10 versículos sobre esperança para renovar suas forças no início do ano

11 Yi go’ gag e gumnang e tin ku gu tanomnag ni fan ngomed, tanom ni nggu man’og nagmed ma gathi nggu gafgow nagmed, pi tanom nem e nge yag ngomed e tin u mu nameged.

18 I SOMOL e ma yaliy e pi’in bay madgun u wun’rad,

ni pi’in ke pagan’rad ko t’ufeg rok ni dabimus.

31 Machane pi’in yad be toer ngak SOMOL ni nge ayuwegrad

e bay ra pir’eged nike yib gelngirad bayay.

Bay ra changeggad ngalang ni bod e arche’ ni eagle;

yad ra mil, ma dab ra magaergad;

ma yad ra yan, ma dabi m’ay gelngirad.

24 Yu daken e pagan’ rodad e ir e thapegdad Got riy ngak; machane fa’an mang e gadad be guy e n’en ni ir e be l’agan’dad ngay, me ere dabki yan i aw ni ba pagan’. Mini’ e ma pagan’ nga ban’en ni ban’en ni be guy? 25 Machane fa’anra l’agan’dad nga ban’en ndariy guyed, ma ngu’ud son niged u fithik’ e gumaen’.

23 Ere ngad chichiiyed pa’dad ko ren’en ni ir e ke l’agan’dad ngay ni ir e gadad be weliy murung’agen, ya ba pagan’dad ngak Got nra rin’ e tin keyog.

N’en nike l’agan’uy ngay ni bayi m’ug nib riyul’

3 Ngad pininged e magaer ngak Got ni ir e Chitamngin e Somol rodad i Jesus Kristus! Ya bochan e ri be runguydad me pi’ e yafos nib be’ech ngodad ni fan e faseg Jesus Kristus ko yam’. Ireray fan ni kad nanged ni tin ke l’agan’dad ngay e bay yib i m’ug nib riyul’,

5 Mangfan ni kari taganan’ug?

Mangfan ni dakir paslag lanin’ug?

Bay gu tay e pagan’ rog nga daken Got,

ma aram bayay ni bay ku gu pining e sorok ngak,

ya ir e ta’ayuw rog ma Got rog.

21 I sul e l’angan’ ngog nap’an ni gu leamnag e ren’en ni ba’aray:

22 Fare t’ufeg rok SOMOL ni dabi m’ay nge marunguy rok e ku be ul ul i yan,

23 Nib k’akling ni bod e kadbul, nib mich ni bod e yal’ nra for ngalang.

6 Ere bmuduwgil u wun’ug ni Got ni ir e tabab i ngongliy e re maruwel ney ni bfel’ u fithik’ i lanin’med e bayi muruwliy i yan nge yan i mada’ ko Rofen ni nge mus riy, ni aram e Rofen ni nge sul Jesus riy.

Ngongol u fithik’ e michan’ ngak Kristus

16 Ireray fan nri der mulan’dad. Yugu ra be wod dowdad i yan, ma lanin’dad e yibe be’echnag u reb e rran ngu reb. 17 Re gafgow ney ni gadad be tay nib gafgow nib achig ma dabi n’uw nap’an me m’ay e bayi fek i yib ngodad ba fla’ab ni ba ga’ ni dabi m’ay bi’id, nri kab gel feni ga’ ko re gafgow ney. 18 Ya gathi pin’en ni yibe guy nga owchey e ir e ke l’agan’dad ngay, ya pin’en ndanir guy nga owchey. N’en ni yibe guy nga owchey e bayi m’ay; ma n’en ndab ni guy nga owchey e bay i par ndariy n’umngin nap’an.