7 तेखअ बणाअं परमेशर बिधाता* धरतीए माट्टै करै आदमी*। संघा पाअ तेऊए नाके ढुंण्हीं दी ज़िऊंणेंओ शाह, तिहअ करै हुअ सह ज़िऊंदअ मणछ।✝

13 तंऐं आसा मेरी देही भितरे सोभै गल्‍ला बणाईं दी,

मेरी आसा आपणैं हाथै मेरी माए ओदरै हुंह बूणअ द।

14 हुंह करा तेरअ शूकर किल्हैकि ताखा लागा डरनअ ई,

ज़ेऊ साबै तंऐं हुंह बणाअं सह आसा बडअ ज़बर अर नोखअ!

ऐहा गल्‍ला समझ़ा हुंह ज़ाथी राम्बल़ै करै।

15 मेरी माए ओदरै ज़ोल़ै तंऐं

मेरै हाडकै-हाडकै बडै राम्बल़ै करै,

हुंह त गुप्त बझ़दअ लागअ द

पर ताखा निं मेरी किछ़ै च़ीज़ गुप्त आथी ती,

16 तूह त मेरै ज़ल्म हणैं का आजी मुंह बझ़दै भाल़अ लागअ द।

मेरै ज़ल्म हणैं का आजी थिऐ तंऐं

मेरी ज़िन्दगीए हर धैल़ै

आपणीं कताबा दी लिखी हेरै दै डाही।

9 ज़िन्दगी दैणैं आल़ी सोबल़ आसा ताखा ई,

अर तेरै धुप्पै करै हआ हाम्हां सोभी लै प्रैश्शअ।

33 हे बिधाता, मुंह बोल़णीं सारी अमरा तेरी ज़ै-ज़ैकारे गिहा,

ज़ेभै तैणीं हुंह ज़िऊंदअ रहे, तेभै तैणीं रहणअ मुंह तेरै भज़न बोल्दै लागी।

6 ईशू बोलअ तेऊ लै, "बात, सत्त अर ज़िन्दगी आसा हुंह, मुंह बाझ़ी निं बाब सेटा कोहै पुजी सकदअ।

10 "च़ोर निं किज़ू होरी कामैं एछदअ सह एछा सिधअ च़ोरी करदअ, मारदअ अर बनाशा करदअ। हुंह आसा आअ द एते तैणीं कि सोभी लै ज़िन्दगी भेटे अर टिरा-बहूंदी भेटे।

25 ईशू बोलअ तैहा लै, "हुंह करा मूंऐं दै मणछा बी ज़िऊंदै, हुंह ई दैआ तिन्‍नां लै ज़िन्दगी। ज़ै कुंण मुंह दी विश्वास करे, सह ज़ै मरी बी जाए, सह हणअ भिई ज़िऊंदअ। 26 पर ज़ुंण ज़िऊंदअ आसा अर मुंह दी विश्वास करा, तिंयां निं कधि मरनै। कै तूह ऐहा गल्‍ला दी विश्वास करा?"

35 ईशू बोलअ तिन्‍नां लै, "हुंह आसा ज़िन्दगी दैणैं आल़ी रोटी, ज़ुंण मुंह सेटा एछे, सह निं कधि भुखअ रहणअ, अर ज़ुंण मुंह दी भरोस्सअ करे, सह निं कधि नचिशअ रहणअ।

38 ज़िहअ पबित्र शास्त्रा दी आसा लिखअ द, ‘ज़ुंण मुंह दी विश्वास करे, तेऊए दिला का बगणीं ज़िन्दगी दैणैं आल़ै पाणींए गाडा।’"

20 ऐबै आसा मेरी पराणीं ज़िन्दगी मसीहा संघै क्रूसा दी छ़ड़ाऊई दी अर ऐबै निं हुंह ज़िऊंदअ रहअ पर मसीहा आसा मुंह दी ज़िऊंदअ। हुंह ज़ुंण देही दी ऐबै ज़िऊंदअ आसा, हुंह आसा सिधअ तेऊ विश्वासा संघै ज़िऊंदअ, ज़ुंण परमेशरे पूता दी आसा, ज़ुंणी मुल्है झ़ूरी किई, अर मेरी तैणीं आपणीं ज़ान दैनी।

