7 Hewaappe guyye, Med’inaa Goday S’oossay biittaa baanaappe itti asaa* med’d’iide Aa siid’iyaan de’uwaa shemppuwaa shemppi gelisseedda; yaatina bitanii de’uwaan de’iyaa asaa gideedda.

13 Neeni ta giddo asatetsaa ubbaa med’d’aadda;

ta aatti uluwaan taana neeni waas’a med’aadda.

14 Neeni taana malalissiyaabaanne ooratsabaa ootsaade med’d’eedda diraw,

taani neena galatay.

Ne oosotuu malalissiyaawantta!

Taani k’ay hewaa wurssaade eray.

15 Taani geema sa’aan med’ettiyaa wode,

ta mek’etsatuu neeppe geemmibeyikkino.

Ta bollay ta aatti uluwaa c’iimmaa giddon

hiillan alleek’k’ettiide oosettiyaa wode,

16 yelettibeenna ta asatetsaa ne ayifii be’eedda.

Biro ittuunne doomettennan de’ishshin,

taw neeni giigiseedda gallassatuu ubbatuu

ne mazggobiyaan s’aafetteeddino.

9 Ayaw gooppe, de’uwaa pulttuu ne matan de’ee;

Ne poo’uwaan nuuni poo’uwaa be’eetto.

33 Taani ta de’uwaa ubbaan Med’inaa Godaw yes’s’ana;

taani de’eedda laytsaa ubbaan ta S’oossaa sabbana.

6 Yesuusi zaariide, «Ogii, tumuunne de’uu Taana; Ta baggannappe attin, ooninne Ta Aabbukko baanaw danddayenna.

10 Kayisuu wuu"anaw, wod’anawunne d’ayissanaw yiyaawaappe attin, harabaw yeenna; taani unttunttoo de’uu de’ana malanne kumiide palahana mala yaad.

25 Yesuusi iziw, «Taani dendduwaanne de’uwaa; Taana ammaniyaa uray haray atto, hayk’k’ooppekka de’uwaan de’anawaa. 26 K’ay de’uwaan de’iyaa uraynne Taana ammaniyaa uray ubbay ubbaakka hayk’k’enna; hewaa neeni ammanay?» yaageedda.

35 Yesuusi, «Taani de’uwaa ukitsaa; taakko yiyaa uray ubbakka koshattenna. K’ay taana ammaniyaa uray ayinne saamettenna.

38 Taanan ammaniyaawoo, S’oossaa Mas’aafay giyaawaadan, Aa uluwaappe de’uwaa immiyaa haatsaa pulttuu gogganawaa» yaageedda.✝

20 Taani Kiristtoosanna Aa mask’k’aliyaa bolla misimaariyan d’ishettaade kak’k’etaad; simmi, ha"i pas’a de’iyaawe taana gidikke. Shin Kiristtoosi ta giddon de’ee; taani ha"i de’iyaa de’uu, taana siik’iide, ta diraw, bare huup’iyaa immeedda S’oossaa Na’aan de’iyaa ammanuwaana.

20 Taani Kiristtoosanna Aa mask’k’aliyaa bolla misimaariyan d’ishettaade kak’k’etaad; simmi, ha"i pas’a de’iyaawe taana gidikke. Shin Kiristtoosi ta giddon de’ee; taani ha"i de’iyaa de’uu, taana siik’iide, ta diraw, bare huup’iyaa immeedda S’oossaa Na’aan de’iyaa ammanuwaana.

12 Hewaa diraw, nu laytsaa bessiyaawaadan,

go"etana mala aad’d’eeda eraa nuuna tamaarissa.

10 Ta na’aw, sisa; taani giyaawaakka akka; ne de’uwaa laytsaykka aduk’k’ana.

23 Ubbabaappekka ne wozanaa minisaade naaga; ayaw gooppe, de’uu aappe pulttee.

23 Ubbabaappekka ne wozanaa minisaade naaga; ayaw gooppe, de’uu aappe pulttee.

8 Aad’d’eeda eratetsaa demmiyaawe barena siik’ee; akeekaa karihi ootsi oyk’k’iyaawe lo"obaa demmee.

3 Bare doonaa naagiyaa uray bare shemppuwaa naagee; shin ellekka haasayiyaa uray barena d’ayissee.

17 Seerina eeno giyaa uray de’uwaa ogiyaan hamettee; shin seerina is’s’iyaa uray balee.

27 Med’inaa Godaw yayyiyaawe de’uwaa pultto; hewaa diraw, Med’inaa Godaw yayiyaawe hayk’k’uwaa p’iriyaappe ashee.

21 S’illotetsaanne aggena siik’uwaa koyiyaa uraa laytsay aduk’k’ee; k’ay he uray s’illotetsaanne bonchchuwaa demmee.

15 Simmi hintte waan de’intto akeekite; aad’d’eedda eratetsaanna de’iyaa asaadan de’iteppe attin, aad’d’eedda eratetsay bayinna asaadan de’oppite. 16 Wodii iita gidiyaa diraw, hintte wodiyaa hinttew danddayettowaadan lo"otetsaw go"ettite.

