Vícios
A Bíblia nos alerta contra os vícios e comportamentos destrutivos. Deus nos chama à liberdade em Cristo, não à escravidão de desejos e hábitos que consomem corpo e alma.
A escravidão do pecado
Todo vício é uma forma de escravidão. Jesus veio para libertar os cativos e restaurar a verdadeira liberdade dos filhos de Deus.
Poni sa oeria i Jisu sira, <<Sosoto pa sosoto ma pojanigou ara sagou: ira doru qai roitinia na sela sa na pinausu tugu tana sela.
Ko vei mina ruvatagou na Tuna sagou, poni sa muna taruvata sosoto tugu sagou.
Ko vei mina ruvatagou na Tuna sagou, poni sa muna taruvata sosoto tugu sagou.
Na Tinoni Taruvatana beto na Pinausu
Ego ko sa parangaria i Jisu sira na tinoni Jiu qai tei vasosotoa tu, <<Vei muna togasaria agou sira na qua paranga, poni sa na qua sepele sosoto ara sagou. Ko kode muna gigilai agou sa na sosoto, beto na sosoto isa sa mina ruvatagou,>> sau si Jisu.
Na Karisito sa tei ruvatagita tu sa gita ko kopira na tinoni taruvatada sa gita. Ko sa vei sa mu turu vei na tinoni taruvatamiu beto ko muke tavapinausu ligu mule.
Ai vei quke gigilai tugu agou sa tonai qu vapinausu mulenigou lao tana kai bangara ko qu vatabea sisa, poni sa na ona pinausu tugu na tinoni qu vatabea sagou? Ko agou sa vei muna pinausu pana nyorogua tana sela sa kode na vuana muna tekua sa na mate tugu, ba vei muna vamalumugou mekamiu ko muna vatabea na Tamasa poni sa muna vuania tugu agou sa na toa tuvisina.
Resistência e domínio próprio
O fruto do Espírito inclui o domínio próprio. O cristão é chamado a ter controle sobre seus desejos, resistir à tentação e vigiar contra as obras da carne.
vavaikono, bubuku, na vavaikamu bubuku beto doru toa vevei pira. Ma pojanigou sagou kai muqisi vei tugu qa tei pojanigou tu, ira na tinoni qai roitiniria na sakasava vevei pira sa maike teku isongia na binangara tana Tamasa.
na vaiketai, beto na kopu mulenia pana nyorogua ikeredi. Kepore sa kai vavanau sa suquturia na toa vevei aipira.
Mu vatarasaenia na Tamasa na tinimiu
Bi boka paranga sa kai tinoni, <<Ara qa tavamalumunia ko mana boka roitiniria gu doru sakasa qa nyorogua roitiniria,>> biu. E, sosoto, ba nake doru sakasa sa qai tokania na toa tana tinoni. Ara mana boka paranga gu, <<Ara qa tavamalumunia ko mana boka roitiniria gu doru sakasa qa nyorogua roitiniria,>> bau, ba ara manake vamalumia kai sakasa ko mina vapinaususiu.
Mu vatarasaenia na Tamasa na tinimiu
Bi boka paranga sa kai tinoni, <<Ara qa tavamalumunia ko mana boka roitiniria gu doru sakasa qa nyorogua roitiniria,>> biu. E, sosoto, ba nake doru sakasa sa qai tokania na toa tana tinoni. Ara mana boka paranga gu, <<Ara qa tavamalumunia ko mana boka roitiniria gu doru sakasa qa nyorogua roitiniria,>> bau, ba ara manake vamalumia kai sakasa ko mina vapinaususiu.
Goto qa vapatukuria beto qa kopunia sa na tiniqu ko sa vatabesiu vei na qua pinausu, ura kita pa liguna ma taraenia na nongoro jongana poni sa ao quke pada miunisiu na Tamasa qau.
Doru podeke qu gosororia sa na veveidi qai tei gosororia tu ira na tinoni. Ba na Tamasa sake boka tetea nona paranga, ko minake vamalumu laogou ko bu tapodeke jolania na miu boboka sagou. Goto tonai mina lame sa na podeke sa isa mina vanigou na neqi ko muna boka vangaju palea, ko mina vadogoronigou na soana vovotuna.
