4 કેમ કે તમને બચાવવા અને તમારા પક્ષે રહીને તમારા દુશ્મનો સામે જે લડવા જાય છે તે તો યહોવાહ તમારા ઈશ્વર છે.

8 યહોવાહે યહોશુઆને કહ્યું, "તેઓથી બીશ નહિ. મેં તેઓને તારા હાથમાં સોંપ્યા છે; તેઓમાંનો એક પણ તમારા આક્રમણ સામે ટકી શકનાર નથી."

31 યુદ્ધના દિવસ માટે ઘોડો તૈયાર કરવામાં આવે છે,

પણ વિજય તો યહોવાહ દ્વારા જ મળે છે.

3 તેઓએ પોતાની તલવાર વડે દેશને કબજે કર્યો નહોતો,

વળી તેઓએ પોતાના ભુજ વડે પોતાનો બચાવ કર્યો નહોતો;

પણ તમારા જમણા હાથે, તમારા ભુજે અને તમારા મુખના પ્રકાશે તેમને બચાવ્યા હતા,

કેમ કે તમે તેઓ પર પ્રસન્ન હતા.

4 તમે મારા ઈશ્વર તથા રાજા છો;

તમે યાકૂબને વિજય ફરમાવો.

4 કેમ કે જે ઈશ્વરથી જન્મેલું છે તે જગતને જીતે છે અને જે વિજય જગતને જીત્યું છે તે આપણો વિશ્વાસ છે.

37 તોપણ જેમણે આપણને પ્રેમ કર્યો, તેના દ્વારા આપણે એ બધાં સંબંધી વિશેષ જય પામીએ છીએ. 38 કેમ કે મને ખાતરી છે, કે ઈશ્વરનો જે પ્રેમ આપણા પ્રભુ ઈસુ ખ્રિસ્તમાં છે, તેનાથી આપણને મરણ, જીવન, સ્વર્ગદૂતો, અધિકારીઓ, વર્તમાનનું, ભવિષ્યનું, પરાક્રમીઓ, 39 ઊંચાણ, ઊંડાણ, કે કોઈ પણ બીજી સૃજેલી વસ્તુ અલગ કરી શકશે નહિ.

31 ત્યારે એ વાતો વિષે આપણે શું કહીએ? જો ઈશ્વર આપણા પક્ષના તો આપણી વિરુદ્ધ કોણ?

55 અરે મરણ, તારું પરાક્રમ ક્યાં? અરે મરણ, તારો ડંખ ક્યાં?’"

56 મરણનો ડંખ તો પાપ છે; અને પાપનું સામર્થ્ય નિયમશાસ્ત્ર છે; 57 પણ ઈશ્વર જે આપણા પ્રભુ ઈસુ ખ્રિસ્ત દ્વારા આપણને વિજય આપે છે, તેમની આભારસ્તુતિ થાઓ.

13 એ માટે તમે ઈશ્વરનાં સર્વ શસ્ત્રો ધારણ કરો કે, તમે ખરાબ દિવસે સામનો કરી શકો અને બને તેટલું સર્વ કરીને તેની સામે ટકી શકો.

16 કારણ કે નીતિમાન માણસ સાત વાર પડશે

તોપણ તે પાછો ઊભો થશે,

પણ દુષ્ટો વિપત્તિથી પાયમાલ થઈ જશે.

13 અમે ઈશ્વરની સહાયથી પરાક્રમો કરીશું;

તે જ અમારા શત્રુઓને કચડી નાખશે.

7 તારી બાજુએ હજાર

અને તારે જમણે હાથે દશ હજાર માણસો પડશે,

પણ તે તારી પાસે આવશે નહિ.

13 જે મને સામર્થ્ય આપે છે તેમની સહાયથી હું બધું કરી શકું છું.