7 मग याहवेह परमेश्वराने जमिनीवरील धूळ घेऊन तिचा मनुष्य* घडविला व त्याच्या नाकपुड्यांत त्यांनी जीवन देणारा श्वास फुंकला; तेव्हा मनुष्य सजीव प्राणी झाला.

13 माझ्या शरीरातील अंतरंगाची घडण तुम्हीच केली आहे;

माझ्या मातेच्या उदरात माझी देहरचना केली.

14 मी तुमची स्तुती करतो,

कारण तुम्ही मला भयपूर्ण व अद्भुत रीतीने निर्माण केले आहे;

तुमचे हे कार्य किती अद्भुत आहे,

हे मी पूर्णपणे जाणतो.

15 गुप्तस्थानी माझी निर्मिती होत असताना,

जेव्हा माझा सांगाडा तुमच्यापासून लपलेला नव्हता,

जेव्हा पृथ्वीच्या गर्भामध्ये माझी घडण होत होती.

16 तुमच्या नेत्रांनी मला पिंडरूपात पाहिले;

माझा एकही दिवस उगविण्यापूर्वी माझ्या

आयुष्याच्या प्रत्येक दिवसाची तुम्ही लेखी नोंद केली.

9 कारण जीवनाचा झरा तुमच्याजवळ आहे;

तुमच्या प्रकाशानेच आम्हाला प्रकाश मिळतो.

33 मी आजीवन याहवेहचे स्तोत्र गाईन;

माझ्या शेवटच्या श्वासापर्यंत मी माझ्या परमेश्वराचे स्तुतिगान करेन.

6 येशूंनी उत्तर दिले, "मार्ग आणि सत्य आणि जीवन मीच आहे. माझ्याद्वारे आल्याशिवाय पित्याकडे कोणीही येऊ शकत नाही.

10 चोर केवळ चोरी, घात आणि नाश करण्यास येतो; मी त्यांना जीवन मिळावे व ते विपुलपणे मिळावे म्हणून आलो आहे.

25 येशू तिला म्हणाले, "पुनरुत्थान व जीवन मीच आहे. जो कोणी मजवर विश्वास ठेवतो, तो मरण पावला असला, तरी पुन्हा जगेल; 26 जो कोणी मजवर विश्वास ठेवून जगतो तो कधीही मरणार नाही. यावर तुझा विश्वास आहे काय?"

35 त्यावर येशू जाहीरपणे म्हणाले, "मीच जीवनाची भाकर आहे. जो मजकडे येतो त्याला पुन्हा कधीही भूक लागणार नाही आणि जो मजवर विश्वास ठेवतो त्याला कधीही तहान लागणार नाही.

38 शास्त्रलेखात सांगितल्याप्रमाणे, जे कोणी माझ्यावर विश्वास ठेवतात, त्यांच्यामधून जिवंत पाण्याच्या नद्या वाहतील."

20 मी ख्रिस्ताबरोबर क्रूसावर खिळलेला आहे आणि मी जगतो असे नाही, तर ख्रिस्त माझ्यामध्ये जगतात. मी आता जे जीवन शरीरात जगतो ते मी परमेश्वराच्या पुत्रावर विश्वास ठेवून जगतो, ज्यांनी माझ्यावर प्रीती केली आणि स्वतःला माझ्यासाठी दिले.

20 मी ख्रिस्ताबरोबर क्रूसावर खिळलेला आहे आणि मी जगतो असे नाही, तर ख्रिस्त माझ्यामध्ये जगतात. मी आता जे जीवन शरीरात जगतो ते मी परमेश्वराच्या पुत्रावर विश्वास ठेवून जगतो, ज्यांनी माझ्यावर प्रीती केली आणि स्वतःला माझ्यासाठी दिले.

12 आमच्या जीवनाचे दिवस मोजणे आम्हाला शिकवा,

जेणेकरून आमचे अंतःकरण सुज्ञ होईल.