20 ऐबै आसा मेरी पराणीं ज़िन्दगी मसीहा संघै क्रूसा दी छ़ड़ाऊई दी अर ऐबै निं हुंह ज़िऊंदअ रहअ पर मसीहा आसा मुंह दी ज़िऊंदअ। हुंह ज़ुंण देही दी ऐबै ज़िऊंदअ आसा, हुंह आसा सिधअ तेऊ विश्वासा संघै ज़िऊंदअ, ज़ुंण परमेशरे पूता दी आसा, ज़ुंणी मुल्है झ़ूरी किई, अर मेरी तैणीं आपणीं ज़ान दैनी।

12 हाम्हां लै दै एही अक्ल कि ज़ुंण थोल़ी ज़ेही ज़िन्दगी हाम्हां का आसा,

सह लोल़ी ती हाम्हैं भली भांती काटी ज़ाणीं।

10 मेरै, लान्हैंआ ज़ै तूह मेरी गल्‍ला शुणें या मने

तै हणीं तेरी अमर खास्सी।

23 सोभी का खास्सी करनी आपणैं मन्‍नें फाज़त कि तम्हैं किज़ै सोठा,

किल्हैकि मणछे ज़िन्दगी ढल़ा तेऊ साबै ज़ेही सह सोठा।

23 सोभी का खास्सी करनी आपणैं मन्‍नें फाज़त कि तम्हैं किज़ै सोठा,

किल्हैकि मणछे ज़िन्दगी ढल़ा तेऊ साबै ज़ेही सह सोठा।

8 ज़ुंण असली दी आप्पू अक्ली लै झ़ूरा, तेऊ रहणअ शिखल़दै लागी,

ज़ुंण तेता समझ़ी आद डाहा, सह हआ सफल।

3 सोठी-समझ़ी बोल़णैं आल़अ ता करा आपणीं ज़िन्दगीए फाज़त,

पर ज़ुंण टाभ बाहा, सह करा आपणीं बरैबादी।

17 ज़ुंण नैरी समझ़ाऊई करै समझ़ी जाआ, तिन्‍नां भेटा ज़िन्दगी,

पर ज़ुंण नांईं समझ़दै, तिंयां पेठा कबाता।

27 ज़ै तम्हैं मौता का बच़णअ च़ाहा,

तै करा बिधातो अदर, किल्हैकि सह आसा एही सोबल़ा ज़ेही ज़ुंण ज़िन्दगी दैआ।

21 मानदार अर झणैल़ू मणछे अमर हआ खास्सी,

इहै मणछा संघै करा होर बी राम्बल़अ बभार अर अदर।

15 तैही डाहणअ ऐहा गल्‍लो खैल कि तम्हैं केही ज़िन्दगी ज़िऊआ। बेसमझ़ ज़िहै निं रहा समझ़कार हआ। 16 एऊ मोक्‍कै समझ़ा भलाई करना किम्मती, किल्हैकि ईंयां धैल़ै आसा बूरै।✝

