8 ግዶፐነ፥ አቤት መና ጎዳዉ፥ ኔን ኑ አዉዋ፤ ኑን ኡርቃ፤ ኔን ኡርቃ መዳዋ፤ ኑን ኡባይካ ነ ኩሽያን መቴዶ።

1 መና ጎዳፐ ኤርማሳዉ ዬዳ ቃላይ ሀዋ፤ 2 "ደንዳ፤ ኡርቃ መያ ብታንያ ጎለ ባ። ያን ታን ኔና ታ ቃላ ስሳና" ያጌዳ። 3 ታን ዱገ ኡርቃ መያ ብታንያ ጎለ ባደ፥ እ ባረ መያ ይንግርያዋን ኡርቃ መያዋ በኣድ። 4 እ መሽና፥ ሚሻይ አ ኩሽያን ባዬዳ። እ ሄ ኡርቃ ዛሪደ ሙናቂደ፥ ባረና ሎእያ ሀራ ሚሻ ከሲደ መዳ።

5 ሄ ዎድያን መና ጎዳ ቃላይ፥ ሀዋዳን ያጊደ፥ ታኮ ዬዳ፤ 6 "እስራኤልያ አሳቶ፥ ሀ ኡርቃ መያ ብታኒ ኦያዋዳን፥ ታን ህንተና ኦናዉ ዳንዳይክታ? ያጌ መና ጎዳይ። እስራኤልያ አሳቶ፥ በእተ፤ ኡርቃይ ባረና መያዋ ኩሽያን ደእያዋዳን፥ ህንተካ ታ ኩሽያን ደኢታ።

20 ሽን ታ ላገዉ፥ ጾሳዉ ዛራናዉ ኔን ኦኔ? ኡርቃፐ መቴዳ ሚሻይ ጉየ ዛሪደ ባረና መዳዋ፥ "ታና ሀዋዳን አያዉ መዲ?" ጊደ ኦቻናዉ ዳንዳዪ?✝ 21 ዎይ ኡርቃ መያዌ ባረ መያ ኡርቃ ባረ ኮይያዋዳን ኦናዉነ እት ማላ ኡርቃፐ እቱዋ ቦንቾ ሚሻ ኦደ፥ ቃይ እቱዋ ቶሸቴዳ ኦሱዋ ኦያ ሚሻ ኦደ መናዉ አዉ ማት ባዌ?

9 "ባረና መዳዋና ባጸትያዎ አየ አና!✝ አያዉ ጎፐ፥ እ ኡርቃ ሚሻፐ እቱዋ። ኡርቃይ መያዋ፥ ‘አይ ኦይ?’ ዎይ ቃይ፥ ‘ነዉ ኩሺ ባዋ’ ያጊ?

16 ህንተ የዎቱዋ ላሚታ፤ ኡርቃ መያዌ ኡርቃ ማላ ጊደ ቆፒታ! መቴዳዌ መዳዋ፥ "እ ታና መቤና" ጋኔ? ኦቱ ባረና መዳዋ፥ "እ አይነ ኤረና" ጋናዉ ዳንዳዪ?✝

20 እት ዎልቃማ ጎለን ዎርቃፐነ ብራፐ መቴዳ ሚሻ ጻላላ ግደናን፥ ምፐነ ኡርቃፐ መቴዳ ሚሻቱካ ደኢኖ። ሄዋንቱፐ ባጋቱ ቦንቾ ኦሱዋ ኡንቱንቱን ኦናዉ፥ ቃይ ባጋቱ ቶሸትያባ ኡንቱንቱን ኦናዉ መቴድኖ። 21 ሄዋ ድራዉ፥ ኦንነ ሀ ኢታባ ኡባፐ ባረና ጌሾፐ፥ እ ባረ ጎዳ ጎእያ ኦሱዋ ኦናዉ ባረና እሜዳ ድራዉ፥ ቦንቾ ኦሱዋ ኦያ ሚሻ ግዳናዋ። ቃይ ሎኦ ኦሱዋ ኡባ ኦናዉ ጊገቴዳዋ ግዳናዋ።

7 ሽን ኡባፐ አያ ዎልቃይ ጾሳዋፐ አትን፥ ኑሳ ግደናዋ በሳናዉ ኑዉ ሀ ምንጃይ ኡርቃፐ መቴዳ ሚሻ ግዴዳ ኑ ግዶን ደኤ።

2 ካሰ ቦንቼቴዳ ዎርቃ ላገ ግዴዳ ጽዮነ ናናቱ ሀእ ኩሽያ ሂላይ ኡርቃፐ መዳ ሚሻ ማላ ግዴድኖ።

8 "ታና ነ ኩሺ ጊግሲደ መዳ፤ ሽን ሀእ ሄ ኩሺ ስሚደ፥ ታና ይሴ። 9 ኔን ታና ኡርቃፐ መዳዋ ሀሳያ። ያትና፥ ሀእ ታና ባናዳን ሊቅሳናዉ ሀናይ?

23 ዎዛናን ኢታባይ ደእሺና፥ ባረ እንጻርሳን ጭሙዋ ቃላ ሃሳይያ አሳይ ብራን ሼሼዳ ኡርቃ ሚሻ ማላ።

34 ህንተኖ፥ ሄንንቻቶ፥ ዬክተነ ዋስተ። ህንተኖ፥ ዉድያ ካለያዋንቱ፥ ብድንን ጎንዶረትተ። አያዉ ጎፐ፥ ህንተ ሹከትያ ዎዲ ጋኬዳ፤ ህንተ ኩንዳናነ ሎኦ ኡርቃ ሚሻዳን መኤረታና።