4 Abeet Med’inaa Godaw, taana ne ogiyaa bessa;

ne ogiyaa taana tamaarissa.

6 Ne keekkatetsaynne maarotetsay

ta de’uwaa laytsaa ubbaan tumuwaappe taana kaallana.

Taani Med’inaa Godaa golliyaan med’inaw de’ana.

26 Ta wolk’k’aynne ta wozanay daaburanaw danddayee;

shin S’oossay ta wozanaa minisiyaawaanne,

med’inaw taana gakkeedda saamaa.

7 Med’inaa Goday k’ohiyaawaa ubbaappe neena naagana;

I ne shemppuwaa naagana.

8 Med’inaa Goday ne buussaa, ne yuussaa,

hachcheppe med’inaa gakkanaw naagana.

3 Ee, neeni taw zaallaanne geessuwaa;

ne suntsaa diraw, neeni taana kaaletsanne ne ogiyaa bessa.

4 Taani Med’inaa Godaa ittibaa oochchaad;

Taani hewaa koyaad;

hewenne, taani ta de’uwaa laytsaa ubbaan,

Med’inaa Godaa golliyaan de’anawaa;

k’aykka taani Med’inaa Godaa lo"otetsaa be’anawaanne

Aa Golliyaan Aa koyanawaa.

7 Med’inaa Godaa sintsan c’o"u gaade,

I ootsanaw, danddayan naaga.

Unttunttu iita halchchuu polettina,

duretteedda asatuwaa bolla yilotoppa.

93 Ne wogaa ubbakka dogikke;

ayaw gooppe, neeni an taana pas’a wotsaadda.

25 «Hewaa diraw, taani hinttenttoo oday; hintte de’oo maanabawunne ushanabaw, woy hintte bollaw mayyanabaw hirggoppite; shemppuu k’umaappe aad’d’ennee? K’ay bollay mayuwaappe aad’d’ennee? 26 Paalliyaa kafatuwaa s’eellite; unttunttu zerikkino; c’akkikkino; diyyiyankka k’olikkino; shin saluwaan de’iyaa hinttenttu Aawuu unttuntta mizee; hinttenttu unttunttuppe loytsi darikkitee? 27 Hinttenttu giddon darssi hirggiide, bare geesaa bolla itti wad’aa gujjanaw danddayiyaawe oonee?

36 Itti uray sa’aan de’iyaa ubbabaa barew shiishshiide, bare shemppuwaa bayizzooppe, Aa ayaa maaddanee?

34 Yesuusi c’ora asaanne barena kaalliyaawantta barekko s’eesiide, «Taana kaallana koyyiyaa uray de’ooppe, barena kaddo; yaatiide bare mask’k’aliyaa tookkiide, taana kaallo. 35 Ayaw gooppe, bare shemppuwaa* ashshana koyyiyaa uray bayizzanawaa; shin ta dirawunne wonggalaa mishiraachchuwaa diraw bare shemppuwaa bayizziyaa uray ashshanawaa. 36 Itti uray sa’aan de’iyaa ubbabaa barew shiishshiide, bare shemppuwaa bayizzooppe, Aa ayaa maaddanee? 37 Itti uray bare shemppuwaa wozanaw ayaa immana danddayi? 38 S’oossaa ammanenna ha nagaranchcha yeletaa wodiyaan, itti uray taananinne ta k’aalaan yeellatooppe, taanikka, Asaa Na’ay, k’ay ta Aawuwaa bonchchuwaan geeshsha kiitanchchatuwaanna yiyaa wodekka, aan yeellatana» yaageedda.

15 Gujjiidekka ubbatuwaa, «Asaa shemppoo shaluwaa duretetsay de’uwaa immenna diraw, yaaretiyaawaappenne yorattiyaawaappe naagettite; duretetsaa amuwaa ubbaappekka hinttena naagite» yaageedda.

3 Asay neena itti tumu S’oossaa gideeddawaa erana malanne, k’ay neeni kiitteedda Yesuusi Kiristtoosa erana mala, hawe med’inaa de’uwaa.

23 Ayaw gooppe, nagaraa gatii hayk’uwaa. Shin S’oossay nu Godaa Kiristtoosa Yesuusa baggana immiyaa imotay med’inaa de’uwaa.