4 हे बिधाता, तूह रहैऊ मुखा आपणीं बात,

मुंह सखाऊ तेथ हांढणअ।

6 अह गल्‍ल आसा पाक्‍की कि तूह झ़ूरा मुल्है अर ताह करनी मुल्है सदा झींण,

हे बिधाता, मुंह बस्सणअ तेरै घअरै सदा-सदा लै।

26 मेरअ दिल अर मन्‍न आसा हारी गअ द,

पर तूह बिधाता आसा मेरअ बल

मुंह आसा सदा तेरी ई ज़रुरत।

7 बिधाता काढणअ तूह आफ़ता का बच़ाऊई,

तेऊ बच़ाऊंणअ तूह मरनै का।

8 बिधाता करनी आझ़ा पोर्ही सारी सदा,

एछदी-नांहंदी तेरी फाज़त।

3 हे बिधाता, मेरी शरण लणें बडी टोल्ह अर बच़णा लै गहल़ आसा तूह ई।

तूह खोज़ मुखा आजूए बात अर तूह नढैऊ मुंह तिहअ ई ज़िहअ तंऐं बोलअ द आसा।

4 मंऐं मांगअ बिधाता का एक्‍कै बरदान,

हुंह च़ाहा सिधअ इहअ कि

मुंह रहणअ सारी ज़िन्दगी बिधाते घअरै,

ताकि हुंह तिधी कबल्‍ली बिधाते महान भलाई भाल़ूं

अर बिधाता का हर बगत सलाह मांगूं।

7 सबर डाहणअ संघा दैणअ बिधाता काम करनै,

कदुष्ट मणछा सफल हंदै भाल़ी निं फिकर करनअ अर

नां तिन्‍नें कदुष्ट बिक्री भाल़ी हैल़अ करी।

93 हुंह निं तेरी गल्‍ला कधि बिस्सरदअ,

किल्हैकि तिंयां गल्‍ला डाहा मुंह ज़िऊंदै।

25 "तैही बोला हुंह तम्हां लै इहअ कि आपणीं ज़िन्दगी लै इहअ फिकर निं करी कि किज़ै खाणअ किज़ै पिणअ? नां आपणीं देही लै फिकर करी कि हाम्हां किज़ै बान्हणअ? ज़िन्दगी आसा रोटी का अर देही आसा झिकल़ै का खास्सी किम्मती।

26 "सरगै डैऊंदै च़ेल्‍लू-पखीरू भाल़ा! तिंयां नां बऊंदै, नां लऊंदै आथी, अर नां तिंयां भढारा भरना लै कठा करदै। तैबी दैआ थारअ स्वर्गै रहणैं आल़अ बाब परमेशर तिन्‍नां लै खाणअ-पिणअ। तम्हैं कै तिन्‍नां का खास्सै किम्मती निं आथी? 27 तम्हां मांझ़ै इहअ कुंण आसा कि फिकर करी आपणीं अमर धख ज़ेही बी सका लाम्मी करी?

36 "ज़ै कुंण मणछ सारै संसारा आपणैं बशै करी सेठ बणें पर आपणैं प्राण बरैबाद पाए, तेऊ किज़ै फाईदअ हणअ?

34 ईशू शादै तिंयां लोग अर आपणैं च़ेल्‍लै, सोभै ज़ण्हैं आप्पू सेटा लै। तेऊ बोलअ तिन्‍नां लै, "ज़ुंण बी मेरअ च़ेल्‍लअ बणनअ च़ाहे, सह निं तिन्‍नां गल्‍ला करी सकदअ ज़ुंण तेऊओ दिल च़ाहा। तेऊ लागणै अपराधी ज़िहै ज़ुल्म ज़िरी मेरी तैणीं मरना लै बी तैर रहणअ।

35 "किल्हैकि ज़ुंण बी ऐहा पृथूई दी आपणीं ज़िन्दगी बच़ाऊंणी च़ाहे, सह पाआ परमेशरा संघै सदा रहणैं आल़ी ज़िन्दगी ज़ांऐं, पर ज़ुंण मेरै खुशीए समादा अर मुंह दी विश्वास करनै पिछ़ू आपणैं प्राण दैए, तेऊ भेटणीं परमेशरा संघै सदा लै ज़िन्दगी।

36 "ज़ै कुंण मणछ सारै संसारा आपणैं बशै करी सेठ बणें पर आपणैं प्राण बरैबाद पाए, तेऊ किज़ै फाईदअ हणअ? 37 ऐहा गल्‍ले बारै सोठा कि मणछा लै आपणीं ज़ानीं का ज़ादै किम्मती किज़ै आसा?

