7 યહોવાહ ઈશ્વરે ભૂમિમાંથી માટીનું માણસ બનાવ્યું, તેના નસકોરામાં જીવનનો શ્વાસ ફૂંક્યો અને માણસ સજીવ થયું.

13 તમે મારું અંતઃકરણ ઘડ્યું છે;

મારી માતાના ઉદરમાં તમે મારી રચના કરી છે.

14 હું તમારો આભાર માનીશ,

કેમ કે તમારાં કાર્યો અદ્દભુત અને આશ્ચર્યજનક છે.

તમે મારા જીવન વિષે સઘળું જાણો છો.

15 જ્યારે મને અદ્રશ્ય રીતે રચવામાં આવ્યો,

જ્યારે પૃથ્વીના ઊંડાણોમાં વિવિધ કરામતથી મને ગોઠવવામાં આવ્યો,

ત્યારે પણ મારું શરીર તમારાથી અજાણ્યું ન હતું.

16 ગર્ભમાં પણ તમે મને નિહાળ્યો છે;

મારું એકે અંગ થયેલું ન હતું, ત્યારે તેઓ સર્વ,

તેમ જ તેઓના ઠરાવેલા સમયો તમારા પુસ્તકમાં લખેલા હતા.

9 કારણ કે તમારી પાસે જીવનનો ઝરો છે;

અમે તમારા અજવાળામાં અજવાળું જોઈશું.

33 હું જીવનપર્યંત યહોવાહની પ્રશંસાનાં ગીતો ગાઈશ;

હું મારા છેલ્લાં શ્વાસ સુધી યહોવાહની સ્તુતિ કરીશ.

6 ઈસુ તેને કહે છે કે, ‘માર્ગ, સત્ય તથા જીવન હું છું; મારા આશ્રય વિના પિતાની પાસે કોઈ આવતું નથી.

10 ચોરી કરવા, મારી નાખવા તથા નાશ કરવા સિવાય બીજાકોઈ મતલબથી ચોર આવતો નથી. પણ હું તો તેઓને જીવન મળે અને તે પુષ્કળ મળે, માટે હું આવ્યો છું.

25 ઈસુએ તેને કહ્યું કે, ‘પુનરુત્થાન તથા જીવન હું છું; જે મારા પર વિશ્વાસ કરે છે, તે જોકે મૃત્યુ પામે તોપણ તે સજીવન થશે. 26 અને જે કોઈ જીવંત વ્યક્તિ મારા પર વિશ્વાસ કરે છે, તે કદી મરશે નહીં જ; તું શું એવો વિશ્વાસ રાખે છે?’"

35 ઈસુએ તેઓને કહ્યું, ‘જીવનની રોટલી હું છું; જે મારી પાસે આવે છે તેને ભૂખ નહિ જ લાગશે અને જે મારા પર વિશ્વાસ કરે છે, તેને કદી તરસ નહિ જ લાગશે.

38 શાસ્ત્રવચન પ્રમાણે જે કોઈ મારા પર વિશ્વાસ કરે છે, તેના હૃદયમાંથી જીવતા પાણીની નદીઓ વહેશે.’"

20 હું ખ્રિસ્તની સાથે વધસ્તંભે જડાયો છું, પરંતુ હું જીવું છું, તોપણ હું નહિ, પણ મારામાં ખ્રિસ્ત જીવે છે; અને હવે મનુષ્યદેહમાં મારું જે જીવન છે તે ઈશ્વરના દીકરા પરના વિશ્વાસથી છે; તેમણે મારા પર પ્રેમ કર્યો અને મારે માટે પોતાનું અર્પણ કર્યું.

20 હું ખ્રિસ્તની સાથે વધસ્તંભે જડાયો છું, પરંતુ હું જીવું છું, તોપણ હું નહિ, પણ મારામાં ખ્રિસ્ત જીવે છે; અને હવે મનુષ્યદેહમાં મારું જે જીવન છે તે ઈશ્વરના દીકરા પરના વિશ્વાસથી છે; તેમણે મારા પર પ્રેમ કર્યો અને મારે માટે પોતાનું અર્પણ કર્યું.

12 તમે અમને અમારું જીવન એવી રીતે ગણવાને શીખવો

કે જેથી અમને ડહાપણવાળું હૃદય પ્રાપ્ત થાય.

