10 versículos sobre esperança para renovar suas forças no início do ano

18 Mawu hɛ ngɛ nihi nɛ buu lɛ ɔmɛ a he, nɛ nihi nɛ wo a hɛ ngɔ fɔ e suɔmi kɛ mɔbɔ nami ɔ nɔ ɔ, e baa a yi daa.

24 Hɛ kɛ nɔ fɔmi he je nɛ a he wa yi wami ngɛ. Hɛ kɛ nɔ fɔmi tsɔɔ kaa wa ngɛ nɔ́ ko nɛ wa nine sui nɔ lolo ɔ blɔ hyɛe, ejakaa ke nɔ ko nine su nɔ́ ko nɔ momo ɔ, e kɛ e hɛ fɔɛ e nami nɔ hu. 25 Se ke wa ngɔ wa hɛ kɛ fɔ Mawu nɔ kɛ ha nɔ́ ko nɛ bɛ lolo ɔ, e sa kaa waa hyɛ blɔ kɛ tsui si tomi.

23 Jehanɛ ɔ nyɛ ha nɛ waa hyɛ yi wami hemi nɛ Mawu wo wɔ he si ɔ blɔ. Nɛ wa gba mi kpoo nɛ wa de ni kpahi, nɛ wa yi mi nɛ ko pee wɔ enyɔɔnyɔ. Ejakaa nɔ nɛ wo wɔ si ɔ, e pi lakpatsɛ.

Wa he nɔ kami

3 A je Mawu yi, wa Nutsɔ Yesu Kristo Tsɛ ɔ, lɛ nɔ nɛ fɔ wɔ ehe ngɛ e mɔbɔ nami babauu ɔ nya a. E ngɔ wɔ kɛ wo lɛ nitsɛ e weku ɔ mi, konɛ wa na he nɔ kami kɛ ha neneene wami ngɛ Yesu Kristo si nɛ e te kɛ je gbeje ɔ he.

5 Mɛni ba nɛ aywilɛho nu mi kikɛ ɔ? Mɛni he je nɛ i hao ngɛ ye mumi mi tɔɔ nɛ ɔ? Wo o hɛ kɛ fɛ Mawu nɔ! I ma la kɛ je e yi ekohu ngɛ e yemi kɛ buami ɔ he.

6 Nɛ i heɔ yeɔ kaa Mawu, nɔ nɛ bɔni ni kpakpa nɛ ɔ tsumi ngɛ nyɛ mi ɔ, e ma tsa nɔ maa ye kɛ bua nyɛ. E ma ha nɛ nyɛɛ wa ngɛ e dloomi ɔ mi kɛ ya si benɛ e maa gbe ni tsumi ɔ nya ngɛ Yesu Kristo bami ekohu ligbi ɔ nɔ.

16 Enɛ ɔ he je nɛ wa yi tsui ɔ nɛ; nɛ ke wa kpo nɔ blɔ nɔmlɔ tso ɔ ngɛ gboe tete po ɔ, wa mi mi blɔ he wami nɛ wa ngɛ ngɛ Nutsɔ ɔ mi ɔ ngɛ wae daa ligbi. 17 Wa haomi kɛ wa nɔ́ nami nɛ ɔmɛ pi nɔ́ ko kulaa, nɛ a se be kɛe hulɔ; se mohu a maa wo Mawu neneene gbaami yiblii babauu ha wɔ. 18 Lɔ ɔ he je ɔ, wa ngɔɛ wa hɛ kɛ fɔɛ níhi nɛ wa ngɛ nae mwɔnɛ ɔmɛ a nɔ, se mohu Hiɔwe bua jɔmi nɛ wa nɛ lolo ɔ blɔ wa ngɛ hyɛe. Nɛ e be kɛ e nɛ haomi ɔmɛ a se maa po, se bua jɔmi nɛ maa ba a maa hi si kɛ ya neneene.