43,44 Nu gamêtaꞌ pinangibatan kamung pagkakasalaꞌ, putuhun mu! Mangêd punaꞌ gigihay gamêt mun magpahuk ha langitaꞌ mayin biyay ya alan anggan kisira ha luway gamêt mu nuwa maku kay naman ha impirnu, nu haantuy alan kamatiyanaꞌ apuy."
45,46 "Nu bitih muy namanaꞌ pinangibatan pagkakasalaꞌ, putuhun mu! Mangêd punaꞌ gihay bitih mun magpahuk ha langitaꞌ mayin biyay ya alan anggan kisira ha luway bitih mu nuwa itambuk kay naman ha impirnu."
47 "Nu hay mata muy pinangibatan pagkakasalaꞌ, dukutun mu! Mangêd punaꞌ gigihay mata mun magpahuk ha langitaꞌ mayin biyay ya alan anggan kisira ha luway mata mu nuwa itambuk kay naman ha impirnu.