10 versículos sobre esperança para renovar suas forças no início do ano

11 काबरकि तुम्हर बर मोर जऊन योजना हवय, ओला मेंह जानत हंव," यहोवा ह घोसना करत हे, "तुम्हर नुकसान करे के नइं पर तुम्हर उन्नति के योजना, तुमन ला आसा अऊ एक भविस्य देय के योजना।

18 पर यहोवा के नजर ह ओमन ऊपर लगे रहिथे, जऊन मन ओकर भय मानथें,

जऊन मन ओकर बड़े मया के कारन ये आसा लगाय रहिथें,

31 पर जेमन यहोवा ऊपर आसा रखथें

ओमन नवां बल पावत जाहीं,

ओमन गिधवामन सहीं उड़हीं,

ओमन दऊड़हीं अऊ नइं थकहीं,

ओमन रेंगहीं अऊ नइं हांफहीं।

24 काबरकि ये आसा म हमर उद्धार होय हवय, पर जऊन चीज के हमन आसा करथन, यदि ओह हमन ला दिख जावय, त ओ आसा के अन्त हो जाथे। कोनो मनखे कोनो अइसने चीज के आसा नइं करय, जऊन ह पहिली ले ओकर करा हवय। 25 पर यदि हमन ओ चीज के आसा करथन, जऊन ह हमर करा नइं ए, त हमन धीर धरके ओकर बर बाट जोहथन।

23 आवव, हमन ओ आसा ला मजबूती ले धरे रहन, जऊन ला हमन स्वीकार करथन, काबरकि जऊन ह वायदा करे हवय, ओह बिसवासयोग्य अय।

जीयत आसा खातिर परमेसर के इस्तुति

3 हमर परभू यीसू मसीह के ददा अऊ परमेसर के धनबाद होवय! ओह यीसू मसीह के मरे म ले जी उठे के दुवारा, अपन बड़े दया के कारन, हमन ला जीयत आसा खातिर नवां जनम दे हवय,

5 हे मोर मन, तेंह काबर उदास होवत हस?

तेंह भीतरे-भीतर काबर बियाकुल हस?

परमेसर ऊपर अपन आसा रख,

काबरकि मेंह अब भी

मोर उद्धारकर्ता अऊ मोर परमेसर के

परसंसा करहूं।

21 तभो ले मेंह ये सुरता करथंव

अऊ एकरे कारन मोला आसा हवय:

22 यहोवा के महान मया के कारन हमन खतम नइं होयेंन,

काबरकि ओकर दया हमेसा बने रहिथे।

23 हर बिहनियां ओमन नवां होथें;

महान ए तोर बिसवासयोग्यता।

6 अऊ मोला ये बात के भरोसा हवय कि जऊन ह तुमन म ये बने काम सुरू करे हवय, ओह येला मसीह यीसू के आय के दिन तक पूरा करही।

16 एकरसेति, हमन हिम्मत नइं हारन। हालाकि हमर देहें के बल ह धीरे-धीरे कमजोर होवत जावत हवय, पर आतमिक रूप ले दिन ब दिन हमन नवां होवत जावत हन। 17 काबरकि हमर ये छोटे अऊ पल भर के समस्या ह हमर बर एक अनंत महिमा लावत हवय, जऊन ह सदाकाल तक बने रहिही। 18 एकरसेति, हमन ओ चीज ऊपर धियान नइं देवन, जऊन ह दिखत हवय, पर हमन ओ चीज ऊपर धियान लगाथन, जऊन ह नइं दिखत हवय। काबरकि जऊन चीज ह दिखत हवय, ओह सिरिप कुछू समय बर अय, पर जऊन चीज ह नइं दिखय, ओह सदाकाल तक बने रहिथे।