10 હે મારા દીકરા, મારી વાતો સાંભળીને ધ્યાન આપ

એટલે તારા આયુષ્યનાં વર્ષો વધશે.

23 પૂર્ણ ખંતથી તારા હૃદયની સંભાળ રાખ,

કારણ કે તેમાંથી જ જીવનનો ઉદ્દભવ છે.

23 પૂર્ણ ખંતથી તારા હૃદયની સંભાળ રાખ,

કારણ કે તેમાંથી જ જીવનનો ઉદ્દભવ છે.

8 જે ડહાપણ મેળવે છે તે પોતાના આત્માને જ ચાહે છે.

જે વિવેક જાળવે છે તે સારી વસ્તુને મેળવે છે.

3 પોતાનું મોં સંભાળીને બોલનાર પોતાના જીવનું રક્ષણ કરે છે,

પરંતુ જીભને છૂટી મૂકનાર વિનાશ નોતરે છે.

17 જે શિખામણનો સ્વીકાર કરે છે, તે જીવનના માર્ગમાં છે,

પણ ઠપકાનો ત્યાગ કરનાર ભૂલ કરે છે.

27 મોતના ફાંદામાંથી છૂટી જવાને માટે,

યહોવાહનો ભય જીવનનો ઝરો છે.

21 જે નેકી તથા દયાનું અનુકરણ કરે છે,

તેને જીવન, નેકી તથા સન્માન મળે છે.

15 તો સાંભળો કે તમે નિર્બુદ્ધોની જેમ નહિ, પણ ચોકસાઈથી બુદ્ધિવંતોની રીતે ચાલો; 16 સમયનો સદુપયોગ કરો, કેમ કે દિવસો ખરાબ છે.

4 હે યહોવાહ, મને તમારા માર્ગ બતાવો;

તમારા રસ્તા વિષે મને શીખવો.

6 નિશ્ચે મારી જિંદગીના સર્વ દિવસો દરમ્યાન ભલાઈ તથા દયા મારી સાથે આવશે;

અને હું સદા સર્વકાળ સુધી યહોવાહના ઘરમાં રહીશ.

26 મારું શરીર તથા હૃદયનો ક્ષય થાય છે,

પણ ઈશ્વર સદાકાળ મારા હૃદયનો ગઢ* તથા વારસો છે.

7 સર્વ દુઃખથી યહોવાહ તારું રક્ષણ કરશે;

તે તારા આત્માની સંભાળ રાખશે.

8 હમણાંથી તે સર્વકાળ માટે

તારા સર્વ કાર્યોમાં યહોવાહ તારું રક્ષણ કરશે.

3 કેમ કે તમે મારા ખડક અને કિલ્લો છો;

માટે તમારા નામની ખાતર મને દોરવણી આપો અને મને ચલાવો.

4 યહોવાહ પાસે મેં એક વરદાન માગ્યું છે:

કે યહોવાહનું ઘર મારી જિંદગીના સર્વ દિવસો દરમ્યાન મારું નિવાસસ્થાન થાય,

જેથી હું યહોવાહના સૌંદર્યનું અવલોકન કર્યા કરું

અને તેમના પવિત્રસ્થાનમાં તેમનું ધ્યાન ધરું.

7 યહોવાહની આગળ શાંત થા અને ધીરજથી તેમની રાહ જો.

જે પોતાના માર્ગે આબાદ થાય છે

અને કુયુક્તિઓથી ફાવી જાય છે, તેને લીધે તું ખીજવાઈશ નહિ.

93 હું કદી તમારાં શાસનોને ભૂલીશ નહિ,

કારણ કે તમે મને તેઓથી જ જિવાડ્યો છે.

25 એ માટે હું તમને કહું છું કે તમારા જીવને સારુ ચિંતા ન કરો કે, અમે શું ખાઈશું અથવા શું પીશું; તેમ જ તમારા શરીરને માટે ચિંતા ન કરો કે, અમે શું પહેરીશું? શું જીવ ખોરાક કરતાં અને શરીર વસ્ત્રો કરતાં અધિક નથી? 26 આકાશના પક્ષીઓને જુઓ! તેઓ તો વાવતાં નથી, કાપતાં નથી અને વખારોમાં ભરતાં નથી, તોપણ તમારા સ્વર્ગીય પિતા તેઓનું પોષણ કરે છે. તો તેઓ કરતાં તમે અધિક મૂલ્યવાન નથી શું?

