Vida nova: o que a Bíblia diz sobre recomeço e identidade

3 Bii bɔŋ kínə mbɔ ndʉʉ ndə bʉʼʉ bənchəŋ kə fí muu, bʉʼʉ nɔ kə tùo bʉʼʉbə Klai Jiso ndə məbɛ fɔkə imɔʼ, məfì muu bɔŋleʼ chìi bʉʼʉ bɔŋ tùo ndəŋ kwu-i fe? 4 Nɔ, ndʉʉ ndə bʉʼʉ kə fí muu, bʉʼʉ nɔ kə kwú, bə tyuu bʉʼʉbə Klai mɔʼɔ. Mbɔ haʼ ndə bə kə bʉ̀nə kóʼhə Klai ndəŋ kwú tíŋ hə bɔ̌ŋ fɔŋ kəghʉəʼ Nyii mbʉ Tie, bəkɔ mbəŋ-yʉʼʉ ghɔ kie məchímbi fefe.(Luŋ 6:3,4)

5 Bʉʼka mbɔ kaʼ bʉʼʉ nɔʼ tùo bʉʼʉ bɔŋ ndə ntɛ kwu-i, i nɔ dʉ̀ʼ mbɔ bʉʼʉ bu tùo ndə ntɛ məkoʼ-e ghɔ. 6 Bʉʼʉ nɔ kínə mbɔ bə nɔʼ kə yí nduɔŋ wo ndə bʉʼʉ kə bɛ yɔŋ bʉʼʉbə Klai mɔʼɔ ndəŋ kətyʉntɔɔnə, mbɔ ghʉəʼkə ndə bʉ̂ʼʉ kə kie ndə məchimbi-yʉʼʉ chʉʼ bɛ njʉnjʉ, mbɔ bʉʼʉ mə leʼ bɛ fʉəhə tʉ bʉ̂ʼʉ fɛ. 7 Bʉʼka ndʉʉ ndə wo kwú ghɔŋ Klai mɔʼɔ, təmə bə nɔʼ fyúhə tʉkə-i hə ndəŋ ghʉəʼ-bʉ̂ʼʉ-kə.(Luŋ 6:5-7)

11 Nɔ, mbəŋ-yii ghɔ nɔ lʉ̀ ŋwɔŋ-yii mbɔ bii nɔʼ kwú hə ndə ghʉəʼ-bʉ̂ʼʉ-kə, bɔŋ kə́ chí mbi ndə məyúnə biibə Nyii tíŋ hə bɔ̌ŋ Klai Jiso.(Luŋ 6:11)

17 Yɔ̄ŋ-yə nɔ dʉ̀ʼ mbɔ wo ndə ɔ nɔʼ fúu ŋwɔŋ-ɛŋ ghɔŋbə Klai nɔ bɛ wo fefe nduɔ. Nduɔŋ nuʼ nɔʼ tíŋ, nuʼ fefe nɔʼ gwè.(2 Kɔlɛŋ 5:17)

20 Bə nɔʼ kə kwɛ̀ŋ baʼa Klai mɔʼɔ yi. Məchimbi-ɔ leʼbie ntɛ ndə i kə bɛ bəshʉ fɛ, mɔ nɔ tʉʼ chí mbi nduɔ bʉʼka Klai nɔ tʉʼ chí mu mɔ. Məchi-ɔ nduɔ ndə woməsʉʉ, mɔ nɔ tʉʼ chí bʉʼka mɔ mɔ̀ʼfyii-ɔ ndəŋ VaaNyii, ndə ɔ kə kʉ̀ʉ mɔ kɔ́ ŋwɔŋ-ɛŋ yie-mɔ.(Galatia 2:20)

11 Mu məchímbi fefe-ɔ̄, nuɔ imɔʼ bɛ ŋkʉ̂ʉ ndəŋ ibɛʼ-yə nuɔ fɛ, bʉə ndə bɔ̂ŋ gòʼ təmə bɛ bʉə-Juu fɛ ghɔŋbə bʉə-Juu, bʉə ndə bə nɔʼ fɔ̀ʼ bɔŋ ghɔŋbə bʉə ndə bə gòʼ təmə nɔʼ fɔ̀ʼ bɔŋ fɛ, bəntoʼŋgwe, bʉə liʼ muŋkɔ, fʉəhə, wo ndə ɔ gòʼ təmə bɛ fʉə fɛ bɔŋ Klai nɔ bɛ nubə inchəŋ bɔŋleʼ kə́ bɛ mu bɔŋ bənchəŋ.(Kolose 3:11)