38 "ज़ै तम्हैं मुंह आपणअ प्रभू मनणै अर मेरी शिक्षा मनणै का इहअ ऐहा डरै हुधिए कि एऊ ज़मानें पापी अर कंज़रै लोगा करनअ थारअ सुहांग, तै हुधणअ तेभै मुंह मणछे पूता बी कि तम्हैं निं मेरै च़ेल्‍लै आथी ज़ेभै हुंह आपणैं पबित्र स्वर्ग दूता संघै पृथूई दी फिरी एछणअ। तेभै भाल़णअ सोभी मेरअ प्रतप्प ज़िहअ मेरै बाबो आसा।"

15 ईशू बोलअ तेखअ तिन्‍नां लै, "चतैन रहा, अर सोभी रंगे मांण करनै का रहा आप्पू बच़दै। किल्हैकि कोहिए ज़िन्दगी निं तेऊए खास्सी ज़ैदात करै बच़दी।"

3 सदा रहणैं आल़ी ज़िन्दगी अह कि तिंयां ताह शुचै परमेशरा अर मसीहा ईशू ज़ुंण तंऐं छ़ाडअ द आसा तेऊ बछ़ैणीं सके।

23 किल्हैकि पाप करनैओ नतिज़अ आसा मौत, पर ज़ुंण दान हाम्हां लै परमेशर दैआ सह आसा सदा रहणैं आल़ी ज़िन्दगी ज़ुंण म्हारै प्रभू मसीहा ईशू करै भेटा।

2 एऊ संसारे मणछा ज़िहै निं हआ, थारै मन्‍नां बदल़णैं संघै लोल़ी थारअ च़ाल-च़लण इहअ ठीक हुअ ज़िहअ परमेशर च़ाहा। ताकि तम्हैं इहै काम करे ज़ुंण ज़ेता करै परमेशर खुश हअ अर ज़ुंण काम भलै अर सिध्द आसा।

7 किल्हैकि हाम्हैं निं तेऊओ रूप भाल़ी ज़िन्दगी ज़िऊंदै पर हाम्हैं ज़िऊआ परमेशरा दी विश्वास करी।

14 सोभी संघै डाहणअ मेल़-ज़ोल़, पबित्र ज़िन्दगी ज़िऊंणें कोशिश करनी, ज़ुंण पबित्र होए सह सका परमेशरा भाल़ी।✝

11 ज़िहअ हाम्हैं तम्हां लै हुकम आसा दैनअ द, तिहै ई रहा च़ुप्प-च़ुप्पै आपणैं काम-काज़ करदै अर आपणैं-आपणैं हाथै रहा खटदै लागी। 12 बागै होरी लोगा मांझ़ै बी लोल़ी थारअ शोभलअ बर्ताअ हुअ ताकि तिंयां बी थारअ अदर करे अर तम्हां निं किछ़ू गल्‍ले काम्मी लोल़ी रही कि तम्हैं होरीए भरोस्सै रहे।

23 ज़ुंण किछ़ बी तम्हैं करा, तेता करा तन मना संघै, इहअ समझ़ी कि अह निं मणछा लै लाई करी पर एता आसा हाम्हैं परमेशरा लै लागै दै करदै। 24 किल्हैकि तम्हां का आसा थोघ कि तम्हां भेटणअ एते बदल़ै प्रभू का खास फल, तम्हैं करा प्रभू मसीहे च़ाकरी।

12 परमेशर दैआ तेऊ मणछा लै बर्गत ज़ुंण खरी दी पाक्‍कअ रहा, किल्हैकि तेऊ भेटणअ पाक्‍कै रही सदा रहणैं आल़ी ज़िन्दगीओ सह मुगट, ज़ेते करार परमेशरै तिन्‍नां लै आसा किई दी ज़ुंण तेऊ संघै झ़ूरी डाहा।

13 तम्हां मांझ़ै ज्ञैनी अर समझ़कार कुंण आसा? ज़ुंण इहअ होए सह करै आपणैं भलै कामां बाझ़ी घमंड किऐ अक्ल करै।

10 किल्हैकि पबित्र शास्त्रा दी आसा इहअ लिखअ द,✝

"तम्हां मांझ़ै ज़ुंण बी मणछ आपणीं ज़िन्दगी राज्ज़ी-मौज़ी च़ाहा कि

थारी अमर लाम्मी होए, अर तेथ थारअ भलअ होए?