2 S’oossay hintte k’ofaa ubbaanna dummayiide, hinttentta laammooppe attin, ha alamiyaa asaa malatoppite. He wode hintte, S’oossaa shenii, lo"obay, Aa nashechchiyaabaynne k’ay polo gideeddabay ayentto eranita.

7 Ayaw gooppe, nuuni ammanuwaan de’eettoppe attin, be’iyaawaan de’okko.

14 Asaa ubbaanna saro de’anaw minnite; k’ay geeshsha de’uwaa de’ite. Ayaw gooppe, geeshshatetsay baynnaan ooninne Godaa be’anaw danddayenna.

11 Nuuni kase hinttenttoo odeeddawaadan, woppu geedda de’uwaa de’ite. K’ay hinttena koshshiyaawaa demmanaw, hintte kushiyan ootsite. 12 Hewaa gidooppe, ammanennawanttu matan hinttenttu bonchchettananne k’ay hinttena koshshiyaabaw oonanne awuddashikkita.

23 Hintte ootsiyaa oosuu ubbaa asaw gidennaan Godaw ootsiyaawaadan, wozanaappe ootsite. 24 Godaa Kiristtoosaw hinttenttu ootsiyaa diraw, I barewanttoo immanaw giigissi wotseeddawaa hinttenttu laattanawaa akeekite.

12 Waayiyaan genc’c’iyaa uray anjjetteeddawaa; ayaw gooppe, he waayiyaa s’ooneeddawaappe guyyiyaan, S’oossay barena siik’iyaawanttoo immana geedda de’uwaa kalachchaa* I akkana.

13 Hintte giddon aad’d’eedda eranchchaynne akeekanchchay oonee? Bare lo"o de’uwaan oosetteedda bare oosuwaa aad’d’eedda eratetsaappe yiyaa ashikketetsaan besso.

10 Ayaw gooppe, S’oossaa Mas’aafay hawaadan yaagee; «De’uwaa dosiyaawenne lo"o gallassaa be’anaw koyyiyaawe oona gidooppenne bare ins’s’arssan iitabaa haasayiyaawaanne wordduwaa odiyaawaa aggo.✝

11 «Iitabaa ootsiyaawaa aggiide, lo"obaa ootso; sarotetsaakka loytsi koyyonne kaallanaw baas’eto.

6 Pas’a shemppatuu ubbatuu,

Med’inaa Godaa galatino!

Med’inaa Godaa galatite!

1 Ubbabaw wodii de’ee;

saluwaappe garssa baggana oosettiyaabaw ubbaw,

Aa laytsay laytsay de’ee.

16 Hintte Med’inaa Godaa hintte S’oossaa siik’iyaawaan Aa ogiyaan hamettiyaawaaninne Aa azazuwaa, Aa awaayuwaanne Aa wogaa naagiyaawaan, taani hachchi hinttena azaziyaa Med’inaa Godaw, hintte S’oossaw, azazettooppe, hintte de’uwaan de’ananne c’orattana; k’ay hintte laattanaw geliyaa gadiyaan Med’inaa Goday hintte S’oossay hinttena anjjana.

12 «Med’inaa Goday ne S’oossay new immiyaa biittaan ne laytsay aduk’k’ana mala, ne aabbanne ne daayo bonchcha.✝

10 Nu de’uwaa laytsay laappun tamma;

woy minnooppe, hosppun tamma;

hewekka metuwaanne tugga.

Nu laytsay ellekka aad’d’ee;

nuunikka ellekka kichcheetto.

4 «Abeet Med’inaa Godaw, ta de’uwaa wurssetsaanne

ta de’anaw atteedda gallassaa taana bessa.

K’ay ta de’uu wuranaw ay keeshshaa elleellintto, taana erissa.

5 Neeni ta laytsaa s’ii takkaad’e keeshshaa kessaadda.

Ta laytsay ne sintsan bayinnawaa mala;

tumuwaappe Asay ubbay itti gede shemppiyaa c’arkkuwaa mala.

6 Tumuwaappe Asay eeshuwaadan hamettee;

tumuwaappe c’oo mela simerettee.

I mas’uwaa shiishshee; shin akkana asaa erenna.

12 Lo"o de’uwaa de’anawunne

keekkabaa be’ana mala,✝

bare laytsay aduk’k’anaw koyiyaa Asay oonee?

13 Ne ins’s’arssay iitabaa haasayennaadan,

ne doonaykka c’immeenaadan te"a.

14 Iitaappe shaaketta; lo"obaa ootsa;

sarotetsaa loytsa koyaadde kaala.

31 Puulummeedda huup’ii bonchcho kallachchaa; hewekka beettiyaawe s’illo de’uwaa de’ina.

19 Haatsay masttootiyaadan som"uwaa bessiyaawaadan, asaa wozanay izaaw eeshshaa bessee.