Doru podeke qu gosororia sa na veveidi qai tei gosororia tu ira na tinoni. Ba na Tamasa sake boka tetea nona paranga, ko minake vamalumu laogou ko bu tapodeke jolania na miu boboka sagou. Goto tonai mina lame sa na podeke sa isa mina vanigou na neqi ko muna boka vangaju palea, ko mina vadogoronigou na soana vovotuna.
Mu suvere gegele beto mu vavara ko muke gosoria na totoke. Na gagala sa sa malumu, ba na tini sa sa munyala,>> sau sisa.
Ko sa vei sa mu tuti viketia na Tamasa sagou. Mu raja kokolosia sa na bangaradi na tomate ko mi ukunigou.
Ura qu tei gigilaimiu tu agou sa na podekena na rarange tamugou sa kode mina vuanigou na turu vangaju.
Libertação e renovação
Em Cristo somos libertos de toda forma de dependência. Pela renovação da mente, aprendemos a discernir e rejeitar o que nos prende.
Mu toania na toa koregana
Ego na Tamasa sa tei vadogoronigita tu sa nona vairoqu lavatana jola ko ara qa tepa vivitigigou sagou, ka visa tavitiqu, ko mu vania na Tamasa na miu toa vei kai vavakukuvu toana sa lioso beto sa vaqerai na Tamasa. Isa gu sa na vinatarasae tuvisina sosotona muna boka valaoa agou. Muke vamalumia na uana tana kasia gusu api ko mi kole kuta uanania na miu toa, goto mu vamalumuria tu na miu roroqu ko mai kole tabei vakorega ko mu boka gigilai agou sa na nyorogua tana Tamasa, isa nona nyorogua sa jongana, sa vaivaqera beto sa tuvisi.
Ko pana soana vei tugu isa sa agou ba mekamiu sa mu dogoro veinigou na tinoni matedi qaike nyorogua sela, beto mu toa vania na Tamasa ura qu tei somana kole kame tavitia tu i Jisu Karisito sagou.
Ego ko kopira muke vamalumia sa na nyorogua sela ko mi bangarania na tinimiu isa kode mina nyabo gu, kita vei ko mu roitiniria sira na nyorogua ikikeredi pana miu toa. Beto muke vamalumu vania na sela sira na okokoto kokobu tinimiu ko mai tavaroiti pana roiti ikikeredi. Goto mu vania tu na Tamasa sa doruna miu toa, mu vei ira na tinoni qai tei tavatoa mule tu pana mate, beto mu vamalumu vania na Tamasa sira doruna na okokoto kokobu tinimiu ko mai tavaroiti pana roiti tuvisidi.
Ko gita sa taqe tei tavaborutoni tavitia tu isa pana ona mate, ko sa vei sa gita ba kode tana mekarai toa tavitia tugu sisa tonai tana tavaturu mule vei isa.
Ego ko taqe gigilaioda sa na oda toa leluna sa tavasomana mate tavitia na Karisito pana ona korosi, ko na tinida sa nyoroguania na sela sa mi tapiara pale, ko gita take tavapinausu pana sela.
Ura na vairoqu vaialona tana Tamasa sa pogoso lamenia na inaalo sa sa tei bola votu tu tadira doru tinoni. Ko na vairoqu vaialona isa sa totoli vatavagigalagita ko ta kilu paleniria sa na uana vavakepore Tamasa beto ira na nyorogua ikikeredi tana kasia gusu, ko ta toania gita pa oda susuvere pa kasia gusu api sa na roroqu tavagigalana, na uana tuvisina, beto na toa madina,
Ko na tinoni vevei isa sake tutia sa na ona nyorogua ikikerena mekana, goto pana doruna na ona toa pa peso sa toania gu sa isa vei sa nyoroguania na Tamasa. Qu tei gona paleni totoso kakasana jola tu agou pana totoso qai jola pori sa na roiti qai nyonyorogua roitinia ira na tinoni karovodi. Pana miu toa perangana tonai qu oqoro vasosoto sa qu kole toaniria sa na aru vabosi, na nyonyorogua ikikerena tana tini, na toa bubuku, na vavaigitanainia na toa bubuku beto na roiti vaivakeadi beto na vavatarasae beku vaivakeadi jola. Ko sa vei sa qai gabaranigou sira na tinoni rodomo ura kopira quke vaigitanai tavitiria sira pana toa lulasana sosoto qai toania. Ko sa vei sa qai vakesanigou doru paranga ikikeredi. Ba ira na tinoni pira sa kode mina tabati poa na dia toa ikikerena tonai mai turu pa moena na Tamasa. Ko na Tamasa sa sa korapa vanaqiti ko mina tutiniria sira na tinoni toadi beto na matedi. Ko pana ginugua vei isa sa sa tei tatarae tu pana tadira qai tei mate tu sa na nongoro jongana. Ko pana toa tini qai tapitu vei tugu ira doru tinoni sira, beto ko pana toa gagala sa mai toa vei sa nyoroguania na Tamasa.
