7 Unya gibuhat sa Ginoong Dios ang tawo gikan sa yuta. Gihuypan niya ang ilong sa tawo sa gininhawa nga naghatag ug kinabuhi, ug ang tawo nahimo nga buhing binuhat.

13 Nakaila ka kanako kay ikaw ang naghimo kanako.

Ikaw ang gaumol kanako didto sa tagoangkan sa akong inahan.

14 Gidayeg ka nako kay katingalahan gayod ang pagkahimo mo kanako.

Katingalahan ang imong mga buhat,

ug nasayod gayod ako niini.

15 Nakita mo ang akong mga bukog sa dihang gihimo ako sa tago

sulod sa tagoangkan sa akong inahan.*

16 Nakita mo na ako sa wala pa ako maporma.

Ang gitagal nga mga adlaw sa akong kinabuhi

nasulat na sa imong libro, bisan wala pa kini magsugod.

9 Kay ikaw ang tinubdan sa kinabuhi.

Gilamdagan mo kami,

ug nahayagan ang among huna-huna.

33 Awitan ko ang Ginoo sa tibuok kong kinabuhi.

Awitan kog mga pagdayeg ang akong Dios

samtang aduna pa akoy kinabuhi.

6 Mitubag si Jesus kaniya, "Ako mao ang dalan, ang kamatuoran, ug ang kinabuhi. Walay makaadto sa Amahan kon dili pinaagi kanako.

10 Ang katuyoan sa kawatan mao ang pagpangawat, ang pagpatay, ug ang pagpangguba. Apan mianhi ako dinhi sa kalibotan aron mahatagan ko ang mga tawo sa kinabuhi nga madagayaon.

25 Miingon si Jesus kaniya, "Ako ang nagbanhaw sa mga patay, ug ako usab ang naghatag ug kinabuhi. Ang nagtuo kanako, bisan mamatay pa siya, mabuhi pag-usab. 26 Si bisan kinsa nga nagkinabuhi ug nagtuo kanako dili na mamatay bisan kanus-a. Motuo ka ba niini?"

35 Miingon si Jesus, "Ako mao ang pagkaon nga naghatag ug kinabuhi. Ang nagduol ug nagtuo kanako dili na gayod gutomon o uhawon.

38 Kay sumala sa Kasulatan, si bisan kinsa nga magtuo kanako, modagayday gikan sa iyang kasing-kasing ang tubig nga naghatag ug kinabuhi."

20 Sama nga namatay ako kauban ni Cristo sa krus. Dili na ako ang nagkinabuhi karon, kondili si Cristo na ang nagkinabuhi kanako. Ug kining kinabuhi nga akong ginakinabuhi karon mao ang resulta sa akong pagtuo sa Anak sa Dios nga nahigugma kanako ug naghalad sa iyang kinabuhi alang kanako.

20 Sama nga namatay ako kauban ni Cristo sa krus. Dili na ako ang nagkinabuhi karon, kondili si Cristo na ang nagkinabuhi kanako. Ug kining kinabuhi nga akong ginakinabuhi karon mao ang resulta sa akong pagtuo sa Anak sa Dios nga nahigugma kanako ug naghalad sa iyang kinabuhi alang kanako.

12 Pasabta kami nga mubo lang ang among kinabuhi,

aron mahimo kaming maalamon sa among pagkinabuhi.

10 Anak, pamatia ug tumana ang gipanulti ko kanimo

aron motaas ang imong kinabuhi.

23 Bantayi pag-ayo ang imong huna-huna,

kay kon unsay anaa sa imong huna-huna

mao usab ang imong ikinabuhi.

23 Bantayi pag-ayo ang imong huna-huna,

kay kon unsay anaa sa imong huna-huna

mao usab ang imong ikinabuhi.

8 Ang tawo nga nagtinguha nga magmaalamon nahigugma sa iyang kaugalingon,

ug siya magmauswagon.

3 Ang magbantay sa iyang sinultihan nagpanalipod

sa iyang kinabuhi,

apan ang magpataka ug sulti malaglag.

17 Ang tawo nga mopatuo sa mga pagbadlong

makaangkon ug maayo ug taas nga kinabuhi,

apan ang tawo nga nagsalikway niini mahisalaag.

27 Ang pagtahod sa Ginoo makaayo

ug mopalugway sa imong kinabuhi,*

ug makapalikay kanimo sa kamatayon.

21 Ang tawo nga nagtinguha gayod nga magkinabuhi

nga matarong ug matinud-anon,

makaangkon ug taas nga kinabuhi ug kalamposan,

ug ang mga tawo modayeg kaniya.

15 Busa pagmatngon kamo sa inyong pagkinabuhi. Ayaw kamo pagkinabuhi sama sa mga wala makasabot, kondili pagkinabuhi kamo isip mga tawo nga nakasabot sa kabubut-on sa Dios. 16 Ayaw ninyo usiki ang inyong panahon, kondili gamita ninyo kini sa pagbuhat ug maayo, tungod kay daotan kining mga adlawa.

