6 Mitubag si Jesus kaniya, "Ako mao ang dalan, ang kamatuoran, ug ang kinabuhi. Walay makaadto sa Amahan kon dili pinaagi kanako.

14 Ang Pulong nagpakatawo ug nakig-uban kanato. Nakita namo ang iyang himaya ingon nga bugtong Anak sa Amahan. Maluloy-on gayod siya ug pulos kamatuoran ang iyang gipanulti.

4 Kay ang pulong sa Ginoo tinuod,

ug kasaligan ang tanan niyang gihimo.

5 "Ang matag pulong sa Dios kasaligan gayod.

Sama siya sa usa ka taming ngadto sa mga nagdangop sa iyang pagpanalipod.

20 Ug nahibaloan usab nato nga mianhi dinhi sa kalibotan ang Anak sa Dios, ug gihatagan niya kita ug panabot aron maila nato ang tinuod nga Dios. Ug anaa kita diha sa tinuod nga Dios, sa iyang Anak nga si Jesu-Cristo.* Siya mao ang tinuod nga Dios ug ang kinabuhi nga walay kataposan.

7 Apan sa pagkatinuod, mas makaayo alang kaninyo nga mobiya ako dinhi, kay kon dili ako mobiya, ang Magdadasig dili moabot kaninyo. Apan kon mobiya ako, ipadala ko siya kaninyo.

26 Miingon dayon si Jesus kanila, "Ipadala ko kaninyo ang Espiritu nga gikan sa Amahan. Siya mao ang Magdadasig ug siya usab ang magtutudlo sa kamatuoran. Ug kon moabot na siya, magpamatuod siya mahitungod kanako.

27 Apan kamo, ang Espiritu nga nadawat ninyo gikan kang Cristo nagpabilin kaninyo, busa dili na kinahanglan nga tudloan pa kamo sa uban nga mga tawo. Kay ang iyang Espiritu mao ang nagtudlo kaninyo sa tanang mga butang, ug ang iyang gitudlo tinuod ug dili bakak. Busa, sama sa iyang giingon kaninyo, pabilin kamo kang Cristo.

24 Ang Dios espiritu, busa ang magsimba kaniya kinahanglan nga mosimba pinaagi sa espiritu ug kamatuoran."

31 Unya, miingon si Jesus sa mga Judio nga mituo kaniya, "Kon magpadayon kamo sa pagtuman sa akong mga gitudlo, tinuod gayod nga kamo akong mga tinun-an. 32 Masayran ninyo ang kamatuoran, ug ang kamatuoran mao ang maghatag kaninyo ug kagawasan."

30 Gipili ko ang pagkamatinumanon;

ug tumanon ko ang imong mga lagda.

5 Tudloi ako sa pagkinabuhi subay sa imong kamatuoran,

kay ikaw ang Dios nga akong manluluwas.

Nagsalig ako kanimo sa kanunay.

15 Buhata ang kutob sa imong mahimo aron malipay ang Dios kanimo, sama sa nangalagad nga walay angay ikaulaw sa iyang mga gibuhat. Itudlo sa husto nga pamaagi ang pulong sa Dios nga mao ang kamatuoran.

18 Sumala sa iyang kabubut-on, gihimo niya kita nga iyang mga anak pinaagi sa atong pag-ila sa kamatuoran, aron molabaw kita sa tanan niyang mga binuhat.

15 Hinuon, pabilin kita sa kamatuoran uban sa gugma, aron sa tanang butang mahisama kita kang Cristo nga pangulo sa iglesia.

8 Gawas niana, mga igsoon, huna-hunaa ninyo kanunay ang mga butang nga maayo ug dinayeg: ang matuod, halangdon, matarong, putli, matahom, ug dalaygon.

2 Ang tubag sa Ginoo, "Ang tawo nga nagkinabuhi nga walay ikasaway

ug naghimo sa matarong.

Tinuod ug matinud-anon ang tanan niyang gisulti.

3 Dili siya magbutang-butang sa uban,

ug dili siya mohimo o mosulti

ug daotan sa iyang isigka-tawo.

13 Likayi ninyo ang pagsulti ug daotan

ug ang pagpamakak.

32 Ang tawong matarong nasayod kon unsay angay isulti,

apan ang mga tawong daotan

walay laing masulti kundi ang sayop.

24 Ayaw gayod pagsultig bakak

ug walay hinungdan.

12 Mga igsoon, labaw sa tanan ayaw gayod kamo panumpa nga mag-ingon, "Saksi ang langit" o "Saksi ang yuta," o ang uban pa nga mga butang. Ingna lang nga "oo" kon tinuod gayod nga uyon kamo, ug "dili" kon tinuod nga dili kamo uyon, aron dili kamo silotan sa Dios.

18 Mga Pinalangga kong anak, dili lang kita magsulti nga nahigugma kita, kondili ipakita nato sa atong mga binuhatan nga tinuod ang atong paghigugma.

6 Busa kon moingon kita nga nakighiusa kita sa Dios, apan nagkinabuhi kita diha sa kangitngit, namakak kita, ug wala kita nagkinabuhi sumala sa kamatuoran.

4 Wala nay laing makahatag kanako ug labaw pa nga kalipay kondili ang madunggan ko nga ang akong mga anak sa pagtuo nagkinabuhi sumala sa kamatuoran.

1 Adunay pagtuo kita kon hugot ang atong pagsalig nga madawat nato ang atong mga gilaoman, ug bisan wala pa nato makita ang mga gisaad, nasiguro nato nga madawat gayod nato kini.