Vida
A vida é um dom precioso de Deus. Desde a concepção até a eternidade, as Escrituras revelam o propósito, o valor e a plenitude da vida que o Senhor nos oferece.
Deus, o autor da vida
O Senhor é quem dá a vida e a sustenta. Cada ser humano foi formado por suas mãos com propósito e intenção divina.
Hessafe guye GODAY biittafe issi as medhdhidi iza siidhen de7o shemppo punnin addezi shemppora dizaade gidides.
Neni ta asateththa
ubbaa medhdhadasa;
ta aayey ulonkka
tana tila medhdhadasa.
Neni tana keehi yegalththinne
malalisizaaz histta
medhdhida gishshas
ta nena galatays;
ne oosoti malalisizayta!
Ta shemppoya
hessa ubbaa erawus.
Tani geemason medhettida wode
ta meqeththati
neeppe geemmibeettenna;
tani ta aayey ulon ciimma giddon
hiillan oosettiza wode,
ta aayi ulon buro suuth gida
ta dishin ne ayfeti be7ida;
ta layththatappe issoynne
doomettontta dishin
taas neni barida gallassati ubbay
ne mazgaban xaafettida.
Ays giikko de7o pulttoy
ne achchan dees;
ne poo7on nuni poo7o be7oos.
Tani de7iza layth ubbaan
GODAAS yexxana;
tani shemppora paxa
de7ida wode ubbaan
ta Xoossas yexxana.
A vida em Cristo
Jesus é o caminho, a verdade e a vida. Nele encontramos sentido, plenitude e a promessa de vida abundante e eterna.
Yesusikka izas, «Ogeynne, tumay, de7oykka tana; ta baggara gidikkofe attiin oonikka Aawaakko baana asi deenna.
Kaysoy kaysotana, wodhanaassinne dhayssanaas xalla yees. Tani gidikko inttes de7oy daana malanne inttes keehi darana mala yadis.
Yesusikka izis, «Dendoynne de7oy tana; tana ammanizaadey hayqqikokka paxa daana. Tanan dizaadeynne tana ammanizaadey mulekka hayqqenna; hessa ne ammanay?» gides.
Yesusikka isttas, «De7o qumay tana; taakko yiza asi mulekka gafettenna; tana ammanizaadey aydekka saamettenna.
Geeshsha Maxaafay gida mala tana ammanizaadefe de7o haaththa pulttoy pulttana» gides.
Tani Kirstoosara kaqettadis; hayssafe guye tani taas diikke; gido attiin Kirstoosi ta giddon dees; ha7ikka ta ashon diza duussay tana dosidi bana ta gishshas aaththi immida Xoossa Naa bolla diza ammanon diza duussa.
Tani Kirstoosara kaqettadis; hayssafe guye tani taas diikke; gido attiin Kirstoosi ta giddon dees; ha7ikka ta ashon diza duussay tana dosidi bana ta gishshas aaththi immida Xoossa Naa bolla diza ammanon diza duussa.
Vivendo com sabedoria
A Bíblia nos orienta a viver com sabedoria, aproveitando bem o tempo, guardando o coração e buscando a vontade de Deus para cada dia.
Nu layththa maarara
nu go7ettana mala
nuna aadho erateth tamaarsa.
Ta naazoo! Ta gizayssa ezga;
ta qaalaakka
ne wozinan woththa;
ne layththi aduqqana.
Ubbaafekka bollara
neni ne wozina
minththada naaga;
ays giikko de7oy izappe pulttees.
Ubbaafekka bollara
neni ne wozina
minththada naaga;
ays giikko de7oy izappe pulttees.
Aadho erateth
baas miish ooththizay
bana siiqees;
akeeka siiqizaades injjetees.
Ba doona naagiza asi
ba shemppo naagees;
doonan yida mala haasayza asi
bana dhayssees.
Seera ekkiza asi
de7o ogen hemettees;
seera ixxiza asi gidikko
meto bolla wodhdhees.
GODAAS yashshi de7o pultto;
hayqo woximadeppe as ashshees.
Xilloteththinne siiqo
kaallizaadey de7o,
dureteththinne
bonchcho demmees.
Hessa gishshas erateththi bayndayta mala gidontta intte waanidi erata mala daanaakko naagettite. Hayssi wodezi iita gidida gishshas hessa lo7eththi erite.
A vida no dia a dia
Cada dia é uma oportunidade de glorificar a Deus. A Escritura nos chama a viver com propósito, confiança e fé prática.
Abeet GODAWU!
Tana ne oge bessa;
ne geedo kaalo tana tamaarsa.
Ne kiyateththinne ne maaroteththay
ta de7o layththa ubbaan
tana kaallana;
tani GODAA keeththan mernaas daana.
Ta wolqqaynne ta wozinay
daaburanaas dandayees;
gido attiin Xoossi
ta wozinas minoteththinne
taas mernaa qaada.
GODAY iita ubbaafe
nena naagana;
ne shemppo heemmana.
GODAY ne buussaanne yuussaa
hachchife mernaa
gakkanaas naagana.
Ee, neni taas zaalla;
ta izan gela attiza miixa;
ne sunththa gishshas
tani baana oge
bessanne kaaleththa.
Tani GODAA issi miish oychchays;
hessika tani
ta de7o layth ubbaan
GODAA keeththan de7anaassa;
tani GODAA bonchcho
lo7oteththa be7anaassa;
iza Keeththankka
iza koyashe de7anaassa.
GODAA sinththan co7u gaada
izi ooththana gakkanaas
dandayan naaga;
iita asati duretikkonne
istta qofay polettiko
ne istta bolla yiillotoppa.
