2 मार बासन घर मा घोणा रवनेन जागु छे, यदि जागु नी रोवतु ते हाव तुमूक कय देतु; काहकि हाव तुमरे करता जागु तयार करने जतु छे। 3 आरू यदि हाव जाईन तुमरे करता जागु तयार करो, ते पछु आवीन तुमूक आपने चाँ जाईस कि जा हाव रवु चाँ तुमू भी रवु।

9 ✝ईशु यी वात कयीन त्यो देखता–देखता ऊपर उठायली ली गयो, आरू वादळो उको तिनरा डुळान सामने ढाक लेदो।

10 आरू ओको जाता टेमे जव त्या आकाश न तरफ देख रीया हुता, तव देखो दूय मानुस धोवळिया छिंदरा पेहरला नेवताळा न पास मा उचकालुन आवीन ऊबा हुया। 11 आरू कयनो लाग्या, "ए गलीली मनुसो, तुमू काँ ऊबा होईन सोरग तरफ देख रीया? यो ईशु, जो तुमरे साते सी जिनी रीति सी तुमु उको सोरग मा जातला देख्या तिनी रीति सी त्यो ओळी पोछो आवसे।"

20 जो इनी वातन गवाय देय, चो यो कये, "हाव, हाव छाटलो आवने वाळो छे। आमेन। ए पोरबु आव!"

12 देख, हाव छाटोत् आवने वाळो छे; आरू हर एक क ओको कामन अनसारे बदलो देने जुगु तेरो फोव मार पास छे।

36 पुन "उना दिन आरू उना समय मा कोय नी जाने, नी सोरगदूत, आरू नी पोर्‍यो, बाकुन बास जाने।" 37 जसो नूहा दाहड़ा मा हुतो, वसोत मानुस क पोर्‍या क आवनो भी हुयसे। 38 काहकि जसो पानीन प्रलय आवने क दाहड़ा सी पेहला दाहड़ा मा, जिने दाहड़े तक कि नूहन ढोंड्या पर नी चढ़ियो, उना दाहड़े तक लोगहन खाता–पीता हुता, आरू इहाव वियाव हुयती हुती। 39 आरू जव तक जल प्रलय आवीन ओको सब क उहवाड़ी नी ली गयो, तव तक उन लोगहन क काय भी नी मालोम पड़ियो; वसोत मानुस क पोर्‍या क भी आवनो हुयसे।

32 ✝"उना दाहाड़ा यो घड़ी क विषय मा काही नी जानता, नी सोरगदूत आरू नी पोर्‍यो: पुन केवल बास।

1 पर हे भाईस, आरू बहनीस इनाक योजना नी की टेहावो आरू काळो विषयमा तुमरे साथे काही लिख्यो जाछे। 2 ✝काहकि तुमू आप ठीक जानता होय कि जोसो रात क त्योंटा आवता छे, ओसो ही पोरबु क दहाडू आवनेवाळो छे। 3 जव मानसे कयता होयछे, "कुशल छे, आरू काही भय नी, तो उन पर एक एक विनाश आवसे, पड़से जिना प्रकार भारीस पर पीड़ा, आरू वो काही रीति छे नी वाचछे।"

42 अतरानकरीन जागता रवु, काहकि तुमु नी जागता कि तुमरो पोरबु काहले दिन आवी जासे। 43 बाकुन यो जान लेय कि कदाम घरन मालिक जानतो हय कि चोर काहला टेमे आवसे, तो जागतो रहवसे; आरू आपसे घर मा चोरी नी हुयने देय। 44 अतरानकरीन तुमू भी तियार रहवो, काहकि जिना टेमे ओको आवनेन बाराम तुमू चोकळिया नी हय, उना टेमे मा मानुस क पोर्‍यो भी आय जासे।

1 ✝हे भाईस, आरू बहनीस हिमी हामु आपसा पोरबु ईशु मसीह क आवने, आरू ओका साथे आपने एखठा हुयने क विषय मा तुमू छे रावन्या करता छे। 2 कि काही आत्मा, या पत्री क द्वारा, जो कि मानु हामरी तरफ छे होय, यो समझीन कि पोरबु क दहाडू आय गयु छे, तुमर मन उचकाळुन कमजोर नी होय जाय आरू नी तुमू घबरायो। 3 काही रीति छे काही क धोखा मा नी आवने, काहकि पोरबु क दहाडू नी आवसे जव तक हड़ताळ चालसे, आरू दुष्ट मानुस प्रगट होयछे आरू ओको नरक नाखछे। 4 जो विरोध करता छे, आरू हर छे एक जो भगवान या पूज्य कवाये छे। आपने आप क मोटा ठेराया छे, याहा तक कि वो यहोवा–भगवान क मंदिर मा बठीन तुमरा आप क भगवान ठेराया छे।

16 काहकि पोरबु आप ही सोरग छे उतरसे; उना टेहाव ललकार, आरू प्रधान क ओवाज सोमवाय देसे, आरू यहोवा–भगवान कि भेहरी वाजाड़ी जाछे; आरू जो मसीह मा मरला छे, वो पेहल जीवन उठसे। 17 तव हामु जो जीवता आरू वाचा रोवछे ओको साथे वादवा पर उठाय लेदा जाछे कि हवा मा पोरबु छे मिव्यो; आरू इनी रीति छे हामु सदा पोरबु क साथे रोवछे।

