O sentido da vida: o que a Bíblia ensina sobre existir

6 Yisu afutili nde: «Me ni nzila, imbuli na moonyi. Muutu tso mumosi a huya huli Taata hwavele uvyohele mu me ve.(Yowani 14:6)

10 Mwibi ubaaya ndulu mu uyiba, mu uduba na mu utsala. Ka me anza, mana mameme mabaha moonyi, moonyi wu afulala.(Yowani 10:10)

25 Yisu aleeli nde: «Me, me ni tsuuhili na moonyi. Pasi muutu wu usiila me imiinu, sa aba moonyi, tso nde kwidi. 26 Na pasi muutu wu li moonyi, na wu usiila me imiinu, a hukwa ve. We li mu usiila mambu mo maniima imiinu?»(Yowani 11:25,26)

35 Yisu ni uleele: «Me, me ndi lipa la moonyi. Pasi muutu wu uya huli me, a hukaakwa nzala ve. Na wu usiila me imiinu, a hukaamono peyu ve.(Yowani 6:35)

38 Pasi muutu wu li mu usiila me imiinu, "banzali baa mamba ma moonyi sa bapala mu mutima a nde✝", we bu Libuku la Ngidi lili mu uleele.»(Yowani 7:38)

3 Ka moonyi wu bilima na bilima ni uyaaba we Nzambi, wu li Nzambi ndulu mosi wa mbuli, na uyaaba wu we atsindihi, Yisu Kristo.(Yowani 17:3)

23 Ka pfuta a masumu ni lipfu, ka ikuuku hi Nzambi ubava mu bungodu, ni moonyi wu bilima na bilima itwadi na Yisu Kristo, Pfumu a bisu.(Looma 6:23)

20 Ni mu buuna, a me ndi moonyi ve, ka ni Kristo li moonyi mu me. Idiingu hya me ŋa toto, ni mu imiinu mu Mwana a Nzambi me ndi mu ukuhasa hyo. Nde wu atondi me, ayehuli moonyi a nde mu tooni a me.(Ngalatiya 2:20)

15 Ni mu buuna, baakelaani na bukuhu mu ndyatili a benu: a we baatu banga maladi ve, ka we baatu banga tsiki. 16 Salilaani tangu bu hwafwana, mu tooni ati, bilumbu mo biniibi bili bi bibi.(Efeso 5:15,16)

25 Yisu abweleele: «Ni mu buuna, me ndi mu undeele benu: A liba na minyongo mu tooni a byudya na byunywa bi benu lili na byo nzala mu idiingu hya benu ve. A liba na minyongo mu tooni bikutu bi benu lili na byo nzala mu nyutu a benu ve. Idiingu hyalutahala byudya talu, na nyutu bele a bikutu ve. 26 Monwaani banyunyi baa hu yulu, bo a bubaakuna ve, a bubaakuukaha ve, a bubaaswehe pasi isiha mutso binzunihi ve. Na Taata a benu wu li hu yulu ubaabuungala bo. Ka benu laalutahala bo. 27 Na ŋa hati la benu, mu minyongo mya nde, utwala ubwese bilumbu tso hoole mu idiingu hya nde?(Mataayi 6:25-27)

15 Titswene Yisu aleeli huli baatu boosi: «Kebaani! Baabataani manzala moosi ma busina; tsoongo a idiingu hya muutu a hyakangama mu bisiha bya nde ve.»(Luuka 12:15)

36 Ki kaluha muutu hubaha tso nde bahi toto yoosi, na uvinda muvumu a nde?(Malako 8:36)

34 Yisu ateeli koonge a baatu na bayihi ba nde na aleeli bo: «Tso muutu tondi uduukala me, anyaha utsima mambu ma nde mwakulu, nde abita kuruwa a nde pasi ilumbu, na aduukala me✝. 35 Buuna, muutu wu toondi ufuuhasa idiingu hya nde, unyambasana hyo; ka wu unyambasana idiingu hya nde mu tooni a me, na mu tooni a Musamu wu Mubwe, ufuuhasa hyo. 36 Ki kaluha muutu hubaha tso nde bahi toto yoosi, na uvinda muvumu a nde? 37 Hima muutu huutwala uva ŋa ikiisa hi idiingu hya nde? 38 Ni mu buuna, woosi wu umono tsonyi mu me na mu mambu ma me ŋa busu bwa tuungi bibaayaka mayamba na la tsumihili mo liniili, Mwana a Muutu kaka umono tsonyi mu nde, ŋa nde huuya hutso muyusu a Taata a nde na bapofi bangidi.»(Malako 8:34-38)

2 A liduukala bipfu bya baatu ba tsi mo yiniiyi ve. Ka nyahaani Nzambi akitusa benu na uva benu buyedi bu bunyatihi. Na benu sa litsikaha litondo la Nzambi: ma mabwe ma nde hatondo, na ma masupahana.(Looma 12:2)

7 Mu mbuli, bisu lili mu udyata mu imiinu, ka a mu umono hwa miisu ve.(2 Koliito 5:7)

10 Mabasonehe ni maniima:

«Muutu wu utondi uba na idiingu hi ibwe,

na umono bilumbu bya kinya,

nde afwana ubaavelekusa na ubaavelepfuta.

11 Nde afwana ubaatahuha na bubi,

nde afwana ubaavanga ma mabwe,

na nde afwana ubaasaha hyenze taangu yoosi.(1 Peetelo 3:10,11)

14 Hwadaani mu uba mu hyenze na baatu boosi, napa mu bungidi; tso a mu bwo ve, muutu utwala umono Pfumu ve.(Bahebeleho 12:14)

11 Hwadaani mu ubaaba mu hyenze. Nyaha pasi muutu abaaduukala ndulu misamu mi mili mu utala nde. Hwafwana huli pasi muutu mu ubaha kaluha mu isalu hya myoho mya nde mwakulu, we bu bisu laatswamini utuma benu. 12 Buuna, ba baavele baa Kristo buuyusa mbiili a benu, na benu a libaakwamisa bana mu pasi dyaambu li limiitala benu.(1 Tesalonika 4:11,12)

23 Pasi isalu hi benu lili mu usa, baasaani hyo mu mutima a benu woosi, mu tooni a Pfumu, ka a mu tooni a baatu ve. 24 Yibuhalaani moonyi ti, Pfumu uva benu pfuta, ni mukobe wu nde haaswehele buli la nde. Mu tooni ati, Pfumu wa mbuli wu benu lili mu usalila ni Kristo.(Kolosaayi 3:23,24)

12 Kinya huli muutu wu ubaakunda lobese. Humbisa ubingala lo, nde ubaha mutata a moonyi, wu Nzambi hasiidi nzuhisini huli ba baatondo nde.(Yaki 1:12)

13 Tso ŋa hati la benu na muutu nga dyeele na buyedi, nde amweese bwo mu ndyatili a nde yimbwe. Nde amweese bwo kaka, mu mavaanga ma kulimini na mu bulembo bwa nde.(Yaki 3:13)