Ne azazoti tana shemppora
paxa woththida gishshas
tani mulekka istta dogikke.
Prioridades e eternidade
Jesus nos lembra que a vida é mais que comida e o corpo mais que roupa. O que importa é buscar o Reino de Deus e viver para a eternidade.
«Hessa gishshas ta inttena intte duussa gishshas, ‹Ay miinoo? Ay uyinoo? Ay may7inoo?› giidi hirgofte gays. Shemppoy qumappe, ashoy may7ofe aadhdhennee? Ane salo kafota xeellite! Zerettenna; maxettenna; di7en qolettenna; gido attiin intte salo Aaway istta mizees. Intte isttafe keehi aadhdheketii? Ane inttefe daro waayettidi baas imettida layththa bolla hara issi gallas gujjana dandayza asi dizee?
Asi alame kumeth haarikkonne ba shemppo dhayssiko iza ay go7anee?
Hessafe guye asaa bana kaallizaytara issife baakko xeygidi, «Tana kaallanaas dosizaadey diikko bana kaddo; ba masqale tookkidi tana kaallo. Ba shempo ashshana dosizaadey dhayssana shin ta gishshassinne ta Mishiraachcho qaalaa gishshas ba shempo dhayssizaadey wurikka ashshana. Asi alame kumeth haarikkonne ba shemppo dhayssiko iza ay go7anee? Woykko asi ba shempo gishshas laame ekkanay aazi dizee?
«Hayssa laymanne nagaranchcha yeleta giddon dishe tananinne ta qaalan yeellatiza asi wuri ta Asa Nay ta Aawaa bonchchoranne Geeshsha Kiitanchchatara yiza wode izan yeellatana» gides.
Qasseka isttas, «Asas daro miishshi diikkoka shemppoy he dureteththan dontta gishshas naagettite; yiiqeteththafe inttena keehi naagite» gides.
Mernaa de7oykka ne xalla tumu Xoossanne ne kiittida Yesus Kirstoosa ero guussa.
Nagara waagay hayqo; gido attiin Xoossa imotay gidikko Godaa Yesus Kirstoosa baggara mernaa de7o.
Lo7o, ufayssizaazinne kumeth gidida Xoossa sheney aazakko intte paacci erana mala intte qofan ooraxidi laamettite attiin hayssa alame asaa misatopite.
Nuni diza duussay Godaan ammanidi attiin ayfen be7on gidenna.
Asi ubbara saro daana mala inttes dandayettizayssa ubbaa ooththite; geeyana mala koyite; geeshshateththi baynda Godaa beyanaas dandayettenna.
Nu hayssafe kase inttena azazida mala intte intte kushera ooththite; woppu gi diite; inttes gidizayssa lo7eththi xeellite. Hessika gallas gallas intte duussay hankko ammanontta asaa achchan inttena bonchchisana malanne intte ay asaska tooho gidontta malassa.
Intte ooththiza miish ubbaa asas gidontta Godaas ooththiza mala taybidi kumeththa wozinappe ooththite. Intte Godaa achchafe intte ooso mala ekkanaas laatay dizayssa intte ereeta; intte ooththizay Godaa Yesus Kirstoosassa.
Paacen minni eqqidaadey izi anjjettidaade; gaasoykka izi paacera eqettishin Xoossi bana dosizaytas immida hidota de7o akilile izi ekkana.
Intte garsafe akeekara diza era asi oonee? Eray dizaa gidikko ane ba ooso ashketeththaninne aadho erateththara ba lo7o duussan besso.
Geeshsha Maxaafay giza mala, «De7on daana koyzaynne lo7o gallassata beyanaas koyza asi ba doonappe iita haasayontta malanne ba metershatikka gene haasayontta mala naagetto. Iita yo7oppe haakko, lo7o ooththo; saroteth koyonne kaallo.
Shemppora paxa diza ubbay
GODAA galatite!
GODAY galatetto!
Ubbaasikka wodey dees;
saloppe garsa baggara
oosettizayssas
ubbaas wodey dees.
GODAA intte Xoossaa siiqana mala, iza ogen hemettana malanne iza azazota, maaratanne iza wogata naagana mala, tani hach inttes immiza GODAA intte Xoossaa azazota intte naagikko intte shemppora paxa de7ananne corattana; qasse intte laattanaas geliza biittan GODAA intte Xoossay inttena anjjana.
«GODAA ne Xoossay nees immiza biittan ne daro layth daana mala, ne aawaanne ne aayo bonchcha.
Nu daana layththay
laappun tamma;
dares giikko osppun tamma;
heytikka metoninne
ceecen kumida;
nu layththay eeson aadhdhees;
nunikka eeson baana.
«Abeet GODAWU!
Ta de7o wurseththanne
taas de7anaas attida gallassata
tana bessa.
Qasse ta daana layththay
ay keena qaanththako
tana erisa.
Neni ta layththa
qii tadhdhako keena kessadasa;
ta layththi ne sinththan
qoodan baynda mala;
tumappe asi ubbay
issito aadhdhi biza carko mala.
Tumappe asa duussi eesho mala;
coo mela hada haaro
shiishon daaburees;
gido attiin ooni ekkanaakko erenna.
Adussa layth daanaas dosizaynne
lo7o miish beyanaas
koyzay oonee?
Ne inxarsaa
iita haasayontta mala naaga;
ne doonappe wordoy
kezontta mala naagetta.
Iitappe shaaketta;
lo7o miish ooththa;
saroteth koyada kaalla.
Pulunththi bonchcho kallachcha;
hessi xilloteththa
duussan beettees.
Haaththay heregaththo
sinth bessiza mala
asa wozinay
izaade kando bessees.