4 Tudloi ako, Ginoo, sa imong mga pamaagi.

6 Nakasiguro gayod ako nga ang imong kaayo ug gugma kanako magpadayon

sa tibuok kong kinabuhi.

Ug mopuyo* ako sa imong balay*, Ginoo,

hangtod sa kahangtoran.*

26 Magmaluya man ang akong lawas ug huna-huna,

apan ikaw gihapon, O Dios, mao ang akong kusog.

Ikaw lang gayod

ang akong gikinahanglan hangtod sa kahangtoran.

7 Tipigan ka sa Ginoo gikan sa tanang katalagman;

ampingan niya ang imong kinabuhi.

8 Ang Ginoo motipig kanimo

karon ug hangtod sa kahangtoran, bisan asa ka moadto.*

3 Tungod kay ikaw ang akong salipdanan nga bato ug lig-ong tago-anan,

tultoli ug giyahi ako aron mapasidunggan ang imong ngalan.

4 Usa ra ka butang ang akong gipangayo sa Ginoo

ug mao gayod kini ang akong gihandom pag-ayo:

nga makapuyo ako sa iyang balay sa tibuok kong kinabuhi,

ug didto makapamalandong ako sa iyang kaayo

ug makapangayo sa iyang paggiya.

7 Pagmalinawon diha sa presensya sa Ginoo,

ug paghulat nga mapailubon sa iyang pagabuhaton.

Ayaw paglagot kon magmauswagon ang mga tawong daotan,

o magmadaogon sila pinaagi sa ilang daotang mga plano.

93 Dili ko gayod kalimtan ang imong mga tulomanon,

kay pinaagi niini lugwayan mo ang akong kinabuhi.

25 "Busa sultihan ko kamo nga dili kamo mabalaka sa inyong kinabuhi, kon unsa ang inyong kaonon o imnon, o unsa ang inyong isul-ob. Dili ba nga mas importante pa ang kinabuhi kaysa pagkaon ug ang lawas kaysa bisti? 26 Tan-awa ninyo ang mga langgam nga galupad-lupad. Wala sila magtanom, wala mag-ani, ug wala silay gitigom sa bodega, apan sa gihapon gipakaon sila sa inyong Amahan sa langit. Dili ba mas labaw pa kamo kaysa mga langgam? 27 Kinsa ba kaninyo ang makapalugway sa inyong kinabuhi bisag gamay lang pinaagi sa inyong kabalaka?

36 Unsa man ang makuha sa tawo kon maangkon niya ang tanan nga butang dinhi sa kalibotan, apan mawala ang iyang kinabuhi?

34 Unya gitawag niya ang mga tawo ug ang iyang mga tinun-an nga moduol kaniya. Miingon siya, "Kon adunay tawo nga buot mosunod kanako, dili niya palabihon ang iyang kaugalingon, kondili mosunod siya kanako bisan pa kon kamatayon ang iyang dangatan. 35 Kay si bisan kinsa nga nagtinguha sa pagluwas sa iyang kinabuhi mawad-an hinuon niini. Apan si bisan kinsa nga mohalad sa iyang kinabuhi tungod kanako ug sa Maayong Balita makaangkon sa kinabuhi nga walay kataposan. 36 Unsa man ang makuha sa tawo kon maangkon niya ang tanan nga butang dinhi sa kalibotan, apan mawala ang iyang kinabuhi? 37 Kay wala gayod siyay ikahatag aron mabawi niya ang iyang kinabuhi. 38 Kon ikaulaw ako ug ang akong mga pagtulon-an ni bisan kinsa niining panahona, diin ang mga tawo daotan ug dili matinud-anon sa Dios, ikaulaw usab siya sa Anak sa Tawo kon mobalik na siya nga nagdan-ag sa himaya sa iyang Amahan, ug kauban ang balaang mga anghel."

15 Unya misulti si Jesus sa mga tawo, "Pagbantay kamo sa tanang matang sa pagkahakog, kay ang tinuod nga pagkinabuhi dili diha sa kadaghan sa kabtangan."

3 Mao kini ang kinabuhi nga walay kataposan: nga ang mga tawo mag-ila kanimo nga mao lamang ang tinuod nga Dios ug maila usab nila ako nga si Jesu-Cristo, nga imong gipadala.

23 Kay ang silot sa sala mao ang kamatayon, apan ang kinabuhi nga walay kataposan mao ang gasa sa Dios sa mga anaa kang Cristo Jesus nga atong Ginoo.

2 Ayaw kamo pagsunod sa mga gawi sa mga tawo niining kalibotana. Tugoti ninyo ang Dios nga mobag-o sa inyong huna-huna, aron masayran ninyo ang kabubut-on sa Dios, kon unsa ang maayo, hingpit, ug ang makapahimuot kaniya.