27 ચિંતા કરવાથી તમારામાંનો કોણ પોતાના જીવનકાળમાં એકાદ પળનો વધારો કરી શકે છે?

36 કેમ કે જો માણસ આખું ભૌતિક જગત મેળવે પણ તેના જીવને ગુમાવશે, તો તેથી તેને શો લાભ થાય?

34 ઈસુએ પોતાના શિષ્યો સહિત લોકોને પાસે બોલાવીને તેઓને કહ્યું કે, ‘જો કોઈ મારી પાછળ આવવા ચાહે છે, તો તેણે પોતાનો નકાર કરવો અને પોતાનો વધસ્તંભ ઊંચકીને મારી પાછળ ચાલવું.

35 કેમ કે જે કોઈ પોતાનું જીવન બચાવવા ચાહે, તે તેને ગુમાવશે; અને જે કોઈ મારે લીધે તથા સુવાર્તાને લીધે પોતાનું જીવન ગુમાવશે, તે તેને બચાવશે. 36 કેમ કે જો માણસ આખું ભૌતિક જગત મેળવે પણ તેના જીવને ગુમાવશે, તો તેથી તેને શો લાભ થાય? 37 વળી માણસ પોતાના જીવનને બદલે શું આપશે?

38 કેમ કે આ બેવફા તથા પાપી પેઢીમાં જે કોઈ મારે લીધે તથા મારાં વચનોને લીધે શરમાશે, તેને લીધે માણસનો દીકરો પણ જયારે પોતાના બાપના મહિમામાં પવિત્ર સ્વર્ગદૂતોની સાથે આવશે, ત્યારે તે શરમાશે.’"

15 પછી ઈસુએ તેઓને કહ્યું કે, ‘સાવધાન રહો, અને બધા લોભથી પોતાને દૂર રાખો; કેમ કે કોઈનું જીવન તેની મિલકતની પુષ્કળતામાં હોતું નથી.’"

3 અનંતજીવન એ છે કે તે તમને એકલાને, સત્ય ઈશ્વરને તથા ઈસુ ખ્રિસ્તને કે જેને તેમણે મોકલ્યો છે તેને ઓળખે.

23 કેમ કે પાપનું પરિણામ મૃત્યુ છે, પણ આપણા પ્રભુ ઈસુ ખ્રિસ્ત દ્વારા ઈશ્વરનું કૃપાદાન અનંતજીવન છે.

2 આ જગતનું રૂપ તમે ન ધરો; પણ તમારાં મનથી નવીનતાને યોગે તમે પૂર્ણ રીતે પરિવર્તન પામો, જેથી ઈશ્વરની સારી, માન્ય તથા સંપૂર્ણ ઇચ્છા શી છે, તે તમે જાણી શકો.

7 કેમ કે અમે વિશ્વાસથી ચાલીએ છીએ, દૃષ્ટિથી નહિ.

14 સઘળાંની સાથે શાંતિથી વર્તો, પવિત્રતા કે જેનાં વગર કોઈ પ્રભુને નિહાળશે નહિ તેને ધોરણે તમે ચાલો.

11 અને જેમ અમે તમને આજ્ઞા આપી, તેમ તમે શાંત રહેવાને, બીજાઓને કામમાં દખલ ન કરવાને તથા પોતાને હાથે ઉદ્યોગ કરવાને, લક્ષ્ય રાખો; 12 જેથી બહારના લોકોની આગળ તમે સારી વર્તણૂક રાખો અને તમને કશાની અગત્ય રહે નહિ.

23 તમે જે કંઈ કરો તે માણસોને માટે નહિ, પણ જાણે પ્રભુને માટે કરો છો, એમ સમજીને સઘળું ખરા જીવથી કરો; 24 કેમ કે તમે જાણો છો કે બદલામાં તમને પ્રભુ પાસેથી વારસો મળશે; કેમ કે તમે તો ખ્રિસ્ત પ્રભુની સેવા કરો છો.

