Vícios
A Bíblia nos alerta contra os vícios e comportamentos destrutivos. Deus nos chama à liberdade em Cristo, não à escravidão de desejos e hábitos que consomem corpo e alma.
A escravidão do pecado
Todo vício é uma forma de escravidão. Jesus veio para libertar os cativos e restaurar a verdadeira liberdade dos filhos de Deus.
Aba lariñagun Hesusu houn:
—Ninarün hau, luagu sun lan ha adaagubaña figóu, lidamun figóu hagía.
Anhaün lubeiti nesefura, au le Bungiu Irahü, hesefuruba le tímatimaati.
Anhaün lubeiti nesefura, au le Bungiu Irahü, hesefuruba le tímatimaati.
Aba lariñagun Hesusu houn huríu ha afiñeeñabaña luagu:
—Anhaün agunfulira lau nererun, hiábinba lun nani humá disipulugu le tímatimaati. Ábame hasubudiruni inarüni, ábame lesefurunün inarüni.
Sefu láadiwa Kristu lun líbürebadiwa lan. Deregüdagua humá lubeiti lidan líbürei ligia; míchaaguaya humá hungua idamunime.
Ibidiñeti san hun luagu le lan unti híchaagua hungua lun hidin lau le lubeibei lidamuñadün lan? Gayaraati lubeiti hanúadahan kaba lan un híchaagua hungua, lun yebe figóu le íchugubei féridi, o lun lan gaganbadi lun Bungiu, le íchugubei aban ibagari richaguati.
Resistência e domínio próprio
O fruto do Espírito inclui o domínio próprio. O cristão é chamado a ter controle sobre seus desejos, resistir à tentação e vigiar contra as obras da carne.
Gimugatiña, gáfarahadi, gátadi, wéinamu heigin; adüga hagía amu burí katei lenege burí le. Nariñaguñein hun kei nariñaguni lubaramegiua luagu mebelurunbaña lan ha adügübalin katei le lidoun larúeihan Bungiu.
ǘnabuguni, ragüguaü unguaü. Úaraguati burí igaburi le luma furumiñeguarügü lúrudu.
Ariñawagúati: «Gayaraati nadügüni le nabusenrun». Inarüni lira, gama lumoun mama sun katei lun buidu lan lanügün. Gayaraati nadügüni le nabusenrun, gama lumoun moun lumuti nígiraguagüdün nungua lun lamudiragunina ni kata.
Ariñawagúati: «Gayaraati nadügüni le nabusenrun». Inarüni lira, gama lumoun mama sun katei lun buidu lan lanügün. Gayaraati nadügüni le nabusenrun, gama lumoun moun lumuti nígiraguagüdün nungua lun lamudiragunina ni kata.
lubaragiñe lira, bei numuti núgubu, fosunéi lun laganbunina, luéi lubeigia neferidiruba lan lárigiñe buga apurichihaadina lan houn amu.
Masufurirungidün ni aban óuchawaguni le hásiñarun gürigia awanda. Gúnfuliti Bungiu, mígirunbei lun hibihin óuchawaguni le hásiñarun awanda. Lubaragiñe lira, danme liabin óuchawaguni, larufudubei giñe Bungiu hun ida luba lan háfuridun lídangiñe; ítara luba gayara lan hawanduni.
Masufurirungidün ni aban óuchawaguni le hásiñarun gürigia awanda. Gúnfuliti Bungiu, mígirunbei lun hibihin óuchawaguni le hásiñarun awanda. Lubaragiñe lira, danme liabin óuchawaguni, larufudubei giñe Bungiu hun ida luba lan háfuridun lídangiñe; ítara luba gayara lan hawanduni.
Agagudúañu humá, afurieida huguyame, mábürühan humaamuga lidoun óuchawaguni. Inarüni luagu anha tan huani lun katei le buídubei; ánheinti húgubu, débiliti.
Rugua humá lubeiti hungua lábugiñoun lererehan Bungiu; gagibugua humá luma Mafia, ábame lanurahan huéi.
Subudi humaali luagu dan lan le lóuchawagun hafiñen, furendeitimatün gaguraasuni.
Libertação e renovação
Em Cristo somos libertos de toda forma de dependência. Pela renovação da mente, aprendemos a discernir e rejeitar o que nos prende.
Amuriahatina lubeiti huma, niduheñu, lun hederegeragun hungua sunsuinagubei lun Bungiu keisi adagaragüdüni wínwanti, sánduti ani le auti lagundaara Bungiu, anihán lichugúniwa uéiriguni le lunbei híchuguni. Hebé habagaridun keisi lirahüñü ubóu le; lubaragiñe lira, sansi huméi ligaburi hisaminan, sansi láamuga giñe ligaburi habagaridun. Ítara luba hiabin lun hasubudiruni le lugundanbei Bungiu hun—le buídubei, le úaraguabei.
Huguya giñe, rugua humá hungua keisi hilaguaaña lun figóu, gama lumoun wínwanñu lun Bungiu, lidan aban luma Kristu Hesusu le Wabureme.
Ligía, mígira humá lubéi lun gabafumeme lan figóu luagu húgubu, afosuraün lun hadügüni luriban hayumahan. Míchaagua humá hungua lun figóu lun layusuruni húgubu lun katei wuribati. Lubaragiñe lira, deregegua humá hungua lun Bungiu keisi gürigia hilaaña, ábaya habagaridun; derege huméi húgubu lun Bungiu lun layusuruni lun katei buiti.