तै निं आपणीं ज़िभा का कधि बूरअ बोली,

नां आपणैं होठा का झ़ुठअ बोली।

11 सह हटै बूरै करनै का पिछ़ू, सह करै भलअ ई,

सह दैऐ दिला का मेल़-ज़ोल़ करनै बाखा ज़ोर।

6 सोभै ज़िऊंदै ज़ीब करा तेऊए ज़ै-ज़ैकार!

बिधाते करा सोभै ज़ै-ज़ैकार!

1 एऊ संसारै आसा हर गल्‍लो बगत अर आपणीं ऋत।

16 हुंह करा तम्हां लै हुकम कि तम्हैं झ़ूरै सदा बिधाता लै अर तेऊ लै रहै सदा शुचै-पाक्‍कै, तम्हैं ज़िऊऐ तेही ज़िन्दगी ज़िहअ सह बोला अर तेऊए बधान अर बिधी मनणैओ डाहै हर बगत खैल।

12 "आपणैं ईजा-बाबो करै अदर, तेता करै हणीं थारी तैहा ज़ैगा खास्सी अमर ज़ुंण ज़ैगा मुंह बिधाता तम्हां लै दैणीं।✝

10 हाम्हैं डाहा सत्तर साला ज़िऊंणें आशा,

ज़ै हाम्हां ज़ोर-ज़ाहण रहै दै होए, तै सका हाम्हैं अश्शी साला बी ज़िऊई।

पर तेथ बी पल़ा हाम्हां लै दुख अर आफ़ता ई,

म्हारी ज़िन्दगी जाआ झ़टपटै मुक्‍की संघा लागा अह संसार छ़ाडणअ।

4 "हे बिधाता, ज़ीबाण, तूह डाह मुखा खोज़ी कि हुंह कधू तैणीं ज़िऊंणअ?

ऐबै मेरी आजू केतरी अमर रही?

मेरी मौत केभै हणीं?"

5 तंऐं भाल़ मुल्है केही धख ज़ेही अमर आसा दैनी दी!

ज़ुंण ज़िन्दगी हुंह ज़िऊआ, सह आसा ताल्है धख ज़ेही।

मणछे ज़िन्दगी आसा बागरीए एकी झ़लारै ज़ेही अर

6 उडदी छ़ैल्‍ली ज़ेही।

हाम्हैं हआ बृथा मैन्थ करदै लागै दै,

हाम्हैं डाहा ज़ैदात कठा करी,

पर इहअ थोघ निं हंदअ कि आजू अह कहा भेटणीं!

12 तम्हां मांझ़ै ज़ुंण बी मणछ आपणीं ज़िन्दगी राज्ज़ी-मौज़ी च़ाहा कि

थारी अमर लाम्मी होए, अर तेथ थारअ भलअ होए?

13 तै निं आपणीं ज़िभा का कधि बूरअ बोली,

नां आपणैं होठा का झ़ुठअ बोली।

14 बूरै करनै का हटै पिछ़ू, तम्हैं करै भलअ ई,

तम्हैं दैणअ दिला का मेल़-ज़ोल़ करनै बाखा ज़ोर।

31 धर्मीं मणछो पुआज़अ आसा लाम्मी अमर,

अर पल़ू हआ शोभा दैणैं आल़अ मुगट।

19 ज़िहअ मणछा पाणीं दी आपणअ ई मुंह शुझिआ,

तिहअ ई लागा थारै मन्‍नें सोठा करै थोघ कि तम्हैं किहै आसा।