Vícios
A Bíblia nos alerta contra os vícios e comportamentos destrutivos. Deus nos chama à liberdade em Cristo, não à escravidão de desejos e hábitos que consomem corpo e alma.
A escravidão do pecado
Todo vício é uma forma de escravidão. Jesus veio para libertar os cativos e restaurar a verdadeira liberdade dos filhos de Deus.
Yegl digo, Jisas aglke kor ye yegl di togwa, Na ene kaima di teiga, yoba tadaglme erikwa i, mudu tadaglme mina atne kane paigwa.
Yegl pre God Wam ene kane pai dinaiglmedi eran, ene kane paikre, yoko kaima moraiglkwa.
Yegl pre God Wam ene kane pai dinaiglmedi eran, ene kane paikre, yoko kaima moraiglkwa.
Jisas yoba di te, Ene ka kaima paugwa i pre pogl sibi, kane paikraiglme dugwa
Ana Jisas ere mogl, Juda yoba tau ye pre mediglkwa i, yegl di togwa, Ene na kana duglo bogl meglbi, ene na duglo beglkwa yoba kaima moraiglkwa. Te, ka kaima paugwa i, ene pre pogl sinaiglkwa. Pre pogl sibi, ka kaima i, ene ake ple di tenan, ene kane ta paikraiglmiwe dugwa.
Nono kane paikramga paugwa
Krais nono kane paikraiglmedi nono ere i meda edugwa. Yegl pre yoba ta lo mina atne kane panaiglmedi eribi, ene adigl gigledi moglsre, mane dio!
Yoba niglno kogono yoba mabunono i, ene prikwa. Yoba ta niglmo kogonmo ere tenagledi prisre, ye kamo duglo boraluwe dinan, ye kaima yoba i moglmara mogl atne ede, niglmo kogonmo yoba morabuka. Kuno yegl mere, ene tadaglme mabuno duglo bogln, ene tadaglme mabuno mina atne mogl, niglmo kogonmo yoba mere yegl moglsre, goratnga. Ba ene God kamo duglo bogln, ene ye niglmo kogonmo yoba moglsre, mabuno du boratnga.
Resistência e domínio próprio
O fruto do Espírito inclui o domínio próprio. O cristão é chamado a ter controle sobre seus desejos, resistir à tentação e vigiar contra as obras da carne.
Ye yegl ersre, te, yoba pere taraglno bubuno goglsre, spak ersre, spak erimara ama ka kade didre, mabuno gua gua erikwa. Yegl ersre, tadaglme tau mere ama erikwa. Na okna ene di teiga ba aglke kor di tenaglka. Yoba mabuno kide yegl ta ere moraiglkwa i, God yoba kingno mogl, suglno morabara taragl swara ta ikraiglkwa.
Te, ye ama kiede mogl, deno muduno goglo i, ake atne edigwa. Mabuno wakai pra pra i, yoba lo ta ere padigl, mane dikrikwa.
Nono ogno nagno mina mabuno tau eun, God kagie kade inabuka i keme eramga paugwa
Ana ene tau digwa i, No God yobama mogl kodumga pre mabuno kane kane ta eramnedi pramga i, eramga aglau ta paikrumiwe digwa. Ene yegl digwa ba i ta kuno erekrukwa. Ene mabuno kide eribi, mabuno i ene ta ake ple di tekrabuka ba ene si kane sinabuka pre ene erekrio.
Nono ogno nagno mina mabuno tau eun, God kagie kade inabuka i keme eramga paugwa
Ana ene tau digwa i, No God yobama mogl kodumga pre mabuno kane kane ta eramnedi pramga i, eramga aglau ta paikrumiwe digwa. Ene yegl digwa ba i ta kuno erekrukwa. Ene mabuno kide eribi, mabuno i ene ta ake ple di tekrabuka ba ene si kane sinabuka pre ene erekrio.