Lugundun anhein ñübuin wabéi lun lídanbadiwa lan aban luma Kristu lidan aban óunweni libe lounwen, ítara waba giñe lidan lásaarun lídangiñe óunweni. Subudi wamuti luagu dáwagua lan binadu meha wagaburi luma Kristu luagu gurúa lun lagünrinchawagun lubafu figóu le meha wawagubei, lun meredeediwa lan keisi idamuni lun figóu.
Lugundun arufuda laali Bungiu lareini woun, le ídangiñebei gayara lan hasalbarun sun gürigia, arufudaheina woun lun wígiruni wuribani luma igaburi lánina ubóu, lun wabagaridun aban ibagari le buiti lidan dan le, ragüguañu woungua ani lau gudemehabu,
lun labagariduni líbiri libagari keisi lugundan Bungiu, mama lun líchugun ugundani lun layumahan ǘgürügü. Buídurügaali dan le abagarida humaalibei adaaguei meha luriban burí katei le hínsiñebei houn ha ibidiñehabúbaña lun Bungiu. Lidan meha dan le sügühalibei, haganóunña meha lidan ibagari nibusigarídünati, falá humuti meha luriban haritagun, abacharuada, adaagua fedu, átagua, luma áhuduragua houn guáriua. Guentó, wéiritu hanigi lau mafala humaaña lan lidan lagübüri ibagari le; ligía hadimurehanbei wuriba huagu. Ánheinti hagía, hagufeseruba ligibugiñe Bungiu, le aranseñubei lun laguseragüdüniña wínwangiña hama hilaguaaña, madise. Ligía apurichihóua lubéi meha uganu luáguti asalbaruni íbini houn ha hilaguaañabaña guentó, lun gayaraabei lan gabagari tan hawani kei lugundan Bungiu, lau sun hilá lan hágubu keisi lasuseredun houn sun gürigia.
Yarafaali lagumuchun ubóu, ligía lunti lubéi aranseñu humá, ragügua huguyame hungua, deregegua huguyame hungua lun afurieidúni.
Ánhawa ariñaga luagu mafigoun wamá, weyeedaguña woungua, ani úati inarüni wadan, gama lumoun anhein wagufesera wafigoun, gayaraabei wemenigidun luagu Bungiu luagu ladügübei lan le richaguabei—feruduna lubéi wafigoun, harumagüda láwame lídangiñe sun wuribani.
Ha adouragutiña lau hafigoun, mídinbei houn buidu,
ánhaña ha agufeserútiña hafigoun, aba hígiruni,
feruduna lubaña Bungiu.
O corpo como templo
Nosso corpo é templo do Espírito Santo. Devemos honrar a Deus com o corpo, fugindo da embriaguez, da imoralidade e de toda impureza.
Ibidiñeti funagia hun luagu luban lan Sífiri Sandu wágubu, le líchugubei Bungiu woun lun laganóun wadan? Mama wagía laburiñabei wágubu; Bungiu laburemebei.
Ibidiñeti san hun luagu mafanranbaña lan ha marichabaña lidan larúeihan Bungiu? Meyeedaguagüda humá hungua: Ni ha agamaridubaña mamarieidunga, ni ha áhuduragubaña houn guáriua, ni ha agabarahatiña hámarigu, ni magüsi, ni ha agamaridubaña wügüriña háledigu, ni híwerutiña, ni igaaduatiña, ni bacharuatiña, ni marasualugutiña, ni ha anügübalin hálagu amu lau ibibuni—sun ha adügübaña libe burí wuribani le, siñabei hebelurun lidoun larúeihan Bungiu sielu. Añahein hídangiñe, ítara hiña meha; anhein guentó, chibawaali hifigoun, harumagüdawaadün, richaguaadün ladüga le ladügübei Wabureme Hesusu huagu, luma sun le ladügübei lani Bungiu Sífiri.
Mabacharuada humá, lugundun barǘ lumutiña lira gürigia lidoun féridi; lubaragiñe lira, buin humá lau Sífiri Sandu.
Ibidiouguagüdatu diwéin hau gürigia;
chagaguagüda lumutiña uniñein héreti;
úatiña bacharuatiña adügüti katei lau lichú aau.
Kei súnwandan lan gari lan burageirugu, matabá dúnarügü, guraba giñe murusun diwéin.
lugundun úati ni kata lídangiñe katei le líchugubei ubóu ñǘbuinti lúmagiñe Bungiu; lúmagiñe guánarügü ubóu liabin. Ani anihán burí katei le líchugubei ubóu: Luriban hayumahan gürigia, háfaagun lun habihini katei le harihibei luma pantaü luagu irisini.
Agagudúañu humá, ragüguañu humá hungua, lugundun éibugañahadügü liña Mafia le hágani keisi liñún gáñiti áluaha kaba lan lagünrinchagua.
«Aba lasigirun Hesusu ariñaga: Ítara hiña kei salu houn lílana ubóu le; gama lumoun anhein leferidira salu lubasuan, kábagia un hu lan? Úaalime hu lan ni ka un luéidigia lun lagurúniwa, ábame hadügüraguni gürigia.
Mígira bawa lun wábürühan lidoun óuchawaguni,
dísegüdarügü bawa luéi;
ladüga buguya le arúeihabei, buguya le Súntibeigabafu, buguya le wéirigubei lun sun dan. Ítarala".
keisi tariñagun Lererun Bungiu:
Fiñutina luagu nibagari, liña lariñagun Aburemei,
luagu háhuduraguba lan sun gürigia nigibugiñe;
ani gúfeseteime sun iñeñein Bungiu.
Kada lubeiti aban wádangiñe, laguseruba luougua luma Bungiu.