7 Kay sa pagkakaron nagkinabuhi kita pinaagi sa pagtuo ug dili sumala sa atong makita.

14 Paningkamoti ninyo nga maayo ang inyong relasyon ngadto sa tanang mga tawo, ug paningkamoti usab ninyo nga matarong ang inyong kinabuhi. Kay kon dili matarong ang inyong kinabuhi dili kamo makakita sa Dios.

11 Tinguhaa ninyo nga magkinabuhi diha sa kalinaw. Ayaw ninyo hilabti ang kinabuhi sa uban, ug sama sa among giingon kaninyo kaniadto, ang matag-usa kaninyo kinahanglang magtrabaho aron aduna siyay kaugalingon nga panginabuhian. 12 Kon mao kini ang inyong buhaton, dili na kinahanglan nga magsalig pa kamo sa uban alang sa inyong panginabuhian, ug tahoron kamo sa mga dili tumutuo.

23 Bisan unsay inyong himuon, himoa ninyo sa kinasing-kasing, ingon nga kamo nag-alagad sa Ginoo ug dili sa tawo. 24 Nasayran usab ninyo nga adunay panulondon nga ihatag ang Ginoo kaninyo isip inyong ganti. Kay si Cristo nga atong Ginoo mao ang inyong gialagaran.

12 Bulahan ang tawo nga mobarog taliwala sa mga pagsulay, kay human niya madaog ang mga pagsulay, makadawat siya sa kinabuhi nga walay kataposan ingon nga ganti nga gisaad sa Ginoo alang sa mga nahigugma kaniya.

13 Aduna ba kaninyoy maalamon ug masinabuton? Ipakita niya kini pinaagi sa iyang maayo nga pagkinabuhi nga adunay pagpaubos. Ang tawo dili maalam kon dili siya mapainubsanon.

10 Kay nag-ingon ang Kasulatan,

"Si bisan kinsa nga nagtinguha sa malipayon ug maayo nga kinabuhi

kinahanglan nga magpugong sa pagsulti ug daotan ug sa pagpamakak.

11 Kinahanglan biyaan niya ang daotan,

ug magbuhat siya ug maayo.

Paningkamotan niya nga mahimong malinawon kanunay

ang iyang pagpakig-uban sa iyang isigka-tawo.

6 Ang tanan nga adunay kinabuhi padayega sa Ginoo.

Dayega ang Ginoo!

1 Adunay gitakda nga panahon alang sa matag buluhaton dinhi sa kalibotan:

16 Gimandoan ko kamo karon sa paghigugma sa Ginoo nga inyong Dios, sa pagkinabuhi subay sa iyang mga pamaagi, sa pagtuman sa iyang mga sugo ug mga tulomanon, aron magkinabuhi kamo ug dugay ug modaghan, ug panalanginan kamo sa Ginoo nga inyong Dios didto sa yuta nga inyong sudlon ug panag-iyahan.

12 Tahora ninyo ang inyong amahan ug inahan aron magkinabuhi kamo ug dugay diha sa yuta nga gihatag sa Ginoo nga inyong Dios kaninyo.

10 Ang katas-on sa among kinabuhi 70 ka tuig,

o 80 ka tuig kon baskog kami.

Apan bisan pa ang labing maayo namong mga katuigan

puno sa mga kaguol ug kalisod.

Unya molabay kini, ug mahanaw kami.

4 "Ginoo, pahimangnoi ako nga adunay kataposan

ang akong kinabuhi ug inihap na ang akong mga adlaw.

Pahimangnoi ako nga lumalabay lang ang akong kinabuhi."

5 Pagkamubo sa kinabuhi nga gihatag mo kanako.

Baliwala lang kini sa imong panan-aw.

Sa pagkatinuod, ang kinabuhi sa tawo

sama sa hangin nga molabay lang,

6 o sama sa anino nga mawala.

Nagkapuliki ang tawo sa mga buluhaton nga walay kapuslanan.

Nagtigom siyag bahandi apan wala siya masayod

kon kinsay makapahimulos niini kon mamatay na siya.

12 Buot ba kamong makaangkon

ug taas nga kinabuhi ug magmalipayon?

13 Likayi ninyo ang pagsulti ug daotan

ug ang pagpamakak.

14 Likayi ninyo ang daotan ug buhata ang maayo.

Tinguhaa gayod ninyo ang pagkinabuhi nga malinawon uban sa inyong isigka-tawo.

31 Ang katigulangon usa ka kadungganan

nga maangkon sa tawo

nga adunay matarong nga kinabuhi.

19 Maingon nga makita mo

ang imong hitsura diha sa tubig,

ang sulod sa imong kasing-kasing

magpadayag usab sa imong pagkatawo.