Te, yoba muku di, ira ede okna enabedi erikwa i, ye ogono nagino sugl wakai meglmere mere yegl, na ama ogona nagna sugl wakai moglsre, mabuno kide kane kane ta pogglau boglkwa i, mane di teiga. I siragl pre na God kamo yoba di tenaglka ba okuo God topo ta inaiglme dugwa i, ta ikribo, kide panabedi prika. God kogonmo ake giglede ere pai moglsre, okuo topo inagledi prika.
Ene pro! Tadaglme ta ene den mudn mina pogglau boran, ene ere mogl, tadaglme i na swara moglmara pogglau boglmedi prikro. Nono yoba munga i, kuno yegl keme munga. Nono yegl munga ba God ye ege ege ka dumara adigl moglsre, ake ple di noro moglkwa pre ye kanige eran, tadaglme ene si atne edekrabuka. Tadaglme ene den mudn mina pogglau borabuka ba God ege ege ene tadaglme ta ere dinatnedi konbauna si tenabuka.
Ene pro! Tadaglme ta ene den mudn mina pogglau boran, ene ere mogl, tadaglme i na swara moglmara pogglau boglmedi prikro. Nono yoba munga i, kuno yegl keme munga. Nono yegl munga ba God ye ege ege ka dumara adigl moglsre, ake ple di noro moglkwa pre ye kanige eran, tadaglme ene si atne edekrabuka. Tadaglme ene den mudn mina pogglau borabuka ba God ege ege ene tadaglme ta ere dinatnedi konbauna si tenabuka.
Yagl kide ene kinano si dinabedi kor mogl, kamage ere, ugl paikrio. Ene nomano mina wakai eramnedi prikwa ba ene ogono nagino mina yobuglno paikrumiwe dugwa.
Yegl pre ene God moglmara mogl atne edidre, yagl kide bakagl noro dinabedi adigl gigledi molo! Ene yegl eribi, yagl kide ene meglmara kide kodo, teke ede enabuka.
I siragl pre ene pre kan erikwa i, yubun ugwa i, ene pre mediglkwa gigle dumo mo di, ere kanagledi ugwa ba ene ta yage sikribi, ene pre mediglkwa i, si gigle di togwa mere yegl paugwa.
Libertação e renovação
Em Cristo somos libertos de toda forma de dependência. Pela renovação da mente, aprendemos a discernir e rejeitar o que nos prende.
Nono ogono nagno God tenamga
Agrama abarama wagle, God mitno podo goglsre, nono ere wakai ere noro kodugwa i pre na ene di tenagledi prika i, ene ogono nagino God tenaiglmedi prika. Yoba sipsip si gogl, mudu gagl tawa teimere mere yegl, ene kor meglmere i, ogono nagino mudu God tenaiglkwa i pre diga. Ene ka kaima God kagie kade tenamnedi pribi, ene yegl eraiglkwa. Yegl eribi, God ama wakai prabuka. Ene mogl pai eraiglmara i, yoba meda God bogl moglkrikwa i mogl pai erimere yegl erekrio! Ene God nomane norabedi agai tebi, God ene nomane kor kor inaiglmedi tenabuka. Tenan, God ene siragl mere eraiglmedi prukwa i, ene pre pogl sinaiglkwa. God mabuno tau wakai kanugwa i, mabuno wakai ya mabuno du i, ene kaima pre pogl sinaiglkwa pre diga.
Ana Jisas goglsre, adigl u kor ogo, God bogl akie miurere yegl, ene ama yegl prio! Krais Jisas goglmara i, nono ye bogl akie gunga pre tadaglme mabuno i mina ta atne moglkrumnedi praiglkwa. Te, Jisas adigl u kor pidre, God bogl akie miurere kuno yegl, nono ama God bogl akie muniwedi praiglkwa. Ene erme God bogl akie meglkwa pre tadaglme mabuno i ene bitno morabedi kanige erekrio! Nono ogono nagino bogl makandigle munga pre tadaglme mabuno nono bitno mere yegl moran, mabuno kide siragl mere ogono nagino mina pogglau borabuka i, duglo boramga i kuno ta erekrukwa. Yegl pre ene ogono nagino tadaglme mabuno duglo boglsre, mabuno kide erabedi kanige erekrio! Ene yegl erekre, enene mudu meglmere God teo. Ene ta praiglkwa i, No goglsre, adigl ede u kor omgra we di prisre, ogono nagino mabuno du erabedi God teo!
