10 versículos sobre esperança para renovar suas forças no início do ano

11 አያዉ ጎፐ፥ ታን ህንተዉ ሀልችያ ሀልቹዋ ታን መና ጎዳይ ኤራይ፤ ሄዌካ፥ ህንተዉ ስን ህዶታነ ናሸቻ እማና ማላ፥ ሳሮ ሀልቹዋፐ አትና፥ ኢታ ሀልቹዋ ግደና።

18 መና ጎዳ አይፈቱ አዉ ያይያነ

አገና አ ሲቁዋን ህዶታ ኦያ አሳቱዋ ቦላና።

31 ሽን መና ጎዳ አማነቲደ ናግያዋንቱ፥ ባረንቱ ዎልቃ ኦራና። ኡንቱንቱ አርጋንቱዋዳን፥ ቀፍያን ፑደ ከሳና፤ ዎጺደ ዳቡርክኖ፤ ሀመቲደካ ዎልቃ ዉርክኖ።

24 አያዉ ጎፐ፥ ኑን ጾሳይ እማና ጌዳዋን አቴዶ። ሽን ኑን ጾሳይ እማና ጌዳዋ በኦፐ፥ ያትና፥ ሄዌ ናሸቻን ናግያዋ ግደና፤ አያዉ ጎፐ፥ ባረ በእያዋ ደማና ጊደ፥ ናሸቻን ናግያዌ ኦኔ? 25 ሽን ኑን በኤናዋ ደማና ጊደ፥ ናሸቻን ናጎፐ፥ ሄዋ ዳንዳዪደ ናጌቶ።

23 ኑዉ እማና ጌዳ ጾሳይ አማንያ ድራዉ፥ ኑን ደማና ጊደ ናሸቻን ናግ ኡቴዳዋ ሎይ ኦይቆይተ።

ደኡዋ እማና ጌዳ ህዶታ

3 ኑን ጾሳ፥ ኑ ጎዳ የሱስ ክርስቶሳ አዉዋ፥ ባረ ማሮተ ዳሩዋዳንካ ኑና ላኤንዋ የሌዳዋ፥ የሱስ ክርስቶሳ ሀይቁዋፐ ደንዳዋን ኑዉ ደኡዋ ህዶታ እሜዳዋ ጋላቴቶ።

5 ታ ሸምፓቴ፥ ታን አያዉ ካዮታይታ?

ቃይ አያዉ ጃባካታይታ?

ታን ጾሳን ህዶታ ዎና።

አያዉ ጎፐ፥ ታን ብሮ

ታና አሽያዋነ ታ ጾሳ ጋላታና።

21 ግዶፐነ፥ ታን ሀ እትባ ታ ዎዛናን ቆፕያ ዎደ፥ ታዉ ስንናዉ ህዶታይ ደኤ። 22 ሄዌነ፥ መና ጎዳ አገና ሲቁዋፐ ደንዴዳዋን ኑን ይቦኮ። አ ቃረታይካ ሙለ ዉር ኤረና፤ 23 ኡንቱንቱ ዎንታ ዎንታ ኦራ። ኔን ሎይ አማነትያዋ።

6 ቃይ ህንተንቱ ግዶን ሎኦ ኦሱዋ ዶሜዳ ጾሳይ፥ ክርስቶስ የሱስ ስምያ ጋላሳይ ጋካናዉ ፖላናዋ ኤራይ።

አማኑዋን ደኡሳ

16 ሄዋ ድራዉ፥ ኑን ሳለቶኮ፤ ኑዉ ሀራይ አቶ፥ ቦላ ባጋ አሳተይ ዎቂንቶካ፥ ጋርሳ ባጋ አሳተይ ጋላሳን ጋላሳን ኦራጼ። 17 አያዉ ጎፐ፥ ሀእዉ ዋየትያ ሀ ጉ ዋዪ፥ ኡባፐ ሎይ ዳርያ መና ቦንቹዋ ኑዉ ቤትሳና። 18 ኑን ቤተናዋ ጼሌቶፐ አትን፥ ቤትያዋ ጼሎኮ፤ አያዉ ጎፐ፥ ቤትያባይ ሀእሳ፤ ሽን ቤተናዌ መናዉ ደእያዋ።