Vida
A vida é um dom precioso de Deus. Desde a concepção até a eternidade, as Escrituras revelam o propósito, o valor e a plenitude da vida que o Senhor nos oferece.
Deus, o autor da vida
O Senhor é quem dá a vida e a sustenta. Cada ser humano foi formado por suas mãos com propósito e intenção divina.
Wakutuu incia sumai KAWASANA OPU Aulataʼala apadhaangia maanusia minaaka i ngawuna tana tee apoinunca tee ngalu modhadhiakana i nuncana angona. Sumaimo, maanusia sumai amembali mahaluku mokoinyawa.
Roonamo Ingkoo mopadhaangiana bhari-bharia parewana badaku;
Ingkoo mopebhanguiaku i nuncana kadhumana inaku.
Iaku kusukuru i Ingkoo roonamo upadhaangiaaku tee cara inda momentela.
Bhari-bharia ipewaumu inda amentela,
tee atotuu-totuu kumataua o giu incia sumai.
Manga bukuku ukamatea,
wakutuuna upadhaangiaaku i tampa rahasia,
tee upebhanguiaku i wetana alamu moporitambena mpuu.
Ingkoo ukamataaku wakutuu dhaangiapo kumembali satongka raa,
tee i nuncana kitabimu bhari-bharia giu incia sumai padhamo atoburi
to eo-eona mopadhana ipatantuakamu to iaku
wakutuuna indapo aumba saangu eo minaaka i manga incia.
Manga incia amambosu akande i Bhanuamu,
tee atarima manga giu momalape mboomo o umala mosiwulu.
Iaku bhekulaguaka lagu to KAWASANA OPU saʼumurua dhadhiku;
iaku bhekupuji Aulataʼalaku kananteana dhaangiapo kudhadhi.
A vida em Cristo
Jesus é o caminho, a verdade e a vida. Nele encontramos sentido, plenitude e a promessa de vida abundante e eterna.
Lawanina Isa, "Iakumo o dhala, Iakumo o kabanara, tee Iakumo o dhadhi. Inda dhaangia o mia momembalina moumbana i Ama ande inda alaloi Iaku.
Mia manako aumba tangkanamo to amanako, apekamate, tee apabinasa. Maka Iaku kuumba mamudhaakana manga mia sumai apotibhaaka dhadhi -- siitumo o dhadhi motaralabhi-labhi."
Pogauna Isa, "Iakumo modhawuakana dhadhi mobakaa tee mopadhadhina mia minaaka i mate. Incema-incema moparacaeaaku, incia bheadhadhi pendua moomini incia amatemo. Bhari-bharia mia modhadhi tee moparacaeaaku inda bheamate saʼumurua. Uparacaea buaka ingkoo tee giu incia sii?"
Isa apogau, "Iakumo roti idhadhiaka sumai. Incema moumbana i Iaku, incia indamo bheamaara uka, tee incema moparacaeaaku, indamo bheamatuu bhorokona uka.
Incema-incema moparacaeaaku, mboomo mopadhana motoburina i nuncana Kitabi Momangkilo, 'I nuncana ngangarandana bheasiwulu manga umala idhadhiaka.' "
Iaku padhamo kutoloe i kau salib kupoose tee Al Masi. Moomini iaku dhaangiapo kudhadhi, mencuana iaku modhadhina, maka o Al Masi modhadhina i nuncana karoku. Dhadhi modhaangiana i nuncana badaku sii-sii satotuuna o dhadhi rampaakanamo iimaniku tee Anana Aulataʼala, siitumo Incia momaasiakaaku tee mopasaraakaakana karona to iaku.
Iaku padhamo kutoloe i kau salib kupoose tee Al Masi. Moomini iaku dhaangiapo kudhadhi, mencuana iaku modhadhina, maka o Al Masi modhadhina i nuncana karoku. Dhadhi modhaangiana i nuncana badaku sii-sii satotuuna o dhadhi rampaakanamo iimaniku tee Anana Aulataʼala, siitumo Incia momaasiakaaku tee mopasaraakaakana karona to iaku.
Vivendo com sabedoria
A Bíblia nos orienta a viver com sabedoria, aproveitando bem o tempo, guardando o coração e buscando a vontade de Deus para cada dia.
Manga adharimo to tagagari eo-eomami momampodhona sii
mamudhaakana ingkami tapotibhaaka o ngangaranda moʼaarifu.