10 माझ्या मुला ऐक, मी काय म्हणतो ते स्वीकार,

आणि तुझ्या आयुष्याची वर्षे पुष्कळ होतील.

23 सर्वापेक्षा अधिक तुझ्या हृदयाचे रक्षण कर,

कारण जे सर्वकाही तू करतो, ते त्यापासून निष्पन्न होते.

23 सर्वापेक्षा अधिक तुझ्या हृदयाचे रक्षण कर,

कारण जे सर्वकाही तू करतो, ते त्यापासून निष्पन्न होते.

8 जो सुज्ञता मिळवितो, तो त्याच्या जीवनावर प्रीती करतो;

आणि जो समंजसपणाची आवड धरतो, तो लवकर समृद्ध होतो.

3 जो आपल्या जिभेवर नियंत्रण ठेवतो, तो स्वतःचे जीवन सुरक्षित ठेवतो,

परंतु जो विचार न करता बोलतो, त्याचा नाश होतो.

17 जो शिस्तीचे पालन करतो तो जीवनाचा मार्ग दाखवितो

परंतु जो सुधारणा नाकारतो, तो दुसर्‍यांची दिशाभूल करतो.

27 याहवेहचे भय म्हणजे जीवनाचा झरा आहे,

ते मृत्यूच्या पाशांपासून त्याला वाचवते.

21 जो कोणी नीतिमत्व आणि प्रीती मिळविण्याचा प्रयत्न करतो,

त्याला जीवन, समृद्धी व सन्मान यांचा लाभ होतो.

15 म्हणून तुम्ही अज्ञानी नव्हे तर ज्ञानी लोकांसारखे वागण्याची काळजी घ्या. 16 दिवस कठीण आहेत, म्हणून प्रत्येक संधीचा उपयोग करून घ्या.

4 याहवेह, मला तुमचे मार्ग दाखवा,

तुमचे मार्ग मला शिकवा.

6 खरोखर चांगुलपणा व करुणामयप्रीती

मजबरोबर आयुष्यभर असतील,

आणि मी याहवेहच्या,

घरात सदासर्वदा राहीन.

26 माझे शरीर व माझे हृदय खचेल,

तरी परमेश्वर माझ्या हृदयाचे सामर्थ्य असून

सर्वकाळचा माझा वाटा आहेत.

7 याहवेह सर्व अनिष्टांपासून तुला सुरक्षित ठेवतील—

आणि तुझ्या जिवाचे रक्षण करतील.

8 तुझे आता आणि सर्वकाळ येणे व जाणे,

यावर याहवेह बारकाईने लक्ष ठेवतील.

3 कारण तुम्हीच माझे खडक व माझे दुर्ग आहात;

तुमच्या नावाकरिता मला मार्गदर्शन करा आणि मला चालवा.

4 मी याहवेहला एक याचना केली,

हीच माझी आकांक्षा आहे:

मी आयुष्यभर याहवेहच्या

भवनात वस्ती करावी जेणेकरून

मी याहवेहचे सौंदर्य बघून त्यांच्या

मंदिरात ध्यान करावे.

7 याहवेहसमोर निश्चिंत राहा

व धीराने त्यांची वाट पाहा;

जेव्हा लोकांना त्यांच्या मार्गात यश मिळते,

त्यांच्या दुष्ट योजना सफल होतात, तेव्हा तू संतापू नकोस.

93 मी तुमचे नियम कधीही विसरणार नाही,

कारण त्यांच्याद्वारे तुम्ही माझ्या जीवनाचे जतन केले आहे.

25 "मी तुम्हाला सांगतो, आपण काय खावे, किंवा काय प्यावे अशी आपल्या जिवाविषयी, किंवा आपण काय पांघरावे अशी आपल्या शरीराविषयी काळजी करू नका. अन्नापेक्षा जीव आणि वस्त्रांपेक्षा शरीर अधिक महत्त्वाचे नाही काय? 26 आकाशातील पाखरांकडे पाहा; ते धान्य पेरीत नाही, कापणी करीत नाही व कोठारात साठवित नाही आणि तरी देखील तुमचे स्वर्गीय पिता त्यांना खायला घालतात. तुम्ही त्यांच्यापेक्षा कितीतरी अधिक मोलवान नाही का? 27 शिवाय काळजी करून आयुष्यातील एक तास तरी कोणास वाढविता येईल काय?*

36 कोणी सारे जग मिळविले आणि आपला आत्मा गमावला तर त्यातून चांगले काय निष्पन्न होणार?

