2 Ano ćher mingre Dadeso isi but thana. Te ma avol gija, ne bi vaćarava tumenđe: ‘Džav te pripremiv tumenđe than.’ 3 Kana ka džav thaj pripremiv tumenđe than, palem ka avav thaj ka lav tumen mande te bi tumen avena kaj sem me.

9 Kana kava vaćarda, sasa vazdimo ko nebo angle lenđe jakha thaj o oblako učharda le thaj vadži ni dikhlje le. 10 Kana vadži lenđe jakha sesa premalo nebo, dži kaj o Isus džala, tare jekh drom ačhile angle lende duj džene ane parne šeja, 11 save vaćarde: "Manušalen tari Galileja, sose ačhen thaj dićhen ano nebo? Kava Isus savo sasa vazdimo tumendar ko nebo, ka avol gija sar so dikhljen kaj džal ko nebo!"

20 Kova savo baše sa kava svedočil, phenol: "Va, avav sigate!"

Amin! Av, Gospode Isuse!

12 (O Isus phenol:) "Akh, ka avav sigate thaj mi nagrada ka avol mancar, te dav svakonese pale lese buća.

36 "Al khoni gova đive thaj gova sato ni džanol kana gova ka avol. Ni džanen ni e anđelura taro nebo, pa ni me, o Čhavo. Džanol samo o Dad. 37 Golese sar so sasa ano vreme e Nojaso, gija ka avol kana me, o Čhavo e manušeso, ka avav. 38 Golese, sar so ane gola đivesa anglo potop e manuša xalje thaj pilje, lije pe thaj dije pe dži kova đive kana o Noja đelo ano brodo 39 thaj ni džanglje khanči so ka avol dži kaj ni avilo o potop thaj inđarda sa, gija ka avol i kana me, o Čhavo e manušeso, ka avav.

32 "Al khoni tare gova đive thaj gova sato ni džanol kana gova ka avol, ni e anđelura taro nebo, pa ni me, o Čhavo. Džanol samo o Dad.

1 Phralalen thaj phejalen, ni trubul te pisiv tumenđe, kana thaj sar sa kava ka avol, 2 golese so tumen korkore šukar džanen kaj o Đive e Gospodeso ka avol sar čor ani rat. 3 Dži kaj e manuša vadži ka vaćaren: "Mirno si thaj sigurno", tegani tari jekh drom ka napadil pe lende o uništipe sar i dukh e khamne romnja thaj von ni ka šaj te našen.

42 Aven džungade, golese so ni džanen ane savo đive ka avol tumaro Gospod. 43 Al kava te džanen: Kana bi džanola o ćherutno ane savo sato ka avol o čor, vov bi avola džungado te ne bi dola te avol andre ano ćher. 44 Gija i tumen aven pripravna, golese so me, o Čhavo e manušeso, ka avav kana ni ađućaren man."

1 Akana mangav te pisiv tumenđe bašo vreme kana ka avol amaro Gospod o Isus Hrist thaj kana ka ava ćidime trujal leste. Phralalen thaj phejalen, moli tumen, 2 ma den loćheste te zavedin tumen thaj te uznemirin tumen, te šunden kaj e Gospodeso đive već avilo. Golese so nesave šaj tvrdin kaj isi len proročko duxo il ka vaćaren kaj amen pisisadam, prorokujisadam il vaćardam gova. 3 Ma den khoni te xoxavol tumen ke bilo savo način. Golese so e Gospodeso đive ni ka avol dok angleder ni avol i pobuna protiv o Dol thaj dok ni dićhol pe o Manuš taro bezakonje, kova savo ka avol uništimo. 4 Vov ka suprostavil pe thaj ka vazdolpe pe sa so akhardol "dol" thaj pe sa so poštujin e manuša. Čak ka avol ane Devleso hram, ka bešol ko presto thaj ka proglasil pes sar Dol.