Sababuna sumai, kamatamea pekalape tuaapa o dhadhimiu, bholi mboomo manga mia inda mokoʼakala, maka tabeana mboomo manga mia moʼaarifu. Pakea pekalape o wakutuu modhaangiana i karomiu, roonamo sii-sii abhari o mia mopewauna kadhaki.
A vida no dia a dia
Cada dia é uma oportunidade de glorificar a Deus. A Escritura nos chama a viver com propósito, confiança e fé prática.
E KAWASANA OPU, paumbaakaaku manga dhalamu,
adhariakaaku manga parintamu.
Kalape tee kaasi molagina bheaoseaku
saʼumurua dhadhiku,
tee iaku bhekumboore i nuncana Bhanuamu
saʼumurua.
Inyawa tee badaku amembali amofu tee abinasa,
maka o Aulataʼala kakaana incaku
tee o tinaurakaku saʼumurua.
KAWASANA OPU bheajaganiko minaaka i balaa,
Incia bheajagani inyawamu.
KAWASANA OPU bheajaganiko wakutuuna uumba tee ulingka,
pepuu sii-sii sakawana saʼumurua.
Perangoiaku,
tee rambasakaaku pekadhei!
Umembalimo gunu bhatu to tampana peulusaku,
mboomo bentena potaangia mopasalaamatiaku.
Tangkanamo saangu iemaniku i KAWASANA OPU,
siitumo ipeeluku,
mamudhaakana kumboore i nuncana Bhanuana KAWASANA OPU
saʼumurua dhadhiku,
to kukamataaka kalapena KAWASANA OPU
tee kupengkaabha-abha i nuncana Bhanuana Momangkilo.
Tanangimo, bholi tee uuʼuumu i aroana KAWASANA OPU tee uantagimea.
Bholi uʼamara tee mia momalapena dhawuana,
atawa tee mia mopekagau.
Inda sampeampearo bhekumalinguakea manga kasameamu,
roonamo alaloi bhari-bharia giu incia sumai Ingkoo upadhadhiaku.
Prioridades e eternidade
Jesus nos lembra que a vida é mais que comida e o corpo mais que roupa. O que importa é buscar o Reino de Deus e viver para a eternidade.
"Rampaakanamo sumai Iaku kupogau tee ingkomiu, bholi umeri to dhadhimiu, tee opea to ikandemiu tee isumpumiu atawa opea to ipakemiu. Roonamo o dhadhi alabhi minaaka i kinande tee o bada alabhi minaaka i pakea! Kamatea o manu-manu i laiana. Manga incia inda apombula, inda ahewi, tee inda arombusaka kinande i nuncana kampirina, maka adhambaakea tee apakandea Amamiu i sorogaa! Buaka ingkomiu inda ulabhi ukoharagaa minaaka i manu-manu sumai? Incema mominaakana i tanga-tangamiu roonamo ameri incana amembali amarambeakea saidhe umuruna?
Opea o labana mia apotibhaaka saangua dunia sii maka akailanga inyawana?
Kasiimpo Isa akemba mia bhari tee manga murina, tee apogau i manga incia, "Ande dhaangia o mia gauna mooseaku, tabeana abholia o urusana karona, inda alabhiaka karona, tee asodha kau salibna tee aoseaku. Roonamo incema-incema gauna mopasalaamatina inyawana, incia bheakailanga inyawana, maka incema-incema mokailangana inyawana rampaakanamo Iaku tee roonamo Lele Malapena Aulataʼala, incia bheapasalaamati inyawana. Opea o labana mia apotibhaaka saangua dunia sii maka akailanga inyawana? Atawa opea momembalina idhawuakana mia to abholosiaka inyawana? Roonamo incema-incema momaeana moʼakuiaku tee momaeana moʼakuina pogauku i tanga-tangana zamanina mia mokodosa tee mia inda mokeniakana janjina sii, sumaimo o Anana Maanusia uka bheamaea aʼakui mia incia sumai wakutuuna Incia aumba naile itu i nuncana kamuliangina Amana apoose tee manga malaaʼekati momangkilo."
Kasiimpomo Isa apogau i manga incia, "Udhania! Jagania o karomiu, bholi ara umembali mia masoʼo. Roonamo dhadhina mia inda aposaronaka i harataana mobharina mpuu."