24 ✝"उन दाहड़ा मा, उना पीड़ा क बाद दाहाडु आंधारो होय जाछे, आरू चाँद विजाव नी हुयो 25 ✝आरू आकाश छे तारागण पड़ने लागछे; आरू आकाश कि शक्ति हाल जाछे। 26 ✝तव मानसे मानुस क पोर्‍या मतलब मखे मोटी शक्ति आरू महिमा क साथ बादल मा आवता देखछे। 27 उना टेहाव वो आपने सोरगदूत क मुकलकर, धरती क इनीये छोर छे आकाश क उना छोर तक, चार दिशा छे आपने त्योन्य हुय मानसे क एखठा करसे।

31 ✝जव मनुसोन पोर्‍या आपसी महिमा मा आवसे, ओवी आखा सोरगदूत हेरे पुठी आवसे ती त्यो हेरी महिमा न पर बोस जासे 32 आरू सब राज्य क सामने एखठा हुयसे; आरू जसा गुवाळियो गाड़ गाडरा आरू बुकड़ा सी अलग कर देय, वसोत त्यो उन क दिसरा सी अलग कर देसे। 33 आरू त्यो गाडरा न क आपसा जेवड़ा तरफ आरू बुकड़ान क डासचिया तरफ उबा करसे।

11 ओळी हाव सोरगदूत क खुलायलो देख्यों, आरू देखूँ कि एक धवळियो घुल्लो छे; आरू उका पर एक सवार छे, जो विश्वासयोग्य, आरू सच्चों कवायतो छे; आरू वाँ न्यायपन क सात नियाय आरू लड़ाई करता छे। 12 ओका डुळा आगठा न धपणी छे, आरू उका मुनका पर घण सोवटा राजमुकुट छे। आरू ओका नाव उका पर लिख्यो हुओ छे, जिनाक ओको छुड़ीन आरू कोय नीहि जानतो। 13 वो लुहूय यो मा डुबायलो छिंदरा क पेहरलो छे, आरू उका नाव "यहोवा–भगवान क नाव छे।" 14 आरू सोरगदूत की छेना धवळिया घुल्ला पर सवार आरू चुखलो मलमल पेहरिन उका पछळ–पछळ छे। 15 "जाती–जाती क मारने क करता ओको मुय छे एक चार कुनाय तलवार निकळती छे, आरू चो लुहड़ा क राजदण्ड करता तिनु पर राज करसे, आरू तो सर्वशक्तिमान क भयानक रीश जलजलाहट की मंदिर क कुण्डा मा अंगुर रोंदेवछे। आरू ओको आरू जाँघ पर यो नाव लिखा छे; राजा न राजा आरू पोरबु न पोरबु।" 16 ओका छिंदरा आरू जाँघ पर यो नाव लिखलो छे; "राजान राजु आरू पोरबु न पोरबु।"

26 जो काही मखे छे आरू मारी वात छे लाजवायछे, मानुस क पोर्‍य भी, जव आपसी आरू आपसा बास की आरू चुखलो सोरगदूतो क महिमा साथे आवसे, तो ओका सी लाजवायछे।

8 हे मोंगावु, यी वात तुमू छे डुकाय नी रया कि पोरबु क याहा एक दाहड़े हजार साल क बराबर छे, आरू हजार साल एक दाहड़े क बराबर छे। 9 पोरबु आपसी प्रतिज्ञा क विषय मा वार नी करता, जोसी वार काही मानसे समझता छे; पर तुमरा विषय मा धीरज धरती छे, आरू नी जुवता कि काही नष्ट होय, वरना यो कि सब क मन फिराव क मेखे मिवे।

10 ✝पुन पोरबु क दाहडु त्योटा क समान आय जाछे, उना दाहड़े आकाश मोटी हड़हड़ाहट क ओवाज छे जातो रोवछे आरू तत्व घोणा ही तप्त हईन पीगवी जाछे आरू धरती आरू ओको पर क काम धप जाछे।

11 जबकि यो सब समान इनीये रीति छे पीगवनेवावी छे, तो तुमू चुखलो चाल चालीन आरू भक्ति मा कोसो मानुस होयनो जूवे। 12 आरू यहोवा–भगवान क उना दाहड़े की वाट काही रीति छे जोहना जूवे आरू ओका जल्द आवने क करता कोसो यत्न करनो जूवे ओका कारण आकाश आगठा छे पीगवी जाछे, आरू आकाश क गुण घोणा ही तप्त हईन गव जाछे। 13 ✝पर ओकी प्रतिज्ञा क लारे हामु एक नवो आकाश आरू नोवली धरती की आस देखता छे जिनमा न्यायपन वास करसे।

27 आरू जोसो मानुस क करता एक बार मरना आरू अतरान करीन बाद न्याय क हुयने नियुक्त छे। 28 तसात् ईशु मसीह भी घण सवटा क पाप क उका पर लेने करीन एक बार बलिदान हयो; आरू जो लोगहन ओकी वाट देखे त्यान क छुटकारा क करता दीसरी बार बिना पाप आपसा पर लेदो हयो देखाय पड़से।