16 Golese so, kana ka šundol o vaćaripe e arhanđeloso thaj o bašalipe e Devlese trubengo, tegani korkoro o Gospod ka uljol taro nebo thaj angleder ka ušten kola save mule e pačajimasa ano Isus. 17 Pale gova amen, save ka ačha džuvde, ka ava vazdime katane lencar upre ane oblakura, te resa amen e Gospodesa. Gija ka ava zauvek e Gospodesa.

24 "Al ane gola đivesa, pale gova bilačhipe,

‘o kham ka kaljol

thaj o čhon ni ka sijajil.

25 E čerenja ka peren taro nebo

thaj e zora e nebose ka tresin pe.’

26 Tegani e manuša ka dićhen man, e Čhave e manušese, sar avav pe oblakura e zuralimasa thaj e bara slavasa. 27 Me ka bičhalav me anđeluren thaj von ka ćiden e birimen tare štar balvalja, taro krajo e phuvako dži o krajo e neboso."

31 "Kana ka avol o Čhavo e manušeso ani pi slava thaj lese anđelura, tegani ka bešol ke piro slavno presto. 32 Thaj ka ćiden pe angle leste sa e narodura, a vov ka crdol e manušen jekh averendar, sar o pastiri so crdol e bakren tare buznja. 33 Thaj ka čhuvol e bakren ki desno rig, a e buzen ki levo rig.

11 Tegani dikhljem o putardo nebo a odori parno gra. Kova savo pe leste bešol akhardol Verno thaj Čačukano. Vov sudil thaj marol pe pali pravda. 12 Lese jakha sesa sar plameno e jagako thaj pe leso šoro sesa but krune. Pe leste sasa pisimo alav, savo ni džanol khoni, sem leste. 13 Pe leste sasa fostano ćinđardo ratesa thaj vov akhardol Lafi e Devleso. 14 E nebose vojske đele pale leste ke parne grasta, urade ano thodo, sjajno thaj laneno fostano. 15 Tare leso muj iklilo oštro mačo, te mudarol e naroduren lesa. Vov ka vladil pe lende e sastrunale rovljasa thaj ka uštavol i drakh ani presa e moljasa tari zurali holi e Devlesi, e Vladaresi pe sa. 16 Pe leso fostano thaj pe leso upruno kotor taro pingro pisime si kava alav:

"CARO E CARURENGO

THAJ GOSPOD E GOSPODARENGO."

26 Golese, ko ladžal mandar thaj tare mingre lafura, lestar i me, o Čhavo e manušeso, ka ladžav kana ka avav ane mingri slava thaj ani slava mingre Dadesi thaj e svetone anđelurenđi.

8 Al jekh te ma zabistren, amalalen manglalen: e Gospodese si jekh đive sar milja (1 000) berša thaj milja (1 000) berša sar jekh đive. 9 O Gospod ni kasnil te pherol piro obećanje, sar so nesave den gođi kaj kasnil, nego vov si strpljivo tumencar golese so ni manđol nijekh te properol, nego manđol savore te pokajin pe.

10 Al e Gospodeso đive ka avol sar čor. Ane gova đive o nebo ka naćhol ani bari vika. E nebeska zora ka aven phabarde jagasa, a i phuv thaj sa pe late ka avol pusto.

11 A sar ka avol sa gija uništimo, den gođi save trubun te aven. Trubun te živin svetone džuvdimasa thaj trubun te aven predana e Devlese, 12 dži kaj željno ađućaren e Devleso đive thaj gija siđaren te bi avola – gova đive kana o nebo ka avol phabardo thaj e nebeska zora ka topin pe ani jag. 13 Al pale Devleso obećanje amen ađućara nevo nebo thaj nevi phuv, kaj si o pravednost.

27 Sa e manuša mora te meren jekh drom, a pale gova te ikljen ko sudo e Devleso. 28 Gija i o Hrist jekh drom sasa dindo sar žrtva, te lol e grehura bute manušenđe. A pale gova ka sikavol pe dujto drom, na te inđarol e grehura, nego te anol spasenje kolenđe save ađućaren le.