Siimo dhadhi mobakaa, mamudhaakana manga mia amatauko ande sakaro-karomu o Aulataʼala mobanara, tee uka amataua o Isa Al Masi mopadhana ilambokomu.
Roonamo ponambona dosa sumai o mate, maka o rahumatina Aulataʼala sumai o dhadhi mobakaa mominaakana i Isa Al Masi Oputa Momalanga.
Bholi uose carana manga mia moosena nawusuuna dunia sii, maka ubhaliimea o fikirimiu mamudhaakana amembali abhaau. Tee mboo sumai ingkomiu amembali umatau opea o kapeeluana Aulataʼala: Siitumo opea momalapena, mopasanaana ngangarandana, tee mosangkana.
Giu molaengana to ropeamiu satotuuna udhadhi utanangi tee inda uʼurusu masaʼalana mia mosagaanana, tee upeelomo karajaa to upadhadhiaka karomiu, mboomo mopadhana iparintaakamami to ingkomiu i piamo itu. Tee udhadhi mboo sumai, ingkomiu inda uposaronaka i incemapo uka, tee manga mia inda moparacaeana tee Al Masi bheahoromatikomiu.
Opeapo uka ikarajaamiu, ukarajaaia tee mpuu-mpuuna incamiu, mboomo ukarajaa to Kawasana Opu tee mencuana ukarajaaka to maanusia. Tee wakutuuna ukarajaa mboo sumai, udhanimea ingkomiu bhemotarimana tinauraka mominaakana i Kawasana Opu to momembalina ponambomiu, roonamo Isa Al Masi satotuuna Oputa Momalanga tee ingkomiu o bhatuana.
Amasanaamo o mia mopoolina motaraina kanarakaa wakutuuna apotibhaaka kapancoba, roonamo ande asabara atarima kapancoba, incia bheatarima mahakota, siitumo o dhadhi mobakaa mopadhana ijanjiakana Aulataʼala to mia momaasiakea.
Ande dhaangia minaaka i tanga-tangamiu moabhina karona momalapena budina tee mokohikimatina, incia tabeana asusuakea o dhadhina tee dhadhi momalape apoose apekatambe karona tee aʼaarifu.
I nuncana Kitabi Momangkilo atoburi mboo sii,
"Incema-incema gauna moniʼimatina dhadhina
tee gauna anamisi dhadhi momalape,
tabeana ajagania o dhelana mamudhaakana inda abhoasaka pogau momadhaki,
tee ajagania o bhiwina minaaka i bhoasaka mopekagau tee mopekatipuna.
Incia tabeana apekaridho minaaka i kadhaki
tee apewau momalapena.
Incia tabeana apeelo dhadhi mopomalape
tee atorotorosu aʼusaha to apotibhaakea.
Taroakamo bhari-bharia mahaluku modhadhi apuji KAWASANA OPU!
Pujimo KAWASANA OPU!
Horomatia amamu tee inamu, mamudhaakana amarambe umurumu i tana idhawuakana KAWASANA OPU, Aulataʼalamu, i ingkoo.
Kangengena dhadhimami tangkanamo pitu pulu tao,
atawa ande amakaa o bukumami koroo akawa walu pulu tao,
maka manga eo momalape mpuu ipotibhaakamami tangkanamo kasukara tee kanarakaa;
dhadhimami amampodho tee amasimba, sapadhana sumai tamofumo.
ngangarandaku alilaho.
Ahanda kufikiria, ahanda amasodho ngangarandaku;
kasiimpo kupogau,
"E KAWASANA OPU, paumbaakaaku naepia akawa o ajalaku
tee dhaangia pia eopo uka o dhadhiku
mamudhaakana kumataua ande o umuruku amampodho!
Kamatea, tapanamo kampodho o umuru itantuakamu to iaku.
Dhadhiku mboomo inda tee maʼanana i matamu.
Bhari-bharia maanusia modhaangiana i dunia
bheamofu sakijamata mboomo poinunca. Sela
Maimo e manga anaana, perangoiaku!
Iaku bhekuadhariakakomiu umaeka i KAWASANA OPU.
Incema mopeeluna dhadhi masanaa,
tee mopeeluna umuru marambe, mamudhaakana amembali aniʼimati manga giu malape?
Jagania o dhelamu minaaka i momadhakina,
tee o bhiwimu minaaka i manga pogau mopekagau.