Vida nova
Em Cristo, toda pessoa é transformada em uma nova criação. O velho passa e tudo se faz novo. A vida nova é o resultado da obra redentora de Jesus em nosso coração.
Morte e ressurreição com Cristo
O batismo simboliza nossa morte para o pecado e ressurreição para uma nova vida. Fomos sepultados com Cristo e ressuscitamos com Ele.
Ibidiñeti san hun luagu lau lan lidan wamá aban luma Kristu lau wabadiseirún, kéisigubeirügü hamuga lídanñadiwa lan giñe aban luma lidan lounwen? Lau wabadiseirún, kéisigubeirügü hamuga bunawa wamá úara luma Kristu, ani rédeitiwa hilañu lun figóu. Kéigubeirügü saragüda lani Wáguchi Bungiu Kristu lídangiñe óunweni lau lueirin lubafu, saragüda láadiwa giñe lun iserihali lan wabagari.
Lugundun anhein ñübuin wabéi lun lídanbadiwa lan aban luma Kristu lidan aban óunweni libe lounwen, ítara waba giñe lidan lásaarun lídangiñe óunweni. Subudi wamuti luagu dáwagua lan binadu meha wagaburi luma Kristu luagu gurúa lun lagünrinchawagun lubafu figóu le meha wawagubei, lun meredeediwa lan keisi idamuni lun figóu. Lugundun le hilaalibei, furihali lídangiñe figóu.
Huguya giñe, rugua humá hungua keisi hilaguaaña lun figóu, gama lumoun wínwanñu lun Bungiu, lidan aban luma Kristu Hesusu le Wabureme.
Nova criação
Quando aceitamos Jesus, nascemos de novo. A velha natureza dá lugar a uma identidade renovada pelo Espírito Santo.
Le lubeiti lídanhalibei aban luma Kristu, ábanhali gürigia iseri; gumuha sun katei le binadubei; labagariduña aban iseri ibagari.
Mámaadina lubeiti aumeme abagarida; Krístuhali abagarida nidan. Ibagari le nabagaridubei lidan núgubu, nabagariduñein lau sun nafiñen luagu Liráü Bungiu le hínsiñehabubei nun, aba lederegeragun lungua lun lounwen nuagu.
Iseri ibagari ligía, mámaali katei lánina huríu humá o mama humá huríu, ni lánina heresibiruni seini luagu húgubu o meresibirun humani, ni lánina terencha humá, machülaaguntiña, idamuni o líbüretiña; Kristu, ligía sun káteibei, ani anihein giñe hadan sun lánigu.
Despir o velho, vestir o novo
A vida nova se manifesta em abandonar os velhos hábitos e revestir-se do novo homem, criado segundo a vontade de Deus.
Ánheinti luagu binadu ligaburi habagaridun, lunti hígiruni, le mabuidunhalibei ladüga hayumahan le geyeeraguadibei; iserigua humá lidan hani sífiri luma lidan hisaminan, daügua humá lau iseri igaburi, igaburi le ladügübei Bungiu kei ligaburi guánarügü, lidan irichaü le tímatimaati luma arumani.
ánheinti guentó, ígira huméi sun burí katei le: Igañi, iyereehabúni, wuribani, anabahani, luma burí dimurei wíyeti. Mariñaga humá iyeeni húmagua kei ígira humaali lan binadu higaburi luma le burí meha hadügübei. Iserihali higaburi le iserideinábei keimeme ligaburi Bungiu guánarügü le adügübalin, darime hasubudiruni Bungiu buidu buidu.
gama lumoun anhein wagufesera wafigoun, gayaraabei wemenigidun luagu Bungiu luagu ladügübei lan le richaguabei—feruduna lubéi wafigoun, harumagüda láwame lídangiñe sun wuribani.
Renovação interior
Deus promete dar um coração novo e um espírito novo. A transformação nasce do arrependimento e da purificação divina.
Adügabá aban anigi to harumatu nidan, Nubungiute!
Ru buguyame aban iseri sífiri le gúnfuliti nidoun!
Magidarabana biñuarürugugiñe,
magidarunbeime bani sífiri le sándubei nuéi.
Sandigüdayabei ugundani le lánina besefuhan nun;
ágüdahabana lau lareini bani sífiri,
Nachibubadün lau duna, narumadagüdübadün lídangiñe sun hiwiye luma lídangiñe heseriwidun houn guáriuagu; níchuguba aban anigi iseri hidoun luma aban sífiri iseri. Nagidaruboun anigi deretu kei dübü to huáguboun huéi, ábame níchugun aban anigi ñulutu hidoun. Níchugubei nani sífiri hidoun, nadügüba lun hagunfuliruni nilurudun luma nererun;
Ítara liña meha giñe wabagaridun, sun wagía, luagu aban dan, afalarei lagübüri waritagun, agunfulira luma lugundan wagaburi luma lugundan wasaminan, keisi gürigia garaüwarügütiña. Ligía lunti lubéi yebe lábürühan lanarime ligañi Bungiu wawagun keisi ha híbiri. Gama lumoun wéiriti wagudemen luma wínsiñe lun Bungiu; aba líchugun ibagari woun lídangiñe Kristu lau sun meha hilañugidiwa lan ladüga wafigoun. Sálbatün lubeiti luagu lareini Bungiu.