34 नंतर शिष्यांना आणि जमावाला त्यांनी जवळ बोलाविले आणि म्हणाले: "जर कोणी माझा शिष्य होऊ पाहतो तर त्याने स्वतःस नाकारावे, त्याचा क्रूसखांब उचलावा आणि माझ्यामागे यावे. 35 कारण जो कोणी आपला जीव स्वतःसाठीच राखून ठेवतो तो आपल्या जीवाला मुकेल, पण जो कोणी माझ्यासाठी आणि शुभवार्तेसाठी आपल्या जीवाला मुकेल, तो त्याचा जीव वाचवेल. 36 कोणी सारे जग मिळविले आणि आपला आत्मा गमावला तर त्यातून चांगले काय निष्पन्न होणार? 37 आपल्या आत्म्याच्या मोबदल्यात मनुष्याला दुसरे काही देता येईल का? 38 ज्या कोणाला या भ्रष्ट व पापी पिढीसमोर माझी व माझ्या वचनाची लाज वाटेल, त्याची मला, मानवपुत्रालाही, त्याच्या पित्याच्या गौरवात व पवित्र देवदूतांच्या समवेत परत येईन तेव्हा लाज वाटेल."

15 नंतर येशू त्यांना म्हणाले, "सावध राहा, सर्वप्रकारच्या लोभापासून दूर राहा, कारण पुष्कळ धनसंपत्ती मध्ये जीवन नसते."

3 आता सार्वकालिक जीवन हेच आहे: जे तुम्ही एकच सत्य परमेश्वर आहात त्या तुम्हाला व ज्यांना तुम्ही पाठविले, त्या येशू ख्रिस्ताला त्यांनी ओळखावे.

23 कारण पापाचे वेतन मरण आहे, पण परमेश्वराचे कृपादान आपल्या प्रभू येशू ख्रिस्तामध्ये सार्वकालिक जीवन आहे.

2 या जगाशी समरूप होऊ नका; तर आपल्या मनाच्या नवीनीकरणाने स्वतःचे रूपांतर होऊ द्या, यासाठी की परमेश्वराची जी उत्तम, ग्रहणीय व परिपूर्ण इच्छा, ती काय आहे, हे तुम्ही समजून घ्यावे.

7 आम्ही विश्वासाने जगतो, प्रत्यक्ष पाहण्याने नव्हे.

14 सर्वांबरोबर शांततेने राहण्याचा व पवित्र होण्याचा झटून प्रयत्न करा; पवित्रतेशिवाय कोणीही प्रभूला पाहू शकत नाही.

11 शांतीने जीवन जगणे, आपल्या व्यवसायात मग्न असणे आणि स्वतःच्या हाताने काम करणे हे तुमचे ध्येय असू द्या, 12 म्हणजे तुमचे दैनंदिन जीवन बाहेरील लोकांच्या सन्मानास पात्र ठरेल आणि तुम्हाला कोणावरही अवलंबून राहण्याची गरज पडणार नाही.

23 जे काही तुम्ही करता, ते पूर्ण मनाने करा, मनुष्यांसाठी नव्हे, तर प्रभूसाठी म्हणून करा. 24 हे तुम्हाला माहीत आहे की, प्रभूपासून तुम्हाला वारसा हे प्रतिफळ म्हणून मिळेल. तुम्ही प्रभू ख्रिस्ताची सेवा करीत आहात.