Ana nono Jisas bogl u swara omga pre ye goglmere mere yegl nono ama gunga. Nono ye bogl akie gunga pre ye adigl u kor omere yegl nono ama adigl u kor enamga keme paugwa. Ka kaima nono ye bogl akie adigl u kor omga. Nono prumga, Jisas ede prak mina goglkwa igne, God ye nono okna tadaglme yugobunomo mina atne munga i, ede prak mina si dudugwa. Ye yegl erukwa i, tadaglme yobuglomo dudinan, nono tadaglme niglmo kogonmo erekraiglmedi erukwa.
Ana God ye yoba mudu yoko kaima ere inagledi prukwa i, erme ede nogugl u kodugwa. Umara nono erme makandigle moglsre, mabuno siragl mere boramga i, beke noro moglkwa. Ama makandigle yoba taragl kane kane bubuno geglmere yegl nono bubuno goglkraiglmedi beke norsre, nono yagl abu mabuno kide mane di tenaiglmedi ama beke norukwa. Te, nono yomere pamere mogl pai ersre, God mabunomo du paugwa i, duglo boramga pre beke noro moglkwa.
Yoba i makadigle kor wan morabuka igne i yoba mabuno kide pogglau boglko, duglo bogl wan meglmere yegl, ye duglo boglkre, God ye erabedi prumere ere pai morabuka. Ana yoba meda God kamo prikrikwa meglkwa i, ye mabuno kide erimere yegl, ene ama ere kodimedi prika. Okna ene mabuno kide kane kane bubuno goglsre, yagl abu ta bogl kunogl ne wan mogl, spak ere, erikwa. Te, ene okna pati kide ersre, nigl ne, mabuno kide ere, ama God mane dumara i, god kibi kamage ere teigwa. Okna ene mabuno yegl erikwa ba erme yoba mabuno kide yegl ere ede podo enamnedi erimara i, ene ye bogl akie erekrikwa pre ye nagino koglsre, ene ka kide di teigwa. Ba yoba i, ye okuo kot mina adiglsre, ye mabunono kide i, God gumuglo mina di poraiglkwa paugwa. God ye yoba kor meglkwa ya gogl kodigwa i kot ere tenagledi ere moglkwa.
Ana God yoba kot ere tenabuka paugwa pre Jisas kamo wakai i yoba di te wan meglko, mere kaima prikwa. Tau mere prisre, geglkwa. Yoba tau prisre, geglkwa i, ye nagino mina tadaglme bi dumara i atne meglkwa pre geglkwa ba ye kiano mina aimadi kor moraiglkwa i, igwa. God yegl keme panabedi di padugl kodugwa.
God kogon kane kane norabuka i, eramga paugwa
Ana taragl mudu dudunabuka ege i, ede magigl u kodugwa pre ene nomane wakai idre, mabuno kide ta deno muduno mina pogglau borabuka i mane di tenaiglkwa paugwa. Ene yegl ersre, kamage eribi, kuno erabuka.
Ana nono tadaglmeno ta paikrume dumun, no nono bakaunga mere yegl panabuka, te, ka kaima mabuno i, nono munara paikrukwa mere yegl panabuka. Ba nono tadaglmeno God di pogl tomun, God ye ere noragle dumere yegl ere, tadaglmeno koko ede norsre, mabuno kide siragl mere erumga i, kide kodo norabuka. I siragl pre God ege ege ka dumara adigl moglsre, mabuno du keme ere norukwa.