12 જે મનુષ્ય પરીક્ષણમાં પાર ઊતરે છે તે આશીર્વાદિત છે; કેમ કે પાર ઊતર્યા પછી, જીવનનો જે મુગટ પ્રભુએ પોતાના પર પ્રેમ રાખનારાઓને આપવાનું આશાવચન આપ્યું છે તે તેને મળશે.

13 તમારામાં જ્ઞાની તથા સમજુ કોણ છે? તો તે જ્ઞાનથી આવેલી નમ્રતા વડે સદાચરણથી પોતાની કરણીઓ કરી બતાવે,

10 કેમ કે, ‘જે માણસ જીવનને પ્રેમ કરવા ઇચ્છે છે અને સારા દિવસો જોવા ઇચ્છે છે, તેણે પોતાની જીભને દુષ્ટતાથી અને પોતાના હોઠોને કપટી વાતો બોલવાથી અટકાવવા; 11 તેણે દુષ્ટતાથી દૂર રહેવું, ભલું કરવું; શાંતિ શોધવી અને તેમાં પ્રવૃત્ત રહેવું.

6 શ્વાસોચ્છવાસ લેનારાં સર્વ યહોવાહની સ્તુતિ કરો.

યહોવાહની સ્તુતિ કરો.

1 પૃથ્વી ઉપર પ્રત્યેક વસ્તુને માટે યોગ્ય ઋતુ અને પ્રત્યેક પ્રયોજનો માટે યોગ્ય સમય હોય છે.

16 આજે હું તમને યહોવાહ તમારા ઈશ્વરની જે આજ્ઞાઓ ફરમાવું છું એટલે કે યહોવાહ તમારા ઈશ્વરને પ્રેમ કરવો, તેમના માર્ગોમાં ચાલવું, તેમની આજ્ઞાઓ, નિયમો અને કાનૂનો પાળવા, કે જેથી તમે જીવતા રહેશો. અને તમારી વૃદ્ધિ થશે, જે દેશનું વતન પામવા તમે જાઓ છો તેમાં યહોવાહ તમારા ઈશ્વર તમને આશીર્વાદ આપશે.

12 "તમારાં માતાપિતાનું સન્માન કરો, જેથી હું યહોવાહ તમારો ઈશ્વર તમને જે દેશ આપનાર છું તેમાં તમે લાંબુ આયુષ્ય પામો.

10 અમારી ઉંમરના દિવસો સિત્તેર વર્ષ જેટલા છે,

અથવા બળના* કારણથી તેઓ એંસી વર્ષ થાય;

પણ તેઓનો ગર્વ, શ્રમ તથા દુ:ખમાત્ર છે.

હા, તે ઝડપથી પસાર થઈ જાય છે અને અમે ઊડી જઈએ છીએ.

4 "હે યહોવાહ, મને જણાવો કે મારું આયુષ્ય કેટલું છે?

અને મારા આયુષ્યના દિવસો કેટલા છે, તે મને જણાવો.

હું કેવો ક્ષણભંગુર છું, તે મને સમજાવો.

5 જુઓ, તમે મારા દિવસો મુઠ્ઠીભર કર્યા છે

અને મારું આયુષ્ય તમારી આગળ કંઈ જ નથી.

ચોક્કસ દરેક માણસ વ્યર્થ છે.

6 નિશ્ચે દરેક માણસ આભાસરૂપે હાલેચાલે છે.

નિશ્ચે દરેક જણ મિથ્યા ગભરાય છે

તે સંગ્રહ કરે છે પણ તે કોણ ભોગવશે એ તે જાણતો નથી.

12 કયો માણસ લાંબી જિંદગી ઇચ્છે છે?

અને શુભ જોવાને માટે દીર્ઘાયુષ્ય ચાહે છે?

13 તો દુષ્ટ બોલવાથી તારી જીભને

અને જૂઠું બોલવાથી તારા હોઠોને અટકાવ.

14 દુષ્ટતાથી દૂર રહે અને ભલું કર;

શાંતિ શોધ અને તેની પાછળ લાગ.

31 સફેદ વાળ એે ગૌરવનો તાજ છે;

સત્યને માર્ગે ચાલનારને એ મળે છે.

19 જેમ માણસના ચહેરાની પ્રતિમા પાણીમાં પડે છે,

તેવી જ રીતે એક માણસના હૃદયનું પ્રતિબિંબ બીજા માણસ પર પડે છે.