cir toonkoh e ? Muk ! Wala ɗu inahɗi inahɗi ne ɓo' nu hun na toonkoh ɗah, na nike faan yino na ɗe ? Ŋ ini kaɗ ŋ ƴaar na ɓitiɓ, Fiis ci woyiɗ ne : « Kanak ci nikan faan yino. » Waaye ɓo' ŋoɗta ŋ Heɗi ɗah, na nike yino na ɗe ŋ liiɓohaaɗ.
Fidelidade e alegria
A aliança conjugal exige fidelidade, respeito e dedicação mútua. A Bíblia celebra a alegria da intimidade dentro do casamento.
Waaye ini uupiɗ in ceem jen etoh, weɗ ne ɗu waaɗtiɗoh, te waaɗoh weɗ ambtiɗohi mit.
Jamiŋ Kiristaani adgohaat keeñ ciŋ ɗu, ɗu ɓeeɗku ŋ jameem ŋ niki ɗu nik faan yino. Genaat corkiɗ Kooh !
Saɓsukohaat na lee, te yaa nu nga ɗah woyee morom ce keeh ; laam, ɓoo jen ɓoo cir, te ɓoo nikka faan yino.