O corpo como templo
Nosso corpo é templo do Espírito Santo. Devemos honrar a Deus com o corpo, fugindo da embriaguez, da imoralidade e de toda impureza.
God ene Mudu Murubuglo togo, ene meglmara atne moglkwa pre ene ogono nagino i, Mudu Murubuglo yugumo mere yegl yogwa. Te, God yene ere mogl, ene topo si ikne edidre, bitno moglkwa pre ene erme meglkwa i, enene pre ta moglkrikwa. God ene bitno moglko, ene God taraglmo mere yegl meglkwa pre ene ogono nagino mina mabuno siragl mere ta eribi, God kagie kade inabuka i keme erio!
Yoba ta mabuno kide beglkwa i, God yoba kingno mogl, suglno morabara taragl swara ta ikraiglkwa. Ene ka i primo mo prikrime? Yoba ene bakagl tenamnedi ersre, yoba mabuno kide erikwa i ame inaiglmiwe ta dibi, ene prikrio. Kumugl abai mo yagl abu ta kunogl ne wan moraiglkwa mo yoba ta god kibi kamage ere tenaiglkwa mo yagl ere mogl, yene yagl bogl mabuno kide eraiglkwa ya te, kunogl nenaiglkwa mo bubuno goraiglkwa mo ye taraglno inamnedi bakagl tenaiglkwa i, ama taragl wakai wakai ikraiglkwa. Te, yoba ta spak eraiglkwa mo yoba kenaglno sinaiglkwa mo mabuno kide yegl ta ere meglbi, ama God yoba kingno mogl suglno morabara taragl swara ta ikraiglkwa. Ene tau okna mabuno yegl ere wan meglkwa. Meglkwa ba nono Yaglno Kade Jisas Krais kagie mina God Murubuglomo ene tadaglmeno nigl pai te, koko edidre, ene ere i God yobama edugo, ene erme God gumuglo mina yoba du meglkwa pre ene mabuno yegl ere moglkrio!
Ene ama spak erekrio. Yoba spak ersre, mabuno gua gua erikwa pre ene spak erekre, Mudu Murubuglo ene si kau si tenabedi ye moglmara mogl atne ede molo.
Ana Timoti yo, ene nigl kor keme ne motnga i kodo, nigl wain kuri ta ama akie no. Nen, ene den biglko mina kide ta magigl magigl inga i, tau aragan erabedi prika.
I siragl pre yoba mabuno kide deno muduno mina pogglau boglko, eramnedi prisre, taragl kane kane bubuno gogl, yene kagno ake mitna ede, yoba kan atne edidre, erikwa i, makadigle mabunono yegl paugwa ba Neno Kade ta tekrukwa.
Ene nomano mina pre pogl sidre, kan kun ere molo. I siragl pre Satan, ene kudano ikne moglkwa i, laion taragl ta si nenagledi be di wan moglmere yegl, ye ene sinagledi ere moglkwa.
Jisas duglo beglkwa yoba i, mudi ya abuglage mere yegl meglme dugwa
Jisas yegl didre, ama yegl dugwa, Ene erme makandigle meglkwa i, ene mudi mere yegl meglkwa. Ba mudi kuglomo ta dudinan, ene siragl mere kuglomo ere ikne edinaiglme? Mudi yegl mere kogonmo okuo ta paikrabuka ba yoba pia si makan mina edidre, egre kwagl paraiglmiwe dugwa.
Te, ege mere yagl kide kigln koglmara magigl pi dinaiglmedi ersre,
Yagl kide no si dinabedi no ere yo
di, ene kamage yegl eraiglme dugwa.
God kamo mina bage ta yegl beglkwa,
Na Yagl Kade moglka i, ene ka kaima di teiga,
Yoba mudu na gumuglnamugl goglkono bodiglsre,
na swara God motniwe di, yegl dinaiglmiwe
dugwa.
Yegl pre nono pre pogl sinamga. Nono swara swarade siragl mere mogl pai eunere i, God gumuglo mina adigl mogl, di poramga.