Mu varoiti vataleria na vaivana tana Tamasa
Ego sa tei rijo tata lame tu sa na vinabetona na kasia gusu ko mu gaiti vatalea na roqumiu beto mu suvere kopu ko mu boka vavara vatale.
Vei tabe paranga sa gita sake kolegita na sela tabeu, poni sa taqe vasiana mulenigita mekada beto ko na sosoto sake kolegita. Vei tana ule votuniria tana Tamasa sira na oda sela poni sa na Tamasa sa na tarangena beto na tuvisina, ko isa mina vulasaria sira noda sela beto mina valiosoria doru oda roiti ikikeredi.
O corpo como templo
Nosso corpo é templo do Espírito Santo. Devemos honrar a Deus com o corpo, fugindo da embriaguez, da imoralidade e de toda impureza.
Beko qu tei gigilaimiu tu agou sa na tinimiu sa na zelepade madina tana Gagala Tabuna, isa sa vanigou na Tamasa ko sa kole pana tamugou. Ko quke isongo mulenigou mekamiu sagou,
Qu tei gigila vataleamiu tu agou sa ira na tinoni ikikeredi sa maike teku isongia sa na binangara tana Tamasa. Kita mu siana! Ira qai toania na toa lulasana, ira qai vatarasae tamasa sesekedi, ira qai babarata, ira na marene qai vaikesa lao lame mekadi, ira qai ikiko, ira qai doro seinia ka sakasa, ira na tinoni bubukudi, ira qai vavaipoja vivikere, ira qai iko teku raragata sa maike teku isongia na binangara tana Tamasa. Ko kaki agou sa inara na tinoni veveimiu perangaina. Ba qu tei tavalioso tu pana miu sela, qu tei tavamadi tu, qu tei tavatuvisi tu pana neqi tana Bangara i Jisu Karisito beto pana Gagalana na oda Tamasa sagou.
Muke buku vadigerenigou na vaini, ura na toa vei isa sa kode mina ngangulugou; goto mu tavapugelenia tu agou sa na Gagala Tabuna.
Kopira muke buku gagale pie gu, goto mu tekua tugu vei iapeki vaini ko mi vajonganai na iapamu beto na vioro sa kakamugo.
Ura doru uana tana kasia gusu vevei na nyonyorogua tana tini, na nyorogua tana mata, beto na uana vavatarasae mule, sa nake koko lame veidi tana Tamada goto na ona gu na kasia gusu.
Muke ilalo lao lame pana miu roroqu, mu suvere gegele! Ura na miu kana isa na bangaradi na tomate sa sa korapa lekogia doru eqa. Sa korapa lekogo vei na laione sa ngangara ko sa korapa nyaqo tinoni ko mi gani pipiararia sau.
Agou Na Solo Beto Na Kabere
<<Agou sa na solona na kasia abana. Ba totonai mina maragutu na lilingina sa na solo, poni sa ai mule mina vei beto mina boka lilingi solo ligu sisa? Totonai sa sa kepore veveina sisa, goto na padana sa mina tagona votu pale gu pa peguru, ko mai tete anyanyunia gu na tinoni.
Muke toni laonigei pa totoke,
goto mu vasaregei tana kutana nikerena,> mugu.
Ko taqe gigilaioda gita sa vei isa ura pira sau sa na Kukuti Tabuna,
<<Ara na Tamasa toaqu sapi, sau sa na Bangara,
ko pa moequ ara mai todongo sira doru tinoni,
beto ira doru mai ule votunia sa ara sa na Tamasa,>> sau.
Ko totonai sa tana okoto oe laonia na Tamasa sira na okokoto oda roiti, ko isa mina roitinia na vivile vaipitu.