12 जो कोणी व्यक्ती परीक्षेत धीर धरतो तो धन्य आहे, कारण परीक्षेत उतरल्यावर, प्रभूने आपल्यावर प्रीती करणार्‍यांना जो जीवनी मुकुट देण्याचे वचन दिले आहे, तो त्याला मिळेल.

13 तुम्हामध्ये ज्ञानी आणि समंजस कोण आहे? त्याने ज्ञानाच्या लीनतेने आपल्या चांगल्या वर्तणुकीद्वारे आपले ज्ञान दाखवावे.

10 कारण,

"जो जीवनावर प्रीती करतो

आणि चांगले दिवस पाहण्याची अपेक्षा करतो,

तर त्यांनी आपली जीभ वाईटापासून

आणि आपले ओठ कपट बोलण्यापासून राखावे.

11 त्यांनी वाईटाचा त्याग करावा आणि चांगले ते करावे;

त्यांनी शांतीचा यत्न करावा व तिच्यामागे लागावे.

6 प्रत्येक सजीव प्राणी याहवेहचे स्तवन करो.

याहवेहचे स्तवन करा.

1 प्रत्येक गोष्टींसाठी निश्चित वेळ आहे,

आणि पृथ्वीवर प्रत्येक कामासाठी एक ऋतू ठरलेला असतो:

16 आज मी तुम्हाला आज्ञा देत आहे की तुम्ही याहवेह तुमच्या परमेश्वरावर प्रीती करावी, आज्ञापूर्वक त्यांच्या मार्गात चालावे, आणि त्यांच्या आज्ञा, विधी व नियम पाळावे; म्हणजे तुम्ही जिवंत राहाल व तुमची वृद्धी होईल आणि जी भूमी तुम्ही ताब्यात घेण्यासाठी जात आहात, तिथे याहवेह तुमचे परमेश्वर तुम्हाला आशीर्वादित करतील.

12 आपल्या वडिलांचा व आपल्या आईचा सन्मान करा, म्हणजे जो देश याहवेह तुमचे परमेश्वर तुम्हाला देत आहे, त्यात तुम्ही दीर्घकाळ राहाल.

10 आम्हाला सत्तर वर्षाचे आयुष्य दिले आहे;

आणि सशक्त असल्यास ऐंशी वर्षे;

परंतु यातील उत्तम वर्षेदेखील पुष्कळदा त्रास आणि दुःखे यांनीच भरलेली असतात;

लवकरच ती सरतात आणि आम्ही निघून जातो.

4 याहवेह, माझ्या जीवनाचा अंत मला दाखवा

आणि माझे किती दिवस बाकी आहेत हे मला दाखवून द्या;

माझे आयुष्य किती क्षणभंगुर आहे ते मला कळू द्या.

5 पाहा, तुम्ही माझे दिवस चार बोटे केले आहे;

माझा जीवितकाल तुमच्या दृष्टीने केवळ एका क्षणाचाच आहे;

प्रत्येकजण, अगदी निश्चिंत असणारे लोकसुद्धा

केवळ एक श्वास आहेत. सेला

6 निश्चितच प्रत्येकजण खरोखर सावलीप्रमाणेच जगतो;

संपत्ती गोळा करण्याची त्याची सर्व धावपळ ही निरर्थकच,

याचा उपभोग कोण घेईल हे त्याला ठाऊक नाही.

12 तुमच्यापैकी जो जीवनावर प्रीती करतो

आणि अनेक चांगले दिवस पाहण्याची अपेक्षा करतो,

13 तर तू आपली जीभ वाईटापासून

आणि आपले ओठ असत्य बोलण्यापासून राखावे.

14 वाईटाचा त्याग कर आणि चांगले ते कर;

शांतीचा शोध घे व तिच्यामागे लाग.

31 पांढरे केस गौरवी मुकुट आहे;

नीतिमत्तेच्या मार्गात चालल्याने तो लाभतो.

19 पाणी जसे चेहर्‍याचे प्रतिबिंब दर्शविते,

तसेच व्यक्तीचे जीवन त्याचे अंतःकरण दर्शविते,