22 nɔ b̈ii mɛ̀ʼ nduɔŋ nuʼ ndə i kə fəŋ bɛ mu mbʉə-bii, b̈ii kə́ chìi nubə nə yɔŋ, ndə ĩ kə́ bʉ́əhə bii, bʉʼka nu-bʉəbʉə-bə ndə b̈ii kə kʉ̀ʉ ndə məfɔ̀ʼ i fə́ʼhə bii, 23 lʉ̀ fyii fefe ghɔŋbə ndaa fefe. 24 Bii bɔŋ kie ndə məmɔ̀ʼ gwo mbʉə fefe ndə bɛ finə-Nyii, kə́ bɛ ndyʉndyʉ nə shʉəŋ bɔŋleʼ bɛ tʉ́ʉnə.(Ɛfɛso 4:22-24)

8 Bɔŋ nduɔ, bii nɔ kie ndə məmɛ̀ʼ nubə-ɔ̄ŋ inchəŋ nə tʉʉbʉə, fyiighɔ́ʼnə, məbàa shʉ, məgìe nu-bʉəbʉə-bə kətʉ wo leʼnə ŋkwu-bəŋgie-bə. 9 Kə bii mə kə́ chʉ̀ə lɛɛŋkə tʉ ŋwɔŋtə-ii fɛ, bʉʼka bii nɔʼ shùɔ nduɔŋ nuʼ ghɔŋbə nchiinə bənu bʉəbʉə mbʉə bii, 10 nɔʼ mɔ̀ʼ gwo mbʉə fefe ndə bɛ nuʼ fefe mbʉə bii, ndə bɛ mə-kə́-kwɛ́nə ndaahə-ii bəchibəchi ndə a tʉʼ yétə ndə məkínə mbɔŋ-aŋ bɔŋleʼ bɛ ndə ɔ.(Kolose 3:8-10)

9 Kaʼ bʉʼʉ bɛ́ŋ fyùufyùu ndəŋ bʉ̂ʼtə-ʉʼʉ, Nyii nɔ bɛ wo gìe shʉəŋ bɔŋleʼ kə́ bɛ ndyʉndyʉ ndə məsʉ̀fyii-i hə ndəŋ bʉ̂ʼtə-ʉʼʉ bɔŋleʼ sʉ̀ bʉʼʉ ndəŋ nu-bʉəbʉə-bə inchəŋ.(1 Jɔŋ 1:9)

3 Bʉʼʉ bənchəŋ nɔʼ nə bɛ haʼ ndə bɔŋ, kə́ fɔ̀ʼ nubə ndə bɔ̂ŋ tʉʼ fɔ̀ʼ bʉʼka ntɔmə ndə i kə bɛ mu fyii-bʉʼʉ, kə́ fɔ̀ʼ nubə ndə mbʉə-yʉʼʉ kʉ̀ʉ ghɔŋbə ndaahə-ʉʼʉ, bʉʼka yɔ̄ŋ-yə, bʉʼʉ nɔ nə kie ndə mənyíɛ ŋgʉəʼ bʉʼka tʉʉbʉə-Nyii haʼ ndə bəʼ-bʉəməsʉʉ-kə, kə kie ndə mənyíɛ. 4 Bɔŋ bʉʼka Nyii kie tʉvyiikə daa, bʉʼka ŋkʉ̂ʉ yɔ́ŋyɔ́ŋ ndə ɔ kʉ̀ʉ bʉʼʉ chɔ, 5 buŋ ndʉʉ ndə bʉʼʉ nɔʼ kə kwú mu bʉ̂ʼtə-ʉʼʉ, ɔ chìi bʉʼʉ bʉ̀nə kie məchímbi bʉʼʉbə Klai, bʉʼka buuŋjyu bə nɔʼ kwáa bii.(Ɛfɛso 2:3-5)